កូរ៉េខាងត្បូង៖ ទូរទស្សន៍កូរ៉េខាងត្បូងបានផ្សព្វផ្សាយនូវវីដេអូមួយដែលបង្ហាញថា កម្មវិធីដ៏ទំនើបរបស់បច្ចេកវិទ្យាVR (Virtual Reality) បានធ្វើឲ្យស្រ្តីជាម្តាយម្នាក់បានជួបជាមួយកូនស្រីរបស់គាត់សារជាថ្មីម្តងទៀត ក្រោយរូបនាងបានស្លាប់អស់រយៈពេល ៤ ឆ្នាំរួចមកហើយ។ ស្រ្តីជាម្តាយត្រូវបានគេស្គាល់ថាមានឈ្មោះ Jang Ji-sung ហើយកូនស្រីរបស់គាត់មានឈ្មោះ Nayeon បានស្លាប់កាលពីឆ្នាំ ២០១៦ កន្លងទៅដោយមានជំងឺមិនអាចព្យាបាលបាន ពោលគឺនៅពេលនាងមានអាយុ ៧ ឆ្នាំប៉ុណ្ណោះ។ សូមបញ្ជាក់ថា ការជួបគ្នារវាងម្តាយនិងកូនដែលបានស្លាប់ទៅហើយនេះ មិនមែនជាការប្រើមន្តអាគមខាបព្រលឹងខ្មោចឲ្យមកជួបជាមនុស្ស ឬបង្កើតកូនស្រីម្នាក់ទៀតឲ្យមកជួបជាមួយម្តាយនោះទេ តែភាពទំនើបនៃបច្ចេកវិទ្យាបានអនុញ្ញាតឲ្យគេអាចបង្កើតរូបភាពរបស់ក្មេងស្រីម្នាក់ ដែលមានមុខមាត់ ខ្លួនប្រាណ និងសំឡេងដូចគ្នាជាមួយនឹងកុមារី Nayeon ហើយនៅពេលដែលស្រ្តីជាម្តាយពាក់វ៉ែនតា VR គឺគាត់អាចឃើញរូបភាពក្មេងស្រីម្នាក់ដូចជាកូនគាត់ពិតៗអីចឹង។ ស្រ្តីជាម្តាយអាចនិយាយទៅកាន់កូនស្រីដែលត្រឹមតែជារូបភាពនោះបាន ហើយការកំណត់ដោយបច្ចេកវិទ្យាក៏អនុញ្ញាតឲ្យរូបភាពរបស់កុមារី

កាលពីមុនយើងបានដឹងជាទូទៅថា រយៈពេលបង្ករោគ (incubation) នៃវីរុសឆ្លងកូរ៉ូណាថ្មី (2019-nCoV) ដែលផ្ទុះឡើងពីក្រុងវូហាន ត្រូវបានគេសន្មត់ថា មានរយៈពេលរហូតដល់ ១៤ថ្ងៃ ហើយអ្នកជំងឺដែលឆ្លងអាចត្រូវបានគេទុកដោយឡែកក្នុងរយៈពេលនេះ។ តែទោះយ៉ាងណាការស្រាវជ្រាវថ្មីដោយផ្អែកលើទិន្នន័យប្រមូលពីអ្នកជំងឺជាង ១,០០០នាក់ នៅក្នុងប្រទេសចិនបានរកឃើញថា រយៈពេលនៃការភ្ញាស់វីរុសនេះអាចមានរយៈពេល ២៤ថ្ងៃ ជាជាងរយៈពេល ១៤ថ្ងៃ តាមរបាយការណ៍ចាស ហើយមានមនុស្សតិចជាងពាក់កណ្ដាលដែលអាចដឹងពីរោគសញ្ញារបស់ពួកគេ នេះបើយោងតាមការចុះផ្សាយរបស់សារព័ត៌មានសិង្ហបុរី straitstimes ។ ការសិក្សាដោយអ្នកស្រាវជ្រាវមកពីមន្ទីរពេទ្យ និងសាលាវេជ្ជសាស្ត្រចិន ដឹកនាំដោយវេជ្ជបណ្ឌិត Zhong Nanshan អ្នកជំនាញខាងរោគរាតត្បាតចិន និងជាអ្នករកឃើញមេរោគ Sars ក្នុងឆ្នាំ២០០៣ បានបង្ហាញថា មនុស្សជាច្រើនមិនទាន់ដឹងអំពីវីរុស 2019-nCoV

ថៃ៖ អគ្គមេបញ្ជាការកងទ័ពលោកឧត្តមសេនីយ៍ Apirat Kongsompong បានប្រាប់សន្និសីទសារព័ត៌មាននៅព្រឹកថ្ងៃអង្គារនេះថា ខ្មាន់កាំភ្លើង Jakrapanth Thomma ដែលបានបាញ់សម្លាប់មនុស្ស ៣០នាក់ អំឡុងពេលបាញ់ប្រហារនៅក្នុងទីក្រុងនគររាជសីមា ឬខូរ៉ាត (Nakhon Ratchasima) កាលពីចុងសប្តាហ៍កន្លងទៅ មានកាន់កាប់កាំភ្លើងដែលបានចុះបញ្ជីស្របច្បាប់ចំនួន ៥ ក្នុងនោះរួមមាន កាំភ្លើងដៃ (pistol) ៣ដើម, កាំភ្លើងវែង (rifle) ១ដើម និងកាំភ្លើងខ្លី (shotgun) ១ដើម។ កាំភ្លើងទាំង ៥ដើម ត្រូវបានទិញក្រោមកម្មវិធីលក់អាវុធ (welfare gun) របស់កងទ័ព។ លោកឧត្តមសេនីយ៍បានបន្ថែមដែរថា

នាព្រឹកថ្ងៃអង្គារទី១១ ខែកុម្ភៈ ឆ្នាំ២០២០នេះ ទីក្រុងហុងកុងជម្លៀសមនុស្សជាង ១០០នាក់ ចេញពីអគារលំនៅដ្ឋានមួយ ក្នុងសង្កាត់ New Territories បន្ទាប់ពីមនុស្ស ២នាក់ ក្នុងចំណោមពួកគេត្រូវបានគេរកឃើញថាឆ្លងវីរុសកូរ៉ូណា។ នាយកមជ្ឈមណ្ឌលការពារសុខភាពលោកវេជ្ជបណ្ឌិត វ៉ុង កាហ៊ីង (Wong Ka-hing) បានមានប្រសាសន៍ថា ពួកគេមិនច្បាស់ទេថាអាចមានមនុស្សប៉ុន្មាននាក់បានឆ្លងវីរុស ប៉ុន្តែរដ្ឋាភិបាលកំពុងធ្វើការស៊ើបអង្កេតអគារនោះបន្ត។ រហូតមកដល់ពេលនេះហុងកុងមានករណីឆ្លងកើនឡើងចំនួន ៤២ ករណីហើយ។ លោកវេជ្ជបណ្ឌិត វ៉ុង កាហ៊ីង បាននិយាយថា វាមិនច្បាស់ទេថាតើមានប្រជាជនប៉ុន្មាននាក់នៅក្នុងអាគារ ប៉ុន្តែអ្នកដែលបង្ហាញរោគសញ្ញានឹងត្រូវ ដាក់ឱ្យនៅដាច់ពីគ្នា ដើម្បីជាវិធានការបង្ការជាមុន។ អ្នកឆ្លងទាំង២​ មានម្នាក់ជាស្ត្រីអាយុ ៦២ឆ្នាំ

ក្រសួងសុខាភិបាលវៀតណាមនៅថ្ងៃអង្គារនេះ បានរាយការណ៍ករណីទី១៥ នៃវីរុសកូរ៉ូណា ដែលអ្នកជំងឺគឺជាទារិកាអាយុ ៣ខែ រស់នៅក្នុងស្រុក Binh Xuyen ក្នុងខេត្ត Vinh Phuc ហើយទំនងជាឆ្លងវីរុសពីជីដូនរបស់គេ។ ក្រសួងបានឱ្យដឹងថា ទារិកាបានធ្វើតេស្តវិជ្ជមានកាលពីថ្ងៃទី០៩ ខែកុម្ភៈ ឆ្នាំ២០២០។ គួរឱ្យដឹងដែរថា ភាគច្រើននៃករណីដែលបានបញ្ជាក់នៅវៀតណាម គឺចេញមកពីខេត្តតែមួយ។ ប៉ុន្តែយ៉ាងណាវៀតណាមហាក់មានទឹកដៃល្អក្នុងការព្យាបាលវីរុសកូរ៉ូណា ដោយក្នុងចំណោមករណីទាំង ១៥ ពួកគេព្យាបាលឱ្យសះស្បើយបាន ៦នាក់ ហើយអ្នកដែលបានជាពីវីរុសក៏បានចេញពីមន្ទីរពេទ្យហើយដែរ។ មុនពេលដែលទារិកាបានឆ្លងវីរុសពីជីដូន កាលពីថ្ងៃទី២៨ ខែមករា នាងតូចត្រូវបានគេនាំទៅលេងផ្ទះជីដូននៅទីរួមខេត្ត Binh Xuyen ប៉ុន្តែពេលនោះជីដូនមិនបានដឹងថាខ្លួនឆ្លងវីរុសនោះទេ។ ស្ត្រីចំណាស់បានឆ្លងជំងឺនេះពីកូនស្រីអាយុ ២៣ឆ្នាំរបស់គាត់ម្នាក់ទៀត

បាងកក៖ រដ្ឋមន្ដ្រីក្រសួងសុខាភិបាលលោក Anutin Charnvirakul បាននិយាយនៅថ្ងៃអង្គារនេះថា ប្រទេសថៃនឹងមិនអនុញ្ញាតឱ្យនាវាទេសចរណ៍ ដែលគ្រោងចតក្នុងប្រទេសជប៉ុន ចូលចតនៅកំពង់ផែ Laem Chabang ទេ។ លោក Anutin បានបង្ហោះសារតាមហ្វេសប៊ុកខ្លីមួយដោយនិយាយថា លោកបានផ្តាំផ្ញើដល់អាជ្ញាធរកុំឱ្យអនុញ្ញាតឱ្យនាវាឈ្មោះថា Westerdam ចូលចតនៅប្រទេសថៃដាច់ខាត។ សារនេះត្រូវបានផ្សព្វផ្សាយភ្លាម បន្ទាប់ពីប្រតិបត្តិករនាវាបានប្រកាសកាលពីថ្ងៃច័ន្ទថា នាវានឹងអនុញ្ញាតឱ្យអ្នកដំណើរចុះចតខេត្ត Chon Buri នៅថ្ងៃព្រហស្បតិ៍។ ពោលគឺក្រោយពេលត្រូវកោះតៃវ៉ាន់ ហ្វីលីពីន កូរ៉េខាងត្បូង កោះហ្គាំ និងចុងក្រោយគឺជប៉ុនមិនឱ្យចូលចត។ នាវា Westerdam ដឹកអ្នកដំណើរ ១,៤៥៥នាក់ ក្នុងនោះមានជនជាតិជប៉ុន ៤នាក់

ចំនួនអ្នកស្លាប់ដោយសារវីរុសកូរ៉ូណានៅក្នុងប្រទេសចិន បានកើនឡើងលើស ១,០០០ នាក់ បន្ទាប់ពីខេត្តហ៊ូប៉ីបានរាយការណ៍ថា មានអ្នកស្លាប់ចំនួន ១០៣នាក់ បន្ថែមទៀតកាលពីថ្ងៃចន្ទម្សិលមិញ។ មន្ត្រីចិននិយាយថា ឥឡូវនេះមានករណីដែលត្រូវបានបញ្ជាក់ជិត ៤៣,០០០ ករណី នៅទូទាំងប្រទេសហើយ ១,០១៦ នាក់ បានស្លាប់។ ទូរទស្សន៍រដ្ឋចិនបានរាយការណ៍ថា លោកប្រធានាធិបតី ស៊ី ជីនពីង បានទៅសួរសុខទុក្ខអ្នកឆ្លងវីរុសកូរ៉ូណានៅមន្ទីរពេទ្យក្រុងប៉េកាំងកាលពីថ្ងៃចន្ទ និងបានអំពាវនាវឱ្យមានវិធានការបន្ថែមទៀត ដើម្បីទប់ស្កាត់ការផ្ទុះឡើងនៃវីរុសនេះ។ ចំណែកលោក Tedros Adhanom Ghebreyesus ប្រធានអង្គការសុខភាពពិភពលោក បាននិយាយកាលពីថ្ងៃចន្ទថា ការរីករាលដាលនៃវីរុសឆ្លងរវាងមនុស្សកំពុងក្លាយជាប្រធានបទក្ដៅ។ ជាក់ស្ដែងយើងបានឃើញថាការរាលដាលឆ្លងពីមនុស្សទៅមនុស្ស ដែលគ្មានប្រវត្តិមកក្រុងវូហាន មានការកើនឡើងដូចគ្នា។ នៅប្រទេសអង់គ្លេសក៏បានប្រកាសថា

ចិន៖ ដើម្បីប្រយុទ្ធប្រឆាំងនឹងមេរោគកូរ៉ូណា និងជួយសង្គ្រោះជនរងគ្រោះឲ្យបានទាន់ពេលវេលានោះ អាជ្ញាធរចិនបានសម្រេចដាក់ចេញនូវវិធានការដាច់ខាតជាច្រើនមានដូចជា បង្ខាំងប្រជាពលរដ្ឋមិនឲ្យចេញពីក្រុងវូហាននិងក្រុងមួយចំនួនទៀត បិទជើងហោះហើរ និងសម្រេចបង្កើតមន្ទីរពេទ្យបន្ទាន់ៗជាច្រើនកន្លែងទៀត។ ជាក់ស្តែងបើយោងតាមសេចក្តីរាយការណ៍របស់សាព័ត៌មាន Shanghai បានឲ្យដឹងថាអាជ្ញាធរប្រចាំក្រុងវូហានបានសម្រេចកែច្នៃ កីឡដ្ឋាន មជ្ឈមណ្ឌលសម្រាប់រៀបចំតាំងពិព័រណ៍ និងក្លឹបហាត់ប្រាណជាច្រើនកន្លែងឲ្យក្លាយទៅជាមន្ទីរពេទ្យ ដើម្បីឆ្លើយតបទៅនឹងចំនួនអ្នកជំងឺដែលបន្តកើនឡើងយ៉ាងគំហុក។ ប្រភពខាងលើបានបន្តថា វិធានការខាងលើនេះបានធ្វើឲ្យគេទទួលបានមន្ទីរពេទ្យថ្មីចំនួន ១១ កន្លែង និងអាចដាក់គ្រែសម្រាប់ព្យាបាលអ្នកជំងឺបានដល់ចំនួន ១០ ០០០ គ្រែបន្ថែមទៀតផងដែរ។ សូមបញ្ជាក់ជូនថា គិតមកទល់នឹងពេលនេះចំនួនអ្នកឆ្លងមេរោគកូរ៉ូណាបានកើនដល់ ៣១ ២២៣ ករណី និងបានសម្លាប់មនុស្សចំនួន ៦៣៨ នាក់ហើយ៕ អត្ថបទ៖ ភក្តី

ក្រុមអ្នកជំនាញកំពុងសាទរចំពោះការហោះហើររបស់ British Airways ដោយសារយន្តហោះ Boeing 747-436 ដែលចេញពីទីក្រុង New York សហរដ្ឋអាមេរិក ទៅកាន់ទីក្រុង London របស់អង់គ្លេស របស់អាកាសចរណ៍មួយនេះ បានហោះក្នុងល្បឿនលឿនបំផុត គឺក្នុងល្បឿន 1,327 គីឡូមែត្រ/ម៉ោង ដោយសារអំណាចព្យុះ Ciara ជាជំនួយ។ យន្តហោះបានប្រើពេលតែ ៤ម៉ោង និង ៥៦នាទី ដើម្បីទៅដល់ព្រលាន Heathrow ពោលគឺទៅដល់មុនម៉ោងកំណត់ ៨០នាទី ឯណោះ។ យោងតាម ​​Flightradar24 ដែលជាសេវាកម្មតាមដានការហោះហើរអនឡាញឱ្យដឹងថា យន្តហោះនេះបានបំបែកកំណត់ត្រាចាស់

ប៉ូលីសនៅក្នុងប្រទេសឥណ្ឌាបានបង្កើតផែនការដ៏ប៉ិនប្រសប់មួយ ដើម្បីកាត់បន្ថយការបំពុលពីសំឡេងស៊ីប្លេនៅពេលមានស្តុបក្រហម ដោយបន្ថែមពេលវេលារង់ចាំភ្លើងបៃតងកាន់តែយូរ។ ធុញទ្រាន់នឹងឡានម៉ូតូដែលចេះតែស៊ីប្លេគ្មានរបៀបខ្លាំងពេក ប៉ូលីសទីក្រុងបុមបៃបានធ្វើតេស្ដប្រព័ន្ធសាកល្បងដោយប្រើឧបករណ៍វាស់សំឡេង (Decibel Meter) ដាក់អមជាមួយភ្លើងស្តុបនានា តាំងតែពីខែវិច្ឆិកា និងខែធ្នូ ចុងឆ្នាំមុនមកម៉្លេះ។ ប្រសិនបើឧបករណ៍នោះវាស់ឃើញដល់កម្រិត ៨៥ ឬលើសនេះ ភ្លើងពណ៌ក្រហមនឹងរត់ថយក្រោយសារដើមវិញ ទោះបីជាវាជិតអស់វិនាទីរង់ចាំក៏ដោយ។ លោក Pranay Ashok អ្នកនាំពាក្យប៉ូលីសបានប្រាប់ CNN ថា ការធ្វើតេស្ដនេះបានធ្វើឡើងនៅឯចំនុចប្រសព្វសំខាន់ៗមួយចំនួន ក្នុងរយៈពេល ១៥នាទីក្នុងមួយថ្ងៃ។ លោកបាននិយាយថា ការសាកល្បងបន្ថែមទៀតនៅទីតាំងចំនួន១០ នឹងត្រូវអនុវត្តនៅខែក្រោយ។ ប៉ូលីសសង្ឃឹមថា គំនិតនេះនឹងត្រូវបានបញ្ជូនចូលក្នុង «ប្រព័ន្ធគ្រប់គ្រងចរាចរណ៍ទាំងមូល»។ វីដេអូផ្សព្វផ្សាយទាក់ទងនឹងប្រព័ន្ធភ្លើងស្តុបថ្មីក៏ត្រូវបានបង្ហោះនៅលើ Twitter ផងដែរ