អេស្ប៉ាញ៖ គ្រូបង្វឹកក្រុមបាល់ទាត់ Atletico Madrid គឺលោក Diego Simeone ជឿជាក់ថា កីឡាករ Antoine Griezmann កំពុងបំបិទមាត់ក្រុមអ្នករិះគន់ជាច្រើនដែលធ្លាប់និយាយមិនល្អអំពីទម្រង់លេងរបស់គាត់ ដ្បិតកីឡាករសញ្ជាតិបារាំងរូបកំពុងលេងបានយ៉ាងល្អបំផុតទាំងសម្រាប់ឲ្យក្លឹប និងសម្រាប់ឲ្យក្រុមជម្រើសជាតិ។​ លោក Diego Simeone បាននិយាយច្បាស់ៗថា ៖ កីឡាករ Antoine Griezmann គឺ “អស្ចារ្យខ្លាំងណាស់” បើទោះជាមនុស្សជាច្រើនបានគិតខុសចំពោះរូបគាត់នាពេលកន្លងមកក៏ដោយ។ គួរកត់សម្គាល់ថា កីឡាករ Antoine Griezmann វ័យ ៣១ឆ្នាំ បានបង្ហាញទម្រង់លេងយ៉ាងល្អនៅក្នុងរយៈពេលជាច្រើនខែចុងក្រោយនេះ ដោយរូបគេបានជួយឲ្យក្រុមជម្រើសជាតិបារាំងឡើងដល់វគ្គផ្តាច់ព្រាត់នៅក្នុងព្រឹត្តការណ៍បាល់ទាត់ពិភពលោក World Cup ២០២២ ហើយរូបគេក៏ពុងដើរតួយ៉ាងសំខាន់ក្នុងការនាំយកជ័យជំនះឲ្យក្លឹបបាល់ទាត់ Atletico

អង់គ្លេស៖ កីឡាករខ្សែប្រយុទ្ធឆ្នើមរបស់ក្រុមមាន់ខ្នាយមាស Tottenham Hotspur គឺកីឡាករ Harry Kane អាចរកបានគ្រាប់បាល់ទី ៣០០ របស់ខ្លួននៅក្នុងក្របខណ្ឌ Premier League ហើយ ក្រោយកីឡាកររូបនេះអាចរកបាន ២គ្រាប់ម្នាក់នៅក្នុងជំនួបទល់នឹងក្រុម Crystal Palace។ គួរកត់សម្គាល់ថា ក្នុងការប្រកួតកាលពីយប់មិញនេះគឺជាជំនួបដ៏ពិសេសមួយ ដែលនៅក្នុងពិភពបាល់ទាត់អង់គ្លេសបានហៅថា London derby ឬជាការប្រកួតរវាងក្រុមធំៗដែលមកពីទីក្រុងឡុងដ៏ជាមួយគ្នា។ គួរកត់សម្គាល់ថា នៅក្នុងជំនួបដ៏ធំនេះក្រុម Tottenham Hotspur បានទទួលជ័យជំនះក្នុងលទ្ធផលរហូតដល់ ៤ ទល់ ០ ដោយនៅក្នុងនោះ កីឡាករ Harry Kane អាចរកបាន ២គ្រាប់គឺនៅនាទី ទី៤៨ និង

អារ៉ាប៊ីសាអូឌីត៖ កីឡាករ Cristiano Ronaldo បានបង្ហាញខ្លួនជាផ្លូវការហើយក្នុងនាមជាកីឡកររបស់ក្លឹបបាល់ទាត់ Al Nassr ខណៈពិធីបង្ហាញខ្លួនជាលើកដំបូងនេះត្រូវបានរៀបចំឡើងនៅក្នុងកីឡដ្ឋាន Mrsool Park ដោយមានការចូលរួមអបអរសាទរពីសំណាក់អ្នកគាំទ្រក្លឹបបាល់ទាត់ Al Nassr និងប្រិយមិត្តរបស់ម្ចាស់ពាន Ballon d’Or ៥ សម័យកាលរូបនេះរាប់ពាន់នាក់ផងដែរ។ នៅក្នុងពិធីបង្ហាញខ្លួននោះ កីឡាករវ័យ ៣៧រូបនេះបានថ្លែងអគុណចំពោះក្លឹបបាល់ទាត់ Al Nassr ដែលបានផ្តល់ឱកាសឲ្យរូបគាត់មកលេងបាល់អាជីពនៅទឹកដីអាស៊ីជាលើកដំបូង ហើយនៅទីនេះគឺរូបគាត់មិនមែនអភិវឌ្ឍន៍ត្រឹមតែបាល់ទាត់នោះទេ តែអភិវឌ្ឍន៍ទាំងក្មេងជំនាន់ក្រោយ និងវិស័យបាល់ទាត់នារីនៅក្នុងប្រទេសអារ៉ាប់ប៊ីសាអូឌីតផងដែរ។ កីឡាករ Cristiano Ronaldo បានបញ្ជាក់យ៉ាងច្បាស់ៗថា គាត់មានបំណងធ្វើឲ្យមានការផ្លាស់ប្តូរការយល់ឃើញចំពោះបាល់ទាត់នៅអារ៉ាប៊ីសាអូឌីត៕   អត្ថបទ៖ ភក្តី ប្រភព៖

ប្រេស៊ីល៖​ សមាគមបាល់ទាត់ពិភពលោក FIFA គ្រោងនឹងស្នើសុំឲ្យប្រទេសទាំងអស់នៅលើពិភពលោកដាក់ឈ្មោះវីរបុរសបាល់ទាត់ប្រេស៊ីលគឺលោក Pele នៅលើកីឡដ្ឋានយ៉ាងតិចណាស់មួយនៅក្នុងចំណោមកីឡដ្ឋានបាល់ទាត់ទាំងអស់នៅក្នុងប្រទេស ដើម្បីបង្ហាញការគោរពជាលើកចុងក្រោយចំពោះស្តេចបាល់ទាត់រូបនេះ។ យោងតាមការចុះផ្សាយរបស់បណ្តាញសារព័ត៌មាន Channel News Asia បានបញ្ជាក់ថា ការថ្លែងខាងលើនេះត្រូវធ្វើឡើងដោយលោក Gianni Infantino ដែលជាប្រធានគ្រប់គ្រងស្ថាប័ន ​FIFA ផ្ទាល់តែម្តង។ ប្រភពខាងលើបានបន្តថា លោក Gianni Infantino បានថ្លែងដូចខាងលើនេះនៅក្នុងឱកាសដែលលោកបានអញ្ជើញទៅកាន់ទីក្រុងសាន់តូស ប្រទេសប្រេស៊ី ដើម្បីចូលរួមពិធីបុណ្យសពនិងធ្វើឧទ្ទិសដ្ឋានជាលើកចុងក្រោយចំពោះវិញ្ញាណក្ខន្ធរបស់សេ្តចបាល់ទាត់ Pele។ គួរបញ្ជាក់ថា លោក Pele បានស្លាប់បាត់បង់ជីវិតនៅក្នុងអាយុ ៨២ឆ្នាំ ហើយអតីតកីឡាករជម្រើសជាតិប្រេស៊ីលរូបនេះគឺជាកីឡាករបាល់ទាត់តែរូបគត់នៅលើពិភពលោក ដែលមានឱកាសឈ្នះពានរង្វាន់បាល់ទាតពិភពលោក World Cup រហូតដល់ ៣ដង៕

(អង់គ្លេស)៖​ គ្រូបង្វឹករបស់ក្រុមបិសាចក្រហម Manchester United គឺលោក Erik ten Hag បានប្រាប់ឱ្យក្លឹបកុំចំណាយប្រាក់ទិញកីឡាករខ្សែប្រយុទ្ធណាម្នាក់ឱ្យសោះនៅក្នុងអំឡុងពេលនៃទីផ្សារដោះដូរកីឡាករក្នុងខែមករានេះ។ គ្រូបង្វឹករូបនេះបានបន្តថា បើទោះជាកីឡាករ Cristiano Ronaldo បានចាកចេញពីក្លឹបហើយក៏ដោយ តែក្រុមរបស់លោកមិនត្រូវការខ្សែប្រយុទ្ធកណ្តាលបន្ថែមទៀតនោះទេ។ លោក Erik ten Hag បានលើកឡើងថា Manchester United កំពុងពង្រឹងសមត្ថភាពខ្លួនបានយ៉ាងល្អក្នុងរយៈពេលថ្មីៗនេះ ហើយលោកជឿថាការលេងយ៉ាងស៊ីចង្វាក់គ្នាក្នុងចំណោមកីឡាករទាំងអស់នឹងជួយឱ្យក្លឹបបន្តភាពខ្លាំងរបស់ខ្លួននៅក្នុងការប្រកួតសំខាន់ៗជាច្រើនទៀតផងដែរ។ ដូចនេះហើយការចំណាយប្រាក់ក្នុងការទិញខ្សែប្រយុទ្ធថ្មីដើម្បីជំនួសវត្តមានរបស់ Cristiano Ronaldo​ នៅពេលនេះគឺជាចំណាយដ៏ខ្ជះខ្ជាយបំផុត។ គួរបញ្ជាក់ថា Manchester United បានលេងឈ្នះ ៣ប្រកួតជាប់គ្នានៅក្របខណ្ឌបាល់ទាត់ Premier League ហើយគិតត្រឹមពេលនេះក្រុមបិសាចក្រហមកំពុងស្ថិតនៅចំណាត់ថ្នាក់លេខ ៤ ដោយមាន​ ៣២ពិន្ទុ៕ អត្ថបទ៖

អារ៉ាប៊ីសាអូឌីត៖ កីឡាករ Cristiano Ronaldo បានធ្វើដំណើរទៅដល់ទឹកដីនៃប្រទេសអារ៉ាប៊ីសាអូឌីតដោយសុវត្ថិភាពហើយ នេះបើយោងតាមការចុះផ្សាយរបស់បណ្តាញសារព័ត៌មាន The Sun។ វត្តមានរបស់កីឡាករវ័យ ៣៧ឆ្នាំរូបនេះបានធ្វើឲ្យក្រុមអ្នកគាំទ្រក្លឹបបាល់ទាត់ Al Nassr សប្បាយចិត្តយ៉ខ្លាំង ខណៈពួកគេកំពុងរង់ចាំមើលការបញ្ចេញសមត្ថភាពរបស់កីឡាករឆ្នើមរូបនេះនៅលើទីលានយ៉ាងអន្ទះសាជាទីបំផុត។ ប្រភពខាងលើបានបន្តថា កីឡាការ Cristiano Ronaldo បានប្រើប្រាស់យន្តហោះឯកជនមួយគ្រឿមអមដំណើរជាមួយភរិយានិងកូនៗរបស់គាត់សម្រាប់ការធ្វើដំណើរទៅកាន់ប្រទេសអារ៉ាប៊ីសាអូឌីត។ ពេលទៅដល់ប្រលានយន្តហោះភ្លាមគេបានប្រទះឃើញថ្នាក់ដឹកនាំរបស់ក្លឹបបាល់ទាត់ Al Nassr បានអញ្ជើញមកទទួលស្វាគមន៍ កីឡាករ Cristiano Ronaldo ខណៈនៅឯកីឡដ្ឋានបាល់ទាត់ឯណោះវិញគឺមានអ្នកគាំទ្ររាប់ពាន់នាក់កំពុងរង់ចាំអបអរនិងស្វាគមន៍វត្តមានរបស់គាត់ផងដែរ។ គួរបញ្ជាក់ថា Cristiano Ronaldo បានចុះកិច្ចសន្យាលេងឲ្យក្លឹបបាល់ទាត់ Al Nassr នៅក្របខណ្ឌលីកកំពូលអារ៉ាប៊ីសាអូឌីតក្នុងរយៈពេល ២ ឆ្នាំកន្លះ ជាមួយនឹងថ្លៃនឿយហត់ចំនួន ១៧៣លានដុល្លារក្នុងមួយរដូវកាល៕

អេស្ប៉ាញ៖ ក្លឹបយក្សនៅអេស្ប៉ាញ Real Madrid ត្រូវបានបណ្តាញសារព័ត៌មាន ESPN រាយការណ៍ថា កំពុងបង្កើនការប្រមាញ់យកកីឡករ Jude Bellingham ឲ្យមកចូលរួមក្នុងក្លឹបបាល់ទាត់របស់ខ្លួននៅក្នុងអំឡុងពេលនៃទីផ្សារដោះដូរកីឡាករក្នុងខែមករា ឆ្នាំ២០២៣នេះ។ តាមគម្រោងគឺក្លឹបស្តេចសបានត្រៀមបញ្ចប់ថវិកាចំនួន ៨៨លានផោន ( ជាង ១០៦លានដុល្លារអាមេរិក) ដើម្បីនាំយកខ្សែបម្រើកណ្តាលកំពុងឡើងជើងខ្លាំងរូបនេះមកកាន់ទឹកដី Santiago Bernabéu។ ប្រភពខាងលើបានបន្តថា ប្រសិនបើកីឡករ Jude Bellingham អាចផ្ទេរមកលេងឲ្យក្លឹប Real Madrid បានមែននោះគឺរូបអាចនឹងត្រូវដាក់ឲ្យលេងជំនួយតំណែងរបស់គីឡាករ Luka Modric ដែលមានវ័យ ៣៧ឆ្នាំទៅហើយ ឬជំនួយកីឡាករ Toni Kroos​ ដែលកំំពុងមានកំពុងមានវ័យ ៣៣ឆ្នាំ។ សូមបញ្ជាក់ថា បច្ចុប្បន្ននេះកីឡករ Jude Bellingham

អង់គ្លេស៖ ប្រធានក្រុមបាល់តោខៀវ Chelsea គឺកីឡាករ Cesar Azpilicueta បានស្រែកប្រាប់ឲ្យក្រុមទាំងមូលត្រូវពង្រឹងសមត្ថភាពឡើងវិញ ដើម្បីអាចរក្សាបានកៅអី Top 4 នៅក្នុងរដូវការនេះ។ ការធ្វើសេចក្តីអំនាវនេះត្រូវបានកីឡាករវ័យ ៣៣ឆ្នាំរូបនេះធ្វើឡើយក្រោយពេលដែលក្រុម Chelsea បានលេងស្មើជាមួយនឹងក្រុម​ Nottingham Forest ក្នុងលទ្ធផល ១ ៈ ១ កាលពីចុងសប្តាហ៍កន្លងនៅនេះ ខណៈពេលស្រែកប្រាប់ក្រុមទាំងមូលនោះគឺបានសង្កេតឃើញ Cesar Azpilicueta ​ស្រែកទាំងមានទឹកភ្នែកហូរទៀតផង។ ជាមួយនឹងលទ្ធស្មើគ្នានេះគឺគិតត្រឹមពេលនេះ Chelsea កំពុងស្ថិតនៅលេខរៀងទី ៨​ នៃតារាងពិន្ទុរបស់ក្របខណ្ឌបាល់ទាត់ Premier League ដោយមានពិន្ទុចំនួន ២៥ប៉ុណ្ណោះ និងមានគម្លាតចំនួន

អារ៉ាប៊ីសាអូឌីត៖ ក្រុមអ្នកគាំទ្រក្លឹបបាល់ទាត់ Al Nassr រាប់ពាន់នាក់បាននាំស្រែកហៅឈ្មោះរបស់កីឡាករ Cristiano Ronaldo ដើម្បីបង្ហាញពីទឹកចិត្តគាំទ្រនិងការស្វាគមន៍របស់ពួកគេចំពោះវត្តមានរបស់កំពូលកីឡារូបនេះដែលបានសម្រេចចិត្តផ្ទេរមកលេងនៅក្របខណ្ឌបាល់ទាត់របស់ប្រទេសអារ៉ាប៊ីសាអូឌីតគឺក្របខណ្ឌបាល់ទាត់ដែលមានឈ្មោះថា Saudi Pro League។ បើតាមការចុះផ្សាយរបស់បណ្តាញសារព័ត៌មាន The Sun នៅព្រឹកថ្ងៃចន្ទ ទី១ ខែមករានេះបានបញ្ជាក់ថា​ សកម្មភាពនៃការស្រែកហៅឈ្មោះកីឡាក Cristiano Ronaldo បានកើតឡើងនៅនាទី ទី៧ នៃការប្រកួតរវាងក្លឹបបាល់ទាត់ Al Khaleej លេងទល់នឹងក្លឹប Al Nassr កាលពីយប់មិញនេះ ខណៈនៅក្នុងការបក្រួតនោះគឺក្លឹបបាល់ទាត់ Al Nassr បានទទួលជ័យជំនះលើក្រុមម្ចាស់ផ្ទះក្នុងលទ្ធផល ១ : ០។ គួរបញ្ជាក់ថា Cristiano

អេស្ប៉ាញ៖ អាជ្ញាធរសុខាភិបាលនៃប្រទេសអេស្ប៉ាញបានសម្រេចនៅថ្ងៃសុក្រ ទី៣០​ ខែធ្នូនេះថា នឹងតម្រូវឲ្យអ្នកដំណើរមកពីប្រទេសចិនទាំងអស់ត្រូវតែបង្ហាញលទ្ធផលតេស្តអវិជ្ជមានជំងឺកូវីដ-១៩ ឬបង្ហាញឯកសារថាបានចាក់វ៉ាក់សាំងគ្រប់គ្រាន់ពេលធ្វើដំណើរមកដល់ទឹកដីអេស្ប៉ាញ នេះបើយោងតាមការចុះផ្សាយរបស់បណ្តាញសារព័ត៌មាន The Strait Times។ គួរបញ្ជាក់ជូនថា អេស្ប៉ាញគឺជាប្រទេសទី ៣ហើយ ដែលបានសម្រេចអនុវត្តវិធានការតឹងរឹងចំពោះអ្នកដំណើរមកពីប្រទេសចិន​ ខណៈកាលពីពេលថ្មីៗនេះសហរដ្ឋអាមេរិកនិងប្រទេសកូរ៉េខាងត្បូងទើបតែបានសម្រេចអនុវត្តវិធានការស្រដៀងគ្នានេះផងដែរ។ ប្រភពខាងលើបានបន្តថា ដើម្បីអនុវត្តវិធានការខាងលើនេះឲ្យមានប្រសិទ្ធភាពគឺអាជ្ញាធរអេស្ប៉ាញនឹងដាក់ពង្រាយក្រុមបុគ្គលិកសុខាភិបាលជាច្រើននាក់នៅតាមប្រលានយន្តហោះ ដើម្បីធ្វើការត្រួតពិនិត្យក្រុមអ្នកដំណើរទាំងអស់ដែលបានធ្វើដំណើរចេញមកពីប្រទេសចិន។ គួរបញ្ជាក់ជូនផងដែរថា ហេតុ​ផលដែលប្រទេសជាច្រើនសម្រេចអនុវត្តវិធានការតឹងរឹងចំពោះអ្នកដំណើរមកពីប្រទេសចិននោះក៏ព្រោះថា គេបានទទួលដំណឹងក្រៅផ្លូវការថានៅក្នុងប្រទេសចិនកំពុងមានការរាតត្បាតជំងឺកូវីដ-១៩យ៉ាងខ្លាំង ខណៈនៅពេលនេះអាជ្ញាធរចិនក៏បានសម្រេចលើកលែងការរឹតបន្តឹងប្រទេសថែមទៀត ក្រោយពេលពលរដ្ឋចិនជាច្រើននាក់នាំគ្នាធ្វើបាតុកម្មប្រឆាំងនឹងកងកម្លាំងរបស់អាជ្ញាធរចិន៕ អត្ថបទ៖ ភក្តី ប្រភព៖ The Strait Times