គណៈកម្មាធិការដែលបង្កើតឡើងដោយសមាគមកីឡាបាល់ទាត់ថៃ ដើម្បីស៊ើបអង្កេតលើភាពចម្រូងចម្រាសនៅក្នុងការប្រកួតបាល់ទាត់វគ្គផ្ដាច់ព្រ័ត្រ ក្នុងព្រឹត្តិការណ៍ស៊ីហ្គេមលើកទី៣២ រវាងជម្រើសជាតិថៃ និងឥណ្ឌូណេស៊ី U22 បានចេញការដាក់ទណ្ឌកម្មយ៉ាងតឹងរ៉ឹងលើបុគ្គលិក ៣នាក់ និងកីឡាករបាល់ទាត់ ២នាក់ ចំពោះអាកប្បកិរិយារបស់ពួកគេនៅក្នុងការប្រកួតនោះ។ គណៈកម្មាធិការបានសម្រេចចិត្តព្យួរការងារបុគ្គលិកទាំង ៣ រយៈពេល ១ឆ្នាំ ដោយនិយាយថា អាកប្បកិរិយាបែបនេះមិនអាចទទួលយកបានពីសមាជិកក្រុមជាន់ខ្ពស់ឡើយ។ ចំណែកកីឡាករបាល់ទាត់ចំនួន ២នាក់ ផ្សេងទៀត ត្រូវបានព្យួរការងាររយៈពេល ៦ខែ ដោយបន្ថែមថា ការដាក់ទោសត្រូវបានកាត់បន្ថយដោយសារពួកគេនៅមានអាយុក្រោម ២២ឆ្នាំ នៅឡើយ រំលឹកផងដែរថា ការ​ប្រកួត​វគ្គ​ផ្តាច់ព្រ័ត្រ​រវាង​ជម្រើសជាតិ​ថៃ និង​ឥណ្ឌូណេស៊ី​ នៅ​ក្នុងទីក្រុង​ភ្នំពេញ​របស់ប្រទេសកម្ពុជា បាន​បញ្ចប់​ទៅដោយ​ការ​ប្រឈម​មុខ​គ្នារហូតដល់មានការប៉ះទង្គិចគ្នាយ៉ាងខ្លាំង រវាង​ភាគី​ទាំង​២ ​ហើយកាតក្រហមត្រូវបានដកចេញដល់ទៅ ៧

យោងតាមអាជ្ញាធរបានឱ្យដឹងថា មនុស្សរាប់លាននាក់នៅក្នុងប្រទេសម៉ិកស៊ិក ត្រូវបានព្រមានឱ្យរៀបចំខ្លួនសម្រាប់ការជម្លៀសដែលអាចកើតមាន បន្ទាប់ពីភ្នំភ្លើងដ៏គ្រោះថ្នាក់បំផុតរបស់ប្រទេសនេះបានបញ្ចេញសកម្មភាព ហើយបានក្អួតផេះសាយភាយទៅទីក្រុងក្បែរៗជាច្រើនចាប់តាំងពីសប្តាហ៍មុន។ មកទល់ពេលនេះ ភ្នំភ្លើង Popocatépetl បានធ្វើឱ្យមានការពន្យារពេលជើងហោះហើរក្នុងទីក្រុង ហើយសាលារៀននៅទីក្នុងក្រុងរាប់សិបក៏ត្រូវបានបិទទ្វារ។ ជម្រាបដែរថា មានប្រជាជនប្រហែល ២៥ លាននាក់ កំពុងរស់នៅក្នុងរង្វង់ ៦០ម៉ាយ (ប្រមាណ១០០គីឡូម៉ែត្រ) ពីភ្នំភ្លើងមួយនេះ។ ភ្នំភ្លើង Popocatépetl មានចម្ងាយប្រហែល ៤៥ ម៉ាយ ភាគអាគ្នេយ៍នៃទីក្រុងម៉ិកស៊ិក និងស្ថិតនៅចន្លោះរដ្ឋ Morelos, Puebla និងរដ្ឋម៉ិកស៊ិក។ កាលពីថ្ងៃអាទិត្យ ភ្នាក់ងារសម្របសម្រួលជនស៊ីវិលជាតិ (CNPC) បានបង្កើនកម្រិតការគំរាមកំហែងនៃភ្នំភ្លើងរបស់ខ្លួនដល់ «ដំណាក់កាលទី៣ ពណ៌លឿង»

យោងតាមការចុះផ្សាយរបស់សារព័ត៌មាន BBC បានរាយការណ៍ថា តារាកំប្លែងម៉ាឡេស៊ី Nigel Ng ឬស្គាល់ជាទូទៅថា Uncle Roger ត្រូវបានហាមឃាត់ពីបណ្ដាញសង្គមយក្សចិន Weibo ដោយសារគាត់បានបំពានច្បាប់ និងបទប្បញ្ញត្តិពាក់ព័ន្ធនឹងប្រទេសចិន។ នៅក្នុងវីដេអូ​ឃ្លីបមួយ តារាកំប្លែងដ៏ល្បីរូបនេះបាននិយាយទៅកាន់អ្នកទស្សនាម្នាក់ ដែលមកពីទីក្រុងក្វាងចូវ ប្រទេសចិន ហើយពេលនោះផងដែរ គាត់បាននិយាយថា៖«ប្រទេសល្អ ប្រទេសល្អ យើងត្រូវតែនិយាយបែបនេះ»។ បន្ទាប់មកទៀត គាត់ក៏បានលេងសើចពាក់ព័ន្ធនឹងការលបស្ដាប់ ឬយកការណ៍ តាមរយៈស្មាតហ្វូនរបស់ទីក្រុងប៉េកាំង ដោយគាត់បាននិយាយថា៖«ពួកគេ [ចិន] កំពុងស្តាប់។ ទូរស័ព្ទរបស់យើងទាំងអស់គ្នា ជាប់ក្នុងប្រព័ន្ធនោះ។ ចូរចម្រើនលោកប្រធានាធិបតី ស៊ី ចូរចម្រើនលោកប្រធានាធិបតី ស៊ី»។ វាមិនមែនជាលើកទី១ ដែលគាត់បានប៉ះពាល់ដល់ប្រទេសចិននោះទេ

ប្រទេសថៃនឹងត្រូវធ្វើជាម្ចាស់ផ្ទះនៃព្រឹត្តិការណ៍ស៊ីហ្គេមលើកទី៣៣ នៅឆ្នាំ២០២៥ ប៉ុន្តែខ្លួនបានបញ្ជាក់ថា នឹងរឹតបន្តឹងចំពោះអត្តពលិកដែលចូលសញ្ជាតិ។ កន្លងមកពួកគេបានចាប់អារម្មណ៍លើការប្រើប្រាស់កីឡាករបរទេសដែលចូលសញ្ជាតិ នៅក្នុងការប្រកួតកីឡារស៊ីហ្គេម ហើយពួកគេសង្ឃឹមថា នឹងអាចផ្លាស់ប្ដូរចលនានេះដើម្បីរារាំងមិនឱ្យភាគីណាមួយអាចមានប្រៀបជាងបាន។ យ៉ាងណាក៏ដោយ អនុប្រធានគណៈកម្មាធិការអូឡាំពិកថៃ លោក Chaiyaphak Siriwat បានសង្កត់ធ្ងន់ថា៖«ប្រទេសនីមួយៗមានគោលការណ៍ខុសៗគ្នា ចំពោះអត្តពលិកចូលសញ្ជាតិ។ យើងត្រូវគោរពចំពោះបញ្ហានេះ។ ព្រោះការ​ប្ដូរសញ្ជាតិ​ដើម្បី​ប្រកួត​កីឡា​ ក៏​មិន​មែន​ជា​រឿង​ថ្មី​ថ្មោងដែរ»។ លោក Chaiyaphak បានបន្ដថា ព្រឹត្តិការណ៍ស៊ីហ្គេម​លើក​ទី​៣៣ ​ដែលប្រទេស​ថៃ​ធ្វើ​ជា​ម្ចាស់​ផ្ទះ​ ​នឹង​កាត់បន្ថយកីឡាក្នុងស្រុកហើយពង្រឹងលើការប្រកួតប្រជែង កីឡាកម្រិតអន្តរជាតិ ឬអូឡាំពិក។ ពោលគឺកីឡាក្នុងស្រុកនឹងមិនឱ្យមានលើសពី ៤ ប្រភេទ ខណៈមេដាយមាស ក៏មិនអាចច្រើនជាង ៨ នោះដែរ។ លោកបាននិយាយថា បញ្ហាទាំងអស់នេះគួរត្រូវបានដោះស្រាយ

ថ្លែងនៅក្នុងថ្ងៃរំលឹកខួប ៩ឆ្នាំ នៃរដ្ឋប្រហារទម្លាក់រដ្ឋាភិបាលរបស់អតីតនាយករដ្ឋមន្ត្រីថៃ យីងឡាក់ ស៊ីណាវ៉ាត្រា កាលពីម្សិលមិញនេះ លោកស្រីបាននិយាយថា លោកស្រីសង្ឃឹមថាវាជារដ្ឋប្រហារចុងក្រោយសម្រាប់ថៃ។ គួររំលឹកដែរថា រដ្ឋាភិបាល​របស់លោកស្រីត្រូវ​បាន​​​ទម្លាក់ ដោយរដ្ឋប្រហារ​យោធា ​ក្រោមការដឹកនាំ​ពីសេនា​ប្រមុខ​កងទ័ពលោក ​ប្រាយុទ្ធ ចាន់អូចា កាលពី​ថ្ងៃ​ទី២២ ខែ​ឧសភា ឆ្នាំ២០១៤។ លោកស្រី​ យីងឡាក់ បាន​និយាយ​ថា​៖«អារម្មណ៍​ខ្ញុំនៅ​ថ្ងៃ​ខួប​រដ្ឋ​ប្រហារ​ឆ្នាំ២០១៤ លើកនេះ ​គឺ​វាខុស​ពី​លើក​មុន»។ លោកស្រី​បាន​និយាយ​ថា​៖«​ប្រទេស​ថៃ​បាន​និង​កំពុង​រស់នៅ​ក្រោម​ម្លប់​នៃ​របប​ផ្តាច់ការ​ និង​ការខកចិត្ត​របស់​ប្រជាជន ​ដែល​បាន​ជួប​បញ្ហា​ប្រឈម​ខាង​សង្គម ​និង​សេដ្ឋកិច្ច​»។ ជាមួយគ្នានេះ លោកស្រីក៏បានលើកឡើងពី​លទ្ធផលនៃការ​បោះឆ្នោត កាលពី​ថ្ងៃ​ទី១៤ ខែ​ឧសភា កន្លងទៅនេះ ដែលវាបានបញ្ជាក់យ៉ាងច្បាស់ថា ប្រជាពលរដ្ឋមិន​អាច​ទ្រាំជាមួយរបប​គ្មាន​ប្រជាធិបតេយ្យ​បាន​ឡើយ៕ អត្ថបទ៖ លីដា

រដ្ឋាភិបាលថៃគ្រោងនឹងស្នើចុះបញ្ជីក្រណាត់ថៃ ផាខាវម៉ា (ผ้าขาวม้า) ជាសម្បត្តិបេតិកភណ្ឌវប្បធម៌ជាមួយអង្គការយូណេស្កូ ដើម្បីផ្សព្វផ្សាយវប្បធម៌ថៃទូទាំងពិភពលោក។ អ្នកនាំពាក្យរដ្ឋាភិបាលថៃលោក Anucha Burapachaisri បាននិយាយថា នាយករដ្ឋមន្ត្រីផុតអាណត្តិ ប្រាយុទ្ធ ចាន់អូចា បានរំពឹងថា ផាខាវម៉ា នឹងក្លាយជា soft-power ដ៏ជោគជ័យមួយ ដើម្បីផ្សព្វផ្សាយប្រទេសថៃ បន្ទាប់ពីការសម្តែងទស្សនីយភាពចំនួន ២ ដោយអ្នករបាំថៃ ទទួលបានការចាប់អារម្មណ៍យ៉ាងខ្លាំងនៅក្នុងទិវារបាំពិភពលោកឆ្នាំ២០២៣ ​ក្នុង​ទីក្រុង​ហ្សាការតា កាលពី​ថ្ងៃ​ទី០​៦ ខែ​ឧសភា ដើមខែនេះ។ ការសម្តែងទី១ បង្ហាញពីរបៀបដែលអ្នកភូមិថៃស្លៀក ផាខាវម៉ា ក្នុងជីវិតប្រចាំថ្ងៃរបស់ពួកគេ។ ការសម្ដែងទី​២ បង្ហាញពី​អ្នករបាំបានស្លៀក​សម្លៀក​បំពាក់​ប្រពៃណី ​មក​ពី​គ្រប់​តំបន់​នៃ​ប្រទេស​ថៃ។ លោក Anucha

សមាគមបាល់ទាត់អាហ្សង់ទីន បានបញ្ជាក់ថា ម្ចាស់ជើងឯក World Cup 2022 នឹងប្រកួតមិត្តភាពជាមួយនឹងជម្រើសជាតិឥណ្ឌូណេស៊ី នៅថ្ងៃទី១៩ ខែមិថុនា ខាងមុខនេះ នៅឯទីក្រុងហ្សាកាតា។ រំលឹកផងដែរថា មុននេះ ជម្រើសជាតិឥណ្ឌូណេស៊ី U22 ក៏ទើបតែបានក្លាយជាម្ចាស់មេដាយមាសព្រឹត្តិការណ៍ស៊ីហ្គេមលើកទី៣២ ឆ្នាំ២០២៣ ផងដែរ។ យ៉ាងណាមិញ យើងមិនដឹងទេថា តើមានកីឡាករឥណ្ឌូណេស៊ី U22 អាចមានឱកាសចូលប្រកួតជាមួយ ម្ចាស់ជើងឯកពិភពលោក អាហ្សង់ទីន ៕ ប្រភព៖ Asean Football

នាយករដ្ឋមន្ត្រីសិង្ហបុរីលោក Lee Hsien Loong បាននិយាយនៅក្នុងបណ្ដាញហ្វេសប៊ុកថា លោកបានធ្វើតេស្តវិជ្ជមានសម្រាប់ជំងឺ COVID-19។ លោក Lee បាននិយាយថា៖«ពេលនេះខ្ញុំមានអារម្មណ៍មិនអីទេ ប៉ុន្តែគ្រូពេទ្យរបស់ខ្ញុំបានណែនាំខ្ញុំឱ្យនៅដាច់ដោយឡែកពីគេ រហូតដល់ខ្ញុំមិនមានរោគសញ្ញា»៕ អត្ថបទ៖ លីដា ប្រភព៖ CGTN

OpenAI បានប្រកាសថា ChatGPT ពេលនេះអាចទាញយកមកប្រើប្រាស់នៅលើប្រតិបត្តិការ iOS បានជាផ្លូវការ ក្រោយខ្លួនទើបតែបានបើកឱ្យដោនឡូតនៅលើ App Store សម្រាប់ប្រព័ន្ធប្រតិបត្តិការ Andriod កាលពីប៉ុន្មានខែមុន។ ក្រុមហ៊ុន AI មួយនេះបាននិយាយថា ChatGPT ថ្មីនឹងអាចប្រើប្រាស់ដោយឥតគិតថ្លៃ ដោយគ្មានការផ្សាយពាណិជ្ជកម្ម ហើយអនុញ្ញាតឱ្យមានការបញ្ជាជាសំឡេង (voice input) ផងដែរ ប៉ុន្តែវានឹងបើកឱ្យប្រើប្រាស់នៅសហរដ្ឋអាមេរិកជាមុនសិន មុនពេលពង្រីកទៅប្រទេសផ្សេងៗទៀតនៅប៉ុន្មានសប្ដាហ៍បន្ទាប់។ មិនខុសពីនៅលើកុំព្យូទ័រនោះទេ កម្មវិធី ChatGPT អនុញ្ញាតឱ្យអ្នកប្រើប្រាស់ធ្វើការជាមួយ AI chatbot ដើម្បីសួរសំណួរដោយមិនចាំបាច់សួរនៅលើ web search បូករួមទាំងការទទួលបានដំបូន្មាន ស្វែងរកការបំផុសគំនិត

អាជ្ញាធរទីក្រុងហូជីមីញបានណែនាំថា ពលរដ្ឋមិនគួរស្លៀកពាក់ខោអាវស្អាតៗ ដូចជាឈុតអាវធំទៅធ្វើការ ដើម្បីអាចកាត់បន្ថយការប្រើប្រាស់ម៉ាស៊ីនត្រជាក់ និងថាមពលអគ្គសនី។ គណៈកម្មាធិការប្រជាជនទីក្រុងហូជីមីញ កាលពីដើមសប្តាហ៍នេះ បានស្នើឱ្យមានដំណោះស្រាយសម្រាប់ការសន្សំថាមពល នៅពេលរដូវក្តៅចូលមកដល់ រួមទាំងការផ្តល់អនុសាសន៍ឱ្យការិយាល័យ និងអគាររដ្ឋាភិបាល បើក/បិទ ម៉ាស៊ីនត្រជាក់យឺតជាងធម្មតាមួយម៉ោង។ ខ្លួនក៏បានណែនាំឱ្យមានការកាត់បន្ថយការបើកភ្លើងនៅតាមសាលធំ និងទីសាធារណៈ ក៏ដូចជាកាត់បន្ថយការប្រើប្រាស់ជណ្តើរយន្ត ឱ្យបានពាក់កណ្តាលផងដែរ។ វិធានការ​សន្សំ​សំចៃ​ថាមពល​ត្រូវ​បាន​ស្នើ​ឱ្យដំណើរការ​ចាប់ពី​ថ្ងៃ​ទី១៥ ខែ​ឧសភា ដល់​ថ្ងៃ​ទី៣០ ខែ​មិថុនា។ ការប្រើប្រាស់ថាមពលអគ្គីសនីរបស់វៀតណាមបានកើនឡើង នៅពេលដែលរដូវក្តៅចូលមកដល់ ហើយអាចនឹងបន្តកើនឡើងខ្ពស់រហូតដល់ខែមិថុនា និងខែកក្កដា។ អគ្គិសនីវៀតណាមបាននិយាយថា តម្រូវការនៅទូទាំងប្រទេសបានឈានដល់កម្រិតខ្ពស់បំផុត ៨៩៥ លានគីឡូវ៉ាត់ម៉ោង (kWh) កាលពីថ្ងៃទី០៦ ខែឧសភា ដែលកើនឡើងជាង ១២%