រដ្ឋាភិបាលជប៉ុនកំពុងពិចារណាពង្រីកស្ថានភាពបន្ទាន់របស់ខ្លួន ជុំវិញមជ្ឈមណ្ឌលទីក្រុងធំចំនួន ២ របស់ប្រទេសនេះ។ ជម្រាបដែរថា វិធានការរឹតត្បឹតបច្ចុប្បន្ននឹងត្រូវផុតកំណត់នៅថ្ងៃអាទិត្យ ដូច្នេះមន្ត្រីនឹងត្រូវធ្វើការសម្រេចចិត្តនៅថ្ងៃអង្គារនេះ​ បន្ទាប់​ពីទទួលបានការស្តាប់ពីអ្នកជំនាញ។ ជាង ៣សប្តាហ៍ បានកន្លងផុតទៅហើយចាប់តាំងពីស្ថានភាពអាសន្នត្រូវបានប្រកាសនៅក្នុងរាជធានី និងខេត្តជិតខាងចំនួន ៣ ។ វិធានការនេះក្រោយមកទៀតត្រូវបានពង្រីក ដោយរាប់បញ្ចូលទាំងអូសាកា និងអាណាខេត្តចំនួន ៦ ផ្សេងទៀត។ ក្រុមមន្រ្តីកំពុងពិចារណាការពង្រីកស្ថានភាពបន្ទាន់នៅទីក្រុងតូក្យូ សៃតាម៉ា ឈីបា អាកាណាវ៉ា និងផ្នែកខ្លះនៃតំបន់កានសៃ ថ្វីបើតំបន់ទាំងនេះមានករណីចុះថយក៏ដោយ។ ប៉ុន្តែនៅទីក្រុងតូក្យូមានករណីថ្មីចំនួន ៣៩៣ ត្រូវបានបញ្ជាក់កាលពីថ្ងៃច័ន្ទ ហើយចំនួនសរុបប្រចាំថ្ងៃបានធ្លាក់ចុះក្រោម ៤០០ ជាលើកដំបូងចាប់តាំងពីចុងខែធ្នូ។ ចំណែកនៅទូទាំងប្រទេសជប៉ុន ក្រុមមន្រ្តីបានបញ្ជាក់ពីករណីថ្មីចំនួន ២,៦៧៣

ថៃ៖ ព្រះសង្ឃថៃមួយអង្គត្រូវបានប៉ូលិសចូលទៅចាប់ដល់ក្នុងវត្តក្រោយពីអាជ្ញាធរបានរកឃើញថា សង្ឃអង្គនេះបានសម្ងំប្រើប្រាស់គ្រឿងញៀនយ៉ាងសកម្មនៅក្នុងវត្ត។ បើយោងតាមការចុះផ្សាយនៅក្នុងសារព័ត៌មាន The Thaiger  បានឲ្យដឹងថា ហេតុការណ៍នេះបានកើតឡើងនៅក្នុងខេត្តបូរីរ៉ាំភាគខាងជើងប្រទេសថៃ ខណៈសង្ឃកំខូចអង្គនេះមានព្រះនាមថា Thawatchai Konglert និងមានព្រះជន្ម ៤៥ វស្សា។ ប៉ូលិសថៃបានឲ្យដឹងថា គ្រឿងញៀនដែលព្រះសង្ឃ Thawatchai Konglert បានប្រើប្រាស់នោះគឺជាថ្នាំមេតំហ្វេតាមីន ហើយក្នុងពេលចាប់ខ្លួននោះសង្ឃអង្គនេះបានប្រើប្រាស់គ្រឿងញៀនយ៉ាងច្រើនរហូតវង្វេងវង្វាន់ទៅហើយ។ ក្រោមឥទ្ធិពលនៃគ្រឿងញៀនព្រះតេជគុណ Thawatchai Konglert មានសង្ឃដីកាប្រាប់ប៉ូលិសថា គ្រឿងញៀននេះគឺជាទេយ្យទានដែលពុទ្ធបរិស័ទបានប្រគេនព្រះអង្គ ហើយដំបូងឡើយព្រះគុណម្ចាស់មិនចង់ប្រើប្រាស់វានោះទេតែពុទ្ធបិរស័ទចេះតែមកលួងលោមពេក ទើបព្រះអង្គសម្រេចប្រើប្រាស់វាតែម្តងទៅ។ យ៉ាងណាក្តី សង្ឃដីកានេះមិនត្រូវបានប៉ូលិសចាត់ទុកជាបានការនោះទេ ហើយប៉ូលិសជំនាញថៃបានបញ្ជាក់ថា មុនពេលមកបួសជាសង្ឃព្រះតេជគុណ Thawatchai Konglert ក៏ធ្លាប់ត្រូវចាប់ខ្លួនពីបទប្រើប្រាស់គ្រឿងញៀនម្តងដែរ

រថយន្តបំផ្ទុះគ្រាប់បែកជាច្រើនគ្រឿងបានសម្លាប់មនុស្ស ១៥នាក់ នៅភាគខាងជើងប្រទេសស៊ីរី។ ក្រសួងការពារជាតិតួកគីនិយាយថា គ្រាប់បែកបានផ្ទុះឡើងនៅទីប្រជុំជន Azaz និង al-Bab កាលពីថ្ងៃអាទិត្យ ដែលតំបន់ទាំងនេះត្រូវបានតួកគីគ្រប់គ្រង​ បន្ទាប់ពីការវាយលុកផ្នែកយោធាមួយនៅក្នុងឆ្នាំ២០១៩។ តួកគីរក្សាពួកគេឱ្យស្ថិតនៅក្រោមការគ្រប់គ្រងរបស់ខ្លួនប្រកបដោយប្រសិទ្ធភាព ដើម្បីបណ្ដេញពួកសកម្មប្រយុទ្ធឃឺដ (Kurdish) ចេញពីតំបន់នេះ។ រូបភាពពី Azaz បានបង្ហាញពីរថយន្តមួយគ្រឿងដែលកំពុងឆេះ ហើយមនុស្សដែលរងរបួសត្រូវបានបញ្ជូនទៅរថយន្តសង្គ្រោះបន្ទាន់។ ការបំផ្ទុះទាំង ២លើក បានសម្លាប់មនុស្ស ១០នាក់ រួមទាំងជនស៊ីវិល និង ២៤នាក់ បានរងរបួស។ ការបំផ្ទុះរថយន្តមួយផ្សេងទៀតនៅថ្ងៃសៅរ៍ បានសម្លាប់មនុស្ស ៥នាក់ និងធ្វើឱ្យរងរបួស ២២នាក់ នៅក្នុងទីក្រុង Afrin

យោងតាមការចុះផ្សាយរបស់សារព័ត៌មាន បាងកកប៉ុស្តិ៍ នៅថ្ងៃច័ន្ទ ទី០១ ខែមករា ឆ្នាំ២០២១ បានរាយការណ៍ថា ប្រទេសថៃបានកត់ត្រាករណីជំងឺ COVID-19 ថ្មីចំនួន ៨៣៦ ករណី ដោយក្នុងនោះគឺមានតែ ៤ ករណីប៉ុណ្ណោះ ដែលជាករណីនាំចូលពីបរទេស។ ពុំមានការស្លាប់ថ្មីត្រូវបានគេកត់ត្រានោះទេ​ ដូច្នេះការស្លាប់សរុបគឺនៅតែ ៧៧នាក់ ដដែល។ ករណីថ្មីៗទាំងអស់គឺមាន ៧៩៣ ករណី ជាការតាមស្វែងរកតាមសហគមន៍ ដែលមានហានិភ័យពីជំងឺ COVID-19 និង ៣៩នាក់ ត្រូវបានរកឃើញតាមរយៈការធ្វើតេស្ដនៅមន្ទីរពេទ្យ។ ក្នុងរយៈពេល ២៤ ម៉ោងចុងក្រោយនេះ មានអ្នកជំងឺចំនួន ៨៩៩នាក់ ត្រូវបានរំសាយចេញពីមន្ទីរពេទ្យ

បន្ទាប់ពីមេដឹកនាំលោកស្រី អ៊ុងសាន ស៊ូជី​ និងសមាជិកជាន់ខ្ពស់នៃគណបក្សកាន់អំណាច ត្រូវបានក្រុមយោធាចាប់ខ្លួននៅក្នុងការវាយឆ្មក់នៅព្រឹកនេះ ព្រឹកថ្ងៃច័ន្ទ ទី០១ ខែកុម្ភៈ ឆ្នាំ២០២១ ក៏ដូចជាមានការប្រកាសអាសន្ននៅក្នុងប្រទេសភ្លាមៗ វាបានបង្កឱ្យមានភាពចលាចលនៅទូទាំងប្រទេសមីយ៉ាន់ម៉ា។ ជាក់ស្ដែងនៅតាមម៉ាស៊ីនអេធីអឹម (ATM) របស់ធនាគារនានានៅក្នុងទីក្រុងយ៉ាំងហ្គោន ក្រុមមនុស្សបានតម្រង់ជួរគ្នាសម្រុកចាំដកលុយនៅគ្រប់ទូម៉ាស៊ីន ATM ទាំងនោះ។ ធនាគារភាគច្រើនត្រូវបានបិទ សេវាទូរស័ព្ទត្រូវបានផ្ដាច់ ហើយអ៊ីនធឺណេតនៅទូទាំងប្រទេសត្រូវបានបិទភ្លាមៗ។ ទន្ទឹមនឹងនេះ ពលរដ្ឋមីយ៉ាន់ម៉ាជាច្រើនបាននាំគ្នាសម្រុកទៅផ្សារ និងឈរចាំនៅតាមហាងទំនិញ ដើម្បីទិញអង្ករ និងប្រេងឆា ក៏ដូចជាថ្នាំពេទ្យផងដែរ ដោយភាគច្រើនត្រូវបានលក់អស់ ហើយក៏ចាប់ផ្ដើមបិទទ្វារមុនកាលកំណត់ផងដែរ។ ខណៈពេលដែលតម្លៃនៅតែមានស្ថេរភាពសម្រាប់ពេលបច្ចុប្បន្ននេះ ពាណិជ្ជករនិយាយថា ពួកគេរំពឹងថា ការផ្គត់ផ្គង់នឹងខ្វះខាត និងការប្រែប្រួលតម្លៃនៅថ្ងៃខាងមុខ។ ជាមួយនឹងសេវាកម្មអ៊ីនធឺណេតឥឡូវនេះមិនអាចដំណើរការបាន

យោធានៃប្រទេសភូមាបានប្រកាសពីភាពអាសន្ននៅក្នុងប្រទេសតាមរយៈទូរទស្សន៍រដ្ឋនៅថ្ងៃនេះ បន្ទាប់ពីមេដឹកនាំលោកស្រី អ៊ុងសាន ស៊ូជី​ និងសមាជិកជាន់ខ្ពស់នៃគណបក្សកាន់អំណាចរបស់គាត់ ត្រូវបានក្រុមយោធាចាប់ខ្លួននៅក្នុងការវាយឆ្មក់មួយនៅព្រឹកថ្ងៃច័ន្ទនេះ ដោយសារតែភាពមិនប្រក្រតីនៅក្នុងការបោះឆ្នោតកន្លងទៅ។ អ្នកនាំពាក្យយោធាបាននិយាយថា ពួកគេនឹងស៊ើបអង្កេតភាពមិនប្រក្រតី និងការក្លែងបន្លំនៅក្នុងការបោះឆ្នោតទូទៅ ដែលត្រូវបានធ្វើឡើងនៅក្នុងខែវិច្ឆិកា ឆ្នាំ២០២០។ របាយការណ៍នោះនិយាយថា​ អនុប្រធានាធិបតី Myint Swe អតីតមន្រ្តីយោធាជាន់ខ្ពស់​នឹងធ្វើជាប្រធានាធិបតីស្តីទី ហើយលោក Min Aung Hlaing អគ្គមេបញ្ជាការកងទ័ពនឹងគ្រប់គ្រងប្រទេស។ ទីភ្នាក់ងារសារព័ត៌មានរ៉យទ័របានដកស្រង់សម្តីអ្នកនាំពាក្យរបស់គណបក្សសម្ព័ន្ធភាពជាតិដើម្បីលទ្ធិប្រជាធិបតេយ្យ ឬហៅកាត់ថា NLD បានឱ្យដឹងថា ប្រធានាធិបតី Win Myint ក៏ត្រូវបានឃុំខ្លួនផងដែរ។ ទីភ្នាក់ងារសារព័ត៌មាន AFP បានដកស្រង់សម្តីអ្នកនាំពាក្យដដែលដោយនិយាយថា លោកស្រី

យោងតាមការចុះផ្សាយរបស់សារព័ត៌មាន BBC បានឱ្យដឹងថា អនុសេនីយ៍លោក Tom Moore មានវ័យ ១០០ឆ្នាំ ដែលធ្លាប់បានរៃអង្គាសប្រាក់ចំនួន ៣៣ លានផោន ជួយដល់សេវាសុខភាពជាតិអង់គ្លេស ឬហៅកាត់ថា NHS ត្រូវបានគេបញ្ជូនទៅមន្ទីរពេទ្យ Bedford បន្ទាប់ពីលោកបានធ្លាក់ខ្លួនឈឺ និងត្រូវការជំនួយក្នុងការដកដង្ហើម។ កូនស្រីរបស់លោកបានរាយការណ៍ថា លោកតាចាប់ផ្ដើមទទួលការព្យាបាលជំងឺរលាកសួតកាលពីប៉ុន្មានសប្តាហ៍មុន ហើយកាលពីសប្តាហ៍មុននេះ គាត់ក៏បានធ្វើតេស្តវិជ្ជមានជាមួយជំងឺ COVID-19 បន្ថែមទៀត។ លោកស្រី Ingram-Moore ដែលត្រូវជាកូនស្រីរបស់លោកតា បាននិយាយថា ឪពុករបស់គាត់មិនបានទទួលការព្យាបាលក្នុងបន្ទប់ ICU នោះទេ។ អ្នកនាំពាក្យក៏បាននិយាយថា លោកតា Tom Moore មិនទាន់បានទទួលវ៉ាក់សាំងបង្ការជំងឹ

យោងតាមការចុះផ្សាយរបស់សារព័ត៌មាន Vietnam News នៅថ្ងៃច័ន្ទ ទី០១ ខែកុម្ភៈ ឆ្នាំ២០២១ បានឱ្យដឹងថា វៀតណាមបានកត់ត្រាករណីជំងឺ COVID-19 នៅក្នុងសហគមន៍ចំនួន ២នាក់ បន្ថែមទៀតនៅព្រឹកនេះ។ ករណីទាំង​ ២ ត្រូវបានរកឃើញនៅទីក្រុងហាណូយ ហើយពួកគេគឺជាអ្នកដែលបានប៉ះពាល់ជាមួយករណីចាស់។ ជម្រាបដែរថា គិតមកទល់ពេលនេះវៀតណាមបានកត់ត្រាករណីជំងឺ COVID-19 សរុបចំនួន ១,៨១៩ ករណី​​ និងមាន ៣៦២ ករណី កំពុងសម្រាកព្យាបាលនៅឡើយ។ ករណីថ្មីចំនួន ២ កំពុងត្រូវបានព្យាបាលនៅឯមន្ទីរពេទ្យ National Tropical Diseases ក្នុងសង្កាត់ Anng Anh ទីក្រុងហាណូយ។

ទីភ្នាក់ងារសារព័ត៌មានរ៉យទ័របានរាយការណ៍ថា មេដឹកនាំប្រទេសភូមាលោកស្រី​​ អ៊ុងសាន ស៊ូជី និងសមាជិកជាន់ខ្ពស់នៃគណបក្សកាន់អំណាច​ ត្រូវបានគេចាប់ខ្លួននៅក្នុងការវាយឆ្មក់ទាំងព្រឹកព្រលឹមមួយនៅថ្ងៃនេះ។ ទីភ្នាក់ងារបានពិភាក្សាបញ្ហានេះ តាមទូរស័ព្ទជាមួយអ្នកនាំពាក្យគណបក្សកាន់អំណាចនៅថ្ងៃច័ន្ទ ទី០១​ ខែកុម្ភៈ ឆ្នាំ២០២១ ខណៈខាងយោធាបានអះអាងថា ការចាប់ខ្លួននេះគឺដោយសារមានភាពមិនប្រក្រតីនៅក្នុងការបោះឆ្នោតទូទៅកាលពីខែវិច្ឆិកាកន្លងទៅនេះ។ ខាងយោធាកំពុងទាមទារឱ្យរដ្ឋាភិបាល​ និងគណៈកម្មការរៀបចំការបោះឆ្នោត ស៊ើបអង្កេតនិងចាត់វិធានការចំពោះបញ្ហាមិនប្រក្រតីនេះ។ សភាក៏គ្រោងនឹងកោះប្រជុំនៅថ្ងៃច័ន្ទនេះផងដែរ ដែលជាការប្រជុំលើកដំបូងបំផុតចាប់តាំងពីការបោះឆ្នោត។ ចំណែកយោធាក៏បានចេញសេចក្តីថ្លែងការណ៍មួយកាលពីយប់ថ្ងៃអាទិត្យ ដោយបាននិយាយថា ប្រទេសមិនគួរឆ្ពោះទៅជំហានបន្ទាប់ ជាមួយស្ថានភាពបច្ចុប្បន្ននោះទេ៕ អត្ថបទ៖ លីដា ប្រភព៖ NHK

ថៃ៖ សារព័ត៌មាន បាងកកប៉ុស្តិ៍ កាលពីពេលថ្មីៗនេះបានរាយការណ៍ថា ក្រុមកម្មករថៃដែលបានរងនូវផលប៉ះពាល់ដោយវិបត្តិនៃជំងឺកូវីដ ១៩ នឹងទទួលបានប្រាប់ឧបត្ថម្ភពីរដ្ឋាភិបាលបន្ថែមទៀតនៅក្នុងពេលដ៏ខ្លីខាងមុខនេះ។ បើតាមលោក Suchart Chomklin រដ្ឋមន្ត្រីក្រសួងការងារនៃប្រទេសថៃបានបញ្ជាក់ថា ប្រាក់ឧបត្ថម្ភនេះនឹងមានចំនួន ៤ ០០០ បាត (១៣៣ ដុល្លារអាមេរិក) ហើយការផ្តល់ជូនលើកនេះគឺមានរយៈពេលត្រឹមតែ ១ ខែប៉ុណ្ណោះ ខណៈនាពេលកន្លងមកក្រុមកម្មករថៃទាំងអស់នេះធ្លាប់ទទួលបានប្រាក់ឧបត្ថម្ភរយៈពេល ៣ ខែជាប់ៗគ្នានិងជាច្រើនលើករួចមកហើយ។ ក្រៅពីមានការកែប្រែរយៈពេលនៃការទទួលបានប្រាក់ឧបត្ថម្ភនិងចំនួនទឹកប្រាក់នោះ លក្ខខណ្ឌផ្សេងទៀតត្រូវបានបន្តអនុវត្តដដែល គឺអ្នកទទួលបានឧបត្ថម្ភនេះត្រូវតែជាពលរដ្ឋថៃ បានបាត់បង់ការងារព្រោះតែវិបត្តិនៃជំងឺកូវីដ ១៩ និងមានប្រាក់ក្នុងគណនីធនាគារមិនលើសពី ៥០០ ០០០ បាត (១៦ ៦៧៣