ចិន៖ បើយោងតាមការចុះផ្សាយក្នុងសារព័ត៌មាន Channel News Asia ​បានឲ្យដឹងថា ចិននឹងមិនព្រមលក់កម្មវិធី TikTok ឲ្យទៅអាមេរិកឡើយ ហើយចិនសុខចិត្តឲ្យអាមេរិកបិទកម្មវិធីមួយនៅលើទឹកដីអាមេរិកចុះ។ គួររម្លឹកជូនថា រឿងរ៉ាវចម្រូងចម្រាសមួយនេះបានផ្តើមកើតមានក្រោយពីលោកប្រធានាធិបតីអាមេរិក ដូណាល់ត្រាំ បានចោទប្រកាន់ថាកម្មវិធី  Tik Tok ដែលមានអ្នកប្រើប្រាស់រាប់លាននាក់នៅជុំវិញពិភពលោកនោះ បានលួចយកនិន្នន័យប្រជាពលរដ្ឋអាមេរិកដើម្បីផ្តល់ជូនជាសម្ងាត់ទៅឲ្យរដ្ឋាភិបាលចិន។ បន្ទាប់ពីបានធ្វើការចោទប្រកាន់នេះ លោក ដូណាល់ត្រាំ បានផ្តល់ជម្រើស ២ ឲ្យទៅក្រុមហ៊ុន ByteDance ដែលអ្នកបង្កើតកម្មវិធី Tik Tok ធ្វើការពិចារណាក្នុងរយៈពេល ៩០ ថ្ងៃ​ ដោយជម្រើសទី ១ គឺក្រុមហ៊ុនរបស់ចិនមួយនេះត្រូវតែលក់សិទ្ធគ្រប់គ្រងកម្មវិធី

ជប៉ុន៖ ស្រ្តីជាម្តាយម្នាក់បានទុកកូនតូចចំនួន ២ នាក់នៅក្នុងរថយន្តជាច្រើនម៉ោងដើម្បីទៅផឹកស៊ីយ៉ាងសប្បាយរីករាយ ហើយលទ្ធផលចុងក្រោយគឺកូនទាំង ២ នោះបានស្លាប់បាត់បង់ជីវិតព្រោះតែអត់អាហារញ៉ាំ និងមានអាការៈខ្សោះជាតិទឹកយ៉ាងខ្លាំង។ បើយោងតាមការចុះផ្សាយនៅក្នុងសារព័ត៌មាន japantoday បានឲ្យដឹងថា​ ហេតុការណ៍នេះបានកើតឡើងនៅក្នុងក្រុង Takamatsu អាណាខេត្ត Kagawa នៃប្រទេសជប៉ុន ហើយស្រ្តីជាម្តាយរូបនោះមានឈ្មោះថា Maria Takeuchi អាយុ ២៦ ឆ្នាំ ពុំមានប្រកបការងារអ្វីនោះទេ និងក្មេងរងគ្រោះទាំង ២ នាក់នោះមានម្នាក់មានឈ្មោះថា Mayuri អាយុ ៦ ឆ្នាំ និងម្នាក់ទៀតមានឈ្មោះថា Yurie  អាយុ ៣ ឆ្នាំ។

យោងតាមការចុះផ្សាយរបស់សារព័ត៌មាន បាងកកប៉ុស្ដិ៍ កាលពីល្ងាចថ្ងៃសុក្រ ទី១១ ខែសីហា ឆ្នាំ២០២០ បានឱ្យដឹងថា នាយកដ្ឋានត្រួតពិនិត្យជំងឺថៃ កំពុងស្វែងរកអ្នកដែលជិតស្និទ្ធជាមួយមនុស្សចំនួន ៣នាក់ បន្ថែមទៀត ដែលពួកគេបានតេស្ដវិជ្ជមានជំងឺ COVID-19 ពេលទៅដល់ប្រទេសជប៉ុន ចេញពីប្រទេសថៃ។ នាយកដ្ឋានបាននិយាយថា មានមនុស្សទាំងអស់ ៥នាក់ ដែលបានចាកចេញពីប្រទេសថៃ ហើយត្រូវបានគេរកឃើញថា វិជ្ជមានជាមួយជំងឺ COVID-19 ពេលទៅដល់ប្រទេសជប៉ុន។ មនុស្ស ២នាក់ ក្នុងចំណោមពួកគេត្រូវបានរាយការណ៍មុន ហើយម្សិលមិញនេះទើបមានការបញ្ជាក់បន្ថែមទៀតពីអ្នកទាំង ៣ ដែលនៅសេសសល់។ មនុស្ស ២នាក់ ដែលបានបញ្ជាក់ពីការឆ្លងដំបូង គឺជាជនជាតិថៃអាយុ ២៤ឆ្នាំ និងម្នាក់ទៀតជាជនជាតិជប៉ុន

រហូតដល់ពេលនេះអគ្គិភ័យបានឆាបឆេះឆ្លងកាត់រដ្ឋនានា នៅលើឆ្នេរសមុទ្រភាគខាងលិចសហរដ្ឋអាមេរិក បណ្តាលឱ្យមនុស្សយ៉ាងហោចណាស់ ២២នាក់ បានស្លាប់បាត់បង់ជីវិត។ មន្ត្រីតាមរដ្ឋនិយាយថា មានមនុស្ស ១៩នាក់ បានស្លាប់នៅក្នុងរដ្ឋកាលីហ្វ័រញ៉ា, មាន ២នាក់ បានស្លាប់នៅអូរីហ្គន និង ១នាក់ នៅវ៉ាស៊ីនតោន។ ហើយដោយសារភាពស្ងួត និងខ្យល់បក់ខ្លាំងនៅតំបន់កាលីហ្វ័រញ៉ាផងនោះ អគ្គិភ័យបានបំផ្លាញផ្ទៃដីទំហំ ១.២៥ លានហិកតា។ មន្ត្រីពន្លត់អគ្គិភ័យបាននិយាយថា អគ្គិភ័យក្នុងរដ្ឋមានទំហំធំជាងមុន ២៥ដង បើធៀបនឹងកន្លែងដូចគ្នានិងរយៈពេលដូចគ្នាជាមួយឆ្នាំមុន។ ផ្សែងនិងផេះចេញពីភ្លើងឆេះព្រៃបានកាត់បន្ថយភាពមើលឃើញនៅ Los Angeles និងកន្លែងផ្សេងទៀត ដែលធ្វើឱ្យអាជ្ញាធរសុខាភិបាលសាធារណៈ ត្រូវអំពាវនាវឱ្យប្រជាជនបញ្ឈប់ការចេញខាងក្រៅសិន។ ក្រុមមន្រ្តីនៅរដ្ឋកាលីហ្វ័រញ៉ានិយាយថា សីតុណ្ហភាពត្រជាក់គួរសមនឹងបន្តរយៈពេលជាច្រើនថ្ងៃទៀត ប៉ុន្តែពួកគេទទូចឱ្យអ្នកស្រុកបន្ដមានការប្រុងប្រយ័ត្នខ្ពស់ ព្រោះភ្លើងឆេះព្រៃធំៗកាលពីអតីតកាលជាធម្មតាបានផ្ទុះឡើងនៅអំឡុងខែកញ្ញា

អាជ្ញាធរសុខាភិបាលថៃនៅថ្ងៃសុក្រទី១១ ខែកញ្ញា ឆ្នាំ២០២០ បានបញ្ជាក់ពីការឆ្លងជំងឺ COVID-19 មួយទៀត ដែលត្រូវបានរកឃើញនៅក្នុងប្រទេសនេះ ចេញពីកីឡាករបាល់ទាត់អាជីពជនជាតិ Uzbekistan ម្នាក់ ពោលគឺត្រឹមតែ ៨ថ្ងៃ បន្ទាប់ពីមានករណីក្នុងសហគមន៍ជាលើកទី១ ក្នុងរយៈពេលជាង ៣ខែ។ មន្រ្តីសុខាភិបាលបានប្រាប់សន្និសីទសារព័ត៌មានមួយថា បុរសនោះបានវិជ្ជមានជាមួយជំងឺ បន្ទាប់ពីមានការធ្វើតេស្តជំងឺមុនការប្រកួតកាលពីថ្ងៃអង្គារ បើទោះបីជាគាត់បានឆ្លងកាត់ការនៅដាច់ដោយឡែក និងបានធ្វើតេស្តអវិជ្ជមានចំនួន ៣ដង ក៏ដោយ។ បុរសជាកីឡាករបាល់ទាត់រូបនោះបានមកដល់ប្រទេសថៃតាំងពីថ្ងៃទី១៣ ខែសីហា មកម្ល៉េះ ប៉ុន្តែមន្ត្រីសុខាភិបាលថៃជឿថា អំឡុងពេលវីរុសសំងំនៅក្នុងខ្លួនគាត់គឺច្រើនជាង ១៤ថ្ងៃ (incubation period) ហើយគាត់បានឆ្លងជំងឺនេះនៅក្រៅប្រទេស មិនមែនក្នុងប្រទេសថៃនោះទេ។ រំលឹកដែរថា ប្រទេសថៃនាពេលថ្មីៗនេះទើបតែរកឃើញអ្នកជំងឺ

ឆ្នេរសមុទ្រខាងលិចរបស់សហរដ្ឋអាមេរិក កំពុងប្រឈមនឹងគុណភាពខ្យល់អាក្រក់បំផុតនៅលើផែនដី ខណៈដែលភ្លើងឆេះជិត ១០០ កន្លែង រួមទាំងភ្លើងឆេះធំបំផុតចំនួន ៣ ក្នុងចំណោមភ្លើងឆេះដ៏អាក្រក់បំផុតចំនួន ៤ ដែលបានកត់ត្រាក្នុងរដ្ឋកាលីហ្វ័រញ៉ា។ ភាគល្អិតដែលចេញពីផ្សែងបានធ្វើឱ្យខ្យល់អាកាសមិនល្អ និងធ្វើឱ្យអ្នកនៅតំបន់ឆ្នេរ​ភាគ​ខាង​លិចពិបាកនឹងដកដង្ហើម។ ជាក់ស្ដែងបើយោងតាម PurpleAir ដែលបានបង្ហាញពីកម្រិត AQI នៅតំបន់ឆ្នេរភាគខាងលិច (ក្នុងរូប) យើងអាចមើលឃើញថា នៅតំបន់ទាំងមូលសុទ្ធតែពណ៌ក្រហម ដែលជាសញ្ញានៃខ្យល់ពុលអាក្រក់បំផុត ហើយកន្លែងខ្លះហក់ដល់ ៥០០ AQI ទៀតផង។ គួរឱ្យដឹងដែរថាកម្រិត AQI កាន់តែខ្ពស់ វាបង្ហាញពីការបំពុលបរិយាកាសកាន់តែខ្លាំង ហើយគ្រោះថ្នាក់ដល់សុខភាពកាន់តែច្រើន។ ទីភ្នាក់ងារការពារបរិស្ថាន (EPA) ចាត់ទុកកម្រិត AQI

ទីភ្នាក់ងារសារព័ត៌មាន Kyodo បានដកស្រង់សម្តីនាយករដ្ឋមន្រ្តីជប៉ុនលោក ស៊ីនហ្សូ អាបេ (ABE Shinzo) កាលពីថ្ងៃសុក្រថា ប្រទេសជប៉ុននឹងរៀបចំផែនការថ្មីសម្រាប់ដោះស្រាយការគំរាមកំហែងពីមីស៊ីលនៅចុងឆ្នាំនេះ។ លោក ស៊ីនហ្សូ អាបេ បាននិយាយថា៖«ខ្ញុំជឿជាក់ថាវាចាំបាច់ក្នុងការបង្កើនការទប់ស្កាត់ និងដោយហេតុនេះវាកាត់បន្ថយលទ្ធភាពនៃការវាយប្រហារប្រឆាំងនឹងជប៉ុន ដោយមីស៊ីលផ្លោង និងផ្សេងទៀត»។ លោក ស៊ីនហ្សូ អាបេ បានកត់សម្គាល់ថា គោលនយោបាយដែលផ្តោតលើវិស័យការពារជាតិទាំងស្រុងនឹងមិនត្រូវបានផ្លាស់ប្តូរទេ ប៉ុន្តែលទ្ធភាពក្នុងការទិញប្រព័ន្ធការពារនោះគឺនៅមានភាពចម្រូងចម្រាស បើទោះបីជាទាក់ទងនឹងការទប់ស្កាត់ និងការការពារខ្លួនក៏ដោយ។ ដៃគូចម្រុះរបស់គណបក្សប្រជាធិបតេយ្យសេរីរបស់ជប៉ុនគឺ Komeito បានជំទាស់ដាច់ខាតចំពោះការពង្រីកយោធា ហើយការចំណាយក៏អាចបង្កឱ្យមានការជំទាស់ផងដែរ។ គួរឱ្យដឹងដែរថាកងកម្លាំងប្រដាប់អាវុធរបស់ជប៉ុន ត្រូវបានរឹតត្បិតក្នុងការការពារខ្លួនដោយរដ្ឋធម្មនុញ្ញក្រោយសង្គ្រាមលោក ហើយប្រទេសនេះពឹងផ្អែកយ៉ាងខ្លាំងលើសហរដ្ឋអាមេរិកក្រោមសម្ព័ន្ធភាពសន្តិសុខទ្វេភាគី។ នៅឆ្នាំ២០១៧ រដ្ឋាភិបាលបានយល់ព្រមទិញប្រព័ន្ធការពារមីស៊ីលឈ្មោះ Aegis

ចិន៖ សារព័ត៌មាន Daily Mail បានចុះផ្សាយថា មានសត្វឆ្មាចន្លោះពី ១០%-១៥% នៅក្នុងក្រុងវូហានប្រទេសចិន ត្រូវបានគេធ្វើវិជ្ជមានជាមួយនឹងជំងឺកូវីដ ១៩។ ការចុះផ្សាយនេះត្រូវបានធ្វើឡើងដោយផ្អែកលើលទ្ធផលនៃការសិក្សារបស់ក្រុមអ្នកស្រាវជ្រាវចិនជាច្រើននាក់ ដែលបានធ្វើតេស្តទៅលើសត្វជាង ១០០ ក្បាលដោយមានទាំងសត្វឆ្មាចិញ្ចឹមនៅតាមផ្ទះនិងសត្វឆ្មាដែលគ្មានម្ចាស់ចិញ្ចឹម។ លទ្ធផលនៃការធ្វើតេស្តឈាមសត្វឆ្មាបានបង្ហាញថា នៅក្នុងខ្លួនសត្វឆ្មា ១៥ % មានផ្ទុកនូវមេរោគ SARS-CoV-2 ហើយមេរោគមួយនេះក៏ជាមេរោគសំខាន់មួយបង្កឲ្យមានជំងឺកូវីដ ១៩ ផងដែរ។ ទន្ទឹមនឹងការសិក្សាខាងលើនេះ នៅសហរដ្ឋអាមេរិកឯណោះវិញក៏បានរកឃើញករណីឆ្លងជំងឺកូវីដ​ ១៩ នៅក្នុងចំណោមសត្វឆ្មាដែលជាចិញ្ចឹមនៅតាមផ្ទះចំនួន ១៧ ករណីផងដែរ។ នៅចំពោះមុខលទ្ធផលនៃការសិក្សាខាងលើនេះ ក្រុមអ្នកជំនាញបានអះអាងថា ជំងឺកូវីដ ១៩ អាចចម្លងពីមនុស្សទៅកាន់សត្វចិញ្ចឹមដូចជាសត្វឆ្កែ

អាមេរិក៖ ស្របពេលដែលអាមេរិកកំពុងតែប្រឈមនឹងវិបត្តិនៃជំងឺកូវីដ ១៩ នោះ ស្រាប់តែរដ្ឋមួយចំនួននៃប្រទេសដ៏ធំមួយនេះត្រូវរងនូវនឹងគ្រោះធម្មជាតិមួយបន្ថែមទៀតពោលគឺបញ្ហាភ្លើងឆេះព្រៃ។ បើយោងតាមការចុះផ្សាយនៅក្នុងសារព័ត៌មាន World of Buzz បានឲ្យដឹងថា មានរដ្ឋចំនួន ៩ នៅតំបន់ភាគខាងលិចនៃសហរដ្ឋអាមេរិកកំពុងប្រឈមនឹងបញ្ហាភ្លើងឆេះព្រៃ ហើយក្នុងចំណោមរដ្ឋទាំងនោះគឺរដ្ឋ Oregon ដែលបានរងនូវផលប៉ះពាល់ខ្លាំងជាងគេ ដោយរដ្ឋមួយនេះកំពុងមានបញ្ហាភ្លើងឆេះព្រៃចំនួន ៣៥ កន្លែងផ្សេងគ្នា បើសរុបជាផ្ទៃដីមានទំហំប្រមាណជា ៤៧០ ០០០ ហិចតា។ ប្រភពខាងលើបានបន្តថា បើគិតជាសរុបរួមនៅក្នុងរដ្ឋចំនួន ៩ ខាងលើនេះមានភ្លើងឆេះព្រៃប្រមាណជា ២០០ កន្លែងផ្សេងគ្នា  ហើយគ្រោះធម្មជាតិនេះបានបង្កឲ្យមានបញ្ហាផ្សេងៗជាច្រើនទៀតផងដែរ ដូចជាផ្សែងកខ្វក់ ការបំពុលបរិកាស ខ្យល់ក្តៅហើយស្ងួត និងមានប្រជាពលរដ្ឋអាមេរិករាប់ម៉ឺននាក់ត្រូវបង្ខំចិត្តធ្វើការជម្លៀសខ្លួនជាបន្ទាន់ផងដែរ។ រដ្ឋ

គិតមកទល់ពេលនេះគឺរយៈពេល១៩ឆ្នាំមកហើយ បន្ទាប់ពីសហរដ្ឋអាមេរិករងការវាយប្រហារភេរវកម្ម នៅថ្ងៃទី១១ ខែកញ្ញា កាលពីឆ្នាំ២០០១ (09/11 Attacks) ដែលវាជាការវាយប្រហារដ៏សាហាវបំផុតលើទឹកដីនេះ ចាប់តាំងពីការទម្លាក់គ្រាប់បែកនៅ Pearl Harbor ដោយស្នាដៃទ័ពជប៉ុន កាលពីជំនាន់សង្គ្រាមលោកលើកទី២។ កាលនោះមានមនុស្សជិត ៣,០០០នាក់ បានស្លាប់នៅក្នុងហេតុការណ៍ផ្ទួនៗលើទឹកដីតែមួយ ហើយការសែតញូវយ៉កថែមស៍បានហៅវាថា ការវាយប្រហារភេរវកម្មអាក្រក់បំផុត និងគឃ្លើនបំផុតក្នុងប្រវត្តិសាស្ត្រអាមេរិក។ ចង់ជ្រាបច្បាស់សូមអានហេតុការណ៍ ដែលបានកើតឡើងនៅថ្ងៃនេះកាលពី១៩ឆ្នាំមុន តាមរូបភាពនីមួយៗខាងក្រោមនេះ៖ នៅព្រឹកថ្ងៃទី១១ ខែកញ្ញា ឆ្នាំ២០០១ វាបានចាប់ផ្ដើមថ្ងៃថ្មីជាធម្មតា។ អគារភ្លោះដែលឈរយ៉ាងសង្ហារនៅក្នុងតំបន់ហិរញ្ញវត្ថុពិភពលោក ដូចដែលពួកវាតែងតែឈរជើងនៅទីនោះក្នុងរយៈពេលជាង ៣០ ឆ្នាំកន្លងមក។ នៅម៉ោង ៨ និង ៤៦នាទីព្រឹក