លោកស្រី Nancy Pelosi ដែលបានដឹកនាំគណបក្សប្រជាធិបតេយ្យនៅក្នុងសភាតំណាងរាស្រ្តសហរដ្ឋអាមេរិក អស់រយៈពេលជិត ២ ទសវត្សរ៍មកហើយនោះ បានប្រកាសថា លោកស្រីនឹងឈប់ពីតួនាទីនេះ។ ស្ត្រីដែលមានអាយុ ៨២ឆ្នាំរូបនេះ គឺជាសមាជិកប្រជាធិបតេយ្យដ៏មានឥទ្ធិពលបំផុតនៅក្នុងសភា ហើយគាត់គឺជាស្ត្រីដំបូងគេ ដែលបានកាន់តំណែងជាប្រធានរដ្ឋសភានេះ។ យ៉ាងណាក៏ដោយ លោកស្រីនឹងនៅតែបន្តធ្វើតំណាងរាស្ត្រឱ្យសង្កាត់កាលីហ្វ័រញ៉ានៅក្នុងសភាជាន់ទាប។ វាកើតឡើងនៅពេលដែលគណបក្សសាធារណរដ្ឋត្រូវបានគេព្យាករណ៍ថា នឹងកាន់កាប់សភាឡើងវិញ បន្ទាប់ពីការបោះឆ្នោតពាក់កណ្តាលអាណត្តិរួចរាល់។ លោក Kevin McCarthy មកពីគណបក្សសាធារណរដ្ឋបានឈ្នះការគាំទ្រក្នុងនាមជាបេក្ខភាពថ្មី ហើយគាត់ទំនងជានឹងបន្តតំណែងរបស់លោកស្រី Pelosi ។ លោកស្រី Pelosi បាននិយាយនៅក្នុងសេចក្តីថ្លែងការណ៍មួយនៅក្នុងអង្គជំនុំជម្រះកាលពីថ្ងៃព្រហស្បតិ៍ថា៖«ខ្ញុំមិនដែលគិតថាថ្ងៃណាមួយ ខ្ញុំអាចផ្ដើមចេញពីមេផ្ទះទៅជាប្រធានរដ្ឋសភានោះទេ»។ លោកស្រីបាននិយាយថា៖«ខ្ញុំនឹងមិនស្វែងរកការបោះឆ្នោតឡើងវិញនៅក្នុងសភាថ្មីទេ។ ដល់ម៉ោងហើយសម្រាប់មនុស្សជំនាន់ថ្មី ដើម្បីដឹកនាំគណៈបក្សប្រជាធិបតេយ្យ»។ លោកស្រី

Twitter បានប្រាប់បុគ្គលិកថា អគារការិយាល័យរបស់ក្រុមហ៊ុននឹងត្រូវបិទជាបណ្តោះអាសន្ន ហើយការប្រកាសនោះគឺមានប្រសិទ្ធភាពភ្លាមៗ។ នៅក្នុងសារមួយដែលបានឃើញដោយ BBC បុគ្គលិកត្រូវបានគេប្រាប់ថា ការិយាល័យនឹងបើកឡើងវិញនៅថ្ងៃច័ន្ទ ទី២១ ខែវិច្ឆិកា ឆ្នាំ២០២២។ យ៉ាងណាក៏ដោយ វាមិនបានផ្តល់ហេតុផលសម្រាប់ការផ្លាស់ប្តូរនោះទេ។ ការ​ប្រកាស​នេះ​កើត​ឡើង​ចំពេល​មាន​របាយការណ៍​ថា​ បុគ្គលិក​មួយ​ចំនួន​ធំ​បាន​លាឈប់​ពី​ការងារ​ បន្ទាប់​ពី​ម្ចាស់​ថ្មី​គឺលោក Elon Musk បាន​អំពាវនាវ​ឱ្យ​ពួកគេ​ស៊ីញ៉េយល់ព្រមធ្វើការក្នុងរយៈពេល​ច្រើន​ម៉ោង ឬ​ចាកចេញពីក្រុមហ៊ុន។ សារបានបន្តថា៖«សូមបន្តគោរពតាមគោលការណ៍ក្រុមហ៊ុន ដោយបដិសេធមិនពិភាក្សាអំពីព័ត៌មានសម្ងាត់របស់ក្រុមហ៊ុននៅលើប្រព័ន្ធផ្សព្វផ្សាយសង្គម ជាមួយសារព័ត៌មាន ឬកន្លែងផ្សេងទៀត»៕ អត្ថបទ៖ លីដា ប្រភព៖ BBC

អ្នកនាំពាក្យបាននិយាយកាលពីថ្ងៃអង្គារថា ប្រធានអង្គការណាតូលោក Jens Stoltenberg នឹងជួបពិភាក្សាជាមួយឯកអគ្គរដ្ឋទូតសម្ព័ន្ធមិត្តបណ្ដាប្រទេសណាតូនៅថ្ងៃពុធនេះ ជុំវិញការផ្ទុះដ៏សាហាវនៅក្នុងប្រទេសប៉ូឡូញ។ អ្នកនាំពាក្យអង្គការណាតូ លោកស្រី Oana Lungescu បាននិយាយថា៖«អគ្គលេខាធិការនឹងធ្វើជាប្រធានកិច្ចប្រជុំបន្ទាន់មួយរបស់ឯកអគ្គរដ្ឋទូតណាតូនៅថ្ងៃស្អែក ដើម្បីពិភាក្សាអំពីឧប្បត្តិហេតុសោកនាដកម្មនេះ»។ រំលឹកផងដែរថា មនុស្សចំនួន ២នាក់ បានស្លាប់កាលពីថ្ងៃអង្គារ នៅក្នុងការផ្ទុះដែលបង្កឡើងដោយគ្រាប់មីស៊ីលផលិតដោយរុស្ស៊ីនៅក្នុងភូមិ Przewodow ប្រទេសប៉ូឡូញ ក្បែរព្រំដែនប៉ូឡូញ-អ៊ុយក្រែន។ ក្រោយ​មក​ក្រសួង​ការ​បរទេសរបស់​ប៉ូឡូញ​បានបញ្ជាក់​ថា គ្រាប់​មីស៊ីល​បាន​ធ្លាក់​មក​លើ​ភូមិ​នៅ​វេលា​ម៉ោង ៣ និង ៤០​នាទី​រសៀលកាលពីថ្ងៃអង្គារ ហើយវាបានកោះហៅឯកអគ្គរដ្ឋទូតរុស្ស៊ី ឱ្យផ្តល់ការពន្យល់លម្អិតភ្លាមៗចំពោះបញ្ហានេះ។ ក្រសួងការពារជាតិរុស្ស៊ីបានបដិសេធរបាយការណ៍ប្រព័ន្ធផ្សព្វផ្សាយ ដោយនិយាយថា៖«ប្រព័ន្ធផ្សព្វផ្សាយ និងមន្ត្រីប៉ូឡូញបង្ករឿងដោយចេតនា ដើម្បីធ្វើឱ្យស្ថានការណ៍កាន់តែតានតឹងជាមួយនឹងសេចក្តីថ្លែងការណ៍របស់ពួកគេ ស្តីពីផលប៉ះពាល់នៃគ្រាប់មីស៊ីលរុស្ស៊ី នៅ Przewodow»។

រថយន្ត Toyota Prius ជំនាន់ទី 5 ទើបតែត្រូវបានដាក់បង្ហាញនៅប្រទេសជប៉ុនជាផ្លូវការ ជាមួយនឹងការកែលម្អប្រសើរជាងមុន ដែលធ្វើឱ្យរថយន្តនេះ កាន់តែមានភាពស្វាហាប់ ធំទូលាយ និងទាក់ទាញជាងមុន ខណៈខ្សែ plug-in ភ្ជាប់ទៅម៉ាស៊ីន powertrain កូនកាត់របស់វាក៏ត្រូវបានកែលម្អផងដែរ។ ផ្នែកខាងក្រៅនៅតែរចនាឡើងជាទម្រង់ monoform ដូចជំនាន់មុនៗ ក៏ប៉ុន្តែមានគម្លាតកង់ធំជាងមុន ចំណុចទំនាញចុះក្រោមជាងមុនបន្ដិច និងមានកង់ទំហំ 19 អ៊ីញ ដែលធំជាងតាមស្តង់ដារចាស់។ ការរចនានេះស្រដៀងគ្នាទៅនឹងរថយន្ត Crown ថ្មីរបស់ក្រុមហ៊ុន ជាពិសេសគឺនៅផ្នែកខាងមុខ ដែលមានចង្កៀងខាងមុខ និងរបារអំពូល LED នៅផ្នែកខាងក្រោយ ដែលមានភាពស្រដៀងគ្នាមិនអាចមើលរំលងបាន។ រថយន្ត

អតីតប្រធានាធិបតីលោក ដូណាល់ ត្រាំ បានប្រកាសកាលពីយប់ថ្ងៃអង្គារ (ម៉ោងនៅអាមេរិក) ចេញពីវីឡា Mar-a-Lago របស់គាត់ក្នុងរដ្ឋ Florida ថា គាត់នឹងឈរឈ្មោះជាប្រធានាធិបតីជាលើកទី៣។ លោក ដូណាល់ ត្រាំ បានប្រកាសឈរឈ្មោះ សម្រាប់ការបោះឆ្នោតប្រធានាធិបតីឆ្នាំ២០២៤ បន្ទាប់ពីបានដាក់ចេញនូវសេចក្តីថ្លែងការណ៍អំពីការឈរឈ្មោះជាបេក្ខភាព ជាមួយគណៈកម្មាធិការបោះឆ្នោតសហព័ន្ធ។ លោក ត្រាំ បាននិយាយថា៖«ដើម្បីធ្វើឱ្យអាមេរិកអស្ចារ្យ និងរុងរឿងម្តងទៀត នៅយប់នេះ ខ្ញុំនឹងប្រកាសជាបេក្ខភាពប្រធានាធិបតីសហរដ្ឋអាមេរិក»។ លោក ត្រាំ ដែលកំពុងមានអាយុ ៧៦ឆ្នាំ បានប្រាប់អ្នកគាំទ្ររបស់គាត់នៅក្នុងសុន្ទរកថាមួយថា៖«កាលពី ២ឆ្នាំមុន ពួកយើងគឺជាប្រជាជាតិដ៏អស្ចារ្យ ហើយឆាប់ៗនេះយើងនឹងក្លាយជាប្រជាជាតិដ៏អស្ចារ្យម្តងទៀត»។ សុន្ទរកថាជាច្រើនរបស់លោក ត្រាំ

របាយការណ៍ដែលមិនទាន់បានបញ្ជាក់មួយបាននិយាយថា មីស៊ីលដែលផលិតដោយប្រទេសរុស្ស៊ី បានវាយប្រហារភូមិមួយរបស់ប្រទេសប៉ូឡូញ នៅជិតនឹងព្រំដែនអ៊ុយក្រែន ដោយបានសម្លាប់មនុស្សចំនួន ២នាក់ ហើយជំរុញឱ្យមានការព្រួយបារម្ភជារួមសម្រាប់សម្ព័ន្ធមិត្តណាតូទាំងអស់ នេះបើយោងតាមការចុះផ្សាយរបស់សារព័ត៌មានរ៉យទ័រ។ ប្រទេសប៉ូឡូញបានបញ្ជាក់ថា ការផ្ទុះនេះគឺបណ្តាលមកពីមីស៊ីលមួយ ប៉ុន្តែបាននិយាយថា ខ្លួនមិនមានភស្តុតាងជាក់ស្តែងថា អ្នកណាជាអ្នកបាញ់វានោះទេ។ បើ​ជា​រុស្ស៊ីមែន នោះវា​នឹង​ជា​ការ​វាយ​ប្រហារ​លើក​ដំបូង​របស់​ក្រុង​ម៉ូស្គូ​ទៅ​លើ​ប្រទេសជាសមាជិក​ណាតូ។ គេខ្លាចថា អង្គការណាតូអាចលើកយកមាត្រា៥ មកប្រើប្រាស់ ដែលវាបានចែងថា ការវាយប្រហារប្រឆាំងនឹងសមាជិកណាម្នាក់ ត្រូវបានចាត់ទុកថាជាការវាយប្រហារប្រឆាំងនឹងសមាជិកទាំងអស់របស់ណាតូ ដែលនេះអាចបង្កឱ្យមានសង្គ្រាមកើតឡើងបាន។ ប្រទេសប៉ូឡូញត្រូវបានគេរាយការណ៍ថា កំពុងពិចារណាលើការអនុម័តមាត្រា៤ នៃសន្ធិសញ្ញាសម្ព័ន្ធសន្តិសុខ ដែលអំពាវនាវឱ្យមានការពិគ្រោះយោបល់ ប្រសិនបើប្រទេសសមាជិកមានអារម្មណ៍ថា បូរណភាពទឹកដីរបស់ខ្លួនត្រូវបានគំរាមកំហែង។ អគ្គលេខាធិការអង្គការណាតូ លោក Jens Stoltenberg បានសរសេរនៅលើ Twitter ថា

រដ្ឋាភិបាលថៃបានរៀបចំវត្ថុអនុស្សាវរីយ៍ចំនួន ៧ប្រភេទ សម្រាប់ជាកាដូដល់មេដឹកនាំ និងភរិយារបស់ពួកគេ នៅក្នុងអំឡុងកិច្ចប្រជុំកំពូល APEC ដែលនឹងប្រព្រឹត្តទៅនៅថ្ងៃទី១៨ និង១៩ ខែវិច្ឆិកា ប៉ុន្មានថ្ងៃខាងមុខនេះ នៅឯមជ្ឈមណ្ឌលសន្និបាតជាតិ ម្ចាស់ក្សត្រីសិរីគិត ក្នុងទីក្រុងបាងកក។ វត្ថុអនុស្សាវរីយ៍ទាំងនោះបង្ហាញពីភាពប្លែកពីគេ គំនិតនៃការអភិរក្សបរិស្ថាន និងឱកាសថ្មី ក្រោមគំរូសេដ្ឋកិច្ច Bio-Circular-Green (BCG)។ ខាងក្រោមនេះគឺជាវត្ថុអនុស្សាវរីយ៍ទាំង ៧ ដែលមានដូចជា៖ – រូបចម្លាក់ព្រះបរមរាជវាំងធ្វើពីដែកកែច្នៃ។ វាមានរូបព្រះទីន័ងនាវានៅខាងមុខ និងនិមិត្តសញ្ញា APEC 2022 នៅផ្ទៃខាងក្រោយ។ វាត្រូវបានផលិតដោយសហគមន៍វត្ត Sri Suphan ក្នុងខេត្តឈៀងម៉ៃ។ – ប្រអប់មួយដែលមាន

អង្គការសហប្រជាជាតិបានប៉ាន់ប្រមាណថា ចំនួនប្រជាជនពិភពលោកនៅថ្ងៃអង្គារនេះនឹងកើនឡើងដល់ ៨ ពាន់លាននាក់ ជាមួយនឹងកំណើនដែលមានខ្ពស់បំផុត គឺនៅក្នុងប្រទេសឥណ្ឌា និងប្រទេសក្នុងទ្វីបអាហ្វ្រិក។ ចំនួនប្រជាជនពិភពលោកបានកើនឡើងប្រហែល ១ ពាន់លាននាក់ ក្នុងរយៈពេល ១២ ឆ្នាំចុងក្រោយនេះ ដោយសារតែអាយុជាមធ្យមមានការកើនឡើងជាងមុន និងការថយចុះអត្រាមរណភាពសម្រាប់ម្តាយ និងកុមារ។ អង្គការសហប្រជាជាតិ បាននិយាយថា ប្រទេសមួយចំនួននៅអាស៊ីខាងត្បូង និងអាហ្រ្វិក ទំនងជានឹងបន្តឃើញការកើនឡើងចំនួនប្រជាជនយ៉ាងច្រើន។ ប្រទេសនៅអនុតំបន់សាហារ៉ាអាហ្រ្វិកត្រូវបានគេរំពឹងថា នឹងមានច្រើនជាងពាក់កណ្តាលនៃការកើនឡើងចំនួនប្រជាជនពិភពលោក ដែលរំពឹងទុករហូតដល់ឆ្នាំ២០៥០។ ចំណែកឥណ្ឌា​ត្រូវ​បាន​គេ​ព្យាករ​ថា នឹង​វ៉ា​ដាច់​ប្រទេស​ចិន​ជា​ប្រទេស​ដែល​មាន​ប្រជាជន​ច្រើន​បំផុត​ក្នុង​ពិភពលោក​នៅ​ឆ្នាំ​២០២៣។ អង្គការសហប្រជាជាតិក៏និយាយផងដែរថា ចំនួនប្រជាជននៃប្រទេស ឬតំបន់ចំនួន ៦១ រួមទាំងប្រទេសជប៉ុន ត្រូវបានគេព្យាករណ៍ថា នឹងថយចុះ ១%

រដ្ឋាភិបាលរបស់ប្រទេសទួរគីបានស្នើថា ខ្លួននឹងសងសឹករាល់ជនល្មើសដែលពាក់ព័ន្ធនឹងការវាយប្រហារដោយគ្រាប់បែកដ៏សាហាវនៅអ៊ីស្តង់ប៊ុល។ អាជ្ញាធរសន្តិសុខរបស់ប្រទេសនេះ កំពុងថ្កោលទោសយ៉ាងខ្លាំងលើក្រុមសកម្មប្រយុទ្ធ រួមទាំងគណបក្សពលករឃឺដ ឬ PKK សម្រាប់ការវាយប្រហារមួយនោះ។ គួររំលឹកជូនដែរថា ការបំផ្ទុះកាលពីថ្ងៃអាទិត្យនៅលើផ្លូវដើរទិញឥវ៉ាន់ដ៏មមាញឹកក្នុងទីក្រុងអ៊ីស្តង់ប៊ុល បានសម្លាប់មនុស្សយ៉ាងហោចណាស់ ៦នាក់ និងរបួស ៨១នាក់ ផ្សេងទៀត។ អាជ្ញាធរបាននិយាយថា ពួកគេបានចាប់ឃុំខ្លួនស្ត្រីជនជាតិស៊ីរីម្នាក់ ដែលសង្ស័យថា បានបង្កប់គ្រាប់បែក ក៏ដូចជាមនុស្សប្រមាណ ៥០នាក់  ផ្សេងទៀតដែលជាប់សង្ស័យ។ ស្ត្រីជនជាតិស៊ីរី តាមសេចក្តីរាយការណ៍បានប្រាប់អ្នកស៊ើបអង្កេតថា នាងត្រូវបានបណ្តុះបណ្តាលដោយពួកគណបក្សពលករឃឺដ ឬ PKK និងក្រុមសកម្មប្រយុទ្ធឃឺដផ្សេងទៀត ហើយបានចូលប្រទេសទួរគី ឆ្លងកាត់ភាគពាយ័ព្យនៃប្រទេសស៊ីរី ខណៈ PKK ត្រូវ​បាន​ដាក់​ក្នុង​បញ្ជី​ជា​អង្គការ​ភេរវជន​ដោយទួរគី។ រដ្ឋមន្ត្រីក្រសួងមហាផ្ទៃលោក

តុលាការក្នុងទីក្រុងតូក្យូចំនួន ២ បានលុបចោលការកាត់ក្តីដែលគ្រោងធ្វើឡើងនៅព្រឹកថ្ងៃច័ន្ទនេះ ដោយសារតែការគំរាមកំហែងដោយគ្រាប់បែក។ តុលាការជាន់ខ្ពស់ទីក្រុងតូក្យូបាននិយាយថា មានមនុស្សគម្រាមបំផ្ទុះអគាររដ្ឋាភិបាលនៅកណ្តាលទីក្រុងតូក្យូ ប្រហែលម៉ោង ១:៣០ នាទីរសៀល នៅ​ថ្ងៃច័ន្ទ ទី១៤ ខែវិច្ឆិកា ឆ្នាំ២០២២។ អគារ​នេះ​មានទាំង​តុលាការ​ជាន់​ខ្ពស់ និង​តុលាការ​ក្រុង​តូក្យូ ហើយបន្ទាប់ពីបានពិគ្រោះជាមួយប៉ូលីស តុលាការជាន់ខ្ពស់បានដាក់កម្រិតការចូលទៅកាន់អគាររយៈពេល ២ម៉ោង ចាប់ពីថ្ងៃត្រង់ ហើយអ្នកទស្សនាត្រូវបានជម្លៀសចេញ។ ការ​ជំនុំ​ជម្រះ​បាន​កំណត់​នៅ​តុលាការ​ទាំង​ ២ ​ចន្លោះ​ពី​ម៉ោង ១ ដល់​ម៉ោង ២ និង ៣០ នាទី​រសៀល ត្រូវបានលុបចោល៕ អត្ថបទ៖ លីដា ប្រភព៖ Nippon