ហូឡង់៖ នាវាមួយគ្រឿងដែលមានផ្ទុករថយន្តជិត ៣,០០០គ្រឿងបានឆេះនៅកណ្តាលសមុទ្រក្នុងប្រទេសហូឡង់ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅថ្ងៃព្រហស្បតិ៍ ទី២៧ ខែកក្កដានេះ។ នាវាមួយគ្រឿងនេះមានឈ្មោះថា Fremantle Highway មានប្រវែង ១៩៩ម៉ែត្រ ជានាវាដែលបានចុះបញ្ជីនៅក្នុងប្រទេសប៉ាណាម៉ា ខណៈហេតុការណ៍ឆេះដ៏កម្រនេះបានកើតឡើងក្នុងអំឡុងពេលដែលនាវាកំពុងធ្វើដំណើរពីប្រទេសអាឡឺម៉ង់ទៅកាន់ប្រទេសអេហ្ស៊ីប។ ប្រភពខាងលើបានបន្តថា ហេតុការណ៍អកុសលខាងលើនេះបានបណ្តាលឲ្យសមាជិកនាវិកម្នាក់បានស្លាប់បាត់បង់ជីវិត ខណៈសមាជិកនាវិកមួយចំនួនបានរងរបួសក្រោយសម្រេចលោតចេញពីនាវា។ គិតត្រឹមពេលនេះគេនៅមិនទាន់អាចរកឃើញមូលហេតុដែលបង្កឲ្យមានភ្លើងឆេះបាននៅឡើយទេ។ សម្រាប់ស្ថានភាពនៅពេលនេះគឺគេបានមើលឃើញថា ភ្លើងអាចនឹងបន្តឆេះក្នុងរយៈពេលយូរបន្ថែមទៀត ដ្បិតនៅលើនាវានោះមានផ្ទុករថយន្តដើរដោយថាមពលអគ្គិសនីចំនួន ២៥គ្រឿង ដែលអាចបង្កឲ្យមានភ្លើងឆេះងំយូរ ហើយគេក៏ពិបាកធ្វើការពន្លត់ផងដែរ ព្រោះការប្រើទឹកច្រើនដើម្បីពន្លត់ភ្លើងអាចធ្វើនាវាត្រូវលិចចូលទៅក្នុងសមុទ្រតែម្តង៕ Dutch coastguard says Fremantle Highway cargo vessel

ថៃ៖ គណៈរដ្ឋមន្ត្រីនៃប្រទេសថៃបានសម្រេចបន្ថែមឲ្យមានថ្ងៃឈប់សម្រាកថ្នាក់ជាតិមួយថ្ងៃទៀតនៅថ្ងៃទី ៣១ ខែកក្កដាក្នុងគោលបំណងដើម្បីទាក់ទាញភ្ញៀវទេសចរឲ្យបានច្រើន នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅព្រឹកថ្ងៃពុធ ទី២៦ ខែកក្កដានេះ។ ការសម្រេចបន្ថែមថ្ងៃឈប់សម្រាកមួយថ្ងៃទៀតនេះនឹងអនុញ្ញាតឲ្យប្រទេសថៃមានថ្ងៃឈប់សម្រាករហូតដល់ ៦ថ្ងៃជាប់គ្នា ដោយគិតចាប់ពីថ្ងៃទី ២៨ ខែកក្កដា រហូតដល់ថ្ងៃទី ២ សីហាក្នុងឆ្នាំ ២០២៣នេះ។ បើតាមអាជ្ញាធរថៃបានដាក់ការរំពឹងទុកថា ការឈប់សម្រាកក្នុងរយៈពេលដ៏យូរនេះនឹងជម្រុញឲ្យមានសកម្មភាពទេសចរណ៍យ៉ាងច្រើនកុះករនៅតាមទីរមនីយដ្ឋានសំខាន់ៗទូទាំងប្រទេសថៃពីសំណាក់ពលរដ្ឋនៅក្នុងស្រុក ក៏ដូចជាភ្ញៀវទេសចរអន្តរជាតិផងដែរ។ គួរបញ្ជាក់ជូនថា ជាធម្មតាថៃតែងរៀបចំឲ្យមានថ្ងៃឈប់សម្រាក ឬព្រឹត្តិការណ៍កំសាន្តផ្សេងៗឲ្យបានច្រើនដើម្បីជំរុញវិស័យទេសចរណ៍ ដ្បិតវិស័យមួយនេះគឺជាផ្នែកដ៏សំខាន់នៃសេដ្ឋកិច្ចជាតិថៃ ខណៈប្រទេសមួយចំនួនបើមានថ្ងៃឈប់សម្រាកកាន់តែច្រើនគឺជាការខាតបង់សេដ្ឋកិច្ចច្រើនទៅវិញ៕  អត្ថបទ៖ ភក្តី ប្រភព៖ The Strait Time

អូស្រ្តាលី៖ តុលាការអូស្រ្តាលីបានបង្គាប់ឲ្យក្រុមហ៊ុន Facebook បង់ប្រាក់ពិន័យចំនួន ២០លានដុល្លារអូស្រ្តាលី (១៣,៥៧​លានដុល្លារអាមេរិក) នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅព្រឹកថ្ងៃពុធ ទី២៦ ខែកក្កដានេះ។ ការពិន័យខាងលើនេះត្រូវបានធ្វើឡើងក្រោមហេតុផលថា Facebook បានលួចយកទិន្នន័យអ្នកប្រើប្រាស់គណនី Facebook នៅក្នុងប្រទេសអូស្រ្តាលីដោយគ្មានការអនុញ្ញាត។ បើតាមគណៈកម្មការប្រកួតប្រជែង និងអ្នកប្រើប្រាស់អូស្ត្រាលីបានបញ្ជាក់ថា Facebook ដែលបច្ចុប្បន្នស្ថិតនៅក្រោមការគ្រប់គ្រងរបស់ក្រុមហ៊ុន Meta នោះបានលួចប្រមូលយកទិន្នន័យអ្នកប្រើប្រាស់នៅក្នុងប្រទេសអូស្រ្តាលីជាច្រើនឆ្នាំមកហើយ ជាពិសេសនោះគឺនៅក្នុងអំឡុងឆ្នាំ ២០១៦ ដែលជាពេលអាមេរិកត្រូវរៀបចំការបោះឆ្នោតជាតិដ៏ធំមួយ។ ប្រភពខាងលើបានបន្តថា​ ទិន្នន័យដែល Facebook បានលួចប្រមូលដោយគ្មានការអនុញ្ញាតនោះមានដូចជា ទីតាំងរបស់អ្នកប្រើប្រាស់ ពេលវេលានៃការប្រើប្រាស់ និងខ្លឹមសារមួយចំនួនដែលក្រុមអ្នកប្រើប្រាស់បានបង្ហោះ៕ អត្ថបទ៖ ភក្តី ប្រភព៖ The Strait Time

បារាំង៖ អាជ្ញាធរបារាំងនឹងបើកឲ្យពលរដ្ឋអាចចុះហែលទឹកលេងនៅក្នុងស្ទឹងសែន (Seine)បានឡើងវិញក្រោយបិទអស់រយៈពេល ១០០ឆ្នាំ នេះបើយោងតាមការចុះផ្សាយរបស់បណ្តាញសារព័ត៌មាន BBC។ នាពេលកន្លងមក ស្ទឹងសែនដែលជាអាងស្តុកទឹកដ៏សំខាន់មួយនៅក្នុងទីក្រុងបារីសនោះត្រូវបានផ្អាកមិនឲ្យពលរដ្ឋចុះហែលទឹកលេងនោះទេក្រោមហេតុផលថា​ ទឹកស្ទឹងមានផ្ទុកនូវសារធាតុកខ្វក់​និងបាក់តេរីដែលអាចបង្កឲ្យមានគ្រោះថ្នាក់ដល់សុខភាពបាន។ យ៉ាងណាក្តី ក្នុងរយៈពេលជាង ២០ឆ្នាំចុងក្រោយនេះអាជ្ញាធរបារាំងបានខិតខំធ្វើការសំអាតទឹកស្ទឹងមួយនេះជាបន្តបន្ទាប់ រហូតដល់តំបន់ខ្លះនៃស្ទឹងសែនត្រូវបានគេយកប្រើប្រាស់ជាកន្លែងប្រកួតហែលទឹកក្នុងព្រឹត្តិការណ៍កីឡាធំៗមួយចំនួនទៀតផង។ ដោយមើលឃើញថា អត្តពលិកអាចហែលទឹកបានដោយសុវត្ថិភាពនោះ ក្រុមពលរដ្ឋក៏ផ្តើមមានគំនិតចង់ចុះទៅហែលទឹកស្ទឹងលេងផងដែរ​ ហើយថ្មីៗនេះអាជ្ញាធរបារាំងក៏សម្រេចបើកឲ្យពលរដ្ឋអាចចុះទៅហែលទឹកស្ទឹងបានវិញតែម្តង។ យ៉ាងណាក្តី ការបើកឲ្យពលរដ្ឋអាចចុះទៅហែលទឹកស្ទឹងសែនបាននោះគឺមិនមែនបើកឲ្យហែលគ្រប់ទីកន្លែងនោះទេ តែអាជ្ញាធរបារាំងបានកំណត់ឲ្យមានកន្លែងហែលទឹកចំនួន ៣កន្លែងប៉ុណ្ណោះ ខណៈស្ទឹងសែនមានប្រវែងសរុបរហូតដល់ ៧៧៧ គីឡូម៉ែត្រ៕ តំបន់អនុញ្ញាតឲ្យមានការហែលទឹកនៅតាមដងស្ទឹងសែន អត្ថបទ៖ ភក្តី ប្រភព៖BBC

ចិន៖ TikTok នឹងដាក់ឲ្យប្រើប្រាស់មុខងារពិសេសៗមួយចំនួនទៀតបន្ថែមពីលើមុខងារបង្ហោះវីដេអូ ដើម្បីប្រកួតប្រជែងជាមួយនិងបណ្តាញសង្គមផ្សេងៗទៀតនៅលើពិភពលោក នេះបើយោងតាមការចុះផ្សាយរបស់បណ្តាញសារព័ត៌មា​ន CNN នៅថ្ងៃអង្គារ ទី២៥ ខែកក្កដានេះ។ មុខងារថ្មីដែលនឹងមាននៅក្នុងកម្មវិធី TikTok នោះគឺមុខងារ “Text Only” ដែលអនុញ្ញាតឲ្យម្ចាស់គណនី TikTok អាចធ្វើការសរសេរជាសារខ្លីៗសម្រាប់បង្ហោះបានក្នុងករណីដែលពួកគាត់មិនចង់បង្ហោះវីដេអូ។ ប្រភពខាងលើបានបន្តថា ក្រៅតែពីដាក់បន្ថែមមុខងារ “Text Only” ក្រុមហ៊ុន TikTok ក៏គ្រោងនឹងដាក់ឲ្យប្រើប្រាស់មុខងារ “បង្ហោះរូបភាព” ផងដែរ ពោលគឺលោកអ្នកនឹងមានជម្រើសរហូតដល់ទៅ ៣ ក្នុងការបង្ហោះនៅលើគណនី TikTok ដូចជា បង្ហោះវីដេអូ បង្ហោះសារ ឬបង្ហោះរូបភាពជាដើម ខណៈនាពេលបច្ចុប្បន្ននេះលោកអ្នកអាចបង្ហោះត្រឹមតែវីដេអូបណ្តោះនៅលើបណ្តាញសង្គម TikTok ជាទូទៅនៅជុំវិញពិភពលោក។ យ៉ាងណាក្តី នៅតាមបណ្តាប្រទេសមួយចំនួន

អាល់ហ្សេរី៖ ប្រទេសអាល់ហ្សេរីកំពុងប្រឈមនឹងបញ្ហាភ្លើងឆេះព្រៃយ៉ាងខ្លាំង នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅព្រឹកថ្ងៃអង្គារ ទី២៥ ខែកក្កដានេះ។ គិតត្រឹមពេលនេះបញ្ហាភ្លើងឆេះព្រៃបានកើតមាននៅលើតំបន់ព្រៃចំនួន ៩៧កន្លែង ដែលស្ថិតនៅក្នុងខេត្តចំនួន ១៦ផ្សេងគ្នានៅទូទាំងប្រទេសអាល់ហ្សេរី ដែលជាប្រទេសសម្បូរព្រៃមួយនៅតំបន់អាហ្វ្រិកខាងជើង។ បើតាមអាជ្ញាធរគ្រប់គ្រងគ្រោះមហន្តរាយអាល់ហ្សេរីបានបញ្ជាក់ថា បញ្ហាភ្លើងឆេះព្រៃបានបណ្តាលឲ្យមានពលរដ្ឋចំនួន ៣៤នាក់ស្លាប់បាត់បង់ជីវិត ដោយក្នុងនោះមានជនរងគ្រោះចំនួន ១០នាក់គឺជាទាហ៊ានដែលត្រូវមានភារកិច្ចនៅក្នុងតំបន់កើតហេតុនោះផងដែរ។ ក្រៅតែពីបានរកឃើញអ្នកស្លាប់ហើយ អាជ្ញាធរអាល់ហ្សេរីក៏បានណែនាំឲ្យពលរដ្ឋជាច្រើននាក់ផ្សេងទៀតត្រូវធ្វើការជម្លៀសខ្លួនចេញពីផ្ទះសម្បែងរបស់ពួកគេជាបណ្តោះអាសន្នសិន ដើម្បីការពារសុវត្ថិភាពពីគ្រោះថ្នាក់ផ្សេងៗដែលអាចកើតឡើងដោយយថាហេតុ។ សូមបញ្ជាក់ជូនថា បញ្ហាភ្លើងឆេះព្រៃខាងលើនេះបានកើតឡើងដោយសារតែរលកកម្តៅ ពោលគឺបានកើតឡើងក្រោយសីតុណ្ហភាពនៅក្នុងប្រទេសអាល់ហ្សេរីបានកើនឡើងរហូតដល់ ៤៨អង្សាសេ៕ ប្រភព៖ The Strait Time  

បែលហ្សិក៖ ក្រុមហ៊ុនបច្ចេកវិទ្យាខ្នាតយក្សរបស់អាមេរិក Apple បានរងនូវពាក្យបណ្តឹងទាមទារប្រាក់សំណងចំនួន ៧៨៥ លានផោន (១,០០៨,៥២៤ ដុល្លារអាមេរិក) នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅព្រឹកថ្ងៃអង្គារ​ ទី២៥​ ខែកក្កដានេះ។ ម្ចាស់ពាក្យបណ្តឹងក្នុងករណីដ៏ធំនេះគឺជាក្រុមហ៊ុនអភិវឌ្ឍន៍កម្មវិធីសម្រាប់ប្រើប្រាស់ក្នុងទូរស័ព្ទដៃចំនួន ១,៥៦៦ក្រុមហ៊ុន ដែលមានមូលដ្ឋាននៅក្នុងចក្រភពអង់គ្លេស។ ប្រភពខាងលើបានបន្តថា ដើមហេតុដែលជំរុញឲ្យមានការដាក់ពាក្យប្តឹងទៅកាន់តុលាការអន្តរជាតិក្នុងទីក្រុងព្រុចសែល ប្រទេសបែលហ្សិកខាងលើនេះគឺផ្តើមចេញពីទំនាស់ផលប្រយោជន៍រវាងក្រុមហ៊ុនអវិឌ្ឍន៍កម្មវិធីនិងក្រុមហ៊ុន Apple ជុំវិញការដាក់លក់ App ផ្សេងៗនៅលើ App Store ក្នុងរយៈពេលកន្លងមក។ នៅក្នុងពាក្យបណ្តឹងបានបញ្ជាក់ថា ក្រុមហ៊ុន Apple បានចំណេញប្រាក់រាប់ពាន់ដុល្លារពីក្រុមអ្នកប្រើប្រាស់ទូរស័ព្ទ iPhone និង iPad នៅជុំវិញពិភពលោកតាមរយៈការទាញយក

ជប៉ុន៖ ស្រ្តីជនជាតិជប៉ុនម្នាក់ត្រូវបានអាជ្ញាធរចាប់ខ្លួនក្រោយរូបគាត់បានហៅទូរស័ព្ទទៅកាន់អាជ្ញាធរចំនួន ២,៧៦១ដង ព្រោះតែគាត់ឯកាខ្លាំងពេក នេះបើយោងតាមការចុះផ្សាយរបស់បណ្តាញសារព័ត៌មាន World of Buzz។ ស្រ្តីដែលត្រូវបានចាប់ខ្លួនចំពោះករណីដ៏កម្រនេះមានឈ្មោះថា Hiroko Hatagami អាយុ ៥១ឆ្នាំ រស់នៅក្នុងទី​ក្រុង Matsudo អាណាខេត្ត Chiba ភាគខាងលិចនៃប្រទេសជប៉ុន។ ប្រភពខាងលើបានបន្តថា ប៉ុន្មានឆ្នាំចុងក្រោយនេះអ្នកនាង Hiroko Hatagami ពុំមានការងារធ្វើឡើយ ខណៈដែលរូបគាត់ត្រូវរស់នៅតែម្នាក់ឯងទៀតផង។ ស្ថានភាពបែបនេះវាបានធ្វើឲ្យរូបគាត់មានអារម្មណ៍ឯកាយ៉ាងខ្លាំង ហើយរាល់ពេលដែលគាត់កើតមានអារម្មណ៍ឯកាឬស្រ្តេសនោះ គាត់តែងហៅទូរស័ទ្ទទៅកាន់អាជ្ញាធរដើម្បីនិយាយរឿងនៅក្នុងចិត្តរបស់គាត់ និងស្វែងរកអ្នកយកចិត្តទុកដាក់ជាមួយគាត់។ បើតាមអាជ្ញាធរជប៉ុនបានបញ្ជាក់ថា ក្នុងរយៈពេល ២ឆ្នាំ​ និង ៩ខែចុងក្រោយនេះ អ្នកនាង Hiroko Hatagami បានហៅទូរស័ព្ទមកកាន់អាជ្ញាធរចំនួន ២,៧៦១ដង ហើយវាគឺជាការរំខានយ៉ាងខ្លាំងសម្រាប់អាជ្ញាធរមានសមត្ថកិច្ច

ឥណ្ឌូនេស៊ី៖ ស្រ្តីជនជតិម៉ាឡេស៊ីចំនួន ២នាក់បានរងនូវការរិះគន់យ៉ាងខ្លាំងពីសំណាក់ក្រុមអ្នកប្រើប្រាស់បណ្តាញសង្គម ក្រោយពួកគាត់បានរៀបចំពិធីមង្គលការដ៏ឱឡារិកមួយសម្រាប់សត្វឆ្កែរបស់ពួកគាត់ ដោយបានចំណាយប្រាក់រហូតដល់​ ២០០ លានរូពី ឬស្មើនឹង ១៣,៣១០ ដុល្លារអាមេរិក។ បើយោងតាមការចុះផ្សាយរបស់បណ្តាញសារព័ត៌មាន The Strait Time បានបញ្ជាក់ថា ពិធីមង្គលការសត្វឆ្កែដ៏កម្រនេះត្រូវបានរៀបចំឡើងនៅក្នុងហាងមួយកន្លែងក្នុងទីក្រុងចាកាតា រដ្ឋធានីនៃប្រទេសឥណ្ឌូនេស៊ី ខណៈពិធីមង្គការនោះត្រូវបានរៀបចំឡើងតាមបែបប្រពៃណីឥណ្ឌូនេស៊ីទៀតផង។ នៅក្នុងពិធីមង្គលការនោះក៏មានការចូលពីសំណាក់សាច់ញាតិរបស់ម្ចាស់ឆ្កែមួយចំនួនផងដែរ ពោលគឺវាដូចគ្នាទៅនឹងពិធីមង្គលរបស់មនុស្សធម្មតាអីចឹងដែរ។ យ៉ាងណាក្តី សម្រាប់ក្រុមអ្នកប្រើប្រាស់បណ្តាញសង្គមឥណ្ឌូនេស៊ីបាននាំគ្នារិះគន់ថា ទង្វើរបស់ស្រ្តីជាម្ចាស់ឆ្កែទាំង ២រូបនេះមិនសមរម្យទាល់តែសោះ ដោយគាត់បានយកប្រពៃណីដ៏ល្អផូរផង់របស់មនុស្សទៅប្រើប្រាស់ជាមួយនិងសត្វឆ្កែ។ អ្នកខ្លះបានរិះគន់ចំពោះឥរិយាបថអួតសម្ញែងទ្រព្យសម្បត្តិជ្រុលហួសហេតុរបស់ពួកគាត់ ដ្បិតគ្រាន់តែរៀបការឲ្យសត្វឆ្កែសោះពួកគាត់ត្រូវចំណាយប្រាក់រហូតដល់ជាង ១៣,០០០ ដុល្លារ ខណៈយោងទៅតាមស្ថានភាពសេដ្ឋកិច្ចជាក់ស្តែងនាពេលបច្ចុប្បន្ននេះមនុស្សមួយចំនួនគ្មានទាំងប្រាក់ ១០,០០០ ដុល្លារសម្រាប់រៀបចំពិធីមង្គលការខ្លួនឯងផង។ ក្រោយផ្ទុះការរិះគន់ ស្រ្តីជាម្ចាស់ឆ្កែទាំង

ម៉ាឡេស៊ី៖ ដើម្បីផ្តល់ងាយស្រួលក្នុងការបង់ថ្លៃចំណតយានយន្តនៅទីសាធារណៈម៉ាឡេស៊ីគ្រោងនឹងដាក់ឲ្យដំណើរ App (កម្មវិធីក្នុងទូរស័ព្ទដៃ) ដ៏ទំនើបមួយសម្រាប់ប្រើប្រាស់ជំនួសគូប៉ុង​ ឬក្រដាសបង្កាន់ដៃ ដែលជាវិធីទូទាត់ប្រាក់បែបបុរាណ។ បើយោងតាមការចុះផ្សាយរបស់បណ្តាញសារព័ត៌មាន The Strait Time នៅថ្ងៃព្រហស្បតិ៍ ទី២០ ខែកក្កដានេះបានបញ្ជាក់ថា App ដ៏ទំនើបខាងលើនេះនឹងត្រូវដាក់ឲ្យប្រើប្រាស់ជាលើកដំបូងតែនៅក្នុងទីក្រុង Johor Bahru ប៉ុណ្តោះ ដែលជាក្រុងមួយមានពលរដ្ឋរស់នៅចំនួន ៥០២,៩០០នាក់។ ប្រភពខាងលើបានបន្តថា App សម្រាប់ទូទាត់ថ្លៃចំណតខាងលើនេះមានឈ្មោះថា MBJB Spot ដែលគេអាចទាញចេញពី App Store និង Play Store បានយ៉ាងងាយស្រួល។ បើតាមលោក Datuk Noorazam Osman