ជំងឺរាតត្បាតជាសកល​ COVID-19 កំពុងរំខាងដល់ជីវិតមនុស្សគ្រប់គ្នាមិនថាជាការងាររកស៊ី ឬជីវិតទូទៅប្រចាំថ្ងៃនោះទេ។ ជាក់ស្ដែងសម្រាប់អ្នករាល់គ្នាដែលចូលចិត្តដើរលេង ឬចង់ចំណាយពេលវេលាលំហែកាយ ច្បាស់ណាស់ថាវាបានបង្កផលវិបាកយ៉ាងច្រើន។ យ៉ាងណាក៏ដោយឃើញថាដំណើរកម្សាន្តដោយការជិះម៉ូតូ នៅតែជាដំណោះស្រាយល្អបំផុតសម្រាប់អ្នកដែលចង់លំហែកម្សាន្ត ពិសេសអ្នកចូលចិត្តជិះម៉ូតូតាមព្រៃភ្នំ ដោយមិនត្រឹមតែអាចរក្សាគម្លាតពីសង្គម និងរំសាយភាពតប់ប្រមល់នោះទេ វាអាចឱ្យយើងសប្បាយជាមួយទស្សនីយភាពដ៏ស្រស់បំព្រងនៃព្រះរាជាណាចក្រកម្ពុជាផងដែរ។ សព្វថ្ងៃនេះពលរដ្ឋកម្ពុជាមានចំណូលចិត្តជិះម៉ូតូដើរលេងតាមព្រៃភ្នំបែបធម្មជាតិច្រើន ហើយម៉ូដែល Himalayan គឺសាកសមបំផុតសម្រាប់គ្រប់គ្នា ឬសូម្បីអ្នកមិនសូវចេះជិះម៉ូតូសម្រាប់ផ្លូវរដាក់រដុប រឺហៅថា off-road ក៏ដោយ ដោយសារតែភាពងាយស្រួយចាប់កាន់របស់វា។ ម៉ូតូ Himalayan របស់យីហោ Royal Enfield គឺមានប្រវត្តិ និងបទពិសោធន៍នៃការជិះលើភ្នំហ៊ីម៉ាល័យរយៈពេល ៦០ឆ្នាំ មកហើយ ដូច្នេះអតិថិជនរបស់ Himalayan នឹងមិនចាំបាច់ភ័យព្រួយលើភាពធន់​​រឹងមាំ

ចិន៖ កាលពីពេលថ្មីៗនេះ បុរសជនជាតិចិន សញ្ជាតិកាណាដាម្នាក់ត្រូវបានតុលាការចិនសម្រេចកាត់ទោសប្រហារជីវិតពីបទផលិតគ្រឿងញៀនខុសច្បាប់ នេះបើយោងតាមការចុះផ្សាយនៅក្នុងសារព័ត៌មានអេឡិចត្រូនិច Aljazeera ។ ប្រភពដដែលនេះបានបន្តថា បុរសសញ្ជាតិកាដាណារូបនេះមានឈ្មោះ Xu Weihong​ ត្រូវបានចាប់ខ្លួនកាលពី ខែតុលា ឆ្នាំ២០១៦ ​ហើយពេលចាប់ខ្លួនប៉ូលិសបានរកឃើញសម្ភារៈផលិតគ្រឿងញៀនជាច្រើនរួមជាមួយនិងគ្រឿងទំងន់ ១២០ គីឡូក្រាមផងដែរនៅក្នុងផ្ទះរបស់គាត់នៅឯខេត្ត Guangdong ភាគខាងត្បូងប្រទេសចិន។ ក្រៅតែពីបានកាត់ទោសប្រហារជីវិតបុរសកាណាដារូបនេះ មានបុរសកាដាណាម្នាក់ទៀតមានឈ្មោះថា Wen Guanxiong ដែលរងនូវការចោទប្រកាន់ថាបានរួមគំនិតផលិតគ្រឿងញៀនជាមួយលោក Xu Weihong​ ដែរនោះ ត្រូវបានតុលាការចិនសម្រេចកាត់ទោសឲ្យជាប់គុកអស់មួយជីវិតផងដែរ។ សូមបញ្ជាក់ថា ការសម្រេចរបស់តុលាការចិនដូចបានជម្រាបជូនខាងលើនេះត្រូវបានធ្វើឡើងស្របពេលទំនាក់ទំនងចិននិងកាណាដាកំពុងមានភាពតានតឹងខ្លាំងជុំវិញបញ្ហារបស់ក្រុមបច្ចេកវិទ្យាចិន Huawei។ បញ្ហាដ៏រសើបនៃក្រុមហ៊ុនខ្នាតយក្សរបស់ចិនមួយនេះគឺ កាលពីចុងឆ្នាំ ២០១៨ កន្លងទៅនេះ

យោងតាមការចុះផ្សាយរបស់សារព័ត៌មាន Channel News Asia នៅថ្ងៃអង្គារ ទី១១ ខែសីហា បានឱ្យដឹងថា សាំងហ្គាពួរបានកត់ត្រាករណីថ្មីនៃជំងឺ COVID-19 ចំនួន​ ៦១ ករណី​​ ដោយមានករណីក្នុងសហគមន៍ចំនួន ២ និងករណីនាំចូលចំនួន ៣ ដែលជាការកើនឡើងតិចជាងគេបំផុតក្នុងរយៈពេល​៤ខែ មកនេះ។ វាជាការថយចុះជាងគេបំផុតចាប់តាំងពីថ្ងៃទី២ ខែមេសា ដែលករណីតិចបំផុតរបស់ប្រទេសនេះចុងក្រោយនៅពេលនោះគឺ ៤៩ ករណី ។ តួលេខនេះបាននាំឱ្យសាំងហ្គាពួរមានករណីជំងឺ COVID-19 សរុបចំនួន​ ៥៥,៣៥៣ ករណី និងការស្លាប់មានសរុប ២៧នាក់។ សរុបមកវិញគឺចំនួនករណីក្នុងសហគមន៍ជាមធ្យមរបស់សាំងហ្គាពួរមានតែ ២នាក់ ក្នុងរយៈពេលប៉ុន្មានសប្ដាហ៍មកនេះ

យោងតាមការចុះផ្សាយរបស់សារព័ត៌មាន VNexpress នៅថ្ងៃពុធ​ ទី១២ ខែសីហា ឆ្នាំ២០២០ បានឱ្យដឹងថា វៀតណាមព្រឹកនេះកត់ត្រាការស្លាប់ថ្មីម្នាក់ទៀត ដែលអ្នកជំងឺជាបុរសអាយុ ៥៥ឆ្នាំ។ គាត់ជាអ្នកជំងឺទី៤៣១ ហើយបានឆ្លងជំងឺ COVID-19 កាលពីចុងខែមុន និងមានជំងឺប្រចាំកាយដូចជាទឹកនោមផ្អែម ជំងឺទាក់ទងនឹងតំរង់នោមដំណាក់កាលចុងក្រោយ និងខូចសរីរាង្គ។ គាត់ជាអ្នកនៅសង្កាត់ Lien Chieu របស់ក្រុងដាណាង ដែលជាកន្លែងមានការផ្ទុះឡើងនៃករណីក្នុងសហគមន៍។ កាលពីល្ងាចថ្ងៃអង្គារវៀតណាមក៏បានកត់ត្រាការស្លាប់ថ្មីម្នាក់ដែរ ដោយអ្នកជំងឺជាអ្នកនៅខេត្ត Quang Tri ។ ក្រសួងសុខាភិបាលវៀតណាមបានប្រកាសថា គាត់បានស្លាប់ដោយសារជំងឺរលាកសួតដែលបណ្តាលមកពី COVID-19 ហើយគាត់ក៏មានជំងឺខ្សោយបេះដូង និងជំងឺទឹកនោមផ្អែម។ គិតចាប់តាំងពីមានការផ្ទុះករណីនៅក្រុងដាណាង វៀតណាមមានអ្នកជំងឺក្នុងសហគមន៍ចំនួន​ ៤០៥ ចេញពីខេត្តនិងក្រុងចំនួន​១៥ ដែលរួមមានទាំងហាណូយ

ក្រុមហ៊ុន Hyundai បានប្រកាសថា Ioniq នឹងមិនមែនគ្រាន់តែជាមូដែលរថយន្តតែមួយនោះទេ ប៉ុន្តែវានឹងក្លាយជាម៉ាកសញ្ញា (sub-brand) សម្រាប់រថយន្តប្រភេទអគ្គិសនីថ្មីទាំងអស់របស់ក្រុមហ៊ុននេះ។ ក្រុមហ៊ុនផលិតរថយន្តរបស់កូរ៉េមួយនេះ មានបំណងបញ្ចេញរថយន្តអគ្គិសនីក្រោមម៉ាកសញ្ញា Ioniq នៅរយៈពេល៤ឆ្នាំខាងមុខនេះ ដោយរួមមានរថយន្តមានមូលដ្ឋានលើ Hyundai 45 និង Hyundai Prophecy ក៏ដូចជាប្រភេទ SUV ។ ក្រុមហ៊ុន Hyundai និយាយថា រថយន្ត hatchback អគ្គិសនីរបស់ខ្លួន ឬស្គាល់ជាទូទៅ Ioniq 5 នឹងចេញលក់នៅដើមឆ្នាំ2021 ខណៈរថយន្ត Sedan ម៉ូដែល

ប្រធានាធិបតីរុស្ស៉ីលោក Vladimir Putin នៅថ្ងៃអង្គារ ទី១១ ខែសីហា ឆ្នាំ២០២០ បានប្រកាសថា ប្រទេសរបស់លោកបានក្លាយជាប្រទេសដំបូងគេនៅលើពិភពលោក ដែលបានចុះបញ្ជីចេញប្រើវ៉ាក់សាំជំងឺ COVID-19។ លោក Vladimir Putin បាននិយាយនៅក្នុងសន្និសីទវីដេអូតាមទូរទស្សន៍ជាមួយរដ្ឋមន្រ្តីរដ្ឋាភិបាលថា៖«ព្រឹកនេះ ជាលើកដំបូងនៅលើពិភពលោក ដែលវ៉ាក់សាំងប្រឆាំងនឹងវីរុសកូរ៉ូណាត្រូវបានចុះបញ្ជី»។ អ្វីដែលគួរឱ្យចាប់អារម្មណ៍បំផុត គឺលោកប្រធានាធិបតីបាននិយាយថា កូនស្រីរបស់គាត់ក៏បានចាក់វ៉ាក់សាំងនេះរួចហើយ  និងបានឡើងកម្ដៅបន្តិចបន្តួចបន្ទាប់ពីបានចាក់វ៉ាក់សាំង នេះបើយោងតាមសារព័ត៌មាន RT ។ លោកបានបន្ថែមថា កូនស្រីរបស់លោកបានឡើងកម្ដៅបន្តិច ប៉ុន្តែក៏បានបាត់ទៅវិញលឿនដែរ។ យ៉ាងណាក៏ដោយវាមិនច្បាស់ទេថា តើកូនស្រីរបស់គាត់រូបណាជាអ្នកទទួលបានវ៉ាក់សាំងនេះ។ គួរឱ្យដឹងដែរថា វ៉ាក់សាំងនេះត្រូវបានបង្កើតរួមគ្នាដោយវិទ្យាស្ថានស្រាវជ្រាវ Gamaleya និងក្រសួងការពារជាតិរុស្ស៊ី ដែលសង្ឃឹមថានឹងត្រូវបានផលិតក្នុងរយៈពេលដ៏ខ្លី។

នៅក្នុងអំឡុងសន្និសីទកាសែតមួយកាលពីថ្ងៃច័ន្ទ ប្រធានាធិបតីអាមេរិកលោក ដូណាល់ ត្រាំ បានជ្រុលមាត់និយាយថា កាលពីឆ្នាំ១៩១៧ ជំងឺផ្តាសាយអេស្ប៉ាញ H1N1 (Spanish Flu) ប្រហែលជាអ្នកបញ្ចប់សង្គ្រាមលោកលើកទី២។ ប៉ុន្តែអ្វីដែលសំខាន់គឺហេតុការណ៍​ទាំង២ ខុសគ្នារាប់ទសវត្សរ៍ ដោយសង្គ្រាមលោកលើកទី២ គឺកើតក្រោយជំងឺផ្តាសាយ H1N1 រហូតដល់ទៅ ២១ឆ្នាំ។ ពោលគឺសង្គ្រាមលោកលើកទី២ បានកើតឡើងនៅអំឡុងឆ្នាំ១៩៣៩ ខណៈជំងឺផ្ដាយសាយ H1N1 បានកើតឡើងនៅឆ្នាំ១៩១៨ ដូច្នេះវាក៏មិនមែនកើតនៅឆ្នាំ១៩១៧ដែរ។ លោក ដូណាល់ ត្រាំ បាននិយាយថា៖«អ្វីដែលសំខាន់គឺគេនិយាយថានៅឆ្នាំ១៩១៧ មានជំងឺផ្ដាសាយរាតត្បាត វាពិតជារឿងដ៏គួរឱ្យភ័យខ្លាចណាស់ ដែលវាធ្វើឱ្យបាត់បង់មនុស្សពី ៥០ ទៅ ១០០

យោងតាមការចុះផ្សាយរបស់សារព័ត៌មាន Channel News Asia សម្រាប់ថ្ងៃអង្គារ​ ទី១១ ខែសីហា ឆ្នាំ២០២០ បានឱ្យដឹងថា ប្រធានាធិបតីហ្វីលីពីនលោក រ៉ូឌ្រីហ្គោ ឌូទើតេ (Rodrigo Duterte) បានសាទរចំពោះកិច្ចខិតខំប្រឹងប្រែងរបស់រុស្ស៊ីក្នុងការបង្កើតវ៉ាក់សាំងជំងឺ COVID-19 ហើយមានឆន្ទៈចូលរួមក្នុងការសាកល្បងវ៉ាក់សាំងនោះ។ ឥឡូវនេះរុស្ស៊ីរំពឹងនឹងទទួលការយល់ព្រមពីអាជ្ញាធរពាក់ព័ន្ធ សម្រាប់វ៉ាក់សាំងប្រឆាំងជំងឺ COVID-19 ដ៏មានសក្តានុពលរបស់ខ្លួនក្នុងខែនេះ ហើយត្រៀមផ្តល់ជូនទៅហ្វីលីពីន ឬសហការជាមួយក្រុមហ៊ុនក្នុងប្រទេសដើម្បីផលិតវាឡើង។ គួរឱ្យដឹងដែរថាប្រទេសហ្វីលីពីនស្ថិតនៅក្នុងចំណោមប្រទេសអាស៊ី ដែលមានចំនួនអ្នកឆ្លងជំងឺ COVID-19 ច្រើនបំផុត ជាមួយនឹងករណីសរុប ១៣៦,៦៣៨ គិតត្រឹមថ្ងៃច័ន្ទ។ លោក Rodrigo Duterte បាននិយាយថា៖«ខ្ញុំនឹងប្រាប់ប្រធានាធិបតី វ្លាឌីមៀរ ពូទីន

ហ្វីលីពីន៖ អាជ្ញាធរសុខាភិបាលនៃប្រទេសហ្វីលីពីនបានរាយការណ៍ថា គិតត្រឹមល្ងាចថៃច័ន្ទ ទី ១០ សីហា ម្សិលមិញនេះ ប្រទេសខ្លួនបានរកឃើញអ្នកជំងឺកូវីដ ១៩ ចំនួន ៦ ៩៥៨ ករណីបន្ថែមទៀត ដែលចំនួននេះគឺជាតួលេខអ្នកឆ្លងច្រើនបំផុតប្រចាំថ្ងៃរាប់ចាប់តាំងពីពេលមានការរាតត្បាតជំងឺកូវីដ ១៩ នៅក្នុងប្រទេសហ្វីលីពីនមក។ ចំពោះករណីស្លាប់វិញក៏មានដែរគឺត្រឹមតែមួយថ្ងៃម្សិលមិញនេះ ហ្វីលីពីនមានអ្នកស្លាប់ដោយជំងឺកូវីដ ១៩ រហូតដល់ ២៤ នាក់ឯណោះ។ បើយោងតាមការចុះផ្សាយនៅក្នុងសារព័ត៌មាន Channel News Asia បានបញ្ជាក់ថា ហ្វីលីពីនគឺជាប្រទេសទី ១ ក្នុងតំបន់អាស៊ីអាគ្នេយ៍ដែលមានតួលេខអ្នកឆ្លងជំងឺកូវីដ ១៩ ច្រើនជាងគេតាមពីក្រោយដោយប្រទេសឥណ្ឌូនេស៊ីជាប្រទេសទី​ ២ ដែលមានតួលេខអ្នកឆ្លងសរុបនៅទូទាំងប្រទេសជិត ១៣

យោងតាមការចុះផ្សាយរបស់សារព័ត៌មាន រ៉យទ័រ បានឱ្យដឹងថា ប្រធានាធិបតីអាមេរិក ដូណាល់ ត្រាំ និយាយថា លោកចង់ពន្យាពេលកិច្ចប្រជុំកំពូល G7 រហូតដល់ក្រោយការបោះឆ្នោតប្រធានាធិបតីនៅខែវិច្ឆិកា។ លោក ដូណាល់ ត្រាំ ដែលនឹងធ្វើជាម្ចាស់ផ្ទះនៃកិច្ចប្រជុំកំពូលពិភពលោកនៅឆ្នាំនេះ បានប្រាប់អ្នកសារព័ត៌មាននៅឯសេតវិមានកាលពីថ្ងៃច័ន្ទថា៖ «ខ្ញុំមានទំនោរចង់ធ្វើវានៅពេលណាមួយ បន្ទាប់ពីការបោះឆ្នោត»។ គាត់បានពន្យល់ថា៖ «ខ្ញុំគិតថាវាជាបរិយាកាសស្ងប់ស្ងាត់ល្អ និងប្រសើរជាងនេះ»។ លោក ដូណាល់ ត្រាំ បាននិយាយថា៖ «យើងអាចធ្វើវាបានតាមរយៈការប្រាស្រ័យទាក់ទងគ្នាពីចម្ងាយ ឬយើងអាចធ្វើវាបានតាមរយៈការប្រជុំមួយ» ហើយលោកបានចង្អុលបង្ហាញថា ទម្រង់បែបបទនៃកិច្ចប្រជុំនឹងត្រូវបន្តពិភាក្សាគ្នាទៀត។ គួរឱ្យដឹងដែរថាកិច្ចប្រជុំ G7 ត្រូវបានពន្យាពេល ដោយសារការរីករាលដាលនៃជំងឺ COVID-19 ហើយមេដឹកនាំពិភពលោកមួយចំនួន រួមទាំងអធិការបតីអាល្លឺម៉ង់លោកស្រី អែនជេឡា