មុននេះបន្ដិច អ្នកប្រដាល់ថៃ Buakaw Banchamek បានបង្ហោះរូបភាពរបស់គាត់ និងក្រុមកីឡាករជម្រើសជាតិថៃ ដែលកំពុងត្រៀមខ្លួនចាកចេញពីព្រលានយន្តហោះសុវណ្ណភូមិមកកាន់ប្រទេសកម្ពុជា សម្រាប់ព្រឹត្តិការណ៍ស៊ីហ្គេមលើកទី៣២ ឆ្នាំ២០២៣។ គាត់បានសរសេរនៅក្នុងការបង្ហោះនោះថា៖«លោកអនុសេនីយ៍ឯក Sombat Banchamek ឬបង Buakaw បានត្រៀមខ្លួនរួចជាស្រេច ដើម្បីដឹកនាំក្រុមអ្នកប្រដាល់ថៃ 🇹🇭 សម្រាប់​ការប្រកួត​កីឡា​ស៊ីហ្គេម​នៅ​ទីក្រុង​ភ្នំពេញ​ ប្រទេស​កម្ពុជា ​តាម​ជើង​ហោះហើរ Bangkok Airways PG933 ចេញពីអាកាសយានដ្ឋាន​សុវណ្ណភូមិ។ សមាគម​បាន​បញ្ជូន​អត្តពលិក​ប្រដាល់​សេរី​ ចូល​រួម​ប្រកួត​វិញ្ញាសាចំនួន ១៧​ប្រភេទ​ ដោយ​មាន​សង្ឃឹម​ឈ្នះ​មេដាយ​មាស​​ចំនួន ៦គ្រឿង​»៕ ប្រភព៖ Buakaw Banchamek

បើតាមការឱ្យដឹងរបស់ផេក ព្រឹត្តិការណ៍ស៊ីហ្គេមកម្ពុជា 2023 បានឱ្យដឹងថា លោកគ្រូ Keisuke Honda អាចនឹងបញ្ចប់តួនាទីរបស់គាត់ ក្នុងនាមជាគ្រូបង្វឹកដឹកនាំក្រុមបាល់ទាត់ជម្រើសជាតិកម្ពុជា ប្រសិនបើកម្ពុជាមិនឈ្នះក្នុងការប្រកួតបាល់ទាត់នាល្ងាចនេះ ទទល់នឹងឥណ្ឌូនេស៊ី ហើយមិនអាចឡើងទៅវគ្គបន្ទាប់បាន នៅក្នុងព្រឹត្តិការណ៍ស៊ីហ្គេមលើកទី៣២នេះ។ លោកគ្រូ Keisuke Honda បាននិយាយថា៖«ការប្រកួតនៅថ្ងៃនេះ អាចជាប្រកួតចុងក្រោយរបស់ខ្ញុំនៅកម្ពុជា»។ ពោលគឺ ប្រសិនបើយប់នេះកម្ពុជាឈ្នះឡើងទៅវគ្គបន្ត យើងនឹងបានឃើញគាត់ដឹកនាំប្រកួតបន្តទៀត សម្រាប់ការប្រកួតដែលនៅសល់ក្នុងព្រឹត្តិការណ៍ស៊ីហ្គេមកម្ពុជា២០២៣ ប៉ុន្តែប្រសិនបើកម្ពុជាចាញ់ នោះយើងនឹងលែងបានឃើញវត្តមានរបស់គាត់ទៀតហើយ។ សូមអរគុណលោកគ្រូ ចំពោះរយៈពេល ៥ឆ្នាំ សម្រាប់វិស័យបាល់ទាត់នៅកម្ពុជា៕ ប្រភព៖ ព្រឹត្តិការណ៍ស៊ីហ្គេមកម្ពុជា 2023

កាលពីពេលថ្មីៗនេះ សារព័ត៌មានភាសាថៃ Thairath បានលើកសរសើរពីកម្ពុជាក្នុងនាមជាម្ចាស់ផ្ទះស៊ីហ្គេមលើកទី៣២ ចំពោះការយកចិត្តទុកដាក់ ភាពសប្បុរស និងទទួលរាក់ទាក់ភ្ញៀវបានយ៉ាងល្អ។ នៅក្នុងការបង្ហោះនោះគេបានសរសេរថា៖ ថ្វីត្បិតតែស៊ីហ្គេមឆ្នាំ២០២៣ នៅរាជធានីភ្នំពេញមានសីតុណ្ហភាពក្ដៅដូចប្រទេសថៃយ៉ាងណាក្ដី នៅក្នុងការប្រកួតកីឡាអុកខ្មែរ អ្នកគាំទ្រកីឡាកម្ពុជាបានមកទស្សនាការប្រកួត រួមទាំងកីឡាជម្រើសជាតិថៃផងដែរ។ ម្ចាស់ផ្ទះបានស្វាគមន៍ និងយកចិត្តទុកដាក់អ្នកគ្រប់គ្នាយ៉ាងពេញលេញ។ ចាប់ផ្តើមពីការដើរចូលទៅក្នុងកីឡដ្ឋាន អ្នក​ស្ម័គ្រ​ចិត្ត​មានការគោរព​ចំពោះអ្នកសារព័ត៌មាន​បរទេស។ ចំណែកក្នុង​កីឡដ្ឋាន​ក៏មាន​ទឹកសុទ្ធ​​ចែក​ជូន​អ្នក​គាំទ្រ​ដែល​មក​ទស្សនា ​រួម​ទាំង​ក្រុម​ព័ត៌មាន​ Thairath របស់យើង។ កីឡដ្ឋានផ្សេងទៀត ក៏មានអាហារសម្រន់ និងទឹកត្រជាក់រង់ចាំបម្រើផងដែរ។ ប្រជាជនកម្ពុជាមានភាពរួសរាយរាក់ទាក់ជាមួយជនជាតិថៃ មិនដូចមនុស្សមួយចំនួនដែលខឹងសម្បារក្នុងបណ្តាញសង្គម ប៉ុន្តែការពិត ប្រជាជនកម្ពុជាសុទ្ធតែមានចិត្តសប្បុរស។ រូបឯកសារ៖ Thanarat Fuengrithaikun រាយការណ៍ពីរាជធានីភ្នំពេញ ប្រទេសកម្ពុជា»៕ អត្ថបទ៖ លីដា

កាលពីយប់ថ្ងៃអង្គារ ទី០៩ ខែឧសភា ឆ្នាំ២០២៣ ម្សិលមិញនេះ លោកឧកញ៉ា ស្រី ចាន់ថន បានប្រកាសនឹងឧបត្ថម្ភថវិកាចំនួន ៥,០០០,០០០ រៀល ជូនដល់កីឡាការនីរត់ប្រណាំង ប៊ូ សំណាង សម្រាប់ការតស៊ូរត់ប្រណាំងចម្ងាយ ៥០០០ ម៉ែត្រ រហូតដល់គោលដៅដោយមិនបោះបង់ការប្រកួត បើទោះបីជាមានភ្លៀងធ្លាក់ជោគជាំខ្លាំងយ៉ាងណាក៏ដោយ។ កាយ​វិការតស៊ូរបស់កីឡាការនីរូបនេះ បានធ្វើឱ្យមហាជនទាំងក្នុង និងក្រៅប្រទេស មានការគោរព អាណិត និងកោតសរសើរលើរូបគាត់យ៉ាងខ្លាំង។ លោកឧកញ៉ា ស្រី ចាន់ថន បានសរសេរថា៖«#ជំរាបសួរបងប្អូនជនរួមជាតិជាទីគោរព ដោយការមើលឃើញពីការតស៊ូរបស់ប្អូនស្រី ប៊ូ សំណាង ដែលជាកីឡាការិនីរត់ប្រណាំង ចម្ងាយ

កាលពីពេលថ្មីៗនេះ កីឡាករជម្រើសជាតិថៃម្នាក់ បានលើកឡើងពីកន្លែងស្នាក់នៅរបស់អត្តពលិកនៅឯ «ភូមិកីឡា» ដែលមានសភាពផ្ទុយស្រឡះពីអ្វីដែលខាងសារព័ត៌មានថៃមួយចំនួន បានបំផុសបំផុលថា ភូមិកីឡារបស់កម្ពុជាមិនទាន់ធ្វើរួចរាល់ សម្រាប់ទទួលអត្តពលិក ដែលមកប្រកួតនៅក្នុងព្រឹត្តិការណ៍ស៊ីហ្គេមលើកទី៣២ ឆ្នាំ២០២៣ ដែលកម្ពុជាកំពុងធ្វើជាម្ចាស់ផ្ទះនោះទេ។ នៅក្នុងការបង្ហោះរបស់គណនី Korapat Kittiapinya គាត់បានសរសេរថា៖«ប្រព័ន្ធផ្សព្វផ្សាយថៃពិតជាមានការធ្លាក់ចុះ និងញុះញង់ឱ្យមានការស្អប់ខ្ពើម។ ឃ្លីបនេះសម្រាប់ឱ្យមើលពីកន្លែងស្នាក់នៅរបស់អត្តពលិកនៅកម្ពុជា។ តោះទៅមើលរូបភាពពិត សម្លេងពិត។ (អរគុណ​កម្ពុជា​ដែល​បាន​មើល​ថែ​កីឡាករ​ថៃ​បានយ៉ាង​ល្អ) »៕ ប្រភព៖ Korapat Kittiapinya

កីឡាការិនីឆ្នើមកម្ពុជា ស្រួង ភាវី បានយកឈ្នះលើកីឡាការិនីវៀតណាម Kien Tuong Phung សម្រាប់វិញ្ញាសាប៊ីយ៉ាការ៉ុម ៣បាំង ឯកត្តជននារី (Billiards: Women’s 3-Cushion Carom Singles) ដោយលទ្ធផល ២៥ ទល់ ១០ នៅវគ្គពាក់កណ្ដាលផ្ដាច់ព្រ័ត្រ សម្រាប់ការប្រកួតនៅថ្ងៃច័ន្ទ ទី០៨ ខែឧសភា ឆ្នាំ២០២៣។ កីឡាការិនី ស្រួង ភាវី របស់កម្ពុជា នឹងត្រូវប្រកួតវគ្គផ្ដាច់ព្រ័ត្រដណ្ដើមមេដាយមាស ព្រឹត្តិការណ៍ស៊ីហ្គេមលើកទី៣២ ឆ្នាំ២០២៣ ជាមួយនឹងកីឡាការនីមកពីវៀតណាម Nguyễn Hoàng Yến Nhi

លោកឧកញ៉ា ស្រី ចាន់ថន បានទៅផ្តល់កម្លាំងចិត្តឱ្យអ្នកប្រដាល់គុនខ្មែរ សែន រិទ្ធីគុន នៅឯព្រលានយន្តហោះអន្តរជាតិភ្នំពេញ កាលពីល្ងាចមិញ ថ្ងៃអាទិត្យ ទី០៧ ខែឧសភា ឆ្នាំ២០២៣ វេលាម៉ោង ៨:៣០ នាទីយប់។ ទោះ សែន រិទ្ធីគុន មិនឈ្នះការប្រកួតនៅសង្វៀនប្រទេសម៉ាឡេស៊ី ប៉ុន្តែគាត់យកឈ្នះបេះដូងប្រជាជនកម្ពុជា ហើយពួកគាត់បានយល់ពីបញ្ហានេះច្បាស់ណាស់។ លោកឧកញ៉ា ស្រី ចាន់ថន បានសរសេរនៅលើបណ្ដាញសង្គមហ្វេសប៊ុករបស់គាត់ថា៖«#ខ្ញុំបានមកទទួល នឹង ផ្តល់កំលាំងចិត្ត អោយ សែន ចន្ទរិទ្ធីគុន នៅព្រលានយន្តហោះអន្តរជាតិភ្នំពេញល្ងាចនេះវេលាម៉ោង ៨:៣០❤️💪🏾🇰🇭 ទោះគាត់មិនឈ្នះការប្រកួតមួយនេះតែគាត់យកឈ្នះបេះដូងប្រជាជនកម្ពុជាហើយពួកគាត់បានយល់ពីបញ្ហានេះច្បាស់ណាស់។អរគុណបងប្អូនសម្រាប់ការស្រឡាញ់ គាំទ្រ

កីឡាការិនីប៊ីយ៉ា និងស្នូកឃើរបស់កម្ពុជា ស្រួង ភាវី បានយកឈ្នះកីឡាការិនីហ្វីលីពីន Chezka Centeno ក្នុងលទ្ធផល ២៥ ទល់នឹង ៥ សម្រាប់ការប្រកួតដំបូងនៃប្រភេទវិញ្ញាសា Billiards Sport ក្នុងព្រឹត្តិការណ៍កីឡាស៊ីហ្គេមលើកទី៣២ ឆ្នាំ២០២៣ នៅរសៀលថ្ងៃអាទិត្យ ទី០៧ ខែឧសភា ២០២៣ បរិវេណផ្សារទំនើប អុីអនម៉ល សែនសុខ៕ ប្រភព៖ ក្រសួងអប់រំ យុវជន និងកីឡា

សូមអបអរដល់កីឡាការនី ខាន់ ចេសា ដែលបានឈ្នះមេដាយមាស ពីព្រឹត្តិការណ៍កីឡាអាស៊ីអាគ្នេយ៍ លើកទី៣២ សម្រាប់ប្រភេទកីឡាជឺជិតស៊ូ (Jujutsu) វិញ្ញាសានារី Ne-Waza NOGI ទម្ងន់ក្រោម ៥២គីឡូក្រាម ក្រោយផ្ដួលកីឡាការិនីហ្វីលីពីន Ochoa Margarita នៅវគ្គផ្ដាច់ព្រ័ត្របានដោយជោគជ័យ។ ខាន់ ចេសា បានស្រក់ទឹកភ្នែកចំពោះការឈ្នះដ៏អស្ចារ្យមួយនេះ ក្រោយបានយកឈ្នះគ្រប់ទាំង ៤ ប្រកួត យ៉ាងស្វិតស្វាញបំផុត៕ រូបភាពពី ក្រសួងព័ត៌មាន

អ្នកប្រដាល់គុនខ្មែរ សែន ចន្ទរិទ្ធីគុន កំពុងធ្វើការលុបសាក់ពាក្យ «Muay Thai» ចេញពីខ្នងរបស់គាត់ នេះបើតាមការឱ្យដឹងពីហ្វេសប៊ុកផេក គុនខ្មែរជើងឯកពិភពលោក (Kun Khmer World Champion) នាព្រឹកថ្ងៃអាទិត្យ ទី០៧ ខែឧសភា ឆ្នាំ២០២៣។ បើតាមការបង្ហោះរបស់ហ្វេសប៊ុក គុនខ្មែរជើងឯកពិភពលោក បានសរសេរថា៖«បង សែន ចន្ទរិទ្ធីគុន កំពុងកែសាក់ខ្នងរបស់គាត់ទៅតាមរចនាបថខ្មែរហើយបងប្អូន 👏🙏❤️🇰🇭 បងចន្ទរិទ្ធីគុន លះបង់សម្រាប់ប្រទេសកម្ពុជាច្រើនណាស់បងប្អូន។» ជាមួយគ្នានេះដែរ ការប្រកួតរវាងអ្នកប្រដាល់គុនខ្មែរ សែន ចន្ទរិទ្ធីគុន និងគូប្រជែងមកពីប្រទេសថៃ ឌែនកៅស៊ែន នៅលើសង្វៀនប្រទេសម៉ាឡេសុី កាលពីយប់មិញនេះ គឺភាគីអ្នកប្រដាល់ថៃជាអ្នកឈ្នះ ក្រោយគេបានប្រើជំនាញគេច និងដកថយ