ក្រសួងសុខាភិបាលជប៉ុនកំពុងរៀបចំ ដើម្បីអនុម័តវ៉ាក់សាំងការពារជំងឺ COVID-19 ដែលត្រូវបានបង្កើតឡើងដោយក្រុមហ៊ុន Pfizer-BioNTech នៅថ្ងៃទី១៥ ខែកុម្ភៈ ឆ្នាំ២០២១ ខាងមុខនេះ។ ក្រសួងបានចុះកិច្ចសន្យាជាមួយ Pfizer ដើម្បីទទួលថ្នាំចំនួន ៧២ លានដូស រួចរាល់ហើយ ខណៈកាលពីសប្តាហ៍មុនក៏ Pfizer បានបញ្ជូនទិន្នន័យទៅក្រសួង ស្តីពីការសាកល្បងវ៉ាក់សាំងនៅក្នុងប្រទេសជប៉ុន។ ក្រសួងគ្រោងនឹងរៀបចំកិច្ចប្រជុំក្រុមអ្នកជំនាញនៅថ្ងៃទី១២ ខែកុម្ភៈ ឆ្នាំ២០២១ ដើម្បីស្វែងរកការប្រឹក្សាថា តើត្រូវអនុម័តវ៉ាក់សាំងនេះ ឬអត់។ ប្រសិនបើគណៈកម្មាធិការផ្តល់ភ្លើងខៀវ នោះរដ្ឋមន្រ្តីក្រសួងសុខាភិបាលលោក Tamura Norihisa ត្រូវបានគេរំពឹងថា នឹងចេញសេចក្តីយល់ព្រមជាផ្លូវការនៅថ្ងៃទី១៥ ខែកុម្ភៈ។ ប្រសិនបើមានការអនុម័តវ៉ាក់សាំងពិតមែននោះ វានឹងត្រូវបានផ្តល់ជូនសម្រាប់តែអ្នកមានអាយុចាប់ពី

រដ្ឋាភិបាលថៃនៅថ្ងៃសុក្រ ទី០៥ ខែកុម្ភៈ ឆ្នាំ២០២១ បានរាយការណ៍ពីករណីជំងឺ COVID-19 ថ្មីចំនួន ៥៨៦ ករណី ដោយក្នុងនោះមានការចម្លងក្នុងសហគមន៍ចំនួន ៥៧៣ ករណី និងករណីនាំចូលចំនួន ១៣ ករណី ដែលនាំឱ្យចំនួនសរុបកើនដល់ ២២,៦៤៤ ករណី។ លោក Apisamai Srirangson ជំនួយការអ្នកនាំពាក្យមជ្ឈមណ្ឌលរដ្ឋបាលសម្រាប់ស្ថានភាពជំងឺ COVID-19 បាននិយាយថា ក្នុងចំណោមករណីក្នុងស្រុកទាំងអស់មានករណីចំនួន ៥២៦ ករណី ត្រូវបានរកឃើញពីការធ្វើតេស្ដនៅតាមសហគមន៍ និងមាន ៤៧ ករណី ត្រូវបានរកឃើញពីការធ្វើតេស្ដនៅមន្ទីរពេទ្យ។ ចាប់តាំងពីជំងឺ COVID-19

ក្រុមហ៊ុនចនសុន (Johnson & Johnson) បានឱ្យដឹងនៅថ្ងៃព្រហស្បតិ៍នេះថា ខ្លួនបានស្នើសុំនិយតករសុខភាពរបស់សហរដ្ឋអាមេរិក ដើម្បីផ្តល់សិទ្ធិអនុញ្ញាតវ៉ាក់សាំងបង្ការជំងឺ COVID-19 ដែលចាក់តែមួយដូសរបស់ខ្លួន សម្រាប់ការប្រើប្រាស់ជាបន្ទាន់។ ការដាក់ពាក្យសុំរបស់ក្រុមហ៊ុនទៅកាន់រដ្ឋបាលចំណីអាហារនិងឪសថអាមេរិក (FDA) អនុវត្តតាមរបាយការណ៍របស់ខ្លួនកាលពីថ្ងៃទី២៩ ខែមករា ឆ្នាំ២០២១ ដោយក្នុងនោះបាននិយាយថា វ៉ាក់សាំងនេះមានអត្រាការពារបាន ៦៦% នៅក្នុងការសាកល្បងទូទាំងពិភពលោករបស់ខ្លួន។ វ៉ាក់សាំងចាក់តែមួយដូសរបស់ J&J អាចជួយបង្កើនការផ្គត់ផ្គង់ និងធ្វើឱ្យយុទ្ធនាការចាក់ថ្នាំបង្ការជំងឺ COVID-19 របស់អាមេរិកកាន់តែមានភាពងាយស្រួល ចំពេលមានការព្រួយបារម្ភថ្មីៗពីការចម្លងលឿនជាងមុននៃប្រភេទជំងឺ COVID-19 មកពីអង់គ្លេស និងអាហ្វ្រិចខាងត្បូង។ មិនដូចវ៉ាក់សាំងពី Pfizer Inc / BioNTech

មន្ត្រីសេតវិមានបាននិយាយថា សហរដ្ឋអាមេរិកកំពុងពិចារណាការដាក់ទណ្ឌកម្មលើបុគ្គល និងអង្គភាពពាក់ព័ន្ធនឹងយោធាមីយ៉ាន់ម៉ា ដែលបានដណ្តើមអំណាចតាមរយៈរដ្ឋប្រហារកាលពីថ្ងៃច័ន្ទ។ ទីប្រឹក្សាសន្តិសុខជាតិអាមេរិកលោក Jake Sullivan បានថ្លែងនៅក្នុងសន្និសីទសារព័ត៌មានមួយ កាលពីថ្ងៃព្រហស្បតិ៍ ដោយបាននិយាយថា៖«យើងកំពុងពិនិត្យមើលលទ្ធភាពនៃបទបញ្ជាប្រតិបត្តិថ្មី ហើយយើងក៏កំពុងពិនិត្យមើលការដាក់ទណ្ឌកម្មគោលដៅជាក់លាក់ទាំងលើបុគ្គល និងអង្គភាពដែលគ្រប់គ្រងដោយយោធា»។ ការអត្ថាធិប្បាយរបស់លោកបានធ្វើឡើង បន្ទាប់ពីមានការថ្កោលទោសយ៉ាងខ្លាំងរបស់ប្រធានាធិបតីលោក ចូ បៃដិន ចំពោះការធ្វើរដ្ឋប្រហារ និងការគំរាមដាក់ទណ្ឌកម្មរបស់លោក។ លោក Sullivan បានបន្ថែមទៀតថា សហរដ្ឋអាមេរិកក៏នឹងធ្វើការជាមួយសភាសម្ព័ន្ធមិត្ត និងដៃគូរបស់ខ្លួននៅជុំវិញពិភពលោក អំពីរបៀបឆ្លើយតបលើបញ្ហានៅប្រទេសមីយ៉ាន់ម៉ានេះ។ អ្នកខ្លះនិយាយថា ការស្វែងរកការសន្ទនាក៏ជាជម្រើសមួយដែរ ពីព្រោះសម្ពាធបន្ថែមទៀតលើមីយ៉ាន់ម៉ា អាចជំរុញឱ្យកាន់តែមានភាពជិតស្និទ្ធជាមួយចិន។ នៅពេលសួរថា តើលោក ចូ បៃដិន នឹងជួបជាមួយមេដឹកនាំកូរ៉េខាងជើងលោក គីម

ការសិក្សារបស់អាឡឺម៉ង់បានរកឃើញថា សត្វឆ្កែដែលទទួលបានការហ្វឹកហាត់ពីសាលាបណ្ដុះបណ្ដាល អាចមានសមត្ថភាពហឺតដឹងពីជំងឺ COVID-19 បានត្រឹមត្រូវរហូតដល់ទៅ ៩៤% ឯណោះ។ បើយោងតាមការចុះផ្សាយរបស់សារព័ត៌មាន Deutsche Welle បាននិយាយថា សត្វឆ្កែនៅក្នុងការសិក្សាទាំងនោះត្រូវបានបណ្តុះបណ្តាលនៅសាកលវិទ្យាល័យវេជ្ជសាស្ត្រ Hanover ហើយវាអាចហឺតដឹងពីវត្តមានរបស់ជំងឺ COVID-19 បានយ៉ាងច្បាស់លាស់ ទោះបីជាអ្នកជំងឺមិនបានចេញរោគសញ្ញាក៏ដោយ។ លោក Esther Schalke ពេទ្យសត្វនៅសាលាកងកម្លាំងប្រដាប់អាវុធរបស់អាល្លឺម៉ង់ បាននិយាយថា សត្វឆ្កែត្រូវបានគេដាក់ពង្រាយដើម្បីស្រូបយកក្លិននៃវីរុសកូរ៉ូណា (វីរុសនៃជំងឺCOVID-19) ដែលត្រូវបានបញ្ចេញចេញពីកោសិកាក្នុងខ្លួនមនុស្សដែលឆ្លងជំងឺ។​ ហើយឆ្កែនៅក្នុងការសិក្សានេះ គឺពួកគេមានឈ្មោះដូចជា៖ Filou ជាពូជ Shepherd អាយុ ៣ឆ្នាំ និង Joe Cocker អាយុ

អ្នកនាំពាក្យរបស់អង្គការសហប្រជាជាតិលោក Stephane Dujarric កាលពីថ្ងៃពុធ ទី០៣ ខែកុម្ភៈ ឆ្នាំ២០២១ បានអំពាវនាវឱ្យមានការដោះលែង មេដឹកនាំដែលត្រូវបានគេបណ្ដេញនិងឃុំខ្លួនក្នុងផ្ទះ លោកស្រី អ៊ុងសាន ស៊ូជី ជាបន្ទាន់ ហើយបានសង្កត់ធ្ងន់ថា រដ្ឋប្រហាររបស់ក្រុមយោធាក្នុងប្រទេសនេះ គឺជាការប្រឆាំងលើ «ការបង្រួបបង្រួមនីតិរដ្ឋនៅមីយ៉ាន់ម៉ា និងដំណើរការប្រជាធិបតេយ្យ» របស់លោកស្រីទីប្រឹក្សារដ្ឋ។ គួររំលឹកដែរថា បក្សសម្ព័ន្ធភាពជាតិដើម្បីលទ្ធិប្រជាធិបតេយ្យ ឬ NLD របស់លោកស្រី ទើបតែបានបញ្ចេញឯកសារប៉ូលីសមួយ ដែលបានចោទប្រកាន់លោកស្រីថា គាត់បាននាំចូលឧបករណ៍ទំនាក់ទំនងខុសច្បាប់ និងប្រើប្រាស់ទាំងមិនទាន់ចុះបញ្ជី។ ខណៈប្រធានាធិបតីលោក Win Myint ត្រូវបានចោទប្រកាន់ពីបទរំលោភលើការរឹតត្បិតអំឡុងពេលមានរោគរាតត្បាត ដោយសារគាត់បានបើកការស្វាគមន៍អ្នកធ្វើយុទ្ធនាការបោះឆ្នោតកាលពីខែកញ្ញា។ NLD

យោងតាមការចុះផ្សាយរបស់សារព័ត៌មាន បាងកកប៉ុស្តិ៍ នៅថ្ងៃព្រហស្បតិ៍ ទី០៤ ខែកុម្ភៈ ឆ្នាំ២០២១ បានរាយការណ៍ថា ប្រទេសថៃបានកត់ត្រាករណីជំងឺ COVID-19 ថ្មីចំនួន ៨០៩ ករណី ដោយក្នុងនោះមានករណីក្នុងសហគមន៍ចំនួន ៧៩៦ ករណី និងការនាំចូលចំនួន ១៣ ករណី ដែលនាំឱ្យចំនួនសរុបចាប់តាំងពីប្រទេសថៃមានវត្តមាននៃជំងឺ COVID-19 មានរហូតដល់ ២២,០៥៨ ករណី ។ ថ្ងៃនេះគឺពុំមានការស្លាប់ថ្មីត្រូវបានកត់ត្រានោះទេ ដូច្នេះការស្លាប់សរុបនៅតែមាន ៧៩នាក់ ដដែល។ លោក Taweesilp Visanuyothin អ្នកនាំពាក្យរបស់មជ្ឈមណ្ឌលរដ្ឋបាលសម្រាប់ស្ថានភាពជំងឺ COVID-19 បានឱ្យដឹងថា ក្នុងចំណោមករណីក្នុងស្រុកទាំងអស់ មានករណីចំនួន

យោងតាមការចុះផ្សាយរបស់សារព័ត៌មាន CNN បានឱ្យដឹងថា វ៉ាក់សាំងបង្ការជំងឺ COVID-19 ឈ្មោះថា «Sputnik V» របស់ប្រទេសរុស្ស៊ី គឺមានប្រសិទ្ធភាពប្រឆាំងជាមួយជំងឺ COVID-19 រហូតដល់ ៩១.៦% សម្រាប់អ្នកចេញរោគសញ្ញា, ប្រសិទ្ធភាព ១០០% សម្រាប់អ្នកមានជំងឺធ្ងន់ធ្ងរ និងមធ្យម នេះបើយោងតាមការសិក្សាវិភាគលើអ្នកចូលរួមជិត ២០,០០០ នាក់ នៅក្នុងដំណាក់កាលទី ៣ ដែលត្រូវបានចេញផ្សាយនៅក្នុងទិនានុប្បវត្តិ The Lancet កាលពីថ្ងៃអង្គារ។ ការសិក្សានេះបានជួយរម្ងាប់ការព្រួយបារម្ភរបស់អ្នកជំនាញពីមុនៗ ដែលពួកគេកន្លងមកបានសម្ដែងការព្រួយបារម្ភចំពោះវ៉ាក់សាំង ដែលត្រូវបានចុះបញ្ជីដំបូងគេនៅរុស្ស៊ីមួយនេះ។ អ្នកវិភាគឯករាជ្យលោក Ian Jones មកពីសាកលវិទ្យាល័យនៃទីក្រុង Reading និងលោកស្រី

តុលាការមីយ៉ាន់ម៉ាបានសម្រេចឱ្យមានការឃុំខ្លួនមេដឹកនាំលោកស្រី អ៊ុងសាន ស៊ូជី និងប្រធានាធិបតី Win Myint រយៈពេល ២សប្ដាហ៍ រហូតដល់ថ្ងៃទី១៥ ខែកុម្ភៈ ឆ្នាំ២០២១ ហើយអ្នកទាំង ២ ក៏អាចប្រឈមនឹងការឃុំខ្លួនយូរជាងនេះផងដែរ។ គណបក្សសម្ព័ន្ធជាតិដើម្បីលទ្ធិប្រជាធិបតេយ្យ (NLD) របស់លោកស្រី អ៊ុងសាន ស៊ូជី នៅថ្ងៃពុធម្សិលមិញនេះ បានចេញផ្សាយឯកសាររបស់ប៉ូលីសមួយ ចុះនៅថ្ងៃទី០១ ខែកុម្ភៈ ដែលបានចោទប្រកាន់លើលោកស្រី អ៊ុងសាន ស៊ូជី ថាបាននាំចូលសម្ភារៈទំនាក់ទំនងចំនួន ១០ ដោយខុសច្បាប់ និងមិនមានការចុះបញ្ជីបានត្រឹមត្រូវនោះទេ។ ចំណែកប្រធានាធិបតីលោក Win Myint ឯណោះវិញ

អ្នកស្រាវជ្រាវនៅសកលវិទ្យាល័យ Oxford និយាយថា វ៉ាក់សាំងបង្ការជំងឺ COVID-19 ដែលខ្លួនបង្កើតឡើង សហការជាមួយក្រុមហ៊ុនឱសថអង់គ្លេស AstraZeneca នៅតែមានប្រសិទ្ធភាពខ្ពស់ក្នុងរយៈពេល ៣ខែ បន្ទាប់ពីការចាក់ដូសដំបូង។ ក្រុមស្រាវជ្រាវកាលពីថ្ងៃអង្គារ បានចេញផ្សាយរបាយការណ៍មួយអំពីការវិភាគទិន្នន័យពីការសាកល្បងរបស់ពួកគេ ពាក់ព័ន្ធនឹងមនុស្សប្រហែល ១៧,០០០ នាក់ នៅក្នុងចក្រភពអង់គ្លេស ប្រេស៊ីល និងអាហ្វ្រិកខាងត្បូង ចាប់តាំងពីការសាកល្បងដំបូងរហូតដល់ដើមខែធ្នូកន្លងទៅនេះ។ ក្រុមអ្នកស្រាវជ្រាវនិយាយថា វ៉ាក់សាំងក្នុងដូសដំបូង ចាប់ពីថ្ងៃទី២២ ដល់ថ្ងៃទី៩០ (៣ខែ) គឺមានប្រសិទ្ធភាព ៧៦% ហើយមិនបានផ្លាស់ប្ដូរប្រសិទ្ធភាពនៅអំឡុងទាំងនោះទេ។ ចំណែកលទ្ធផលបន្ទាប់ពីដូសទី២ បានបង្ហាញប្រសិទ្ធភាព ៨២.៤% នៅពេលដែលការចាក់វ៉ាក់សាំងដូសទី២ នៅចន្លោះពីវ៉ាក់សាំងដូសទី១ រយៈពេលពី