អាជ្ញាធរកូរ៉េខាងត្បូងបាននិយាយនៅថ្ងៃចន្ទនេះថា ចំនួនអ្នកស្លាប់ដោយសារហ្វូងមនុស្សផ្អើលជាន់គ្នា នៅក្នុងសង្កាត់ Itaewon របស់ទីក្រុងសេអ៊ូល បានកើនឡើងដល់ ១៥៨ នាក់។ ការិយាល័យកណ្តាលប្រឆាំងគ្រោះមហន្តរាយ និងសុវត្ថិភាពបាននិយាយថា ជនរងគ្រោះគឺជាស្ត្រីជនជាតិកូរ៉េខាងត្បូងម្នាក់ ដែលមានអាយុខ្ទង់ ២០ឆ្នាំ។ គួរឱ្យដឹងដែរថា ពលរដ្ឋកូរ៉េខាងត្បូងសរុបចំនួន ១៣២ នាក់ និងជនបរទេស ២៦ នាក់បានស្លាប់ នៅក្នុងអំឡុងពេលហ្វូងមនុស្សផ្អើលជាន់គ្នានៅក្នុងសង្កាត់ Itaewon កាលពីថ្ងៃទី២៩ ខែតុលា។ ពិធី​បុណ្យសព​សម្រាប់ពលរដ្ឋ​កូរ៉េខាងត្បូង​ចំនួន ១៣០ នាក់ ​ត្រូវបាន​បញ្ចប់ ហើយ​សាកសព​ជនបរទេស ២៤ នាក់ ​ត្រូវបាន​បញ្ជូន​ទៅកាន់​ប្រទេស​កំណើត​របស់​ពួកគេ​។ អាជ្ញាធរ​បាន​និយាយ​ថា ក្នុង​ចំណោម​អ្នក​របួសទាំង

គណៈកម្មការសុខភាពជាតិចិនបាននិយាយនៅថ្ងៃចន្ទនេះថា ប្រទេសចិនបានរាយការណ៍ពីការឆ្លងជំងឺ COVID-19 ថ្មីចំនួន ១៦,២០៣ ករណី កាលពីថ្ងៃអាទិត្យ ទី១៣ ខែវិច្ឆិកា ដែលក្នុងនោះមាន ១,៧៩៤ ករណី មានចេញរោគសញ្ញា និង ១៤,៤០៩ ករណី មិនមានចេញរោគសញ្ញា នេះបើយោងតាមការចុះផ្សាយរបស់សារព័ត៌មានរ៉យទ័រ សម្រាប់ថ្ងៃចន្ទ ទី១៤ ខែវិច្ឆិកា ឆ្នាំ២០២៣។ មុននោះមួយថ្ងៃ ចិនក៏បានកត់ត្រាការឆ្លងជំងឺ COVID-19 ថ្មីចំនួន ១៤,៨៧៨ ករណី ដោយក្នុងមាន ១,៧១១ ករណី មានចេញរោគសញ្ញា និង ១៣,១៦៧ ករណី

យោងតាមទីភ្នាក់ងារសារព័ត៌មាន AP បានរាយការណ៍ថា អតីតប្រធានាធិបតីអាមេរិកលោក ដូណាល់ ត្រាំ បានដាក់ពាក្យបណ្តឹងកាលពីថ្ងៃសុក្រ ដើម្បីរារាំងដីកាពីគណៈកម្មាធិការសភាតំណាងរាស្រ្ត ដែលស៊ើបអង្កេតលើការវាយប្រហារកាលពីថ្ងៃទី០៦ ខែមករា ឆ្នាំ២០២១ លើវិមានកាពីតូល ដោយអ្នកគាំទ្ររបស់លោកផ្ទាល់។ គណៈកម្មាធិការសភាថ្ងៃទី០៦ ខែមករា (United States House Select Committee on the January 6 Attack) បានប្រកាសនៅថ្ងៃទី២១ ខែតុលាថា ខ្លួនបានបញ្ជូនដីកាទៅលោក ដូណាល់ ត្រាំ ដោយទាមទារឱ្យគាត់ផ្តល់ឯកសារ និងផ្តល់សក្ខីកម្មនៅតុលាការ។ គណៈកម្មាធិការកំពុងស្វែងរកឯកសារជាច្រើនពីលោក ដូណាល់

ប្រធានាធិបតីលោក Volodymyr Zelenskyy កំពុងស្វែងរកការរៃអង្គាសថវិកា ដើម្បីជួយអ៊ុយក្រែនក្នុងការបញ្ជាទិញយន្តហោះគ្មានមនុស្សបើក (Drone) ដើម្បីការពារទីក្រុងរបស់ខ្លួន ប្រឆាំងនឹងការវាយប្រហារដោយមីស៊ីលរុស្ស៊ីចេញពីសមុទ្រខ្មៅ។ យុទ្ធនាការ United24 ដែលជាគំនិតផ្តួចផ្តើមរបស់លោក Zelenskyy ត្រូវបានបង្កើតឡើងសម្រាប់អ៊ុយក្រែនបន្ទាប់ពីការលុកលុយរបស់រុស្ស៊ីថ្ងៃទី២៤ ខែកុម្ភៈ។ អ៊ុយក្រែនត្រូវការយន្តហោះគ្មានមនុស្សបើកចំនួន ១០០ គ្រឿង ដែលនីមួយៗមានតម្លៃ ១០ លាន Hryvnia ឬ ២៧៤,០០០ ដុល្លារអាមេរិក។ ចាប់តាំងពីចាប់ផ្តើមការលុកលុយ ប្រទេសរុស្ស៊ីបានធ្វើការវាយប្រហារដោយមីស៊ីលពីកប៉ាល់នៅសមុទ្រខ្មៅ និងពីឧបទ្វីបគ្រីមៀ ដែលទីក្រុងម៉ូស្គូបានរឹបអូសក្នុងឆ្នាំ២០១៤ ហើយបានដាក់វាជាទីតាំងកងនាវាចរសមុទ្រខ្មៅនៅទីនោះ។ លោក Zelenskiy បានសរសេរនៅលើ Telegram ថា៖«យើងត្រូវតែការពារដែនទឹក

ក្រសួងការបរទេសរុស្ស៊ីបាននិយាយកាលពីថ្ងៃសុក្រថា ខ្លួនបានហាមប្រាមជនជាតិអាមេរិកប្រមាណ ២០០នាក់ មិនឱ្យចូលប្រទេសរុស្ស៊ីឡើយ នេះបើយោងតាមទីភ្នាក់ងារសារព័ត៌មានរដ្ឋ TASS របស់រុស្ស៊ី។ ខ្លួនបាននិយាយថា៖«ដើម្បីឆ្លើយតបទៅនឹងទណ្ឌកម្មបុគ្គលថ្មី ដែលកំពុងត្រូវបានដាក់បន្តដោយរដ្ឋបាលលោក បៃដិន មិនត្រឹមតែលើមន្ត្រីរុស្ស៊ី មន្ត្រីពាណិជ្ជកម្ម និងមន្ត្រីសាធារណៈ និងឥស្សរជនវប្បធម៌ប៉ុណ្ណោះទេ ថែមទាំងលើអ្នកដែលមិនពេញចិត្តទីក្រុងវ៉ាស៊ីនតោនដោយសារហេតុផលណាមួយ»។ វាបាននិយាយថាខ្លួនបានហាមឃាត់ការចូលដោយរួមមាន៖ លោកស្រី Valerie Biden Owens, លោក James Brian Biden និងលោក Francis William Biden ។ ជាមួយគ្នានេះ លេខាធិការសារព័ត៌មានសេតវិមានអ្នកស្រី Karine Jean-Pierre ក៏ត្រូវបានបញ្ចូលក្នុងបញ្ជីផងដែរ៕

មន្ត្រីចារកម្មម្នាក់នៅស្ថានីយ៍ប៉ូលីស Yongsan ត្រូវបានគេរកឃើញថាបានស្លាប់នៅថ្ងៃសុក្រនេះផ្ទាល់ ខណៈពេលដែលគាត់ស្ថិតនៅក្រោមការស៊ើបអង្កេត ពាក់ព័ន្ធនឹងករណីហ្វូងមនុស្សជាន់គ្នាស្លាប់នៅក្នុងសង្កាត់ Itaewon ទីក្រុងសេអ៊ូល។ ស្ថានីយប៉ូលីស Yongsan រួមជាមួយនឹងស្ថានីយពន្លត់អគ្គីភ័យ និងការិយាល័យក្នុងសង្កាត់ Itaewon បានស្ថិតនៅក្រោមការស៊ើបអង្កេតលើការចោទប្រកាន់ដែលថា ពួកគេបានបរាជ័យក្នុងការឆ្លើយតបភ្លាមៗចំពោះករណីហ្វូងមនុស្សជាន់គ្នា ដែលជាលទ្ធផលមានមនុស្សយ៉ាងហោចណាស់ ១៥៦នាក់ស្លាប់ កាលពីថ្ងៃទី២៩ ខែតុលា។ យ៉ាងណាពត៌មានលម្អិត និងឈ្មោះរបស់មន្ដ្រីម្នាក់នោះ នៅមិនទាន់ដឹងនៅឡើយទេ៕ អត្ថបទ៖ លីដា ប្រភព៖ Yonhap News Agency

រដ្ឋបាលរបស់ប្រធានាធិបតីអាមេរិក ចូ បៃដិន បានប្រកាសផ្តល់ជំនួយយោធាបន្ថែមសម្រាប់អ៊ុយក្រែន ដែលមានតម្លៃរហូតដល់ ៤០០ លានដុល្លារ។ កញ្ចប់ដែលត្រូវបានបង្ហាញកាលពីថ្ងៃព្រហស្បតិ៍ រួមមានប្រព័ន្ធការពារដែនអាកាស Avenger ចល័តចំនួន ៤ មីស៊ីលសម្រាប់ប្រព័ន្ធការពារដែនអាកាស Hawk និងគ្រាប់ផ្ទុះបន្ថែមសម្រាប់ប្រព័ន្ធ High Mobility Artillery Rocket Systems ឬ HIMARS ។ រុស្ស៊ី​កំពុង​បង្កើន​ការ​វាយ​ប្រហារ​របស់​ខ្លួន​លើ​ហេដ្ឋារចនាសម្ព័ន្ធ​សំខាន់ៗ​របស់​អ៊ុយក្រែន ដូចជា​គ្រឿង​បរិក្ខារ​ទាក់​ទង​នឹង​ថាមពល ដោយ​មាន​​នាវាបាញ់មីស៊ីល និង​យន្តហោះ​គ្មាន​មនុស្ស​បើក។ ក្រសួងការពារជាតិអាមេរិកបាននិយាយថា៖«ជាមួយនឹងការវាយប្រហារតាមផ្លូវអាកាសដោយឥតឈប់ឈរ និងឃោរឃៅរបស់រុស្ស៊ី ទៅលើហេដ្ឋារចនាសម្ព័ន្ធសំខាន់ៗរបស់អ៊ុយក្រែន សមត្ថភាពការពារដែនអាកាសបន្ថែមគឺមានសារៈសំខាន់ណាស់»។ វាក៏បាននិយាយថា សហរដ្ឋអាមេរិកបានផ្តល់ជំនួយសន្តិសុខជាង ១៨.៦

រដ្ឋមន្ត្រីការពារជាតិរុស្ស៊ីលោក Sergei Shoigu បានបញ្ជាឱ្យកងទ័ពរបស់លោក ដកខ្លួនចេញពីផ្នែកខាងលិចរបស់ទន្លេ Dnipro ដែលរួមមានទីក្រុង Kherson ដែលជាទីតាំងយុទ្ធសាស្ត្រដ៏សំខាន់។ ក្រសួងការពារជាតិបានចេញផ្សាយឃ្លីបវីដេអូនៃកិច្ចប្រជុំមួយ ទាក់ទងនឹងអ្វីដែលគេហៅថា ប្រតិបត្តិការយោធាពិសេសរបស់ខ្លួននៅក្នុងប្រទេសអ៊ុយក្រែន ដែលបានធ្វើឡើងកាលពីថ្ងៃពុធ។ ក្នុងជំនួបនោះ ឧត្តមសេនីយ Sergei Surovikin មេបញ្ជាការកងកម្លាំងរុស្ស៊ីនៅអ៊ុយក្រែន បានរាយការណ៍ថា កងទ័ពរបស់លោកនៅត្រើយខាងលិចរបស់ទន្លេ ប្រឈមនឹងហានិភ័យនៃភាពឯកោ។ លោក​ថាជម្រើស​ល្អ​បំផុត ​គឺ​រៀបចំ​ការ​ការពារ​នៅ​តាម​ច្រាំង​ទន្លេ​ភាគ​ខាង​កើត។ លោក Shoigu បានប្រាប់លោក Surovikin ឱ្យចាប់ផ្តើមការដកទ័ព និងចាត់វិធានការទាំងអស់ ដើម្បីធានាការផ្ទេរកម្លាំង អាវុធ និងឧបករណ៍ ប្រកបដោយសុវត្ថិភាពឆ្លងកាត់ទន្លេ។ រំលឹកដែរថា

អតីតប្រធានាធិបតីអាមេរិក គឺលោក ដូណាល់ ត្រាំ បាននិយាយថា លោកនឹងធ្វើការប្រកាសយ៉ាងធំមួយនៅថ្ងៃអង្គារសប្តាហ៍ក្រោយនេះ។ យ៉ាងណា សុន្ទរកថារបស់លោកត្រូវបានគេមើលឃើញថា គឺជាតម្រុយមួយដែលចង់បញ្ជាក់ថា លោកនឹងប្រកាសពីការឈរឈ្មោះសម្រាប់អាណត្តិថ្មី នៅក្នុងការបោះឆ្នោតប្រធានាធិបតីឆ្នាំ២០២៤។ លោក ដូណាល់ ត្រាំ បានថ្លែងបែបនេះនៅក្នុងសុន្ទរកថាមួយកាលពីថ្ងៃចន្ទ ខណៈពេលដែលលោកកំពុងធ្វើយុទ្ធនាការនៅរដ្ឋ Ohio សម្រាប់គណបក្សសាធារណរដ្ឋ ដែលកំពុងឈរឈ្មោះក្នុងការបោះឆ្នោតពាក់កណ្តាលអាណត្តិ។ គាត់ក៏បាននិយាយដែរថា គាត់នឹងធ្វើសេចក្តីប្រកាសចេញពីផ្ទះវីឡា Mar-a-Lago របស់គាត់នៅរដ្ឋផ្លរីដា។ ប្រព័ន្ធផ្សព្វផ្សាយជាច្រើនរបស់សហរដ្ឋអាមេរិកបានរាយការណ៍ថាលោក ត្រាំ កំពុងគិតចង់ប្រកាសពីការឈរឈ្មោះជាបេក្ខភាពរបស់គាត់ក្នុងពេលឆាប់ៗនេះ។ របាយការណ៍បាននិយាយថាលោក ត្រាំ ទទួលបានការគាំទ្រពីបេក្ខភាពបោះឆ្នោតពាក់កណ្តាលអាណត្តិជាង ២០០ នាក់ ខណៈគណបក្ស​សាធារណរដ្ឋ​ត្រូវ​បាន​គេ​ព្យាករ​ថា​ នឹង​អាចឈ្នះ​អាសនៈ​បន្ថែម​ទៀត​។ ពោលគឺអាសនៈចំនួន

នាយកដ្ឋានប៉ូលីសស៊ើបអង្កេតពិសេសរបស់កូរ៉េខាងត្បូង ដែលកំពុងស៊ើបអង្កេតលើករណីរត់ជាន់គ្នានៅ Itaewon ដែលនាំឱ្យមានការស្លាប់ប្រមាណ ១៥៦នាក់, បានចោទប្រកាន់មនុស្សចំនួន ៦នាក់ បូករួមទាំងលោក Lee Im-jae អតីតប្រធានស្ថានីយ៍ប៉ូលីស Yongsan និងអ្នកស្រី Ryu Mi-jin មកពីទីភ្នាក់​ងារ​ប៉ូលិស​ក្រុង​សេអ៊ូល​ ពីបទមិន​បាន​បំពេញ​កាតព្វកិច្ច​ និង​ការ​រំលោភ​សិទ្ធិ​អំណាច។ ក្រុមស៊ើបអង្កេតពិសេសដែលបានចាប់ផ្តើមកាលពីសប្តាហ៍មុនមួយនេះ បាននិងកំពុងស្វែងរកមូលហេតុនៅពីក្រោយឧបទ្ទវហេតុ និងការឆ្លើយតបពីអាជ្ញាធរពាក់ព័ន្ធ។ ពោលគឺនៅក្នុងចំណោមមនុស្សចំនួន ១៥៤នាក់ ដែលពួកគេបានសាកសួរចម្លើយ ក្រុមស៊ើបអង្កេតបានកំណត់ការសង្ស័យលើមនុស្សចំនួន ៦នាក់។ ជនសង្ស័យទាំង ៦នាក់ នោះរួមមាន៖ អតីតមេប៉ូលិសលោក Lee Im-jae, អ្នកស្រី Ryu