ទីភ្នាក់ងារសារព័ត៌មានរដ្ឋ IRNA បាននិយាយនៅថ្ងៃសៅរ៍ថា ការតវ៉ាដាច់ដោយលែកថ្មីមួយបានផ្ទុះឡើងនៅក្នុងទីក្រុងនានាទូទាំងប្រទេសអ៊ីរ៉ង់ មួយថ្ងៃបន្ទាប់ពីរដ្ឋាភិបាលបានប្រកាសពីការសម្រេចចិត្តដ៏គួរឱ្យភ្ញាក់ផ្អើលមួយចំពោះប្រេងសាំង និងការដំឡើងថ្លៃប្រេងសាំង។ ក្រុមអ្នកតវ៉ាបានប្រឆាំងនឹងការសម្រេចចិត្តរបស់រដ្ឋាភិបាល ដែលបានដំឡើងថ្លៃប្រេងរហូតដល់ ៥០% ហើយក៏បានព្យាយាមចង់ដុតស្ថានីយប្រេងរបស់ទីក្រុងចោលដែរ ប៉ុន្តែត្រូវបានក្រុមមន្ត្រីប៉ូលីសរារាំបាន។ ចំណែករដ្ឋាភិបាលអ៊ីរ៉ង់បានលើកឡើងចំពោះការដំឡើងថ្លៃសាំងថា ការផ្លាស់ប្តូរនេះគឺមានគោលបំណងជួយដល់ពលរដ្ឋដែលកំពុងត្រូវការជំនួយជាសាច់ប្រាក់ទៅវិញ។ មូលហេតុនៃការតវ៉ាដាច់ដោយលែកថ្មីនេះគឺដោយសារ ប្រទេសអ៊ីរ៉ង់បានកំណត់អត្រាប្រេងឥន្ធនៈថ្មី និងដំឡើងថ្លៃសាំងយ៉ាងតិច ៥០% កាលពីថ្ងៃសុក្រ។ ប្រធានអង្គការផែនការ និងថវិការបស់ប្រទេសលោក Mohammad Bagher Nobakht បាននិយាយនៅលើកញ្ចក់ទូរទស្សន៍ថា វិធានការនេះត្រូវបានគេរំពឹងថា នឹងនាំមកនូវថវិកាចំនួន ២.៥៥ពាន់លានដុល្លារ ក្នុងមួយឆ្នាំ។ លោកបានបន្ថែមថា ប្រជាជនអ៊ីរ៉ង់ប្រមាណ ៦០លាននាក់ ដែលកំពុងត្រូវការនឹងទទួលបានប្រាក់ពី ៤.៦៨ដុល្លារ សម្រាប់គូស្វាមីភរិយា

រថយន្ត Camry ស៊េរីថ្មីឆ្នាំ2020 បានបំពាក់ដោយប្រព័ន្ធ All-Wheel-Drive (បង្វិលកង់ទាំង4) ដូច្នេះអ្នកមិនចាំបាច់ត្រូវការរថយន្តប្រភេទ SUV ឬប្រភេទ Crossover ដើម្បីជិះក្នុងអាកាសធាតុមិនអំណោយផល ដូចជារដូវរងាអ្វីនោះទេ។ ក្រុមហ៊ុនផលិតរថយន្ដជប៉ុនមួយនេះ បានប្រកាសនៅថ្ងៃពុធនេះថា រថយន្ដ Camry (ដែលបានបង្ហាញខ្លួនតាំងពីឆ្នាំ1982) និងរថយន្ដម៉ាក Avalon ដែលជាម៉ូដែលមាឌធំជាង នឹងត្រូវបំពាក់ដោយមុខងារថ្មីគឺ Dynamic Torque Control ដែលជាមុខងារអមរបស់ AWD ។ Toyota និយាយថា លក្ខណៈពិសេសនេះបានមកពីម៉ូដែល RAV4 ប្រភេទ Crossover ហើយវាធ្វើឱ្យប្រសើរឡើងនូវពេលបើកលើផ្លូវមានក្រួស

នៅក្នុងភាគទី៧ នៃមូលហេតុដែលរថយន្ត Nissan NAVARA Premium Plus ល្អប្រសើរជាងម៉ាកដទៃ គឺដោយសារតែអ្នកបើកបរ Nissan នឹងទទួលបាននូវប្រព័ន្ធជំនួយចុងក្រោយ Advanced Drive-Assist™ Display (best-in-class ADAD) អេក្រង់តាបឡូ 3D TFT ទំហំ 5អ៊ីញ ដែលអាចបង្ហាញផ្ទាំងព័ត៌មានរហូតដល់ 8 ដោយគ្រាន់តែប្រើ steering switches ។ អេក្រង់ព័ត៌មានមួយនឹងបង្ហាញអ្នកបើកបរនូវឧបករណ៍វាស់ល្បឿនឌីជីថល (Speedometer) ដែលបង្ហាញពីល្បឿនយានយន្តសុក្រឹតជាងមុន ហើយជាមួយនឹងមុខងារ Distance to Empty អ្នកបើកបរនឹងអាចមានដំណើរបានត្រឹមត្រូវជាងមុន។

អង្គការសុខភាពពិភពលោក (WHO) និយាយថា ខ្លួនបានអនុញ្ញាតឱ្យដាក់ចេញនូវវ៉ាក់សាំងអេបូឡាដោយសារថាវាមានលក្ខណៈគ្រប់គ្រាន់ ដោយត្រួសត្រាយផ្លូវដើម្បីធ្វើឱ្យវ៉ាក់សាំងនេះមានវត្តមាននៅក្នុងប្រទេសនានា ដែលមានហានិភ័យខ្ពស់បំផុតនៃការផ្ទុះឡើងនៃជំងឺនេះ។ នេះគឺជាវ៉ាក់សាំងដំបូងបង្អស់ដែលមិនធ្លាប់មាន ដើម្បីប្រយុទ្ធប្រឆាំងនឹងវីរុសដ៏មានគ្រោះថ្នាក់ ដែលបានសម្លាប់មនុស្សប្រហែល ២,០០០នាក់ នៅសាធារណរដ្ឋប្រជាធិបតេយ្យកុងហ្គោ។ អង្គការសុខភាពពិភពលោកនិយាយថា ក្រុមហ៊ុនផលិតថ្នាំអាមេរិកមួយបានសាកល្បងវ៉ាក់សាំង ហើយបានបន្ថយជាពុលលើមនុស្សប្រមាណ ១៦,០០០នាក់។ ការធ្វើតេស្តរបស់ក្រុមហ៊ុនបានបង្ហាញថា វ៉ាក់សាំងការពារពួកគេពីវីរុស ដោយមិនបង្កគ្រោះថ្នាក់ដល់សុខភាពទេ។ បន្ទាប់ពីការអនុម័តបទប្បញ្ញត្តិរបស់អឺរ៉ុបកាលពីដើមសប្តាហ៍នេះ WHO បានប្រកាសថា វ៉ាក់សាំងនេះបានបំពេញតាមស្តង់ដារសុវត្ថិភាព និងប្រសិទ្ធភាពទាំងអស់។ WHO បាននិយាយថា ឥឡូវនេះអេបូឡាអាចបង្ការ និងព្យាបាលបានហើយ។ ជំហានបន្ទាប់គឺត្រូវស្តុកទុកវ៉ាក់សាំងទ្រង់ទ្រាយធំ និងបង្កើតប្រព័ន្ធមួយ ដើម្បីបញ្ជូនវ៉ាក់សាំងនេះទៅកាន់អ្នកដែលកំពុងត្រូវការ។ គួរឱ្យដឹងដែរថា អេបូឡាឆ្លងតាមរយៈការប៉ះពាល់ឈាម ឬវត្ថុរាវផ្សេងទៀតរបស់អ្នកដែលមានជំងឺនេះ ហើយអ្នកជំងឺជាង

កាសែត Thai Rath បានរាយការណ៍នៅថ្ងៃទី១៣ ខែវិច្ឆិកា ថ្មីៗនេះថា គណៈរដ្ឋមន្រ្តីថៃបានយល់ព្រមហាមឃាត់ថង់ប្លាស្ទិចប្រភេទប្រើតែមួយដង ឬ single-use នៅតាមបណ្ដាផ្សារទំនើប និងហាងលក់រាយនានា ចាប់ពីថ្ងៃទី០១ ខែមករា ឆ្នាំ២០២០ តទៅ។ អ្នកនាំពាក្យរដ្ឋាភិបាលលោក Traisulee Traisoranakul បាននិយាយថា កិច្ចព្រមព្រៀងនេះគឺជាផ្នែកមួយនៃផែនទីបង្ហាញផ្លូវ ដើម្បីលុបបំបាត់សំរាមប្លាស្ទិចនៅឆ្នាំ២០៣០។ ការពិតទៅការហាមឃាត់នេះ ត្រូវបានគណៈកម្មាធិការបរិស្ថានជាតិរបស់ថៃ (NEC) អនុម័តតាំងតែពីថ្ងៃទី១៩ ខែកញ្ញា ឆ្នាំ២០១៩ មកម៉្លេះ។ គេរំពឹងថា បរិមាណសំរាមនឹងត្រូវកាត់បន្ថយចំនួន ២២៥,០០០តោន ក្នុងមួយឆ្នាំ បន្ទាប់ពីមានការអនុវត្តការហាមឃាត់នេះ។ ហើយការណ៍នេះក៏នឹងជួយកាត់បន្ថយការចំណាយរបស់ភ្នាក់ងាររដ្ឋក្នុងការលុបបំបាត់សំរាមឱ្យបាន

ហុងកុង៖ កំដៅនៃការប្រឆាំងតវ៉ាពីសំណាក់ប្រជាពលរដ្ឋហុងកុងជាមួយនឹងរដ្ឋាភិបាលហាក់មិនទាន់អន់ថយនៅឡើយ ហើយបើតាមសេចក្តីរាយការណ៍ចុងក្រោយមួយបានបង្ហាញថា មានបុរសវ័យ ៧០ ឆ្នាំម្នាក់ទៀតហើយបានស្លាប់បាត់បង់ជីវិតនៅក្នុងការប្រឆាំងតវ៉ានោះ។ យើងយោងតាមការចុះផ្សាយរបស់សារព័ត៌មាន Nextshark បានឲ្យដឹងថា ការពិតទៅជនរងគ្រោះដែលបានស្លាប់នោះមិនមែនជាសកម្មជនប្រឆាំងនឹងរដ្ឋាភិបាលឡើយ ហើយរូបគាត់ជាបុគ្គលិកនៅក្នុងមន្ទីរអនាម័យចំណីអាហារនិងបរិស្ថាន ដែលកន្លែងធ្វើការងាររបស់គាត់គឺជិតនឹងកន្លែងដែលមានការប្រឆាំងតវ៉ាដោយហិង្សាមួយ។ ប្រភពខាងលើបានបន្តថា ក្នុងពេលសម្រាកញ៉ាំបាយថ្ងៃត្រង់ជនរងគ្រោះបានចេញទៅថតយកទិដ្ឋភាពនៃការប្រឆាំងតវ៉ា ហើយក៏ត្រូវគេគប់នឹងដុំថ្មចំក្បាលរងរបួសធ្ងន់ ហើយក្រោយមកអ្នកនាំពាក្យនៅខាងមន្ទីរពេទ្យក៏បានប្រកាសថា លោកតាបានស្លាប់បាត់បង់ជីវិតនៅយប់ថ្ងៃព្រហស្បតិ៍តែម្តង ដោយសារតែរបួសធ្ងន់ធ្ងរពេក។ លោកអ្នកអាចទស្សនាហេតុការណ៍នេះទាំងស្រុងដូចក្នុងវីដេអូខាងក្រោម៖ អត្ថបទ៖ភក្តី

បន្ទប់សភានៃក្រុមប្រឹក្សាតំបន់ Veneto ក្នុងទីក្រុង Venice ប្រទេសអ៊ីតាលី បានជន់លិចជាលើកដំបូងនៅក្នុងប្រវត្តិសាស្ត្រកាលពីយប់ថ្ងៃអង្គារ។ វាបានលិចភ្លាមៗបន្ទាប់ពីសមាជិករបស់ខ្លួនបានច្រានចោលការធ្វើវិសោធនកម្ម ដើម្បីដោះស្រាយការប្រែប្រួលអាកាសធាតុ និងការកើនឡើងនៃកម្ពស់ទឹកសមុទ្រនាពេលអនាគតរបស់ទីក្រុង ចំពេលដែលទឹកកំពុងវាយប្រហារទីក្រុងបុរាណដ៏អស្ចារ្យ និងជាបេ​តិក​ភ័​ណ្ឌ​ពិភពលោក ក្នុងប្រទេសអ៊ីតាលីមួយនេះ។ នៅក្នុងហ្វេសប៊ុកគណនីលោក Andrea Zanoni អនុប្រធានគណៈកម្មាធិការបរិស្ថានក្រុមប្រឹក្សាតំបន់ លោកបានពន្យល់ពីកាលៈទេសៈជុំវិញហេតុការណ៍នោះថា បន្ទប់នោះបានលិចភ្លាមៗ ២នាទីបន្ទាប់ពីសមាជិកបក្ស Brothers of Italy និង Forza Italia បរាជ័យក្នុងការធ្វើវិសោធនកម្ម ដើម្បីទប់ទល់ការប្រែប្រួលអាកាសធាតុ។ លោក Andrea ក៏បានបន្ទោសប្រធានប្រចាំតំបន់លោក Luca Zaia ថា គ្មានសកម្មភាពជាក់ស្តែង

វេជ្ជបណ្ឌិតអ្នកស្រី Müller គ្រូពេទ្យចិត្តសាស្ត្រនៅសាលាវេជ្ជសាស្ត្រ Hannover មកពីប្រទេសអាល្លឺម៉ង់ និងសហការីរបស់អ្នកស្រី បានធ្វើការសិក្សាមួយ ដោយពួកគាត់បានតាមដានអ្នកចូលរួមចំនួន ១២២នាក់ ដែលពួកគេកំពុងស្វែងរកជំនួយចំពោះការញៀនទិញទំនិញតាមអ៊ីនធឺណេតរបស់ពួកគេ។ ក្នុងអំឡុងពេលនៃការស្រាវជ្រាវ ក្រុមអ្នកវិទ្យាសាស្ត្របានរកឃើញថា អ្នកដែលកំពុងមានបញ្ហាញៀននឹងការទិញអីវ៉ាន់អនឡាញ មានអត្រាខ្ពស់នៃជំងឺបាក់ទឹកចិត្ត និងការថប់បារម្ភ។ អ្នកស្រាវជ្រាវជឿថា ការញៀនត្រូវបានកើនឡើងតាមរយៈការកើនឡើងនៃហាងទំនិញអនឡាញ កម្មវិធីទូរសព្ទ និងការចែកចាយដល់ផ្ទះ ដែលទាំងនេះវាបានបន្ថែមវិមាត្រថ្មីទៅនឹងគំនិតនៃការក្លាយជា shopaholic ឬអ្នកញៀនទិញអីវ៉ាន់នេះ។ ទីផ្សារលើអ៊ិនធឺណេតមិនដែលបិទនោះទេ ដូច្នេះអ្នកដើរផ្សារអាចបណ្ដោយខ្លួនបានគ្រប់ម៉ោងពេញមួយថ្ងៃ ដោយមិនចាំបាច់ចាកចេញពីផ្ទះ ឬទាក់ទងជាមួយមនុស្សផ្សេងទៀតឱ្យទិញជំនួសនោះទេ។ ជារឿយៗហាងលក់តាមអនឡាញក៏ផ្តល់ជូននូវការលក់យ៉ាងពិសេស ដែលផ្តល់ជូនអតិថិជននូវភាពងាយស្រួលក្នុងតម្លៃសមរម្យជាងហាងនៅក្រៅធម្មតា។ ការកើនឡើងនូវផលិតផលអនឡាញមានន័យថា មនុស្សដែលក្មេងជាងវ័យកំពុងបង្ហាញសញ្ញានៃទម្លាប់ការទិញខុសធម្មតា (buying-shopping disorder/BSD) ដែលអ្នកស្រាវជ្រាវជឿថា មានឥទ្ធិពលលើ

ក្មេងប្រុសអច្ឆរិយ​ម្នាក់ត្រូវបានគេរាយករណ៍ថា កំពុងតែរៀនថ្នាក់បរិញ្ញាបត្រខណៈរូបគេទើបមានអាយុត្រឹមតែ ៩ ឆ្នាំប៉ុណ្ណោះ។ ក្មេងប្រុសដែលមានសមត្ថភាពខួរក្បាលដ៏អស្ចារ្យរូបនេះមានឈ្មោះថា Laurent Simons ជាជនជាតិបែលហ្ស៊ិក។ បើយោងតាមសារព័ត៌មាន CNN បានឲ្យដឹងថា សាកលវិទ្យាល័យដែលព្រមទទួលក្មេងប្រុសវ័យឆ្លាតជាងអាយុរូបនេះឲ្យចូលរៀនមានឈ្មោះថា Eindhoven University of Technology (TUE) ដែលមានទីតាំងស្ថិតនៅក្នុងប្រទេសហូឡង់។ អ្វីដែលគួរឲ្យចាប់អារម្មណ៍ខ្លាំងទៀតនោះគឺកុមារា Laurent Simons បានជ្រើសរើសជំនាញផ្នែកវិស្វករអគ្គិសនី ដែលជាមុខវិជ្ជាដ៏លំបាកសិក្សាមួយសម្រាប់និស្សិតទូទៅដែលមានអាយុច្រើនៗផងដែរ។ កុមារា Laurent Simons បានបង្ហាញឆន្ទៈថា ក្រោយបញ្ចប់ថ្នាក់បរិញ្ញាបត្ររូបគេនឹងបន្តការសិក្សាផ្នែកវិស្វករអគ្គិសនីដដែលនេះរហូតដល់ចប់ថ្នាក់បណ្ឌិតតែម្តង។ ចំពោះឪពុកម្តាយរបស់ប្អូនប្រុសវិញគឺលោក  Alexander Simons និងលោកស្រី Lydia  បានប្រាប់អ្នកសារព័ត៌មានថា ពួកគាត់មិនបានធ្វើអ្វីជាពិសេសមុនពេលពពោះ និងក្នុងអំឡុងពេលពពោះកូនប្រុសរូបនេះឡើយ ពោលគឺលោកស្រី Lydia

មន្រ្តីគយវៀតណាមបាននិយាយកាលពីថ្ងៃព្រហស្បតិ៍ថា ប្រទេសខ្លួនកំពុងព្យាយាមទប់ស្កាត់ការក្លែងបន្លំការនាំចេញរបស់បរទេស ដែលមានគោលដៅទៅអាមេរិក។ ពួកគេនិយាយថា អ្នកនាំចេញទំនិញទាំងនោះបានដាក់តែមលើទំនិញខ្លួនទៅជា “Made in Vietnam” ដើម្បីជៀសវាងពន្ធគយ ដែលមានតម្លៃរាប់រយលានដុល្លារលើទំនិញចិន ដាក់ដោយប្រធានាធិបតីអាមេរិកលោក ដូណាល់ ត្រាំ នៅក្នុងសង្គ្រាមពាណិជ្ជកម្មយ៉ាងអូសបន្លាយកន្លងមកនេះ។ ការផ្លាស់ប្តូរនេះក៏បានជំរុញឱ្យមានការព្រួយបារម្ភចំពោះការកើនឡើងនៃអ្នកផលិតដែលអះអាងថា ផលិតផលរបស់ពួកគេខុសច្បាប់មកពីប្រទេសវៀតណាម ទាំងដែលការពិតពួកវាមានប្រភពដើមមកពីប្រទេសចិន ហើយអាជ្ញាធរបានប្តេជ្ញាថា ទប់ស្កាត់បញ្ហានេះជាមួយនឹងការត្រួតពិនិត្យ និងការដាក់ទណ្ឌកម្មយ៉ាងតឹងរ៉ឹង។ មន្ត្រីគយនៅទីក្រុងហាណូយបាននិយាយកាលពីថ្ងៃព្រហស្បតិ៍ថា បច្ចុប្បន្នពួកគេខ្វះធនធានដើម្បីដោះស្រាយបញ្ហានេះឱ្យបានត្រឹមត្រូវ ហើយមានតែ ៥% នៃទម្រង់ប្រកាសនាំចេញ/នាំចូល ត្រូវបានផ្ទៀងផ្ទាត់ត្រឹមត្រូវ៕ អត្ថបទ៖ លីដា