រដ្ឋមន្រ្តីក្រសួងសុខាភិបាលអង់គ្លេសលោក Matt Hancock បាននិយាយថា រដ្ឋាភិបាលកំពុងធ្វើអ្វីៗគ្រប់យ៉ាងទាំងអស់ ក្នុងការបង្កើតវ៉ាក់សាំងការពារវីរុស COVID-19 ។ គាត់បាននិយាយនៅក្នុងការប្រកាសប្រចាំថ្ងៃនៅ Downing Street ថាការសាកល្បងលើមនុស្សចំពោះវ៉ាក់សាំងការពារវីរុស COVID-19 ដែលបង្កើតដោយសាកលវិទ្យាល័យ Oxford នឹងចាប់ផ្តើមនៅថ្ងៃព្រហស្បតិ៍នេះ។ នេះបើតាមការចុះផ្សាយរបស់ BBC នាថ្ងៃពុធ ទី២២ ឆ្នាំ២០២០។ លោក Matt Hancock ក៏បានលើកឡើងពីកង្វះខាតឧបករណ៍ការពារសម្រាប់បុគ្គលិកពេទ្យ NHS ដោយនិយាយថា រដ្ឋាភិបាលកំពុងនិយាយជាមួយអ្នកផ្គត់ផ្គង់រាប់ពាន់នាក់ ប៉ុន្តែមិនមែនទាំងអស់អាចផ្គត់ផ្គង់បានទេ។ ខណៈពេលនេះនៅចក្រភពអង់គ្លេសមានការកត់ត្រាចំនួនស្លាប់ក្នុង១ថ្ងៃថ្មី ដោយមានអ្នកស្លាប់ ៨២៣នាក់ ដែលនាំឱ្យករណីស្លាប់សរុបមានដល់ ១៧,៣៣៧នាក់។

ទិន្នន័យចងក្រងដោយសាកលវិទ្យាល័យ Johns Hopkins នៅសហរដ្ឋអាមេរិកបានបញ្ជាក់ថា ករណីជាសកលនៃវីរុស COVID-19 ពេលនេះមានដល់ទៅ ២.៥ លាននាក់ នៅទូទាំងពិភពលោក។ មជ្ឈមណ្ឌលបច្ចេកវិទ្យាវិទ្យាសាស្ត្រ និងវិស្វកម្ម (CSSE) របស់សាកលវិទ្យាល័យ Johns Hopkins បានបញ្ជាក់ថា ករណីដែលបានបញ្ជាក់ទូទាំងពិភពលោក បានកើនឡើងដល់ខ្ទង់ ២.៥លាននាក់ គិតព្រឹកថ្ងៃអង្គារ, ដោយមានអ្នកឆ្លង ២,៥០១,១៥៦ គិតត្រឹមម៉ោង ១៥ និង ២០នាទី (GMT) ។ CSSE បាននិយាយថា មនុស្សសរុបចំនួន ១៧១,៨១០ នាក់បានស្លាប់

ប្រធានាធិបតីលោក ដូណាល់ ត្រាំ បាននិយាយកាលពីថ្ងៃអង្គារថា លោកកំពុងផ្អាកការធ្វើអន្តោប្រវេសន៍សម្រាប់អ្នកស្វែងរកកាតសម្រាប់សិទ្ធិរស់នៅ (Green Cardº រយៈពេល ៦០ថ្ងៃ ដោយអះអាងថា ការផ្លាស់ប្តូរដ៏ចម្រូងចម្រាសនេះនឹងការពារការងាររបស់សហរដ្ឋអាមេរិកក្នុងអំឡុងវិបត្តវីរុស COVID-19។ នេះបើតាមការចុះផ្សាយរបស់សារព័ត៌មាន Channel News Asia នាថ្ងៃពុធ ទី២២ ខែមេសា ឆ្នាំ២០២០។ លោកប្រធានាធិបតី ត្រាំ បានផ្តល់ព័ត៌មានលម្អិតដំបូងអំពីការប្រកាសមិនច្បាស់លាស់មួយ ដែលលោកបានធ្វើកាលពីយប់ថ្ងៃច័ន្ទ ដោយដោះស្រាយបញ្ហាសំខាន់មួយលើគំនិតអភិរក្សរបស់លោក នៅពេលដែលប្រទេសនេះកំពុងរងការរាតត្បាតដោយសារវីរុស COVID-19 ដែលកំពុងធ្វើឱ្យមនុស្សជាង ៤៣,០០០នាក់ បានស្លាប់នៅសហរដ្ឋអាមេរិក។ លោក ដូណាល់ ត្រាំ បានថ្លែងនៅក្នុងសន្និសីទសារព័ត៌មានប្រចាំថ្ងៃរបស់លោកថា៖«តាមរយៈការផ្អាកការធ្វើអន្តោប្រវេសន៍

មជ្ឍមណ្ឌលឆ្លើយតបវិបត្តិជំងឺឆ្លងរុស្ស៊ីបានឱ្យដឹងកាលពីថ្ងៃអង្គារថា ប្រទេសរុស្ស៊ីបានកត់ត្រាករណីឆ្លងវីរុស COVID-19 ថ្មីចំនួន ៥,៦៤២ ក្នុងរយៈពេល ២៤ម៉ោងចុងក្រោយនេះ ដែលបាននាំឱ្យចំនួនសរុបទូទាំងប្រទេស កើនដល់ទៅ ៥២,៧៦៣នាក់។ ហើយមានមនុស្ស ៥១នាក់ ដែលបានឆ្លងវីរុសបានស្លាប់ក្នុងរយៈពេល ២៤ម៉ោងចុងក្រោយ ដែលធ្វើឱ្យចំនួនអ្នកស្លាប់កើនឡើងដល់ ៤៥៦នាក់។ នេះបើតាមការចុះផ្សាយរបស់សារព័ត៌មាន CNA សម្រាប់រសៀលថ្ងៃអង្គារនេះ។ ចំនួនករណីឆ្លងវីរុសនៅក្នុងប្រទេសរុស្ស៊ី បានចាប់ផ្តើមកើនឡើងយ៉ាងខ្លាំងនៅខែនេះ ទោះបីជាប្រទេសនេះបានរាយការណ៍ពីការឆ្លងតិចជាងបណ្តាប្រទេសអឺរ៉ុបខាងលិច នៅដំណាក់កាលដំបូងនៃការផ្ទុះឡើងក៏ដោយ។ គួរឱ្យដឹងដែរថា តួលេខនៃអ្នកឆ្លងវីរុស COVID-19 នៅទូទាំងពិភពលោកគិតត្រឹមម៉ោង ៤ រសៀលថ្ងៃអង្គារនេះ មានរហូតដល់ទៅ ២,៤៩៦,៦៦០នាក់ ហើយស្លាប់រហូតដល់ទៅ ១៧១,២៤០ ខណៈជាសះស្បើយបាន ៦៥៥,៨៨៨នាក់

សាំងហ្គាពួរ៖ ក្រសួងសុខាភិបាលបានបញ្ជាក់ជាបឋមនូវករណីឆ្លងវីរុស COVID-19 ថ្មីចំនួន ១,១១១ករណី នៅថ្ងៃអង្គារនេះ។ នេះបើតាមការចុះផ្សាយរបស់ The Straits Times សម្រាប់ថ្ងៃទី២១ ខែមេសា ឆ្នាំ២០២០។ ករណីភាគច្រើនគឺជាពលករអ្នកកាន់ប័ណ្ណការងារ ដែលស្នាក់នៅក្នុងអន្តេវាសិកដ្ឋានពលករបរទេស (បណ្ដុំផ្ទះជួល)។ ចំណែក ២០នាក់ផ្សេងទៀត ជាជនជាតិសិង្ហបុរី និងអ្នករស់នៅអចិន្ត្រៃយ៍។ តួលេខនេះនាំឱ្យមានករណីសរុបនៅសាំងហ្គាពួរកើនដល់ ៩,១២៥នាក់ ហើយក្នុងនោះក៏មានអ្នកជំងឺ ៨០១នាក់ បានជាសះស្បើយនិងរំសាយពីមន្ទីរពេទ្យ ខណៈមានមនុស្ស ១១នាក់បានស្លាប់។ ក្រសួងមហាផ្ទៃបាននិយាយថា ខ្លួនកំពុងធ្វើការលើសេចក្តីលម្អិតនៃករណីទាំងនេះ ហើយនឹងចែករំលែកព័ត៌មានថ្មីៗបន្ថែមទៀតនៅយប់នេះ។ កាលពីថ្ងៃច័ន្ទប្រទេសនេះបានប្រឈមនឹងការកើនឡើងយ៉ាងខ្លាំងបំផុត ដោយមានចំនួនករណី ១,៤២៦ ត្រូវបានបញ្ជាក់

ប្រព័ន្ធផ្សព្វផ្សាយអាមេរិករាយការណ៍ថា មេដឹកនាំកូរ៉េខាងជើងលោក គីម ជុងអ៊ុន កំពុងស្ថិតក្នុងគ្រោះថ្នាក់យ៉ាងធ្ងន់ធ្ងរបន្ទាប់ពីវះកាត់។ ទូរទស្សន៍ CNN បានដកស្រង់សម្ដីមន្ត្រីស៊ើបការណ៍សម្ងាត់ម្នាក់បាននិយាយថា រដ្ឋាភិបាលអាមេរិកកំពុងឃ្លាំមើលស្ថានការណ៍នេះយ៉ាងដិតដល់។ របាយការណ៍នេះបានកើតឡើងនៅពេលប្រព័ន្ធផ្សព្វផ្សាយកូរ៉េខាងត្បូង Daily NK បាននិយាយកាលពីថ្ងៃចន្ទថា លោក គីម ជុងអ៊ុន បានទទួលការវះកាត់សរសៃឈាមបេះដូង កាលពីថ្ងៃទី១២ ខែមេសា ហើយកំពុងស្នាក់នៅក្នុងផ្ទះមួយនៅខាងក្រៅរដ្ឋធានី។ ប្រព័ន្ធផ្សព្វផ្សាយរដ្ឋបានរាយការណ៍ពីសកម្មភាពរបស់លោក គីម ជុងអ៊ុន ចុងក្រោយបំផុត គឺនៅពេលគាត់បានចូលរួមនៅឯកិច្ចប្រជុំរបស់គណបក្សពលករកាលពីថ្ងៃទី១១ ខែមេសា។ កាលពីថ្ងៃពុធសប្តាហ៍មុនលោក គីម ជុងអ៊ុន បានខកខានដំណើរទស្សនកិច្ចទៅកាន់ផ្នូររបស់ជីតារបស់គាត់ ដែលជាព្រឹត្តិការណ៍ប្រចាំឆ្នាំដ៏សំខាន់មួយ ដើម្បីអបអរថ្ងៃកំណើតរបស់ស្ថាបនិកបក្សរូបនេះ។ ខណៈពេលនេះមន្ត្រីកូរ៉េខាងត្បូង កំពុងចាត់វិធានការប្រុងប្រយ័ត្នចំពោះការស៊ើបការណ៍សម្ងាត់។

ដោយមានករណីថ្មីចំនួន ១៩នាក់ និងមានអ្នកស្លាប់ថ្មីតែម្នាក់ ត្រូវបានបញ្ជាក់ក្នុងរយៈពេល ២៤ម៉ោងចុងក្រោយ ប្រទេសថៃបានស្គាល់ថ្ងៃល្អដំបូងបំផុតរបស់ខ្លួនក្នុងខែនេះ នៅក្នុងការប្រយុទ្ធប្រឆាំងនឹង COVID-19 របស់ពួកគេ។ ដូច្នេះហើយចំនួនសរុបនៃអ្នកឆ្លងវីរុសរបស់ប្រទេសនេះ កើនដល់ ២,៨១១នាក់ ខណៈដែលអ្នកស្លាប់កើនដល់ ៤៨នាក់។ នេះបើតាមការចុះផ្សាយរបស់ The Nation Thailand សម្រាប់ថ្ងៃអង្គារ ទី២១ ខែមេសា ឆ្នាំ២០២០។ រហូតមកទល់ពេលនេះប្រទេសថៃក៏បានព្យាបាលអ្នកជំងឺបានជាសះស្បើយ ២,១០៨នាក់ ហើយមានតែអ្នកជំងឺ ៦៥៥នាក់ ប៉ុណ្ណោះដែលកំពុងសម្រាកព្យាបាលនៅមន្ទីរពេទ្យ។ លទ្ធផលវិជ្ជមានក្នុងរយៈពេលចុងក្រោយនេះ បានត្រួសត្រាយផ្លូវសម្រាប់ការបន្ធូរបន្ថយការបិទទ្វារទូទាំងប្រទេសនាចុងខែនេះ។ របាយការណ៍នេះបានកើតឡើងនៅពេលដែលរដ្ឋាភិបាល និងវិស័យឯកជន កំពុងពិនិត្យមើលលទ្ធភាពនៃការបន្ធូរបន្ថយការរឹតត្បឹតមួយចំនួន។ ចំណែកជនរងគ្រោះដែលបានស្លាប់ចុងក្រោយ គឺជាអ្នកបើកឡានតាក់ស៉ីម្នាក់ដែលមានជំងឺប្រចាំកាយស្រាប់

ថៃ៖ ជាទូទៅការចែករំលែកចំណីអាហារទៅកាន់ជនក្រីក្រ ឬជនទាំងឡាយណាដែលកំពុងតែប្រឈមនឹងភាពអត់ឃ្លានគឺជាសកម្មភាពដ៏ល្អ និងគួរឲ្យគោរពបំផុតមួយ។ យ៉ាងណាក្តី នៅក្នុងកាលៈទេសៈដែលសង្គមជាតិកំពុងតែរងនូវការគំរាមគំហែងដោយមេរោគកូវីដ ១៩ ដូចពេលបច្ចុប្បន្ននេះ សកម្មភាពសប្បុរសធម៌មួយចំនួនបានក្លាយទៅជារឿងខុសឆ្គងទៅវិញ ព្រោះតែសកម្មភាពទាំងនោះបានកើតឡើងក្នុងលក្ខខណ្ឌផ្ទុយពីវិធានការអនាម័យ ឬវិធានការរក្សាសុវត្ថិភាពផ្សេងៗ។ ជាក់ស្តែងសប្បុរសជនជាង ១០ នាក់ ត្រូវបានអាជ្ញាធរថៃចាប់ខ្លួន ព្រោះតែពួកគេបានចែកចំណីអាហារទៅកាន់ជនក្រីក្រ ដែលបង្កឲ្យមានមនុស្សជាច្រើនប្រមូលផ្ដុំជួបជុំគ្នាយ៉ាងកកកុញ។ ហេតុការណ៍នេះបានកើតឡើងតាំងពីថ្ងៃទី១២ ខែមេសា ឆ្នាំ២០២០ ស្ថិតនៅតាមបណ្ដោយផ្លូវ Krung Kasem ជិតសណ្ឋាគារ Sri Krung Hotel ក្នុងខណ្ឌ Pomprap Sattruphai នៃក្រុងបាងកក ប្រទេសថៃ ទើបតែអាជ្ញាធរថៃកំណត់អត្តសញ្ញាណបានកាលពីម្សិលមិញនេះ។ អាជ្ញាធរថៃបានប្រាប់ឲ្យដឹងថា

អ្នកប្រើហ្វេសប៊ុកម្នាក់ឈ្មោះ Jain Weraphong បានបង្ហោះរូបភាពមួយចំនួន ដែលបានបង្ហាញពីទីផ្សារមួយនៅក្នុងប្រទេសភូមា ដែលគ្រប់គ្នានៅទីនោះបានអនុវត្តការរក្សាគម្លាតបានយ៉ាងល្អ។ រូបភាពបង្ហាញពីផ្ទៃដីដែលត្រូវបានគេបាញ់ថ្នាំធ្វើជាព្រំដែន ដើម្បីបំបែកអ្នកលក់ម្នាក់ៗកុំឱ្យនៅជិតគ្នា ក៏ដូចជាទុកកន្លែងសម្រាប់អ្នកដើរផ្សារ ដើម្បីរកមើលផលិតផលដោយសុវត្ថិភាព ខណៈពេលដែលបានរក្សាគម្លាត ១-២ម៉ែត្រ ដូចដែលបានណែនាំដោយអង្គការសុខភាពពិភពលោក។ ការបង្ហោះរបស់លោក Jain Weraphong បានទទួលការចាប់អារម្មណ៍យ៉ាងច្រើន ពីសំណាក់អ្នកលេងអ៉ីធឺណេត និងថែមទាំងមានការចែករំលែកជាង ១៧,០០០ដង និងការចូលចិត្តជាង ៥,០០០ ខណៈដែលមនុស្សជាច្រើនបានអត្ថាធិប្បាយថា រដ្ឋាភិបាលទាំងអស់គួរតែចម្លងវិធីសាស្រ្តនេះ។ គួរឱ្យដឹងដែរថា ប្រទេសភូមាមានអ្នកឆ្លងវីរុស COVID-19 ចំនួន ១១៩នាក់ និងមានស្លាប់ ៥នាក់។ ភូមាជាប្រទេសមានអ្នកឆ្លងតិចបំផុតទី២ បន្ទាប់ពីប្រទេសឡាវ ដែលមានការឆ្លង

ម្ចាស់ទូកនេសាទអាយុ ៤៨ឆ្នាំម្នាក់ នៅក្នុងភូមិ Silae ក្នុងខេត្តត្រាង ភាគខាងត្បូងប្រទេសថៃ កាលពីម្សិលមិញ (ទី២០ ខែមេសា ឆ្នាំ២០២០) បានផ្តល់ត្រីប្រហែល ៤តោន ដល់អ្នកភូមិដែលកំពុងប្រឈមនឹងការលំបាក និងខ្វះខាតលុយកាក់ទិញអាហារទុក។ នេះបើតាមការចុះផ្សាយរបស់សារព័ត៌មានក្នុងស្រុក Thai Residents សម្រាប់ថ្ងៃអង្គារ ទី២១ ខែមេសា ឆ្នាំ២០២០។ លោកស្រី Cherdchoam Kaewfoong ដែលជាម្ចាស់ទូកបាននិយាយថា លោកស្រីមានសេចក្តីរីករាយក្នុងការជួយប្រជាជននៅក្នុងភូមិ ដែលភាគច្រើនបានបាត់បង់ការងារដោយសារស្ថានភាពសេដ្ឋកិច្ចមិនល្អ។ អ្នកភូមិបាននិយាយថា ពួកគេបានដឹងអំពីបញ្ហាវីរុស COVID-19 ហើយមនុស្សគ្រប់គ្នាកំពុងថែរក្សាខ្លួនឱ្យបានល្អ ក្នុងអំឡុងពេលមានស្ថានភាពលំបាកនេះ៕ អត្ថបទ៖ លីដា