ថៃ៖ ពិតជាគួរអោយកោតសរសើរមែន ក្មេងស្រីម្នាក់ឈ្មោះ Risa Vejsupaporn បេក្ខភាពកម្មវិធី Master chef junior Thailand ដែលធ្លាប់រងការរិះគន់យ៉ាងខ្លាំងពី «ក្រុមអ្នកលេងហ្វេសបុកដែលថែរាង» លើរឿងដែល Risa មានរូបរាងធាត់ តែបែរជាធ្វើនំប្រភេទ Keto លក់។ ក្មេងស្រីវ័យ ១៤ឆ្នាំរូបនេះ ត្រូវបានគេរិះគន់ និងសើចចំអកពាក់ព័ន្ធនឹងរូបរាងយ៉ាងខ្លាំង នៅលើបណ្ដាញសង្គម។ ក្រោយត្រូវគេរិះគន់ រយៈពេលពីរបីខែក្រោយមក Risa បានធ្វើបទសម្ភាសន៍ជាមួយនឹងកម្មវិធីមួយមានឈ្មោះថា « ផ្លូវសម្រាប់សេដ្ឋីអនឡាញ»។ ក្នុងបទសម្ភាសន៍ Risa បានប្រាប់ថា ឥលូវនេះមុខជំនួញការលក់នំ Keto

ប្រតិភូនៅមហាសន្និបាតអង្គការសហប្រជាជាតិបាននិយាយថា ការរំលោភសិទ្ធិមនុស្សក្នុងប្រទេសអ៊ុយក្រែនគឺ «គួរឱ្យរន្ធត់ណាស់» ហើយពួកគេបានបោះឆ្នោតកាលពីថ្ងៃព្រហស្បតិ៍ ដើម្បីដកហូតកៅអីរុស្ស៊ីពីក្រុមប្រឹក្សាសិទ្ធិមនុស្សអង្គការសហប្រជាជាតិ។ ឯកអគ្គរដ្ឋទូតអ៊ុយក្រែន Sergiy Kyslytsya បាននិយាយថា កងទ័ពរុស្ស៊ីបានសម្លាប់ ធ្វើទារុណកម្ម ចាប់រំលោភ ចាប់ពង្រត់ និងប្លន់ពលរដ្ឋនៅអ៊ុយក្រែន។ លោក​បាន​និយាយ​ថា ការ​ផ្អាក​រុស្ស៊ី​មិន​មែន​ជា​ជម្រើស​ទេ ប៉ុន្តែ​ជា​កាតព្វកិច្ច។ សមាជិកចំនួន ៩៣នាក់ បានបោះឆ្នោតគាំទ្រការព្យួរនេះ, ៥៨នាក់ ឈរនៅកណ្ដាល និង ២៤នាក់ បូករួមទាំងចិន បានបដិសេធ។ ឯកអគ្គរដ្ឋទូតចិន លោក Zhang Jun បាននិយាយថា របាយការណ៍នៃការស្លាប់របស់ជនស៊ីវិលនៅជាយក្រុង Kyiv នៃទីក្រុង

  ថៃ៖ បុរសស្រវឹងស្រាម្នាក់បានបង្កការភ្ញាក់ផ្អើលទាំងយប់ ដោយបានវាយកញ្ចក់ឡានរបស់អ្នកជិតខាង បែកខ្ទេចស្របពេលដែលម្ចាស់ឡានកំពុងអង្គុយលេងជុំគ្រួសារនៅក្នុងផ្ទះ។ ក្រោយឃើញគេវាយកញ្ចក់ឡានខ្លួន ម្ចាស់ឡានបានចេញមកហើយសួរទៅបុរសនោះថា មានរឿងអ្វី? បុរសស្រវឹងក៏តបវិញថា មានមនុស្សជាប់នៅក្នុងឡាន ស្រែកឱ្យជួយ។ លឺដូច្នេះ ម្ចាស់ឡានបានពិនិត្យមើលទៅក្នុងឡាន តែមិនឃើញមានអ្វីឡើយ ទើបសួរទៅកាន់បុរសម្នាក់នោះថា «តើលោកជានរណាមានសិទ្ធិអ្វីមកវាយកញ្ចក់ឡានខ្ញុំ ឯណាអ្នកស្រែកអោយជួយក្នុងឡានមិនឃើញ» បន្ទាប់មកទៀតម្ចាស់ឡានបានប្តឹងទៅកាន់ប៉ូលីសអោយចុះមកជួយឃាត់ខ្លួនបុរសម្នាក់នោះទុកសួរ។ លុះព្រឹកឡើងប៉ូលីសបានធ្វើការសួរនាំបុរសម្នាក់នោះម្តងទៀត ចំណែកបុរសម្នាក់នោះនៅតែឆ្លើយដដែល ទើបប៉ូលិស ធ្វើការចាប់ខ្លួន បុរសម្នាក់នោះពី «បទប៉ុនប៉ងលួចទ្រព្យសម្បត្តិអ្នកដ៏ទៃ» ដោយវាយបំបែកកញ្ចក់ឡានដើម្បីលួចទ្រព្យក្នុងឡាន ហើយចំពោះចម្លើយដែលថាមានគេស្រែកអោយជួយ គឺជាពាក្យដោះសារក្រោយពីម្ចាស់ឡានតាមទាន់តែប៉ុណ្ណោះ មិនមានមនុស្ស ហើយក៏មិនមែនខ្មោចលងអ្វីដែរ៕ អត្ថបទ៖ Bee ប្រភព៖ thairath

អត្តពលិកអ៊ុយក្រែនមួយចំនួនកំពុងដាក់លក់មេដាយ ដែលពួកគេបានឈ្នះនៅក្នុងព្រឹត្តិការណ៍កីឡាអូឡាំពិក និងប៉ារ៉ាឡាំពិកទីក្រុងតូក្យូឆ្នាំ២០២០ ដើម្បីរៃអង្គាសថវិកាជួយប្រទេសជាតិ នៅពេលដែលសង្គ្រាមរុស្ស៊ី-អ៊ុយក្រែន នៅតែអូសបន្លាយកាន់តែយូរទៅៗ។ ជាក់ស្ដែងកីឡាករ​ប៉ារ៉ាឡាំពិកផ្នែកប្រណាំងទូក គឺលោក Serhii Yemelianov បានប្រកាសអំពីការដេញថ្លៃ ​ចំពោះមេដាយ​មាស​ដែលគាត់បានឈ្នះពី​វិញ្ញាសាប្រណាំងទូក​កាយ៉ាក​ចម្ងាយ ២០០ ​ម៉ែត្រ នៅលើបណ្ដាញសង្គមរបស់គាត់។ គាត់បាននិយាយថា គាត់កំពុងលក់មេដាយរបស់គាត់ដើម្បីគាំទ្រ «អ្នកការពារអ៊ុយក្រែន»។ គាត់បន្ថែមថា «រួមគ្នាយើងនឹងឈ្នះ» និង «ចូរសិរីល្អមានដល់អ៊ុយក្រែន»។ ចំណែកឯអត្តពលិកការ៉ាតេអ៊ុយក្រែនម្នាក់ទៀត គឺលោក Stanislav Horuna ដែលបានឈ្នះមេដាយសំរឹទ្ធ លើវិញ្ញាសា Kumite ក្នុងប្រភេទទម្ងន់ក្រោម ៧៥ គីឡូក្រាម នៅក្នុងព្រឹត្តិការណ៍អូឡាំពិកទីក្រុងតូក្យូឆ្នាំ២០២០ ក៏កំពុងប្រកាសលក់មេដាយរបស់គាត់ នៅលើគេហទំព័រដេញថ្លៃតាមអ៉ីនធឺណិតមួយផងដែរ។

ក្រសួងការពារជាតិរុស្ស៊ីបាននិយាយនៅថ្ងៃព្រហស្បតិ៍នេះថា មីស៊ីលរបស់ខ្លួនបានបំផ្លាញកន្លែងស្តុកប្រេងចំនួន ៤ នៅក្នុងទីក្រុង Mykolayiv, Kharkiv, Zaporizhzhia និង Chuhuiv របស់អ៊ុយក្រែនពេញមួយយប់ នេះបើតាមការចុះផ្សាយរបស់សារព័ត៌មាន រ៉យទ័រ ។ ក្រសួងបាននិយាយថា ទីតាំងទាំងនោះត្រូវបានប្រើប្រាស់ដោយអ៊ុយក្រែន ដើម្បីផ្គត់ផ្គង់កងទ័ពរបស់ខ្លួននៅជិតទីក្រុង Mykolaiv និង Kharkiv និងក្នុងតំបន់ Donbas នៅភាគអាគ្នេយ៍។ រំលឹកដែរថា រុស្ស៊ីបានបញ្ជូនទាហានរាប់ម៉ឺននាក់ចូលទៅក្នុងអ៊ុយក្រែន កាលពីថ្ងៃទី២៤ ខែកុម្ភៈ ឆ្នាំ២០២២ នៅក្នុងអ្វីដែលខ្លួនហៅថា ជាប្រតិបត្តិការពិសេស ដើម្បីជាន់ឈ្លីសមត្ថភាពយោធារបស់អ្នកជិតខាងនៅភាគខាងត្បូងរបស់ខ្លួន ហើយបានបំផ្លាញនូវមនុស្សដែលគេហៅថា អ្នកជាតិនិយមដ៏គ្រោះថ្នាក់។ កងកម្លាំង​អ៊ុយក្រែន​បាន​បង្កើន​ការ​ទប់ទល់​យ៉ាង​ខ្លាំង ហើយ​លោកខាងលិច​ក៏បាន​ដាក់​ទណ្ឌកម្ម​យ៉ាង​ខ្លាំង​ផងដែរ ក្នុង​កិច្ចប្រឹងប្រែង​មួយ​ដើម្បី​បង្ខំ​ឱ្យ​រុស្ស៊ី​ដក​កម្លាំង​ចេញពីអ៊ុយក្រែន៕

ប្រទេសកាណាដាទំនងជានឹងដើរតាមគន្លងរបស់ប្រទេសអូស្ត្រាលីក្នុងពេលឆាប់ៗនេះ នៅក្នុងការធ្វើឱ្យក្រុមហ៊ុនអ៉ីនធឺណិតត្រូវបង់ប្រាក់ឱ្យអ្នកចុះផ្សាយព័ត៌មាន ដើម្បីអាចប្រើប្រាស់មាតិការបស់ពួកគេបាន។ គណបក្សសេរីនិយម ដែលកំពុងកាន់អំណាចរបស់ប្រទេសកាណាដា បានណែនាំសេចក្ដីព្រាងច្បាប់ថ្មីមួយដែលតម្រូវឱ្យ Facebook, Google និងក្រុមហ៊ុនអនឡាញផ្សេងទៀត ត្រូវទូទាត់ដល់អង្គភាពសារព័ត៌មាន សម្រាប់ការផលិតឡើងវិញ ឬការចូលប្រើមាតិកា។ ប្រាក់នេះនឹងជួយលើកកម្ពស់ «និរន្តរភាព» នៃបណ្ដាញព័ត៌មានរបស់កាណាដា នេះបើយោងតាមការបញ្ជាក់របស់រដ្ឋាភិបាល។ ប្រសិនក្រុមហ៊ុនណាមិនបង់ប្រាក់ឱ្យអ្នកចុះផ្សាយព័ត៌មានកាណាដា ពួកគេនឹងត្រូវប្រឈមមុខនឹងការដោះស្រាយវិវាទ ជាមួយនិយតករទូរគមនាគមន៍កាណាដា គឺគណៈកម្មការវិទ្យុ-ទូរទស្សន៍ និងទូរគមនាគមន៍កាណាដា ហៅថា CRTC ។ ជាមួយគ្នានេះដែរ CRTC ក៏នឹងសម្រេចចិត្តថា តើប្រភពព័ត៌មានណាដែលមានលក្ខណៈគ្រប់គ្រាន់សម្រាប់ការទូទាត់នោះ។ ក្រុមមន្ត្រីរបស់កាណាដាយល់ថា ច្បាប់នេះគឺចាំបាច់ខ្លាំងណាស់។ ដោយសារតែឧស្សាហកម្មព័ត៌មានកំពុងមានហានិភ័យ ហើយពួកគេមិនអាចពឹងទៅលើប្រាក់ចំណូល ដែលយកបានពីការផ្សាយពាណិជ្ជកម្មនោះទេ។ មន្ត្រីរបស់កាណាដាក៏បានដាក់សំណើរព្រាងច្បាប់នេះ

ថៃ៖ កាលពីពេលថ្ងៃទី០៥ ខែមេសា ឆ្នាំ២០២២ កន្លងទៅថ្មីៗនេះ សារព័ត៌មាននៅប្រទេសថៃបានធ្វើការចុះផ្សាយពីទិដ្ឋភាពការរើសទាហ៊ាន ដែលស្ថិតនៅសាលប្រជុំ ស្រុក បួរយ៉ៃ ខេត្ត ណាខនរ៉ាតឆាក់សុីម៉ា ហើយការជ្រើសរើសនោះតម្រូវយកទាហ៊ានចំនួន៥០នាក់ ដោយមានបេក្ខភាពត្រូវជើសរើសចំនួន១៥០នាក់។ នៅក្នុងចំណោមបេក្ខភាពទាំង១៥០នាក់នោះ គេសង្កេតឃើញមានទាំងបុរសពិត និងភេទទី៣ជាច្រើនផងដែរ។ ដំណើរជ្រើសរើសនោះគឺ តម្រូវឲ្យបេក្ខជនមកធ្វើការចាប់យកកាត ប្រសិនបើចាប់បាន កាតក្រហម មានន័យថា ត្រូវចូលបំរើជាទាហាន។ មានបេក្ខជនខ្លះគ្រាន់តែចាប់បាន កាតក្រហម ភ្លាម ស្រាប់តែមានអាការៈមិនស្រួលខ្លួន ដួលសន្លប់ រហូតដល់មានការជួយសង្គ្រោះនៅនឹងកន្លែងផងដែរ៕ អត្ថបទ៖ Bee ប្រភព៖ sanook

ការសិក្សាថ្មីមួយបាននិយាយថា អ្នកដែលធ្លាប់មានជំងឺ COVID-19 មានការកើនឡើងហានិភ័យនៃការវិវត្តទៅជាមានបញ្ហាឈាមកកធ្ងន់ធ្ងរ រហូតដល់ទៅ ៦ខែ បន្ទាប់ពីឆ្លងជំងឺនេះរួច ឬសូម្បីតែក្នុងករណីស្រាលក៏ដោយ នេះបើតាមការចុះផ្សាយរបស់សារព័ត៌មាន Channel News Asia នៅថ្ងៃព្រហស្បតិ៍ ទី០៧ ខែមេសា ឆ្នាំ២០២២។ ការស្រាវជ្រាវពីមុនបានបង្ហាញថា ជំងឺ COVID-19 អាចបង្កើនហានិភ័យឱ្យមានឈាមកក ប៉ុន្តែការសិក្សាថ្មីចុងក្រោយនៅក្នុងទិនានុប្បវត្តិវេជ្ជសាស្ត្រ BMJ បានបញ្ជាក់បន្ថែម ពីរយៈពេលដែលហានិភ័យនេះនឹងបន្ដមានរាប់ខែទៅមុខទៀត។ នៅក្នុងការសិក្សានោះ អ្នកស្រាវជ្រាវបានប្រៀបធៀបទិន្នន័យពីមនុស្សជាង ១ លាននាក់ នៅប្រទេសស៊ុយអែត ដែលបានឆ្លងជំងឺ COVID-19 ចាប់ពីខែកុម្ភៈ ឆ្នាំ២០២០ ដល់ខែឧសភា ឆ្នាំ២០២១ ជាមួយនឹងក្រុមដែលស្ថិតក្រោមការត្រួតពិនិត្យជាង

មន្ត្រីជាន់ខ្ពស់របស់មន្ទីរបញ្ចកោណម្នាក់បាននិយាយថា ទាហានរុស្ស៊ីបានបញ្ចប់ការដកថយរបស់ពួកគេ ចេញពីតំបន់នៅជុំវិញទីក្រុងគៀវ ហើយពួកគេក៏បានដកខ្លួនចេញពីជុំវិញទីក្រុង Chernihiv ផងដែរ។ ប៉ុន្តែ​ភស្តុតាង​បន្ថែម​ទៀត​កំពុង​លេច​ចេញ​ឡើងជាបន្ដបន្ទាប់ ទាក់ទងនឹង​ការ​សម្លាប់​អ្នក​ស្រុក​ដោយ​មិន​រើសមុន ពីសំណាក់កងកម្លាំងរុស្ស៊ី។ មន្ត្រីរូបនោះបាននិយាយថា ការដកទ័ពចេញគឺដើម្បីបង្រួបបង្រួម និងរៀបចំកងទ័ពឡើងវិញ នៅក្នុងប្រទេសបេឡារុស្ស និងនៅក្នុងប្រទេសរុស្ស៊ី។ យ៉ាងណាក៏ដោយ ទីក្រុងកំពង់ផែ Mariupol នៅតែឯកោពីគេដដែល ប៉ុន្តែ​​មិន​បានស្ថិត​នៅ​ក្រោម​ការ​ឡោមព័ទ្ធ​ទៀតទេ។ ទាក់ទងនឹងការសម្លាប់ពលរដ្ឋនៅ Bucha ក្រុមអ្នកស៊ើបអង្កេតបានរកឃើញសាកសពជាច្រើននៅទូទាំងក្រុង ទាំងនៅតាមដងផ្លូវ និងនៅក្រោមគំនរបាក់បែក ហើយសាកសពខ្លះក៏ត្រូវបានដុត។ ឥឡូវនេះក្រុមអ្នកស៊ើបអង្កេតនឹងចងក្រង​ឯកសារ​គ្រប់យ៉ាង​ដែល​ពួកគេ​រកឃើញ​ ដើម្បីជា​ភស្តុតាង​សម្រាប់ចោទប្រកាន់រុស្ស៊ីពីបទ​ឧក្រិដ្ឋកម្ម​សង្គ្រាម។ ក្រុមអ្នកស៊ើបអង្កេតក៏បានឃើញផ្នូរដ៏ធំៗ ហើយឃើញក្រុមគ្រួសារ ឬមិត្តភក្តិរបស់ពួកគេ បានបញ្ចុះសពជនរងគ្រោះជាច្រើនទៀត នៅគ្រប់ទីកន្លែងដែលពួកគេអាចធ្វើបាន។ អ្នកស្រុកបាននិយាយថា ទង្វើនេះមិនមែនជាសង្រ្គាមទេ

សឹង្ហបុរី៖ យោងតាមសារព័ត៌មាន thairath បានរាយការណ៍ថា ប្រទេសសិង្ហបុរីត្រៀមបញ្ចេញលុយប្រមាណ ៥០០លានដុល្លាសិង្ហបុរី (ប្រមាណ ៣៦៧លានដុល្លារ) ដើម្បីជំរុញវិស័យទេសចរណ៍ដែលបានទទួលផលប៉ះពាល់ដ៏ធ្ងន់ធ្ងរពីការរីករាលដាលរបស់មេរោគកូវីដ-១៩។ ក្រោយពីការប្រកាសបើកប្រទេសឡើងវិញក៏ដូចជា បើកទទួលភ្ញៀវទេសចរណ៍អន្តរជាតិដែលបានចាក់វ៉ាក់សាំងគ្រប់ដូសដោយមិនបាច់ធ្វើចត្តឡីស័កផងដែរនោះ ការចំណាយលុយដ៏មហាសាលនេះ គឺដើម្បីជាការគាំទ្រទៅលើវិស័យទេសចរណ៍ និងការចំណាយអាជីវកម្ម។ គួរឱ្យដឹងថា នៅអំឡុង ២ឆ្នាំកន្លងមករដ្ឋាភិបាលសiង្ហបុរីបានបញ្ចេញប្រាក់ទៅលើវិស័យទេសចរណ៍ជាង ១,០០០ពាន់លានដុល្លារសiង្ហបុរី (ប្រមាណ ៧៣៥លានដុល្លារ) រួចមកហើយ ដើម្បីសម្រាលដល់បន្ទុកក្នុងនៃការបើកដំណើរការអាជីវកម្មរបស់ម្ចាស់អាជីវកម្ម ដូចជា ថ្លៃជួល ថ្លៃអាជ្ញាប័ណ្ណ រួមទាំងកម្មករដែលទទួលរងនៅផលប៉ះពាល់ផងដែរ ក៏ដូចជាគាំទ្រនៅការច្នៃប្រឌិតថ្មីៗ ដើម្បីបង្កើតទីផ្សារនៃការទេសចរណ៍ដ៏គង់វង្សយូរអង្វែង៕ អត្ថបទ៖ Bee ប្រភព៖ thairath