អាមេរិក៖ លោក ដូណាល់ ត្រាំ ដែលកំពុងតែត្រូវបានតុលាការក្រុងញូវយ៉កបង្គាប់ឲ្យបង់ប្រាក់ចំនួន ៣៣៥លានដុល្លារនោះ ស្រាប់តែបានបង្ហាញខ្លួនក្នុងសន្និបាតស្បែកជើងនៅទីក្រុង Philadelphia គួរឲ្យភ្ញាល់ផ្អើលបំផុត ពោលគឺរូបគាត់ហាក់មិនបានភ័យខ្លាចនឹងការបង្គាប់របស់តុលាការឡើយ តែគាត់បែរជាមកប្រកាសលក់ស្បែងជើងដែលជាម៉ាកយីហោផ្ទាល់របស់ខ្លួនរបស់គាត់យ៉ាងព្រងើយទៅវិញ។ បើតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃចន្ទ ទី១៩ ខែកុម្ភៈនេះបានបញ្ជាក់ថា ស្បែកជើងដែលលោក ដូណាល់ ត្រាំ កំពុងតែដាក់លក់នោះគឺជាស្បែកជើងប៉ាតា ដែលមានជាច្រើនជម្រើស។ ប្រភពខាងលើបានបញ្ជាក់ថា ស្បែកជើងប៉ាតាដែលជាម៉ាកយីហោផ្ទាល់របស់លោក ដូណាល់ ត្រាំ នោះមានឈ្មោះថា “Never Surrender High-Top” ដែលមានប្រភេទផ្សេងៗមួយចំ​នួនទៀតដូចជាដូចជា Trump Water, Trump Vodka និង Trump

កាសែតអន្តរជាតិល្បីៗមួយចំនួនដូចជា The Strait Time, Bangkok Post និង Reuters សុទ្ធតែបានចុះផ្សាយអត្ថបទអំពីការកែចៃសម្បកដបប្លាស្ទិកឲ្យក្លាយជាអំបោសពីសំណាក់ពលរដ្ឋកម្ពុជា ខណៈពលរដ្ឋនៅកម្ពុជាមួយចំនួនហាក់មិនបានចាប់អារម្មណ៍អំពីសិប្បកម្មថ្មីមួយនេះឡើយ។ បើតាមប្រភពខាងលើនេះបានបញ្ជាក់ថា សិប្បកម្មផលិតអំបោសដ៏គួរឲ្យចាប់រម្មណ៍នេះមានទីតាំងនៅក្នុងទីក្រុងភ្នំពេញ​ ហើយក្នុងពេលបច្ចុប្បន្ននេះគេមានសមត្ថភាពអាចផលិតអំបោសបានប្រមាណជា​​ ៥០០ ក្នុងមួយថ្ងៃ។ ប្រភពខាងលើបានបន្តទៀតថា ក្នុងរយៈពេល ១១ខែចុងក្រោយនេះ សិប្បករខ្មែរបានកែច្នៃសម្បកដបប្លាស្ទិកជាមធ្យមចំនួន ៥,០០០ដបក្នុងមួយថ្ងៃឲ្យក្លាយឲ្យទៅជាអំបោស ខណៈបើគិតជាទម្ងន់សរុបរបស់ដបបា្លស្ទិកទាំងនោះគឺមានទម្ងន់ប្រមាណជា ៤០តោន ដែលវាមានន័យថា ពួកគេបានរួមចំណែកយ៉ាងសំខាន់ក្នុងការកាត់បន្ថយកាក់សំណល់ប្លាស្ទិកនៅកម្ពុជា។ ក្រៅតែពីបានរួមចំណែកជួយថែរក្សាបរិស្ថានឲ្យបានល្អប្រសើរហើយ សិប្បកម្មផលិតអំបោសពីដបប្លាស្ទិកនេះក៏បានជួយបង្កើតការងារដល់ក្រុមអ្នកកែចៃមួយចំនួននិងបង្កើតឱកាសរកប្រាក់ចំណូលដល់ក្រុមអ្នកលក់ជាច្រើននាក់ផងដែរ។ សូមបញ្ជាក់ជូនថា អំបោសធ្វើពីដបប្លាស្ទិកនេះត្រូវបានគេដាក់លក់ក្នុងតម្លៃ ១០,០០០រៀល និង ១៥,០០០រៀលតាមទំហំតូច​និងធំ៕ អត្ថបទ៖ ភក្តី ប្រភព៖ The

ថៃ៖ នៅទីបំផុតលោក ថាក់ស៊ីន ស៊ីណាវ៉ាត្រា នឹងត្រូវដោះលែងឲ្យមានសេរីភាពជាធម្មតាវិញនៅក្នុងថ្ងៃទី១៨ ខែកុម្ភៈស្អែកនេះហើយ នេះបើយោងតាមការបញ្ជាក់ពីលោកនាយករដ្ឋមន្ត្រីថៃ ស្រេតថា ថាវីស៊ីននៅក្នុងថ្ងៃសៅរ៍ ទី១៧ ខែកុម្ភៈនេះ។​ គិតត្រឹមពេលនេះមហាសេដ្ឋីនយោបាយដ៏មានឥទ្ធិពលរូបនេះកំពុងស្ថិតនៅក្នុងមន្ទីរពេទ្យដើម្បីព្យាបាលជំងឺក្នុងនាមជាអ្នកទោសដែលបានស្នើសុំនៅក្រៅឃុំព្រោះបញ្ហាសុខភាព។ គួររម្លឹកជូនថា​ ការដោះលែងអតីតនាយករដ្ឋមន្ត្រីថៃកាលពីអំឡុងឆ្នាំ២០០១ដល់ឆ្នាំ២០០៦រូបនេះត្រូវបានធ្វើឡើងបន្ទាប់ពីរូបលោកបានវិលត្រលប់មកប្រទេសកំណើតវិញបានរយៈពេលត្រឹមតែ ៦ខែប៉ុណ្ណោះ ខណៈនាពេលកន្លងមករូបលោកត្រូវតុលាការថៃកាត់ទោសឲ្យជាប់ពន្ធនាគាររហូតដល់ ៨ឆ្នាំ តែក្រោយមកព្រះមហាក្សត្រថៃបានជួយបន្ថយទោសនេះមកសល់ត្រឹមរយៈពេលមួយឆ្នាំប៉ុណ្ណោះ។ សូមរម្លឹកជូនថា លោកថាក់ស៊ីន ស៊ីណាវ៉ាត្របានធ្វើការនិរទេសខ្លួនចេញពីប្រទេសថៃអស់រយៈពេល ១៥ឆ្នាំបន្ទាប់ពីរបបយោធាថៃធ្វើរដ្ឋប្រហារទម្លាក់រូបលោកចេញពីតំណែងជានាយករដ្ឋមន្ត្រីថៃ៕ អត្ថបទ៖ ភក្តី ប្រភព៖ The Strait Time

អាមេរិក៖ ចៅក្រមក្នុងតុលាការក្រុងញូវយ៉ក​បានបង្គាប់ឲ្យលោក ដូណាល់ ត្រាំ ត្រូវបង់ប្រាក់ពិន័យចំនួន ៣៥៤,៩លានដុល្លារជុំវិញករណីដែលបានរូបលោកបានផ្តល់ព័ត៌មានមិនពិតចំពោះទ្រព្យសម្បត្តិផ្ទាល់ខ្លួនរបស់គាត់នាពេលកន្លងមក នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃសៅរ៍ ទី១៧ ខែកុម្ភៈនេះ។ បន្ថែមពីលើការពិន័យជាប្រាក់នេះ លោកចៅក្រម Arthur Engoron ក៏បានហាមឃាត់លោក ដូណាល់ ត្រាំ មិនឲ្យបម្រើការងារជាមន្ត្រី ឬនាយកនៃសាជីវកម្មក្រុងញូវយ៉កក្នុងរយៈពេលបីឆ្នាំផងដែរ។ សូមបញ្ជាក់ជូនថា ក្នុងរយៈពេលជាងមួយទសវត្សរ៍ចុងក្រោយនេះពិភពលោកទាំងមូលបានដឹងថា លោក ដូណាល់ ត្រាំ គឺជាអ្នកមានទ្រព្យសម្បត្តិដ៏ច្រើនម្នាក់នៅលើពិភពលោក ពោលគឺយោងតាមការវាយតម្លៃអតីតប្រធានាធិបតីអាមេរិករូបនេះអាចមានទ្រព្យសម្បត្តិសរុបខ្ទង់ ៣,៦ពាន់លានដុល្លារ។ យ៉ាងណាក្តីសម្រាប់តុលាការក្រុងញូវយ៉ក​បានរកឃើញថា តួលេខនៃទំហំទ្រព្យសម្បត្តិនេះគឺជាការបំប៉ោងបន្ថែមពីសំណាក់លោក ដូណាល់ ត្រាំ ដើម្បីផ្តល់ភាពស្រួលដល់រូបគាត់ក្នុងការខ្ជីប្រាក់ពីធនាគារសម្រាប់យកមកធ្វើអាជីវកម្មផ្សេងៗ។

សិង្ហបុរី៖ ស្រ្តីដែលជាអតីតប៉ូលិសនៅក្នុងប្រទេសសិង្ហបុរីម្នាក់ត្រូវបានតុលាការសម្រេចផ្តល់ប្រាក់រង្វាន់លើកទឹកចិត្តរហូតដល់ ៣,៤លានដុល្លារសិង្ហបុរី​ (២,៥លានដុល្លារអាមេរិក) ជុំវិញករណីដែលរូបគាត់បានរងរបួសខួរក្បាលធ្ងន់ធ្ងរក្រោយកើតមានគ្រោះថ្នាក់ចរាចរណ៍មួយកាលពីឆ្នាំ ២០១៦កន្លងទៅ។ យោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃសុក្រ ទី១៦ ខែកុម្ភៈនេះបានបញ្ជាក់ថា ស្រ្តីជាជនរងគ្រោះមានឈ្មោះថា Rajina Sharma Rajandran បច្ចុប្បន្នមានអាយុ ៣៩ឆ្នាំ។ ប្រភពខាងលើបាបន្តថា នៅក្នុងថ្ងៃកើតហេតុនោះស្រ្តីជាជនរងគ្រោះបានជិះម៉ូតូមួយគ្រឿងជាមួយប្តីរបស់គាត់ឈ្មោះ Theyvasigamani Periasamy ដោយបុរសជាប្តីគឺជាអ្នកបើកម៉ូតូ។ ក្នុងអំឡុងពេលកំពុងធ្វើដំណើរនោះម៉ូតូរបស់ស្រ្តីរងគ្រោះបានប៉ះទង្គិចជាមួយម៉ូតូមួយគ្រឿងទៀត ហើយជាអកុសលគឺអ្នកនាង Rajina Sharma Rajandran បានរងរបួសធ្ងន់ធ្ងរជាងគេ ខណៈប្តីរបស់គាត់និងបុរសជាម្ចាស់ម៉ូតូមួយគ្រឿងទៀតនោះបានរងរបួសស្រាលប៉ុណ្ណោះ។​ ក្រោយបើកការស៊ើបបង្កេតទៅលើអង្គហេតុអស់រយៈពេលជាយូរ និងផ្អែកលើស្ថានភាពជំងឺរបស់អ្នកនាង Rajina Sharma Rajandran​ តុលាការសិង្ហបុរីកាលពីពេលថ្មីៗនេះបានសម្រេចឲ្យស្រ្តីរងគ្រោះត្រូវទទួលប្រាក់លើកទឹកចិត្តរហូតដល់ ៣,៤លានដុល្លារសិង្ហបុរី​

ជប៉ុន៖ នាយកសាលារៀនជនជាតិជប៉ុនម្នាក់ត្រូវបានបញ្ឈប់ពីការងារភ្លាមៗក្រោយរូបគាត់បានធ្វើសកម្មភាពលួចកាហ្វេនៅក្នុងហាងតាមរយៈធ្វើការបង់ប្រាក់សម្រាប់ទិញកាហ្វេខ្នាតធម្មតា តែពេលទៅចុចយកកាហ្វេគឺគាត់បានបន្លំចុចយកកាហ្វេកែវធំ។ បើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃសុក្រ ទី១៦ ខែកុម្ភៈនេះបានឲ្យដឹងថា ហេតុការណ៍ដ៏កម្រនេះបានកើតឡើងនៅក្នុងទីក្រុង​ Takasago ខណៈលោកនាយកអនុវិទ្យាល័យរូបនោះមានវ័យ ៥៩ឆ្នាំ ពោលគឺវ័យជិតចូលនិវត្តន៍ពីការងារទៅហើយ។ គួរបញ្ជាក់ជូនថា សម្រាប់ការបញ្ជាទិញកាហ្វេនៅក្នុងហាងដែលជាទីកន្លែងកើតហេតុខាងនេះគឺតម្រូវឲ្យអ្នកទិញត្រូវបង់ប្រាក់ជាមុនរួចកាន់កែវទៅចុចយកកាហ្វេពីម៉ាស៊ីនដោយខ្លួនឯង។ ប្រភពខាងលើបានបន្តថា សម្រាប់កាហ្វេកែវធម្មតាគឺមានតម្លៃ ១១០យេន (០,៧៣ដុល្លារ) និងកាហ្វេកែវធំគឺមានតម្លៃ ១៨០យេន (១,២​ដុល្លារ) ខណៈលោកនាយកសាលារៀនខាងលើនេះបានធ្វើសកម្មភាពបន្លំយកកាហ្វេចំនួន ៧ដងរួចហើយនៅក្នុងហាងពីកន្លែងផ្សេងគ្នាមុនពេលត្រូវបានគេចាប់ខ្លួន ហើយបើគិតពីទំហំទឹកប្រាក់ដែលគាត់បានបន្លំគេនោះគឺមានចំនួនត្រឹមតែ ៤៩០យេន (៣,២៦ដុល្លារ) ប៉ុណ្ណោះ។ យ៉ាងណាក្តី ក្រោយត្រូវបានបញ្ឈប់ពីការងារជាបន្ទាន់ដូចនេះ លោកនាយកសាលារូបនេះត្រូវខាតបង់ប្រាក់ខែអស់ជាច្រើនរួមជាមួយនឹងប្រាក់សោធននិវត្តន៍ចំនួន ២០លានយេន (ជាង ១៣ម៉ឺនដុល្លារ)

ថៃ៖ រដ្ឋាភិបាលថៃបានសម្រេចអនុវត្តយុទ្ធនាការផ្តល់ប្រាក់ធានារ៉ាប់រងសុខភាពនិងអាយុជីវិតក្នុងទំហំទឹកប្រាក់រហូតដល់ ១លានបាត (២៧,៦៧២ ដុល្លារអាមេរិក) ចំពោះភ្ញៀវទេសចរអន្តរជាតិដែលកើតមានបញ្ហាផ្សេងៗក្នុងអំឡុងពេលមកកម្សាន្តក្នុងប្រទេសខ្លួន នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃសុក្រ ទី១៦ ខែកុម្ភៈនេះ។ ការសម្រេចអនុវត្តវិធានការខាងលើនេះគឺត្រូវបានធ្វើឡើងក្នុងគោលបំណងទាក់ទាញភ្ញៀវទេសចរអន្តរជាតិឲ្យមកកំសាន្តនៅក្នុងប្រទេសថៃឲ្យបានកាន់តែច្រើន ខណៈវិស័យទេសចរណ៍គឺជាប្រភពចំណូលដ៏សំខាន់មួយរបស់សេដ្ឋកិច្ចជាតិថៃ។ ប្រភពខាងលើបានបន្តថា ក្នុងការអនុវត្តគម្រោងផ្តល់ប្រាក់ធានារ៉ាប់រងនេះគឺអាជ្ញាធរថៃនឹងប្រើប្រាស់ថវិកាដែលជាកញ្ចប់ថវិកាអនុម័តទុកសម្រាប់ប្រើប្រាស់ក្នុងគ្រាមានអាសន្ន ហើយនៅក្នុងដំណាក់កាលដំបូងនេះអាជ្ញាធរថៃបានត្រៀមថវិកាចំនួន ៥០លានបាត (ជាង ១,៣លានដុល្លារអាមេរិក)។ យុទ្ធនាការពិសេសនេះនឹងត្រូវអនុវត្តចំពោះគ្រប់អ្នកដំណើរអន្តរជាតិដែលបានមកដល់ទឹកដីថៃចាប់ពីថ្ងៃទី១ ខែមករា រហូតដល់ថ្ងៃទី៣១​​ ខែសីហា ឆ្នាំ២០២៤ ដោយនីតិវិធីក្នុងការផ្តល់ប្រាក់នឹងត្រូវគោរពតាមលក្ខខណ្ឌចំនួន​ ៣ដូចខាងក្រោម៖ -លក្ខខណ្ឌទី ១៖ ក្នុងករណីដែលភ្ញៀវទេសចរអន្តរជាតិម្នាក់មានគ្រោះថ្នាក់រហូតដល់បាត់បង់សេរីរាង្គណាមួយជាអចិន្ត្រៃយ៍ ឬមានពិការភាពជាអចិន្ត្រៃយ៍នឹងត្រូវផ្តល់ប្រាក់សងជំងឺចិត្តចំនួន ៣០០,០០០បាត (៨,៣០០ដុល្លារអាមេរិក)។

វៀតណាម៖ ម៉ូតូចាស់ៗឲជាច្រើនគ្រឿងត្រូវបានអាជ្ញាធរក្រុងហូជីមិញយកទៅដាក់គរលើគ្នាដូចសំរាម ក្រោយម្ចាស់ម៉ូតូទាំងនោះមិនព្រមទៅបង់ប្រាក់ពិន័យដើម្បីយកម៉ូតូទាំងនោះមកវិញ។ បើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃព្រហស្បតិ៍​ ទី១៥ ខែកុម្ភនេះបានបញ្ជាក់ថា ប្រាក់ដែលអាជ្ញាធរក្រុងហូជីមិញត្រូវពិន័យពីម្ចាស់ម៉ូតូទាំងនោះគឺជាការពិន័យចំពោះបទល្មើសបើកបរក្នុងពេលស្រវឹង។ គួរកត់សម្គាល់ថាក្នុងរយៈពេលប៉់ុន្មានឆ្នាំចុងក្រោយនេះវៀតណាមបានរឹតបន្តឹងលើច្បាប់ចរាចរណ៍យ៉ាងខ្លាំង ជាពិសេសនោះគឺការបើកបរក្នុងពេលស្ររឹងតែម្តង ដោយអាជ្ញាធរវៀតណាមបានហៅយុទ្ធនាការនេះថា “គ្មានការលើកលែងចំពោះអ្នកបើកបរក្នុងពេលស្រវឹង”។ ក្នុងការអនុវត្តវិធានការដ៏តឹងរឹងនេះ អាជ្ញាធរវៀតណាមក៏បានដំឡើងប្រាក់ដែលត្រូវផាកពិន័យយ៉ាងខ្ពស់ផងដែរ ពោលគឺអាចមានតម្លៃរហូតដល់ ៣០០ដុល្លារ។ ដោយសារតែប្រាក់ផាកពិន័យមានតម្លៃខ្ពស់ដូចនេះហើយ ទើបម្ចាស់ម៉ូតូមួយចំនួនសម្រេចទុកម៉ូតូចោលនៅប៉ុស្តិ៍ប៉ូលិសតែម្តង ដ្បិតទំហំប្រាក់ដែលត្រូវផាកពិន័យនោះអាចមានតម្លៃប្រហាក់ប្រហែលនឹងម៉ូតូរបស់ពួកគាត់ទៅហើយ។ សូមបញ្ជាក់ជូនថា កាលពីឆ្នាំ២០២២កន្លងទៅអាជ្ញាធរក្រុងហូជីមិញបានរឹបម៉ូតូចំនួន ១៥៥,០០០គ្រឿងពីម្ចាស់ដែលបានបើកបរក្នុងពេលស្រវឹង៕ អត្ថបទ៖ ភក្តី់ ប្រភព៖  The Strait Time  

ថៃ៖ អាជ្ញាធរថៃនៅក្នុងថ្ងៃព្រហស្បតិ៍ ទី១៥ ខែកុម្ភៈនេះបានណែនាំឲ្យបុគ្គលិកបម្រើការងារនៅតាមក្រុមហ៊ុននិងស្ថាប័នមួយចំនួនក្នុងទីក្រុងបាងកកគួរធ្វើការងារពីផ្ទះដើម្បីចៀសវាងហានិភ័យពីបញ្ហាខ្យល់កខ្វក់ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time។ បញ្ហាខ្យល់កខ្វក់ដែលកំពុងកើតមាននៅក្នុងទីក្រុងបាងកកនៅពេលនេះគឺបញ្ហាខ្យល់កខ្វក់កម្រិត PM2.5 ឬជាបញ្ហាដែលនៅក្នុបរិយាកាសមានផ្ទុកទៅដោយលម្អងធូលីនិងផ្សែងពុលច្រើនលើសពីកម្រិតស្តង់ដារសុខភាព។ បើតាមអាជ្ញាធរថៃបានបញ្ជាក់ថា បញ្ហាខ្យល់កខ្វក់ខាងលើនេះអាចបន្តអូសបន្លាយដល់ថ្ងៃទី១៦ ខែកុម្ភៈ ខណៈមានខណ្ឌចំនួន ២០នៅក្នុងទីក្រុងបាងកកដែលនឹងត្រូវរងនូវផលប៉ះពាល់ពីបញ្ហានេះខ្លាំងជាងគេ។ នៅក្នុងខណ្ឌទាំង​ ២០នោះទៀតសោធ គឺជាតំបន់ដែលមានក្រុមហ៊ុនចំនួន ១៥១ផ្សេងគ្នា និងមានបុគ្គលិកសរុបប្រមាណជា ៦០,០០០នាក់ ដែលនឹងត្រូវរងនូវផលប៉ះពាល់។ សូមបញ្ជាក់ជូនថា បើយោងតាមទៅតាមគេហទំព័រ IQAir ដែលបានសិក្សាពីគុណភាពបរិយាកាសក្នុងទីក្រុងនានានៅជុំវិញពិភពលោកនោះបានកំណត់ថា ទីក្រុងបាងកកគឺជាទីក្រុងមួយក្នុងចំណោមទីក្រុងទាំង ១០ ដែលមានការបំពុលបរិយាកាសខ្លាំងជាងគេបំផុតនៅលើពិភពលោក៕ អត្ថបទ៖ ភក្តី ប្រភព៖ The Strait

ម៉ាឡេស៊ី៖ យ៉ាងហោចណាស់មានមនុស្ស ២នាក់បានស្លាប់បាត់បង់ជីវិតនៅក្នុងហេតុការណ៍ធ្លាក់យន្តហោះនៅក្នុងប្រទេសម៉ាឡេស៊ី នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia។ គ្រោះថ្នាក់បានកើតឡើងកាលពីរសៀលនៃថ្ងៃទី១៣​ ខែកុម្ភៈ ខណៈទីកន្លែងដែលយន្តហោះបានធ្លាក់គឺនៅក្នុងចំការដូងប្រេង​ក្នុងរដ្ឋ Selangor ភាគខាងជើងនៃប្រទេសម៉ាឡេស៊ី។ ប្រភពខាងលើបានបន្តថា យន្តហោះដែលបានជួបគ្រោះថ្នាក់ខាងលើនេះ គឺជាយន្តហោះខ្នាតតូចសម្រាប់ដឹកអ្នកដំណើរបែបកំសាន្តប៉ុណ្ណោះ។ បើតាមអាជ្ញាធរអាកាសចរណ៍ម៉ាឡេស៊ីបានបញ្ជាក់ថា នៅក្នុងចំណោមជនរងគ្រោះទាំង ២នាក់នោះ គឺមានជនរងគ្រោះម្នាក់ជាគ្រូបណ្តុះបណ្តាលផ្នែកបើកយន្តហោះឲ្យក្រុមហ៊ុនផ្តល់សេវាហោះហើរបែបកំសាន្តមួយកន្លែង ខណៈរូបគាត់ក៏ជាអ្នកបើកយន្តហោះដែលបានធ្លាក់នោះដោយផ្ទាល់ផងដែរ៕   អត្ថបទ៖ ភក្តី ប្រភព៖  Channel News Asia