មហាសេដ្ឋីលោក Elon Musk បានផ្លាស់ប្តូរចិត្តចង់ទិញបណ្ដាញ Twitter ម្តងទៀត ហើយឥឡូវនេះ គាត់ក៏សុខចិត្តបន្តដំណើរការក្នុងការទិញយកបណ្ដាញសង្គមមួយនេះ នេះបើតាមការចុះផ្សាយរបស់សារព័ត៌មាន BBC។ នៅក្នុងលិខិតមួយទៅកាន់ក្រុមហ៊ុន លោក Musk បានយល់ព្រមបង់ថ្លៃដែលគាត់បានដាក់សំណើកាលពីប៉ុន្មានខែមុន នៅមុនពេលដែលគាត់ព្យាយាមដើរចេញពីកិច្ចព្រមព្រៀងនោះ។ ការ​ត្រឡប់មកវិញយ៉ាងគួរឱ្យភ្ញាក់ផ្អើលនេះ បាន​កើត​មាន​តែ​ប៉ុន្មាន​សប្តាហ៍​ មុន​ពេល​ភាគី​ទាំង​ ២ ​ត្រូវ​ចូល​ខ្លួន​ក្នុង​តុលាការ ដោយសារភាពកិកកុករបស់លោក Musk ។ នៅក្នុងលិខិតនោះ មេធាវីរបស់លោក Musk បាននិយាយថា គាត់មានបំណងឆ្ពោះទៅមុខ ដើម្បីបញ្ចប់ប្រតិបត្តិការ រង់ចាំការទទួលហិរញ្ញប្បទាន និងការបញ្ចប់ការតស៊ូតាមផ្លូវច្បាប់។ អ្នកនាំពាក្យរបស់ Twitter បានទទួលស្គាល់ថា

វាមិនមែនជារឿងចម្លែកនោះទេដែលថាអាហារផ្អែមខ្លាំង មិនល្អសម្រាប់សុខភាពបេះដូង ប៉ុន្តែការសិក្សាមួយដោយ American College of Cardiology បានអះអាងថា សូម្បីតែគ្រាប់ធញ្ញជាតិរបស់យើង ក៏មិនល្អសម្រាប់សុខភាពផងដែរ។ បើយោងតាមការសិក្សាមួយ ដែលដឹកនាំដោយលោកវេជ្ជបណ្ឌិត Mohammad Amin Khajavi Gaskarei ទៅលើអ្នកចូលរួមរាប់ពាន់នាក់ បានឱ្យដឹងថា «ជាតិស្ករមិនល្អ» នៅក្នុងរបស់ទាំង ២ គឺមានកម្រិតប្រហាក់ប្រហែលគ្នា ដូច្នេះហើយវាក៏មិនល្អសម្រាប់សុខភាពបេះដូងដូចគ្នាផងដែរ។ វាបានមកពីការសិក្សាលើជនជាតិ​អ៊ីរ៉ង់​ចំនួន ២,៥០០ នាក់ ​ដែល​មាន​ប្រវត្តិ​មាន និង​គ្មាន​ជំងឺ​សរសៃឈាម​បេះដូង។ អ្នកចូលរួមត្រូវបានសាកសួរថា តើពួកគេញ៉ាំស្ករ និងគ្រាប់ធញ្ញជាតិញឹកញាប់ប៉ុណ្ណា ហើយការរកឃើញនេះគឺគួរឱ្យភ្ញាក់ផ្អើលខ្លាំងមែនទែន! ពោលគឺ នៅពេលដែលគ្រាប់ធញ្ញជាតិត្រូវបានចម្រាញ់ ដែលឆ្លងកាត់ដំណើរការផលិត

ប្រធានខុទ្ទកាល័យជប៉ុនលោក Matsuno Hirokazu បានបង្ហាញឱ្យដឹងថា រដ្ឋាភិបាលកំពុងពិចារណាថា តើទីជម្រកជម្លៀសគួរតែត្រូវបានសាងសង់ឡើង សម្រាប់ការគំរាមកំហែងដោយមីស៊ីលចំពេលមានភាពតានតឹងនៅច្រកសមុទ្រតៃវ៉ាន់ និងកន្លែងផ្សេងទៀត ឬទេ។ ជាក់ស្ដែងប្រទេសចិនបានធ្វើសមយុទ្ធយោធាទ្រង់ទ្រាយធំនៅច្រកសមុទ្រតៃវ៉ាន់កាលពីខែសីហា ខណៈមីស៊ីល​ផ្លោង​មួយ​ចំនួន​ដែល​ត្រូវ​បាន​បាញ់​បង្ហោះ ​បាន​ធ្លាក់​ចូល​ក្នុង​តំបន់​សេដ្ឋកិច្ច​ផ្តាច់មុខ​របស់​ជប៉ុន។ ក្រុមអ្នកសង្កេតការណ៍បានលើកឡើងពីលទ្ធភាពដែលចិននឹងព្យាយាមផ្លាស់ប្តូរស្ថានភាពជាឯកតោភាគីដោយកម្លាំងបាយ ខណៈដែលខ្លួនបង្កើនសម្ពាធយោធាលើកោះតៃវ៉ាន់។ លោក Matsuno បាននិយាយថា រដ្ឋាភិបាលកំពុងសិក្សាមុខងារចាំបាច់ និងបញ្ហាដែលអាចកើតមាន ទាក់ទងនឹងគ្រឿងបរិក្ខារដែលអាចផ្ទុកមនុស្សបានក្នុងរយៈពេលជាក់លាក់ណាមួយ។ លោក​បាន​បន្ថែម​ថា ខ្លួន​កំពុង​មើល​ករណី​នៅ​ប្រទេស​ផ្សេង​ទៀត​ជា​ផ្នែក​នៃ​ការត្រួត​ពិនិត្យ។ លោកបានបន្ថែមថា រដ្ឋាភិបាលបានផ្តោតការយកចិត្តទុកដាក់ចាប់តាំងពីសារពើពន្ធឆ្នាំ២០២១ លើការកំណត់អគាររឹងមាំ និងកន្លែងក្រោមដីជាជម្រកជម្លៀសបណ្តោះអាសន្ន។ លោក​ប្ដេជ្ញា​ខិតខំ​បន្ថែមទៀត​ ដើម្បី​ធានា​សុវត្ថិភាព​សាធារណៈ​ក្នុងករណី​មាន​អាសន្ន៕ អត្ថបទ៖ លីដា ប្រភព៖ NHK

ប្រធានាធិបតីលោក ចូ បៃដិន បានប្រាប់ទៅសកម្មជនសិទ្ធិពលរដ្ឋអាមេរិកលោក Rev. Al Sharpton ថា លោកនឹងស្វែងរកការឈរឈ្មោះអាណត្តិទី២ នៅក្នុងការសន្ទនាឯកជនមួយនៅឯសេតវិមានកាលពីខែមុន ហើយលោក Sharpton បានជូនដំណឹងនេះដល់បុគ្គលិករបស់គាត់នៅទីក្រុងវ៉ាស៊ីនតោន បន្ទាប់ពីការសន្ទនានោះ។ លោក បៃដិន បាននិយាយនៅពេលគាត់ថតរូបនៅក្នុងប្រជុំ Roosevelt ជាមួយលោក Sharpton ដែលជាអ្នករៀបចំកម្មវិធី MSNBC ថា៖«ខ្ញុំនឹងបន្ដឈរឈ្មោះទៀត» នេះបើយោងតាមមន្ត្រីនៃបណ្តាញសកម្មភាពជាតិរបស់លោក Sharpton ដែលបានរៀបរាប់ពីការពិពណ៌នារបស់លោក Sharpton ដែលបានប្រាប់ពួកគេ។ រំលឹកផងដែរថា នៅឆ្នាំ២០២០ អ្នកបោះឆ្នោតជនជាតិស្បែកខ្មៅ គឺជាកត្តាសំខាន់ក្នុងការងើបឈរឡើងវិញរបស់លោក បៃដិន នៅក្នុងការបោះឆ្នោតបឋមរបស់ប្រជាធិបតេយ្យ

ចំនួនមនុស្សស្លាប់នៅរដ្ឋផ្លរីដាដោយព្យុះសង្ឃរា Ian បានកើនឡើងដល់យ៉ាងហោចណាស់ ១០១ នាក់ គិតត្រឹមថ្ងៃចន្ទ ប៉ុន្មានថ្ងៃបន្ទាប់ពីព្យុះកម្រិតទី៤ Ian បានបំផ្លាញទីក្រុងនៅតាមឆ្នេរសមុទ្រមួយនេះ និងទុកឱ្យក្រុមជួយសង្គ្រោះស្វែងរកអ្នករស់រានមានជីវិត ខណៈដែលសហគមន៍ក៏ប្រឈមមុខនឹងការកសាងឡើងវិញយ៉ាងលំបាក។ អធិការនគរបាល​ស្រុកលោក Carmine Marceno បាននិយាយថា យ៉ាងហោចណាស់មនុស្ស  ៥៤ នាក់ បានស្លាប់ នៅក្នុងខោនធី Lee តែមួយ ដែលជាការកើនឡើងពីចំនួន ៤២ នាក់ ដែលត្រូវបានប្រកាសកាលពីលើកមុន ហើយមន្រ្តីនៅទីនោះកំពុងប្រឈមនឹងសំណួរថា តើការបញ្ជាជម្លៀសគួរតែត្រូវបានប្រកាសឱ្យលឿនជាងនេះ ឬទេ។ ការស្លាប់ ២៤នាក់ ក៏ត្រូវបានកត់ត្រានៅក្នុងខោនធី Charlotte ដែលជាការកើនឡើងពី

រដ្ឋាភិបាល​ជប៉ុនបាន​និយាយ​ថា កូរ៉េ​ខាងជើង​បានបាញ់មី​ស៊ី​ល​​ហោះ​រំលង​ប្រទេសខ្លួន ហើយបន្ដ​ធ្លាក់​ចូលទៅក្នុង​សមុទ្រ នេះបើតាមការចុះផ្សាយរបស់សារព័ត៌មាន BBC ។ ក្រុមមន្ត្រីជឿថា មី​ស៊ី​ល​ផ្លោងនោះបានហោះពីលើភាគឦសាន មុនពេលធ្លាក់នៅខាងក្រៅតំបន់សេដ្ឋកិច្ចផ្តាច់មុខរបស់ប្រទេសជប៉ុន។ ពួកគេ​និយាយ​ថា វា​ជាមីស៊ីលផ្លោងរយៈចម្ងាយមធ្យម IRBM និងបានហោះ​បាន​ប្រហែល ២០ នាទី​ក្នុង​ចម្ងាយ​ប្រហែល ៤,៦០០ គីឡូម៉ែត្រ ហើយធ្លាក់ចូលទៅក្នុងទឹកចម្ងាយជាង ៣,០០០ គីឡូម៉ែត្រ ពីភាគខាងកើតនៃខេត្ត Aomori ភាគខាងជើងប្រទេសជប៉ុន។ ក្រុមមន្ត្រីបាននិយាយថា មី​ស៊ី​លត្រូវបានបាញ់ចេញពីទីតាំងមួយក្នុងប្រទេសកូរ៉េខាងជើង នៅម៉ោងប្រហែល ៧:២២ ព្រឹក ម៉ោងនៅប្រទេសជប៉ុន ហើយរដ្ឋាភិបាល​ជប៉ុន ក៏​បាន​ចេញ​ការ​ប្រកាស​អាសន្ន​តាម​រយៈ​ប្រព័ន្ធ​ប្រកាស​អាសន្ន​ទូទាំង​ប្រទេសផងដែរ។ ខ្លួនបាន​ប្រាប់​ប្រជាជន​នៅ​តំបន់​នោះ ​ឱ្យ​ជ្រក​ក្នុង​អគារ​រឹង​មាំ ឬ​នៅ​ក្រោម​ដី។

ប្រទេសហៃទីកាលពីថ្ងៃអាទិត្យ ទី០២ ខែតុលា ឆ្នាំ២០២២ បាននិយាយថា យ៉ាងហោចណាស់មនុស្ស ៧នាក់ បានស្លាប់ដោយសារជំងឺអាសន្នរោគ (Cholera) នៅក្នុងការត្រឡប់មកវិញដ៏គួរឱ្យភ្ញាក់ផ្អើលមួយ ចំពេលដែលប្រទេសនេះកំពុងប្រឈមនឹងការខ្វះខាតប្រេងឥន្ធនៈ និងទឹកស្អាត។ ជំងឺនេះបានសម្លាប់មនុស្សប្រហែល ១០,០០០ នាក់ តាមរយៈការផ្ទុះឡើងក្នុងឆ្នាំ២០១០ ដែលកាលនោះ វាត្រូវបានស្តីបន្ទោសទៅលើកងកម្លាំងរក្សាសន្តិភាពរបស់អង្គការសហប្រជាជាតិ។ ក្រសួង​សុខាភិបាលហៃទី​បាន​បញ្ជាក់​ពី​ករណី​មួយ ​នៅ​ក្នុង​តំបន់ Port-au-Prince ហើយបន្ថែម​ថា ​ក៏មាន​ករណី​សង្ស័យ​នៅ​ក្រុង Cite Soleil នៅ​ខាង​ក្រៅ​រដ្ឋធានី ​ដែល​ជា​ទីតាំង​នៃ​សង្គ្រាម​ពួកសង្គមទំនើង​ដ៏​សាហាវ​ក្នុង​ខែ​កក្កដា។ ក្រុមក្មេងទំនើង ចាប់តាំងពីខែមុន បាននឹងកំពុងបិទច្រកប្រេងដ៏សំខាន់របស់ប្រទេស ក្នុងការតវ៉ាជុំវិញការប្រកាសកាលពីខែមុនអំពីការដំឡើងថ្លៃប្រេងឥន្ធនៈ។ មន្ទីរពេទ្យជាច្រើនបានបិទ ឬបន្ថយប្រតិបត្តិការឡើងវិញ ដោយសារការខ្វះខាតប្រេងឥន្ធនៈដល់ម៉ាស៊ីនភ្លើង។

យោងតាមកាសែតរដ្ឋវៀតណាម Vietnamnet បានរាយការណ៍ថា អាជ្ញាធរសុខាភិបាលនៅទីក្រុងហូជីមិញ នៅថ្ងៃចន្ទ ទី០៣ ខែតុលា ឆ្នាំ២០២២ បានប្រកាសអំពីករណីដំបូងបង្អស់នៃជំងឺអុតស្វា monkeypox ។ ឥឡូវនេះការពិនិត្យ និងការការពារការរាតត្បាតក្នុងតំបន់ កំពុងត្រូវបានរឹតបន្តឹងដើម្បីការពារហានិភ័យនៃការឆ្លង ប៉ុន្តែពត៌មានលម្អិតរបស់អ្នកជំងឺនៅមិនទាន់ដឹងនៅឡើយទេ។ គួរឱ្យដឹងដែរថា អង្គការសុខភាពពិភពលោក (WHO) បានប្រកាសអាសន្នសុខភាពជាសាកលជុំវិញការផ្ទុះឡើងនៃជំងឺអុតស្វា ខណៈការឆ្លងបានកើនឡើងទូទាំងពិភពលោក ដោយមានករណីជាង ៣៥,០០០ នៅទូទាំងប្រទេស និងតំបន់ចំនួន ៩២ និងមានអ្នកស្លាប់ចំនួន ១២ នាក់ គិតត្រឹមថ្ងៃទី១៥ ខែសីហា។ កន្លងមក ក្រសួងសុខាភិបាលបាននិយាយថា ប្រជាជនដែលចូលមកប្រទេសវៀតណាមពីតំបន់ដែលមានការផ្ទុះឡើងនៃជំងឺអុតស្វា នឹងត្រូវត្រួតពិនិត្យ ហើយអ្នកដែលសង្ស័យនឹងត្រូវដាក់ឱ្យនៅដាច់ដោយឡែក៕

ប្រទេសឥណ្ឌូណេស៊ីនឹងបង្កើតក្រុមស្វែងរកការពិតឯករាជ្យមួយ ដើម្បីស៊ើបអង្កេតលើករណីរត់ជាន់គ្នាដ៏សាហាវ នៅកីឡដ្ឋានមួយក្នុងតំបន់ East Java និងកំណត់អត្តសញ្ញាណជនដៃដល់ឱ្យទាល់តែបាន នេះបើតាមរដ្ឋមន្ត្រីសន្តិសុខលោក Mahfud MD បានប្រាប់សន្និសីទសារព័ត៌មាននៅថ្ងៃចន្ទ ទី០៣ ខែតុលា ឆ្នាំ២០២២។ ក្លឹបបាល់ទាត់ Arema របស់ប្រទេសឥណ្ឌូនេស៊ីក៏បានសុំទោសទៅកាន់ជនរងគ្រោះនៅថ្ងៃច័ន្ទនេះផងដែរ ដោយប្រធានរបស់ក្លឹប គឺលោក Gilang Widya Pramana បាននិយាយថា គាត់បានត្រៀមខ្លួនជាស្រេចដើម្បីទទួលខុសត្រូវទាំងស្រុង សម្រាប់ឧបទ្ទវហេតុក្នុងព្រឹត្តិការណ៍នេះ។ ជម្រាបផងដែរថា មនុស្សយ៉ាងហោចណាស់ ១២៥ នាក់បានស្លាប់ នៅក្នុងការរត់ជាន់គ្នាក្នុងការប្រកួតបាល់ទាត់នៅទីក្រុង Malang ប្រទេសឥណ្ឌូនេស៊ីកាលពីចុងសប្តាហ៍នេះ នៅក្នុងគ្រោះមហន្តរាយនៅឯកីឡដ្ឋានដ៏អាក្រក់បំផុតមួយរបស់ពិភពលោក៕ អត្ថបទ៖ លីដា

អង្គការសហប្រជាជាតិបាននិយាយថា ការវាយប្រហារអត្តឃាតមួយនៅឯមជ្ឈមណ្ឌលអប់រំ Kaaj ក្នុងតំបន់ Dasht-e-Barchi នៃរដ្ឋធានីកាប៊ុលរបស់អាហ្វហ្គានីស្ថាន បានសម្លាប់មនុស្សយ៉ាងហោចណាស់ ៣៥ នាក់ ដែលភាគច្រើនជាសិស្សស្រី ខណៈដែលមនុស្សជាង ៨០នាក់ ផ្សេងទៀត ក៏បានរងរបួសនៅក្នុងការវាយប្រហារកាលពីថ្ងៃសុក្រនោះផងដែរ។ ការវាយប្រហារបានកើតឡើងនៅចំពេលសិស្ស​កំពុង​ប្រឡង​ ហើយមិនទាន់មានក្រុមណាមួយអះអាងពីការវាយប្រហារនេះនៅឡើយទេ។ ពលរដ្ឋទាំងនោះភាគច្រើន​​ជា​ជនជាតិភាគតិចនៃតំបន់ Hazaras ដែល​ជា​ញឹកញាប់​ត្រូវបាន​ក្រុម​សកម្មប្រយុទ្ធ​រដ្ឋ​ឥស្លាម (IS) កំណត់​គោលដៅ​។ ទីភ្នាក់ងារសារព័ត៌មាន AFP បានរាយការណ៍ថា កាលពីថ្ងៃសៅរ៍កន្លងទៅ ស្ត្រីនៅតំបន់ Hazara រាប់សិបនាក់ បានធ្វើការប្រឆាំងនឹងបម្រាមលើការប្រមូលផ្តុំរបស់មន្ត្រីតាលីបង់ ដោយមានស្ត្រីប្រហែល ៥០ នាក់ ស្រែកឡើងឱ្យមានការបញ្ចប់ «ការប្រល័យពូជសាសន៍នៅ