បញ្ហាជំងឺ COVID-19 បានរំខានដល់គ្រប់វិស័យ ហើយជាក់ស្ដែងសម្រាប់អ្នកដែលគាំទ្រវិស័យកីឡាវិញ ពួកគេមិនត្រូវបានអនុញ្ញាឱ្យទៅមើលការប្រកួតផ្ទាល់នោះទេ ទោះបីប្រទេសមួយចំនួនបានឱ្យមានការប្រកួតកីឡាឡើងវិញក្ដី ដើម្បីទប់ស្កាត់ការរីករាលដាលនៃជំងឺ COVID-19 នៅក្នុងចំណោមអ្នកគាំទ្រ។ យ៉ាងណាក៏ដោយមានក្រុមហ៊ុនជប៉ុនមួយហាក់មានដំណោះស្រាយថ្មីដើម្បីលើកទឹកចិត្តអ្នកលេងកីឡា ក៏ដូចជាអ្នកគាំទ្ររបស់ពួកគេ ជាមួយនឹងបច្ចេកវិទ្យាស្រែកហ៊ោពីចម្ងាយគាំទ្រការប្រកួតកីឡាទាំងមូល។ យោងតាមការចុះផ្សាយរបស់សារព័ត៌មាន CNBC បានឱ្យដឹងថា ក្រុមហ៊ុន Yamaha Corporation កំពុងសាកល្បងបច្ចេកវិទ្យាថ្មីមួយ ដែលអនុញ្ញាតឱ្យអ្នកគាំទ្របញ្ចេញសំលេងគាំទ្រនៅក្នុងការប្រកួតកីឡាតាមរយៈកម្មវិធីស្មាតហ្វូនមួយ នៅពេលដែលពួកគេកំពុងមើលការប្រកួតផ្សាយផ្ទាល់។ បច្ចេកវិទ្យានោះនឹងអនុញ្ញាឱ្យអ្នកគាំទ្រចុចប៊ូតុងស្រែកហ៊ោ ទះដៃ និងស្រែកស្រុះគ្នា -ល- ហើយសំឡេងរបស់ពួកគេនឹងបញ្ជូនមកកាន់បំពង់សំឡេង speaker ដែលមាននៅតាមពហុកីឡដ្ឋានស្រាប់។ ការពិតទៅដំបូងឡើយបច្ចេកវិទ្យានេះធ្វើឡើងសម្រាប់អ្នកជំងឺចាស់ៗនៅតាមមន្ទីរពេទ្យ ដើម្បីឱ្យពួកគាត់បានឆ្លងឆ្លើយពីចម្ងាយ ប៉ុន្តែដោយសារបញ្ហាជំងឺ COVID-19 វាធ្វើឱ្យក្រុមហ៊ុននេះមានឱកាសបានបញ្ចេញស្នាដៃខ្លួន។ ឥឡូវនេះពួកគេកំពុងស្ថិតក្នុងដំណើរការស្នើយកប៉ាតង់ ហើយក៏កំពុងតេស្ដប្រព័ន្ធសំឡេងនេះឱ្យក្លឹបបាល់ទាត់ជប៉ុនចំនួន ២៦

អាមេរិក៖ ផ្ទះចំនួន ៣ ខ្នងបានរងនូវការបំផ្លាញទាំងស្រុកនៅក្នុងហេតុការណ៍ផ្ទុះធុងហ្គាសដ៏ធំសម្បើមមួយ ដែលបានកើតឡើងកាលពីថ្ងៃច័ន្ទម្សិលមិញនេះនៅទីក្រុងបាល់ទីម័រ រដ្ឋម៉ារីលែន សហរដ្ឋអាមេរិក។ បើយោងតាមការចុះផ្សាយនៅក្នុងសារព័ត៌មាន Daily Mail បានបញ្ជាក់ឲ្យដឹងថា ហេតុការណ៍អកុសលនេះបានសម្លាប់ស្រ្តីម្នាក់ភ្លាមៗនៅនឹងកន្លែងកើតហេតុ ខណៈមនុស្សចំនួន ៦ នាក់ផ្សេងទៀតបានរងរបួសយ៉ាងធ្ងន់ធ្ងរ។ ប្រភពបានបន្តថា ក្នុងចំណោមជនរងគ្រោះទាំង ៦ នាក់នោះទៀតសោធគឺមាន ៣ នាក់ត្រូវបានរកឃើញភ្លាមៗក្រោយកើតមានហេតុការផ្ទុះ និង ៣ នាក់ទៀតត្រូវកប់ក្នុងគំនរបាក់បែកហើយគេត្រូវការពេលវេលាជាច្រើនម៉ោងទម្រាំតែអាចរកឃើញពួកគេ។ បើតាមអាជ្ញាធរប្រចាំតំបន់កើតហេតុខាងលើបានឲ្យដឹងផងដែរថា ក្នុងការធ្វើអន្តរាគមន៍ចំពោះករណីនេះអាជ្ញាធរបានប្រើប្រាស់ក្រុមអ្នកជួយសង្គ្រោះបន្ទាន់ចំនួន ២០០ នាក់ ហើយរហូតមកទល់នឹងពេលនេះក្រុមអ្នកជួយសង្គ្រោះបន្ទាន់នៅមិនទាន់បញ្ចប់ការងាររបស់ពួកគេទាំងស្រុងនៅឡើយទេ ដោយគេនៅបន្តរុករកក្នុងគំនរតូចៗមួយចំនួនទៀតក្រែងប្រទះឃើញជនរងគ្រោះជាក្មេងតូចព្រោះបើតាមការឲ្យដឹងពីជិតខាងម្នាក់បានប្រាប់អាជ្ញាធរថា ក្រោយកើតមានហេតុការណ៍នេះគាត់បានឮសំឡេងក្មេងយំ និងស្រែកឲ្យជួយចេញពីក្នុងផ្ទះដែលជាកន្លែងកើតហេតុនោះ៕ អត្ថបទ៖ ភក្តី ប្រភព៖

យោងតាមការចុះផ្សាយរបស់សារព័ត៌មាន Vietnam Insider នៅថ្ងៃអង្គារ ទី១១ ខែសីហា ឆ្នាំ២០២០ បានរាយការណ៍ថា វៀតណាមបានបាត់បង់ពលរដ្ឋម្នាក់ទៀតហើយកាលពីថ្ងៃច័ន្ទ ដោយអ្នកជំងឺជាបុរស មានអាយុ ៦៨ឆ្នាំ រស់នៅខេត្តក្វាងណាម ហើយមានជំងឺទឹកនោមផ្អែម និងមហារីកតំរងនោម។ តួលេខនេះបាននាំឱ្យវៀតណាមមានករណីស្លាប់សរុបចំនួន ១៥នាក់ ចាប់តាំងពីប្រទេសនេះមានការផ្ទុះករណីក្នុងសហគមន៍នៅក្រុងដាណាង។ ក្រសួងសុខាភិបាលបានប្រកាសកាលពីល្ងាចថ្ងៃចន្ទថា លោកបានទទួលមរណភាពដោយសារជំងឺរលាកសួតធ្ងន់ធ្ងរ ដែលបណ្តាលមកពីជំងឺ COVID-19 និងភាពស្មុគស្មាញដទៃទៀត ខណៈដែលគាត់មានជំងឺប្រចាំកាយផងនោះ ស្ថានភាពជំងឺ COVID-19 កាន់តែចុះដុនដាន។ នៅថ្ងៃទី០៩ ខែកក្កដា គាត់ត្រូវបានគេបញ្ជូនទៅមន្ទីរពេទ្យដាណាង ដោយសារជំងឺតម្រងនោមរបស់គាត់ ហើយ ៨ថ្ងៃ ក្រោយមកគាត់ត្រូវបានគេធ្វើរោគវិនិច្ឆ័យថាមានជំងឹ COVID-19។

នាយករដ្ឋមន្រ្តីលីបង់លោក Hassan Diab បានប្រកាសលាលែងពីរដ្ឋាភិបាលរបស់លោកនៅថ្ងៃច័ន្ទនេះ ចំពេលមានការរិះគន់កាន់តែខ្លាំងឡើងជុំវិញការផ្ទុះដ៏សាហាវមួយនៅទីក្រុងបេរូត។ ប្រទេសនេះបានធ្លាក់ចូលក្នុងភាពច្របូកច្របល់ ចាប់តាំងពីការផ្ទុះបានផ្ទុះឡើងនៅរដ្ឋធានីកាលពីថ្ងៃអង្គារសប្ដាហ៍មុន ដោយបានសម្លាប់មនុស្សយ៉ាងហោចណាស់ ១៥៨នាក់ និងមនុស្សជាង ៦,០០០នាក់ ផ្សេងទៀតបានរងរបួស។ ការស្វែងរកនៅតែបន្តសម្រាប់មនុស្សរាប់សិបនាក់ដែលនៅតែបាត់ខ្លួន ហើយមូលហេតុនៃការផ្ទុះនៅតែមិនទាន់ច្បាស់នៅឡើយ។ រដ្ឋាភិបាលប្រទេសនេះធ្លាប់បានរឹបអូសសារធាតុអាម៉ូញ៉ូមនីត្រាតដ៏ច្រើន និងបានរក្សាទុកនៅក្នុងឃ្លាំងមួយនៅកំពង់ផែអស់រយៈពេលជាយូរឆ្នាំមកហើយ ខណៈដែលសារធាតុគីមីនេះអាចត្រូវបានប្រើដើម្បីផលិតគ្រឿងផ្ទុះ។ មនុស្សជាច្រើនក៏បានស្ដីបន្ទោសរដ្ឋាភិបាលរបស់ប្រទេស ចំពោះភាពធូររលុងលើការត្រួតពិនិត្យសារធាតុទាំងនេះ ហើយការពិតទៅប្រទេសនេះរងការរិះគន់ជាយូរមកហើយទាក់ទងនឹងអំពើពុករលួយ និងវិបត្តិសេដ្ឋកិច្ច។ ឥឡូវនេះមានពលរដ្ឋរហូតដល់ទៅជាង ៣០០,០០០នាក់ និយាយថា ពួកគេសុទ្ធតែរងការខូចខាតដោយសារការផ្ទុះនេះទាំងអស់ ហើយមួយរយៈចុងក្រោយនេះក៏សម្បូរដំណឹងលាលែងពីតំណែងផងដែរ៕ អត្ថបទ៖ លីដា ប្រភព៖ NHK

អាមេរិក៖ គិតត្រឹមថ្ងៃអង្គារ ទី១១ ខែ សីហា ឆ្នាំ២០២០នេះ អាជ្ញាធរសុខាភិបាលសហរដ្ឋអាមេរិកបានរាយការណ៍ថា តួលេខអ្នកជំងឺកូវីដ ១៩ នៅក្នុងប្រទេសខ្លួនបានកើនឡើងជាង ៥ លានករណី ដែលតាមរយៈតួលេខដ៏ច្រើននេះអាចបង្ហាញថា អាមេរិកនៅមិនទាន់អាចគ្រប់គ្រងការរាតត្បាតជំងឺបាននៅឡើយទេ។ ក្រៅតែពីមានចំនួនអ្នកឆ្លងថ្មីបានកើនឡើងយ៉ាងគំហុក ចំនួនអ្នកស្លាប់ដោយជំងឺកូវីដ ១៩ នៅអាមេរិកក៏មានការកើនឡើងគួរឲ្យគត់សម្គាត់ពោលគឺមានចំនួនច្រើនជាង ១៦ ម៉ឺនករណី។ នៅចំពោះមុខរបាយការណ៍មួយនេះ លោកប្រធានាធិបតីអាមេរិក ដូណល់ត្រាំ ត្រូវសាធារណៈជនរិះគន់យ៉ាងខ្លាំងៗថា វិធានការជួយសង្គ្រោះអ្នកជំងឺរបស់គាត់គ្មានប្រសិទ្ធភាពទាល់តែសោះ។ បើតាមការចុះផ្សាយនៅក្នុងសារព័ត៌មាន Channel News Asia បានបង្ហាញថាចំនួនអ្នកជំងឺកូវីដ ១៩ នៅតាមបណ្តាប្រទេសធំៗជាច្រើនសុទ្ធតែបានកើនឡើងដូចគ្នា ហើយលប្រទេសថ្មីមួយនៅតំបន់អាហ្វ្រិកខាងកើតគឺប្រទេសម៉ាឡាវី  កាលពីពេលកន្លងទៅនេះបានសម្រេចដាក់ប្រទេសក្នុងគ្រាអាសន្នតែម្តងដោយសារបានរកឃើញអ្នកជំអឺកូវីដ ១៩

យោងតាមគណៈកម្មាធិការជាតិសម្រាប់ការត្រួតពិនិត្យនិងទប់ស្កាត់ជំងឺ COVID-19 បានរាយការណ៍ថា វៀតណាមបានកត់ត្រាករណីថ្មីចំនួន ៦នាក់ បន្ថែមទៀត នៅយប់ថ្ងៃច័ន្ទ ទី១០ ខែសីហា ឆ្នាំ២០២០ ដែលបាននាំឱ្យករណីជំងឺ COVID-19 សរុបហក់ឡើងដល់ ៨៤៧នាក់ ហើយក្នុងនោះមាន ៣១៨នាក់ ជាករណីនាំចូល។ ក្នុងចំណោមអ្នកជំងឺថ្មីៗគឺមានអាយុពី ៨ – ៦៥ឆ្នាំ ដោយមាន ១នាក់ នៅខេត្តក្វាងណាម, ៤នាក់ នៅកណ្តាលទីក្រុងដាណាង និងករណីនាំចូលនៅទីក្រុងហូជីមិញ។ នៅថ្ងៃច័ន្ទ ទី១០ ខែសីហា នេះក៏មានអ្នកជំងឺចំនួន ៤នាក់ បន្ថែមទៀត បានជាសះស្បើយផងដែរ

ក្រុមហ៊ុនរថយន្ត Lucid ទើបតែបង្ហាញ Teaser យ៉ាងថ្មីសន្លាងមួយ ទៅក្នុងគណនី Twitter ផ្លូវការរបស់ខ្លួន ដែលវាហាក់បញ្ជាក់បានថា រថយន្តអគ្គិសនីប្រណីត Lucid Air ប្រភេទ sedan ស៊េរីថ្មីរបស់ខ្លួន អាចបើកបរបានរហូតដល់ទៅ 442 ម៉ាយ ឬ 711គីឡូម៉ែត្រ។ ប្រសិនបើវាដូចដែលក្រុមហ៊ុនអះអាងមែននោះ រថយន្តនេះនឹងក្លាយជារថយន្តអគ្គិសនី ដែលអាចបើកបានឆ្ងាយជាងគេបំផុតក្នុងពិភពលោករាល់ពេលសាកថ្មពេញម្ដង ហើយវាក៏នឹងផ្ដួល Model S របស់ក្រុមហ៊ុន Tesla ដែលថ្មីៗនេះទើបតែបំបែកកំណត់ត្រាបើកបាន 650 គីឡូម៉ែត្រ។ ពោលគឺ Lucid Air

យោងតាមការចុះផ្សាយរបស់សារព័ត៌មាន BBC បានឱ្យដឹងថា មានមនុស្សច្រើនជាង ២០០នាក់ ត្រូវបានគេជឿថាបានស្លាប់ដោយសារការផ្ទុះឃ្លាំងអាម៉ូញ៉ូមនីត្រាតដ៏សាហាវ កាលពីថ្ងៃអង្គារ នៅក្នុងរដ្ឋធានីបេរូត។ លោក Marwan Abboud បាននិយាយថា មនុស្សរាប់សិបនាក់នៅតែបាត់ខ្លួននៅឡើយ ដែលភាគច្រើននៃពួកគេគឺជាពលករបរទេស។ ប៉ុន្តែយ៉ាងណាកងទ័ពបានបញ្ឈប់ដំណាក់កាលនៃការជួយសង្គ្រោះ នៅឯកំពង់ផែដែលជាចំណុចកណ្តាលនៃការផ្ទុះនោះហើយ។ កាលពីថ្ងៃអាទិត្យកន្លងទៅមានការផ្ទុះអំពើហិង្សារវាងប៉ូលីសនិងក្រុមបាតុករ ដោយសារពួកគេបានខឹងនឹងការឆ្លើយតបរបស់រដ្ឋាភិបាលចំពោះគ្រោះមហន្តរាយនេះ ហើយវាក៏ជាយប់ទី២នៃការប៉ះទង្គិចគ្នានេះដែរ។ ការលាលែងពីតំណែងរបស់គណៈរដ្ឋមន្រ្តី និងសមាជិកសភាជាច្រើនរូប នៅតែបរាជ័យក្នុងការបង្ក្រាបកំហឹងនេះឱ្យស្ងប់ទៅវិញ។ គួរឱ្យដឹងដែរថា ចាប់តាំងពីការផ្ទុះកើតឡើងប្រជាជនរាប់សែននាក់បាន និងកំពុងរស់នៅក្នុងផ្ទះដែលរងការខូចខាតយ៉ាងធ្ងន់ធ្ងរ ដោយភាគច្រើនគ្មានបង្អួច ឬទ្វារ។ ម្ចាស់ជំនួយអន្តរជាតិបានសន្យាផ្តល់ជំនួយចំនួន ២៩៧ លានដុល្លារ សម្រាប់ប្រទេសលីបង់នៅឯកិច្ចប្រជុំកំពូលមួយកាលពីថ្ងៃអាទិត្យ ដែលរៀបចំឡើងដោយប្រធានាធិបតីបារាំង Emmanuel Macron ។

ភ្នំភ្លើង Sinabung ដែលមានទីតាំងនៅលើកោះស៊ូម៉ាត្រារបស់ប្រទេសឥណ្ឌូនេស៊ីបានផ្ទុះឡើងម្ដងទៀតនៅថ្ងៃច័ន្ទនេះ ដោយបាញ់ផេះនិងកម្ទេចរបស់ភ្នំភ្លើង ទៅលើមេឃចម្ងាយ ៥,០០០ ម៉ែត្រ ដែលនេះជាការផ្ទុះលើកទី២ហើយ ចាប់តាំងពីថ្ងៃសៅរ៍មក។ អ្នកស្រុកម្នាក់បានប្រាប់រ៉យទ័រថា៖ «សំឡេងផ្ទុះនោះគឺដូចជាផ្គរលាន់ វាមានរយៈពេលមិនដល់ ៣០វិនាទីទេ»។ មជ្ឈមណ្ឌលកាត់បន្ថយគ្រោះមហន្តរាយភ្នំភ្លើងនិងភូគព្ភសាស្ត្រនៅឥណ្ឌូណេស៊ីបាននិយាយថា ខណៈពេលនេះមិនមានរបាយការណ៍បង្ហាញថាមានមនុស្សស្លាប់ ឬរងរបួសពីការផ្ទុះនេះទេ។ ប៉ុន្តែវាបាននិយាយថា ពលរដ្ឋគួរតែស្ថិតនៅឱ្យឆ្ងាយយ៉ាងតិច ៥ គីឡូម៉ែត្រ ពីមាត់រណ្ដៅរបស់ភ្នំភ្លើង។ ទីភ្នាក់ងារនេះបាននិយាយថា ប្រជាជននៅតំបន់នោះគួរតែពាក់ម៉ាស់របស់ពួកគេ ដើម្បីការពារខ្លួនពីផេះរបស់ការផ្ទុះនេះ ហើយត្រូវប្រយ័ត្ននឹងកម្អែភ្នំភ្លើង។ មន្ត្រីនៅប៉ុស្តិ៍អង្កេតភ្នំ Sinabung បាននិយាយថា ផេះបានគ្របដណ្ដប់លើភូមិជាច្រើនដែលមានចម្ងាយ ២០គីឡូម៉ែត្រ ពីតំបន់នោះ ហើយវាក៏ខ្លាំងជាងការផ្ទុះកាលពីថ្ងៃសៅរ៍ដែរ។ គួរឱ្យដឹងដែរថាភ្នំភ្លើង Sinabung

យោងតាមការចុះផ្សាយរបស់សារព័ត៌មានវៀតណាម Congan បានឱ្យដឹងថា អាជ្ញាធរ​​សង្កាត់ Long Bien ទីក្រុងហាណូយ បានចាប់ខ្លួនស្រ្តីម្នាក់ឈ្មោះថា Nguyen Phuong Thao អាយុ ៣០ឆ្នាំ រស់នៅតំបន់ Cau Den សង្កាត់ Hai Ba Trung ពីបទធ្វើជាឈ្មួញកណ្ដាលនៅក្នុងការជួញដូរផ្លូវភេទមួយ។ បើយោងតាមក្រុមប៉ូលីសព្រហ្មទណ្ឌនៃអធិការដ្ឋាននគរបាលស្រុក Long Bien បាននិយាយថា ដំបូងឡើយពួកគេបានទទួលដំណឹងអំពីការជួញដូរផ្លូវភេទក្នុងតំបន់ ដែលនាំឱ្យឈានដល់ការចាប់ខ្លួនអ្នករកស៊ីផ្លូវភេទ និងគូកន នៅឯសណ្ឋាគារមួយក្នុងតំបន់ Long Bien ផ្ទាល់តែម្ដង។ ស្ត្រីជាឈ្មួញកណ្ដាល អ្វីដែលគួរឱ្យចាប់អារម្មណ៍គឺអ្នករកស៊ីផ្លូវភេទបុរស ហើយបើតាមសម្ដីសារភាពបុរសម្នាក់ដែលជាអ្នករកស៊ីផ្លូវភេទបាននិយាយថា គាត់ជាគ្រូបង្វឹកសម្បទា អាយុ ៣០ឆ្នាំ ហើយគាត់បានធ្វើការនៅក្លឹបហាត់ប្រាណជាច្រើនកន្លែង