អាមេរិក៖​ យន្តហោះចម្បាំងអាមេរិកមួយគ្រឿងមកពីក្រុម USS Ronald Reagan បានធ្លាក់ចូលក្នុងសមុទ្រភាគឦសាននៃប្រទេសហ្វីលីពីនកាលពីថ្ងៃចន្ទ ប៉ុន្តែអ្នកបើកបរយន្តហោះពីរនាក់របស់ពួកគេត្រូវបានជួយសង្គ្រោះដោយសុវត្ថិភាព។ កងនាវាចរអាម៉េរិកបាននិយាយថាយន្តហោះ F / A-18 Hornet មានបញ្ហាមេកានិកនៅក្នុងប្រតិបត្តិការនៅក្នុងសមុទ្រហ្វីលីពីន។​ យ៉ាងណាមិញយន្តហោះសង្គ្រោះបានសង្គ្រោះអ្នកបើកយន្តហោះចេញពីក្នុងទឹក​ ហើយបាននាំពួកគេឡើងគោកវិញភ្លាមៗ។ មូលហេតុនៃការធ្លាក់យន្តហោះនេះកំពុងស្ថិតនៅក្រោមការស៊ើបអង្កេត។​ ការធ្លាក់នេះគឺជាការធ្លាក់យន្តហោះទីពីររបស់ USS Ronald Reagan ក្នុងខែនេះ។ កាលពីពាក់កណ្តាលខែតុលាយន្តហោះ MH-60 Seahawk ក៏បានធ្លាក់ភ្លាមៗបន្ទាប់ពីការហោះហើរដែរ។ យន្តហោះចម្បាំងអាមេរិកនេះបានចូលរួមក្នុងសមយុទ្ធរួមមួយដែលមានឈ្មោះថា​ “Keen Sword” ជាមួយប្រទេសជប៉ុន​ និងប្រទេសកាណាដាចាប់តាំងពីថ្ងៃទី២៩ តុលាដល់ថ្ងៃទី០៨ ខែវិច្ឆិកានៅក្នុងដែនទឹកជុំវិញប្រទេសជប៉ុននិងនៅជិតកោះហ្គាមនៅប៉ាស៊ីហ្វិក៕ អត្ថបទ៖ លីដា ប្រភព៖

យើងទាំងអស់គ្នាដឹងហើយថាការជក់បារីមានផលវិបានច្រើន សូម្បីតែលើកញ្ចប់បារីក៏មានការព្រមានពីគ្រោះថ្នាក់នៃការជក់បារីដូចជា៖ មហារីក​ រលាកសួតផ្សេងៗ។ ទោះជាមានការព្រមានច្រើនយ៉ាងណាក៏ចំនួនអ្នកជក់នៅតែមាន តែយ៉ាងណាមិញការជក់បារីរយៈពេលយូរមិនត្រឹមតែមានផលអាក្រក់ដល់សុខភាពខាងក្នុងរបស់អ្នកនោះទេសូម្បីតែ​ សក់ ស្បែក ធ្មេញ របស់អ្នកក៏រងហានិភ័យខ្ពស់ផងដែរបើសិនជាអ្នកមិនស្វែងរកវិធីដើម្បីកាត់ផ្តាច់វាចេញនោះ។ ខាងក្រោមនេះគឺជាផលវិបាករបស់បារីមកលើសារពាង្គកាយរបស់អ្នក៖ ១. ការជក់បារីធ្វើឱ្យខ្មៅក្រោមរង្វង់ភ្នែក៖ ការស្រាវជ្រាវបានបង្ហាញថាអ្នកជក់បារីមិនអាចដេកលក់ស្រួលដូចអ្នកមិនជក់បារីនោះទេ ហើយនៅពេលដែលអ្នកគេងមិនគ្រប់គ្រាន់អ្នកគឺដូចជាកំពុងតែបំផ្លាញរាងកាយរបស់អ្នក ហើយជាពិសេសគឺវាធ្វើឱ្យខ្មៅក្រោមរង្វង់ភ្នែករបស់អ្នកតែម្តង។ ២. អ្នកនឹងប្រឈមមុននឹងជំងឺស្បែក psoriasis៖ អ្នកដែលមិនដែលប៉ះនឹងបារីក៏អាចប្រឈមមុននឹងជំងឺស្បែក psoriasis បានដែរ តែអ្នកជក់បារីបង្កើនហានិភ័យនៃការវិវត្តទៅជាជំងឺស្បែក​ psoriasis​ លឿនជាងអ្នកមិនជក់បារី។ ប្រសិនបើអ្នកជក់បារីក្នុងមួយថ្ងៃមួយកញ្ចប់ ឱកាសនៃការកើតជំងឺស្បែក psoriasis កើនឡើង ២០% ហើយប្រសិនបើអ្នកជក់បារីក្នុងអត្រាបែបនេះអស់រយៈពេលច្រើនជាង ១១ឆ្នាំ ហានិភ័យនៃជំងឺស្បែក psoriasis នឹងកើនឡើងដល់

ក្រមសីលធម៌សង្គម (​Social Etiquette) គឺជាក្រមសីលធម៌មួយដែលបង្ហាញពីឥរិយាបថសាមញ្ញធម្មតានៅក្នុងសង្គម ថ្នាក់រៀន ឬស្ថាប័នផ្សេងៗ។ ក្រមសីលធម៌សង្គម (​Social Etiquette) បង្ហាញពីការគោរពចំពោះខ្លួនឯង និងមនុស្សគ្រប់គ្នានៅលើភពផែនដី។ ក្នុងពិភពលោកមួយដែលសម្បូរទៅដោយមនុស្សឈ្លើយ យើងគួរតែមានភាពគួរសម​ដើម្បីជាទំនាក់ទំនងល្អដល់សង្គមមួយរបស់យើង​ ហើយខាងក្រោមនេះគឺជាក្រមសីលធម៌សង្គមទាំង​២០ ដើម្បីចែករំលែកភាពទន់ភ្លន់​ទៅកាន់អ្នកនៅជុំវិញខ្លួន៖ ១. ត្រូវនិយាយថា “សូម” និង “អរគុណ” ជាពិសេសចំពោះអ្នកដែលជិតស្និទ្ធបំផុត។ ២. ត្រូវញញឹម! មិនថាអ្នកគិតលុយ បុគ្គលិកធនាគារ ឬសហការីរបស់អ្នកនោះទេអ្នកត្រូវតែញញឹមដាក់ពួកគេ​ ទោះបីជាពួកគាត់មិនញញឹមដាក់អ្នកវិញក៏ដោយ។ ៣. ជួយចាំទ្វារបុគ្គលដែលមកដល់តាមក្រោយអ្នក ហើយបើមានអ្នកដទៃជួយចាំទ្វារឱ្យអ្នក ត្រូវនិយាយថា«អរគុណ»​ ជានិច្ច! ៤. ចេញទៅខាងក្រៅដើម្បីឆ្លើយទូរស័ព្ទ ពីព្រោះគ្មានអ្នកណានឹងសប្បាយចិត្តជាមួយសំឡេងរំខានរបស់អ្នកទេ។

CNN៖​ ទិវាយុទ្ធសន្តិភាពដ៏ធំបានធ្វើឡើងនៅជុំវិញពិភពលោកកាលពីថ្ងៃអាទិត្យម្សិលមិញដើម្បីគម្រប់ខួប ១០០ឆ្នាំនៃសង្គ្រាមលោកលើកទីមួយ។​ សមាជិកនៃអតីតយុទ្ធជនយោធា មេដឹកនាំធំៗ និងព្រះមហាក្សត្របានចូលរួមពិធីរំលឹកខួបនេះនៅទូទាំងពិភពលោកដើម្បីចងចាំដល់មនុស្ស ៨,៥លាននាក់ដែលបានបូជាជីវិតរបស់ពួកគេចន្លោះឆ្នាំ ១៩១៤ ដល់ ១៩១៨ ។ យ៉ាងណាមិញការប្រារព្ធដ៏ធំបានធ្វើឡើងនៅក្នុងទីក្រុងប៉ារីស និងអង់គ្លេសដែលមានព្រះមហាក្សត្រនិងថ្នាក់ដឹកនាំធំៗមកចូលរួមយ៉ាងច្រើនកុះករ។ នាព្រឹកថ្ងៃអាទិត្យស្ថិតនៅចំកណ្ដាលនៃវិមាន Arc de Triomphe នៅប៉ារីស គេឃើញមានវត្តមានរបស់ប្រធានាធិបតីអាមេរិក​ Donald Trump, Melania Trump, ស្ដេចម៉ារ៉ុក Mohammed VI, ប្រធានាធិបតីបារាំង Emmanuel Macron, អធិការបតីអាល្លឺម៉ង់ Angela Merkel និងថ្នាក់ដឹកនាំជាច្រើនទៀត។ ចំណែកនៅប្រទេសអង់គ្លេសវិញគេឃើញម្ចាស់ក្សត្រី​ Elizabeth II​ និងខ្សែរាជវង្សផ្សេងទៀតបានធ្វើពិធី​ស្ងប់ស្ងាត់ពីរនាទីដើម្បីឧទិសដល់ខួប ១០០ឆ្នាំចាប់តាំងពីចប់សង្គ្រាមលោកលើកទីមួយ និងដើម្បីចងចាំដល់ជនជាតិអង់គ្លេស

អាមេរិក៖ យ៉ាងហោចណាស់មនុស្សចំនួន៣១នាក់ត្រូវបានស្លាប់បាត់បង់ជីវិត ដោយសារភ្លើងឆេះព្រៃ៣ធំៗគឺ Camp Fire,Hill fire និង Woolsey Fire នៅភាគខាងជើងនិងខាងត្បូងនៃរដ្ឋកាលីហ្វ័រញ៉ា ដែលបានឆាបឆេះអគារ និងលំនៅដ្ឋានប្រជាជនរាប់ពាន់ខ្នង ហើយបានដុតបំផ្លាញផ្ទៃដីសរុប ៧៩,៣១៨.៣ ហិចតា។ មកដល់ពេលនេះភ្លើងឆេះព្រៃនៅតែបន្ត ហើយខ្យល់បក់កំពុងធ្វើឱ្យអ្នកពន្លត់អគ្គីភ័យមានការពិបាកក្នុងការសង្គ្រោះ។ Camp Fire បានបំផ្លាញផ្ទៃដី ៤៤,១១០.៧ហិចតា និងបានឆក់យកជិវិតមនុស្ស ២៨នាក់កាលពីថ្ងៃព្រហស្បតិ៍ហើយបានវាយប្រហារយ៉ាងលឿននៅតាមសហគមន៍នៅតាមវាលទំនាប Sierra និងស្ទើរតែបំផ្លាញទីប្រជុំ Paradise ទាំងស្រុង។ យ៉ាងហោចណាស់អ្នកពន្លត់អគ្គីភ័យចំនួន ៥នាក់ត្រូវបានរងរបួសក្នុងការពន្លត់អគ្គិភ័យនេះ។ សាកសពផ្សេងៗទៀតគឺបានបន្សល់ពី Hill fire និង Woolsey

យ៉ាកាតា៖ អាជ្ញាធរឥណ្ឌូនេស៊ីបានឱ្យដឹងកាលពីថ្ងៃសៅរ៍ថា ពួកគេបានបញ្ឈប់ការស្វែងរកសាកសពជនរងគ្រោះ ដោយសារការធ្លាក់យន្តហោះរបស់ក្រុមហ៊ុន Lion Air ដែលបានសម្លាប់មនុស្ស១៨៩នាក់នៅលើយន្តហោះ ប៉ុន្តែពួកគេនៅតែបន្តស្វែងរកប្រអប់ខ្មៅទីពីរ ដែលជាអ្នកថតសំលេងរបស់យន្ដហោះ។ ថង់បំណែកសាកសពជនរងគ្រោះចំនួន ១៩៦ ត្រូវបានរកឃើញក្រោមទឹក ដែលក្នុងនោះជនរងគ្រោះ ៧៩នាក់ត្រូវបានកំណត់អត្តសញ្ញាណ ហើយប្រគល់ទៅឱ្យក្រុមគ្រួសាររបស់ពួកគេដើម្បីបញ្ចុះ។ បើតាមប្រសាសន៍លោក Muhammad Syaugi ប្រធានទីភ្នាក់ងារស្វែងរក និងជួយសង្គ្រោះបាននិយាយប្រាប់អ្នកសារព័ត៌មានកាលពីរសៀលថ្ងៃសៅរ៍ថា “ចាប់តាំងពីរសៀលថ្ងៃអាទិត្យរហូតដល់ថ្ងៃនេះយើងមិនបានរកឃើញជនរងគ្រោះណាមួយទៀតទេហើយដូច្នេះខ្ញុំប្រកាសថាប្រតិបត្តិការរុករក និងជួយសង្គ្រោះបានចប់ហើយ” “យើងសូមទោសចំពោះសាធារណជនជាពិសេសក្រុមគ្រួសារជនរងគ្រោះ ប្រសិនបើក្នុងកំឡុងពេលប្រតិបត្តិការយើងមិនអាចបំពេញចិត្តអ្នកគ្រប់គ្នាបាន”។ យ៉ាងណាមិញក្រុមហ៊ុន Lion Air បានផ្តល់សំណងប្រាក់ចំនួន ១០២,០៥៨ដុល្លារសម្រាប់អ្នកដំណើរម្នាក់ៗទៅដល់គ្រួសារពួកគេ។ គណៈកម្មាធិការសុវត្ថិភាពដឹកជញ្ជូនឥណ្ឌូនេស៊ីបានរកឃើញប្រអប់ខ្មៅដែលជាប្រអប់កត់ត្រាទិន្នន័យហោះហើរហើយ តែពួកគេនៅតែកំពុងតាមរុករកប្រអប់ខ្មៅថតសម្លេងអ្នកបើកយន្តហោះដែលជាប្រអប់ដែលបានកត់ត្រាការសន្ទនាចុងក្រោយរវាងអ្នកបើកយន្តហោះមុនពេលធ្លាក់យន្តហោះរបស់ក្រុមហ៊ុន Lion Air មួយនេះ៕

ហេតុការណ៍ភ្លើងឆេះព្រៃនៅភាគខាងត្បូងរដ្ឋកាលីហ្វ័រនីញ៉ាមួយ បានវាយប្រហារទៅលើឆ្នេរម៉ាលីប៊ូដែលជាតំបន់ប្រជុំដោយផ្ទះតារាហូលីវូដជាច្រើនដូចជា៖ Lady Gaga, Kanye West និង Cher… ហើយវាបានធ្វើឱ្យអគារជាច្រើនឆាបឆេះ និងប្រជាពលរដ្ឋជាង ១៥០ ០០០នាក់កំពុងភៀសខ្លួនចេញពីទីនោះ។ ហើយចំណែកនៅភាគខាងជើងឯណោះវិញភ្លើងព្រៃដ៏ធំមួយទៀតបានបំផ្លាញទីក្រុងផារ៉ាដាយដោយធ្វើឱ្យមានអ្នកស្លាប់ ៩នាក់ និង ៣៥នាក់ផ្សេងទៀតបាត់ខ្លួន។ សរុបមកគឺមានករណីភ្លើងឆេះធំៗចំនួន ៣កំពុងឆាបឆេះនៅទូទាំងរដ្ឋកាលីហ្វ័រនីញ៉ា។ ភ្លើងឆេះនេះបានចាប់ផ្តើមកាលពីថ្ងៃព្រហស្បតិ៍នៅជិតតំបន់ Thousand Oaks ដែលមានចំងាយ ៦៤គីឡូម៉ែត្រភាគខាងជើងឆៀងខាងលិចនៃទីក្រុង Los Angeles ដែលជំរុញឱ្យមានការជម្លៀសមនុស្សចំនួន ៧០ ០០០គ្រួសារ។ ភ្លើងឆេះព្រៃមួយទៀតក៏ចាប់ផ្តើមឆេះនៅក្នុងតំបន់ Thousand Oaks ដូចគ្នា។ ថ្ងៃសុក្របន្ទាប់មកអណ្តាតភ្លើងបានវាយលុកដល់តំបន់ឆ្នេរម៉ាលីប៊ូ ហើយអគ្គីភ័យនេះត្រូវបានគេឱ្យដឹងថាបានគ្របដណ្តប់លើផ្ទៃដីប្រហែល ១៤

ប្រទេសអារ៉ាប់រួម៖ មន្រ្តីនគរបាលទីក្រុងឌូបៃបានចាប់ផ្តើមហ្វឹកហាត់លើម៉ូតូហោះជាមួយនឹងកង្ហារ៤ មួយប្រភេទដើម្បីជួយពួកគេចុះបង្ក្រាបឧក្រិដ្ឋកម្មបានឆាប់រហ័សតាមពីលើអាកាស។ មន្ត្រីប៉ូលីសជឿថាម៉ូតូហោះ S3 2019 ដែលរចនាឡើងដោយក្រុមហ៊ុនបច្ចេកវិទ្យាកាលីហ្វ័រញ៉ានឹងជួយឱ្យពួកគេមានភាពងាយស្រួលក្នុងការចុះបង្ក្រាបឧក្រិដ្ឋកម្មផ្សេងៗឱ្យបានឆាប់រហ័ស និងមិនមានភាពរាំងស្ទះ។ ក្រុមហ៊ុន Hoversurf បានបង្ហាញពីម៉ូតូហោះនេះទៅកាន់អាជ្ញាធរនៅទីក្រុងឌូបៃក្នុងកម្មវិធី GITEX ដែលជាពិព័រណ៍ពាណិជ្ជកម្មបច្ចេកវិទ្យាប្រចាំឆ្នាំនៅទីក្រុងឌូបៃ។ ក្រុមហ៊ុននេះបានឱ្យដឹងថា ពួកគេអាចផ្គត់ផ្គង់ដល់ក្រុងឌូបៃបាន ៣០ ទៅ ៤០គ្រឿងប្រសិនបើក្រុមប៉ូលិសរបស់ឌូបៃចាប់អារម្មណ៍ ហើយក្រុមប៉ូលិសទាំងនោះនឹងមានសិទ្ធិផ្តាច់មុខក្នុងការបញ្ជាម៉ូតូហោះនេះច្រើនតាម ដែលពួកគេត្រូវការ។ ម៉ូតូហោះនេះនឹងត្រូវបានអនុវត្តនៅឆ្នាំ ២០២០ ហើយក៏មានមន្ត្រីពីរនាក់បានទទួលការបណ្តុះបណ្តាលពីរបៀបប្រើប្រាស់របស់ម៉ូតូហោះនេះផងដែរ។ ម៉ូតូហោះនេះគឺមានតម្លៃ ១៥០ ០០០ដុល្លារក្នុងមួយគ្រឿង អាចហោះហើរបាន៤០នាទី មានទម្ងន់ ២៥៣ផោន និងអាចហោះបានកម្ពស់រហូតដល់ ១៦ហ្វីត៕ អត្ថបទ៖ លីដា ប្រភព៖ dailymail

Warren Buffett គឺជាស្ថាបនិកវ័យ ៨៧ឆ្នាំ និងជានាយកប្រតិបត្តិនៃក្រុមហ៊ុន Berkshire Hathaway ដែលមានទ្រព្យសម្បត្តិដ៏ទៅ ៨៧ពាន់លានដុល្លារ គាត់គឺជាមហាសេដ្ឋីដែលប្រាក់ច្រើនជាងគេបំផុត ហើយគាត់បានក្លាយជាមហាសេដ្ឋីដំបូងនៅពេលគាត់មានអាយុត្រឹមតែ ៣២ឆ្នាំប៉ុណ្ណោះ។ ជំនាញ និងភាពជោគជ័យរបស់លោក Warren Buffett ជាមួយទីផ្សារភាគហ៊ុនបានធ្វើឱ្យលោកទទួលបានឈ្មោះក្រៅថា “The Oracle of Omaha” ។ វាមិនគួរឱ្យភ្ញាក់ផ្អើលទេដែលមនុស្សជាច្រើនចង់ក្លាយជាអ្នកមានដូចលោក Warren Buffett តែយ៉ាងណាមិញក៏អរគុណដល់គាត់ដែលបានផ្តល់ដំបូន្មានល្អៗសម្រាប់ក្មេងជំនាន់ក្រោយដែលដើរតាមគន្លងរបស់គាត់ជាច្រើនឆ្នាំមកនេះ។ ខាងក្រោមនេះជាដំបូន្មានដ៏ល្អបំផុតទាំងប្រាំបួនរបស់លោកមហាសេដ្ឋី Warren Buffett ៖ ១. វិនិយោគរយៈពេលវែង ដើម្បីរកលុយអ្នកវិនិយោគមិនគួរទិញភាគហ៊ុនដោយមានគោលបំណងដើម្បីតែលក់ចេញមួយមុខគត់នោះទេ។ លោក Warren Buffett

ប្រទេសយេម៉ែន៖ សង្គ្រាមបានធ្វើឱ្យប្រជាជនជាច្រើនក្នុងប្រទេសនេះបាត់បង់ទីលំនៅ​ បាត់បង់ការងារ ខ្វះស្បៀងអាហារ ពុំមានទឹកស្អាតប្រើប្រាស់ និងធ្វើឱ្យមនុស្ស ជាពិសេសគឺកុមារស្លាប់រង្គាលជារៀងរាល់ថ្ងៃដោយសារការអត់ឃ្លាន និងមិនមានជំនួយពីបរទេសគ្រប់គ្រាន់។ ហេតុនេះហើយប្រជាជននៅទីនេះសម្រេចចិត្តចាកចេញពីភូមិរបស់គេដោយថ្មើរជើងដើម្បីរកទីជម្រកថ្មីដែលអាចឱ្យពួកគេរស់រានមានជិវិតបន្តបាន​។ បុរសម្នាក់ក្នុងចំនោមប្រជាជនយេម៉ែន ១១.៥លានអ្នកដែលកំពុងមានបញ្ហាកខ្វះស្បៀងនិងបាត់បង់ការងារធ្វើធ្ងន់ធ្ងរបានប្រាប់ Associated Press ឱ្យដឹងថា៖ ពួកគេមិនបានទទួលចំនួយពីអន្តរជាតិជាច្រើនខែមកហើយ ពេលខ្លះប្រពន្ធរបស់គាត់គឺមានត្រឹមតែកំទេចនំបុ័ងលាយជាមួយទឹក និងអំបិលឱ្យកូនៗទាំ៤របស់គាត់ហូបតែប៉ុណ្ណោះ។ ដោយសារភាពអត់ឃ្លានពីមួយថ្ងៃទៅមួយថ្ងៃទើបធ្វើឱ្យគាត់សម្រេចចិត្តចាកចេញពីភូមិដោយមិនមានយកអ្វីមកតាមខ្លួន សូម្បីតែទឹកក៏គ្មានផឹកដែរ។ សង្គ្រាមរយៈពេលជិត៤ឆ្នាំនេះបានធ្វើឱ្យមនុស្ស ២៩លាននាក់រងគ្រោះទុរ្ភិក្ស និង៨លាននាក់ទៀតគ្មានចំណីអាហារក្រៅពីអ្វីដែលភ្នាក់ងារជំនួយផ្តល់ឱ្យ។ ចំនួនអ្នកចាកចេញពីភូមិឋានបានកើនឡើង បើតាមរាយការណ៍គេបានឱ្យដឹងថានៅខែសីហាដល់ខែកញ្ញាមនុស្សចំនួន ២០​ ០០០នាក់បានភៀសខ្លួនចេញពីព្រំដែនទីក្រុង Bani Hassan ចូលទៅក្នុងតំបន់ Abs ។ យ៉ាងណាមិញក្រុមវេជ្ជបណ្ឌិតបាននិយាយថា៖ ស្ត្រីនិងកុមារមួយចំនួនដែលស្ថិតក្នុងដំណាក់កាលចុងក្រោយនៃកង្វះអាហារូបត្ថម្ភឬជំងឺអាសន្នរោគ និងមានផលវិបាកក្រោយសម្រាលកូនត្រូវបានស្លាប់ជាបន្តបន្ទាប់។ ពួកគេបានត្រៀមខ្លួនរួចជាស្រេចដើម្បីដាក់ក្រុមវេជ្ជសាស្ត្រចល័តនៅជុំវិញតំបន់នោះជារៀងរាល់ថ្ងៃប៉ុន្តែពួកគេបានទទួលការអនុញ្ញាតពីអាជ្ញាធរ