ថៃ៖ បុរសជនជាតិថៃម្នាក់បានធ្វើដំណើរដោយថ្មើរជើងក្នុងចម្ងាយប្រមាណជា ១,២០០គីឡូម៉ែត្រដើម្បីមកជួបមិត្តស្រីរបស់គាត់នៅក្នុងថ្ងៃទិវានៃសេចក្តីស្រលាញ់ Valentine’s Day ដែលនឹងប្រារព្ធធ្វើឡើងនៅក្នុងថ្ងៃទី ១៤ ខែកុម្ភៈខាងមុខនេះ។ បើយោងតាមការចុះផ្សាយរបស់បណ្តាញសារព័ត៌មាន The Strait Times នៅរសៀលថ្ងៃអាទិត្យ ទី១២ ខែកុម្ភៈនេះបានឲ្យដឹងថា បុរសស្មោះស្នេហ៍រូបនេះមានឈ្មោះថា Suthep និងមានអាយុ ៥៦ឆ្នាំ។ ប្រភពខាងលើបានបន្តថា លោក Suthep បានដើរចេញពីខេត្ត Nakhon Nayok កាលពីថ្ងៃទី ១៤ ខែមករា និងត្រូវដើរកាត់ខេត្តចំនួន ២ទើបអាចទៅដល់ផ្ទះមិត្តស្រីរបស់គាត់ដែលស្ថិតនៅក្នុងខេត្ត Satun។ លោក Suthep បានស្គាល់គ្នាជាមួយមិត្តស្រីរបស់គាត់ដែលមានឈ្មោះថា Thanapa Khiaw មានអាយុ ៥៦ឆ្នាំដូចគ្នារយៈពេល ៥ឆ្នាំមកហើយតាមរយៈបណ្តាញសង្គម

អាមេរិក៖ មនុស្សជាច្រើនប្រហែលជាគិតថា ការងារជាអ្នកបណ្តើរសត្វឆ្កែឲ្យគេគឺគ្រាន់តែជាការងារធម្មតាមួយដែលអាចរកបានប្រាក់ចំណូលតិចតួច និងមិនមែនជាប្រភេទការងារដែលមានស្ថេរភាពខ្ពស់ដូចការងារនៅតាមបណ្តាក្រុមហ៊ុនធំៗឡើយ។ យ៉ាងណាក្តី បើយោងទៅតាមការចុះផ្សាយរបស់បណ្តាញសារព័ត៌មាន បាងកកប៉ុស្តិ៍ នៅថ្ងៃអាទិត្យ ទី១២ ខែកុម្ភៈនេះបានឲ្យដឹង​ថា មានស្រ្តីជាអ្នកបណ្តើរឆ្កែអាជីពម្នាក់អាចរកប្រាក់ចំណូលបានជាង ១០ម៉ឺនដុល្លារនៅក្នុង ១ឆ្នាំ។ អ្នកស្រីដែលជាអ្នកជំនាញផ្នែកបណ្តើរសត្វឆ្កែរូបនេះមានឈ្មោះថា Bethany Lane អាយុ ៣៥ឆ្នាំ ជាស្ថាបនិកនៃសេវាកម្មបណ្តើរឆ្កែមានឈ្មោះថា Whistle & Wag ដែលត្រូវបានបង្កើតឡើងជិត១០ឆ្នាំមកហើយ។ បច្ចុប្បន្នអ្នកនាង Bethany Lane កំពុងរស់នៅនិងប្រកបការងារជាអ្នកបណ្តើរឆ្កែនៅក្នុងតំបន់ Manhattan ទីក្រុង New York សហរដ្ឋអាមេរិក។ អ្នកនាង Bethany Lane បានបញ្ចប់ការសិក្សានៅសាកលវិទ្យាល័យ Rutgers University តែក្រោយពេលរៀនចប់ភ្លាមអ្នក​ស្រីមិនបានធ្វើការងារឲ្យក្រុមហ៊ុនណាឡើយ ក្រៅតែពីបង្កើតអាជីវកម្មខាងលើនេះដោយខ្លួនឯង។

កាណាដា៖ យ​ន្តហោះចម្បាំងអាមេរិកបានសម្រេចបា.ញ់ទម្លាក់វត្ថុដ៏អាថ៌កំបាំងមួយដែលបានហោះនៅលើទឹកដីនៃប្រទេសកាណាដា នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅរសៀលថ្ងៃអាទិត្យ ទី១២ ខែកុម្ភៈនេះ។ គួរកត់សម្គាល់ថា កាលពីសប្តាហ៍មុនអាមេរិកធ្លាប់បានបា.ញ់ ទម្លាក់បាឡុងរបស់ចិនមួយរួចហើយ​ ដោយអាមេរិកបានចោទប្រកាន់ថា បាឡុងនោះគឺជាចារម្មរបស់រដ្ឋាភិបាលចិន។ យ៉ាងណាក្តី វត្ថុដែលអាមេរិកទើបបា.ញ់នៅក្នុងថ្ងៃអាទិត្យនេះ គឺមិនត្រូវបានគេស្គាល់ថា មានប្រភពមកពីណានិងហោះហើរក្នុងគោលបំណងអ្វីឲ្យប្រាកដនោះទេ។ បើតាមលោកនាយករដ្ឋមន្ត្រីកាណាដា Justin Trudeau បាននិយាយថា សកម្មភាពខាងលើនេះគឺជាការឈ្លានពានដែនអាកាសរបស់ប្រទេសកាណាដាដោយចេតនា ពោលគឺវាមិនមែនជារឿងចៃដន្យឡើយ។ លោកនាយករដ្ឋមន្ត្រីរូបនេះបានបន្តថា កាណាដានិងអាមេរិក នឹងរួមគ្នាស្វែងរកអ្នកទទួលខុសត្រូវចំពោះវត្ថុអាថ៌កំបាំងខាងលើនេះឲ្យទាល់តែឃើញ ហើយកាណាដានឹងធ្វើការឆ្លើយតបវិញយ៉ាងចាស់ដៃផងដែរ ចំពោះសកម្មភាពដ៏គឃ្លើននេះ៕ លោកនាយករដ្ឋមន្ត្រីកាណាដា Justin Trudeau អត្ថបទ៖ ភក្តី ប្រភព៖ Channel News

ហុងកុង៖ កាបូបយួរដៃម៉ាក Hermès ចំនួន ៧៧កាបូបត្រូវបានគេលក់ចេញក្នុងតម្លៃរហូតដល់ ២៥,២លានដុល្លារហុងកុង ឬស្មើនឹង ៣,២លានដុល្លារអាមេរិក​ នេះបើយោងតាមការចុះផ្សាយរបស់បណ្តាញសារព័ត៌មាន Next Shark ។ កាបូបទាំងអស់នោះ គឺជាកម្មសិទ្ធរបស់លោកមហាសេដ្ឋី Joseph Lau ហើយការលក់កាបូបក្នុងតម្លៃដ៏ខ្ពស់នេះគឺត្រូវបានធ្វើឡើយតាមរយៈការដេញថ្លៃដោយមានអ្នកចូលរួមប្រកួតប្រជែងជាច្រើននាក់ផងដែរ។ ប្រភពខាងលើបានបន្តថា​ កាបូបទាំង ៧៧នោះគឺជាកាបូបប្រភេទ Limited Edition (កាបូបពិសេសដែលក្រុមហ៊ុនផលិតឡើងដោយមានចំនួនកំណត់) ដែលត្រូវបានរចនាឡើងដោយកំពូលអ្នករតនាម៉ូតគឺលោក Jean-Paul Gaultier នៅក្នុងអំឡុងឆ្នាំ ២០០៤-២០១០។ គួរកត់សម្គាល់ថា លោកមហាសេដ្ឋី Joseph Lau និងក្រុមគ្រួសារ គឺជាអ្នកគាំទ្រផលិតផលម៉ាក Hermès យ៉ាងខ្លាំងបំផុត ហើយនាពេលកន្លងមកលោកនិងក្រុមគ្រួសារធ្លាប់បានទិញកាបូបម៉ាក Hermès

ចំនួនអ្នកស្លាប់ដោយសាគ្រោះរញ្ជួយដីនៅក្នុងប្រទេសតួគីនិងប្រទេសស៊ីរីអាចនឹងកើតឡើងទ្វេរដងពីតួលេខផ្លូវការនាពេលបច្ចុប្បន្ន នេះបើយោងតាមការព្យាករណ៍របស់លោក Martin Griffiths ដែលជាប្រធានផ្នែកជួយសង្គ្រោះនៃអង្គការសហប្រជាជាតិ។ តួលេខចុងក្រោយដែលត្រូវបានចុះផ្សាយដោយបណ្តាញសារព័ត៌មាន Channel News Asia នៅរសៀលថ្ងៃអាទិត្យ ទី១២ ខែកុម្ភៈនេះគឺអ្នកស្លាប់សរុបមានចំនួន ២៨,១៩១នាក់។ យ៉ាងណាក្តី ចំនួនអ្នកកំពុងបាត់ខ្លួននៅមានច្រើននៅឡើយ ខណៈអ្នករងរបួសធ្ងន់ធ្ងរមួយចំនួនក៏បានស្លាប់ជាបន្តប​ន្ទាប់គ្នាផងដែរ​ ហើយដោយយោងទៅតាមស្ថានភាពជាក់ស្តែងបែបនេះលោក Martin Griffiths បានធ្វើការប៉ាន់ស្មានថា ចំនួនអ្នកស្លាប់សរុបអាចកើនឡើងលើសពី ៥០,០០០​នាក់នៅក្នុងពេលដ៏ខ្លីខាងមុខនេះ។ អ្នកជំនាញរបស់អង្គការសហប្រជាជាតិរូបនេះបានបន្តថា គិតត្រឹមពេលនេះគឺមានពលរដ្ឋប្រមាណជា ៨៧០,០០០នាក់កំពុងតែបាត់បង់ផ្ទះសម្បែងទាំងស្រុងតែម្តង ខណៈពលរដ្ឋដែលបានរងផលប៉ះពាល់ដោយប្រយោលវិញគឺមានរាប់លាននាក់ឯណោះ៕ អត្ថបទ៖ ភក្តី ប្រភព៖ Channel News Asia

ឥណ្ឌា៖ យុវសិស្សជនជាតិឥណ្ឌាម្នាក់បានដួលសន្លប់ក្នុងម៉ោងប្រលងនិងត្រូវបញ្ជូនទៅកាន់មន្ទីរពេទ្យជាបន្ទាន់ ក្រោយរូបគេបានកើតមានអារម្មណ៍តានតឹងនិងភ័យខ្លាច ដ្បិតត្រូវអង្គុយប្រលងក្នុងនាមជាសិស្សប្រុសតែម្នាក់ឯងនៅក្នុងចំណោមសិស្សស្រីចំនួន ៥០០នាក់ផ្សេងទៀតនៅក្នុងបន្ទប់តែមួយ។ បើយោងតាមការចុះផ្សាយរបស់បណ្តាញសារព័ត៌មាន World of Buzz បានឲ្យដឹងថា ហេតុការណ៍នេះបានកើតឡើងនៅក្នុងសាកលវិទ្យាល័យ Allama Iqbal​​ ស្ថិតនៅក្នុងទីក្រុង​ Biharsharif ភាគខាងជើងនៃប្រទេសឥណ្ឌា។ យុវសិស្សដែលបានដួលសន្លប់និងត្រូវខកខានអត់បានប្រលងនោះមានឈ្មោះថា Manish Shankar Prasad ហើយមុខវិជ្ជាដែលរូបគេកំពុងប្រលងនោះគឺមុខវិជ្ជាគណិតវិទ្យា​ ខណៈការប្រលងមួយនេះគឺជាការប្រលងដ៏សំខាន់មួយផងដែរសម្រាប់ការសិក្សាថ្នាក់មហាវិទ្យាល័យរបស់គេ។ ប្រភពខាងលើបានបន្តថា យុវសិស្សវ័យ  ១៧ឆ្នាំរូបនេះត្រូវបានគេរៀបឈ្មោះដោយច្រឡំដាក់ភេទជាស្រី ទើបបានជារូបគេត្រូវទៅអង្គុយប្រលងក្នុងចំណោមសិស្សស្រី ៥០០នាក់ដូចនេះ ខណៈរូបគេគឺជាមនុស្សដែលមានអារម្មណ៍អៀនជាមួយនិងមនុស្សស្រីជាទីបំផុត ហើយអារម្មណ៍អៀននេះហើយដែលជាមូលហេតុធ្វើឲ្យគេមានអារម្មណ៍តានតឹងរហូតដល់សន្លប់តែម្តង៕ អត្ថបទ៖ ភក្តី ប្រភព៖​ World of Buzz  

តួលេខអ្នកស្លាប់ដោយគ្រោះរញ្ជួយដីនៅក្នុងប្រទេសតួកគីនិងប្រទេសស៊ីរី បានកើនឡើងជាង ២០,០០០នាក់ហើយ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅព្រឹកថ្ងៃសុក្រ ទី១០ ខែកុម្ភៈនេះ។ នៅក្នុងចំណោមជនរងគ្រោះទាំងអស់នោះគឺមានជនរងគ្រោះចំនួន ១៧,៤០៦នាក់បានស្លាប់នៅក្នុងទឹកដីនៃប្រទេសតួកគី ខណៈជនរងគ្រោះជាង ៣,៣០០នាក់ផ្សេងទៀតបានស្លាប់នៅក្នុងប្រទេសស៊ីរី។ ប្រភពខាងលើបានបន្តថា ប្រទេសតួកគីហាក់បានរងនូវគ្រោះថ្នាក់ធ្ងន់ធ្ងរជាងប្រទេសស៊ីរី  ដោយនៅតួកគីមានអគារប្រមាណជា ៦,៥០០កន្លែង ត្រូវបានបំផ្លាញទាំងស្រុងតែម្តង ខណៈពលរដ្ឋតួកគីជាង ១៣,៥លាននាក់ កំពុងរងផលប៉ះពាល់ដោយប្រយោលផងដែរ។ គួរបញ្ជាក់ជូនថា នៅក្នុងប្រតិបត្តិការណ៍ជួយសង្គ្រោះជនរងគ្រោះ គេបានជួបប្រទះនូវរឿងរ៉ាវ គួរឲ្យកត់សម្គាល់មួយគឺមានក្មេងតូចអាយុ ២ឆ្នាំម្នាក់ មានសំណាងនៅរស់មានជីវិតក្រោយបានជាប់នៅក្រោមគំនរបាក់បែកអស់រយៈពេល ៧៩ម៉ោង៕ អត្ថបទ៖ ភក្តី ប្រភព៖ Channel News Asia

ថៃ៖ រដ្ឋមន្ត្រីក្រសួងអប់រំថៃលោក Trinuch Thienthong បានណែនាំឲ្យភ្នាក់ងាររដ្ឋជាច្រើនផ្នែកត្រូវបើកការស៊ើបជាបន្ទាន់មួយជុំវិញករណីមានគ្រូបង្រៀននិងនាយកសាលាមួយកន្លែងសម្រេចកាត់សក់កូនសិស្សជាច្រើននាក់ដើម្បីធ្វើជាការដាក់ទណ្ឌកម្មចំពោះពួកគេ។ បើយោងតាមការចុះផ្សាយរបស់បណ្តាញសារព័ត៌មាន បាងកកប៉ុស្តិ៍ នៅព្រឹកថ្ងៃព្រហស្បតិ៍ ទី៩ ខែកុម្ភៈនេះបានបញ្ជាក់ថា ហេតុការណ៍នេះបានកើតឡើងនៅក្នុងសាលារៀនមួយកន្លែងស្ថិតនៅក្នុងខេត្ត Phetchabun ភាគខាងត្បូងប្រទេសថៃកាលពីថ្ងៃអង្គារកន្លងទៅនេះ។ ប្រភពខាងលើបានបន្តថា នៅក្នុងថ្ងៃកើតហេតុនោះគឺមានកូនសិស្សប្រមាណជា ១០០នាក់ ដែលត្រូវបានគ្រូបង្រៀននិងនាយកសាលាយកកន្ត្រៃទៅកាត់សក់របស់ពួកគេឲ្យខូចអស់ក្នុងអំឡុងពេលដែលពួកគេកំពុងឈរគោរពទង់ជាតិ។ ក្រោយមានរឿងនេះកើតឡើង ក្រុមកូនសិស្សបាននាំគ្នាបង្ហោះសាររិះគន់ចំពោះសកម្មភាពរបស់គ្រូបង្រៀននិងនាយកសាលាយ៉ាងខ្លាំងនៅតាមបណ្តាញសង្គម ហើយពួកគេក៏បានដាក់ញត្តិទៅកាន់តុលាការរដ្ឋបាលផងដែរ ដើម្បីទាមទារឲ្យលុបចោលនូវបទប្បញ្ញតិទាំងឡាយណាដែលអនុញ្ញាតឲ្យគ្រូបង្រៀនមានសិទ្ធកាត់សក់កូនសិស្សបាន។ ជុំវិញករណីនេះក្រសួងអប់រំថៃបានបញ្ជាក់ថា ខាងក្រសួងបានសម្រេចកំណត់យកម៉ូតសក់សម្រាប់សិស្សប្រុស និងសិស្សស្រីរួចហើយកាលពីឆ្នាំ២០២០ កន្លងទៅ ហើយចំពោះករណីខាងលើនេះក្រសួងអប់រំកំពុងជំរុញឲ្យភាគីពាក់ព័ន្ធទាំងអស់ត្រូវធ្វើការស៊ើបអង្កេតឡើងវិញជាបន្ទាន់ ដើម្បីស្វែងរកដំណោះស្រាយដ៏សមរម្យមួយចំពោះក្រុមកូនសិស្ស និងដើម្បីបិទបញ្ចប់មតិរិះគន់ដែលកំពុងផ្ទុះយ៉ាងខ្លាំងនៅក្នុងបណ្តាញសង្គមទូទាំងប្រទេសថៃ៕ អត្ថបទ៖ ភក្តី ប្រភព៖  បាងកកប៉ុស្តិ៍

អាមេរិក៖ សហរដ្ឋអាមេរិកបានអះអាងថា បាឡុងដែលត្រូវបានគេសង្ស័យថាជាចារកម្មរបស់រដ្ឋាភិបាលចិននោះមិនមែនហោះកាត់ត្រឹមតែទឹកដីអាមេរិកនោះទេ តែវាបានបង្ហាញខ្លួននៅលើទឹកដីនៃទ្វីបចំនួន ៥ផ្សេងគ្នា ឬអាចនិយាយបានថា វាបានបង្ហាញខ្លួនជាលក្ខណៈសកលនៅស្ទើរតែជុំវិញពិភពលោក។ បើយោងតាមការចុះផ្សាយរបស់​បណ្តាញសារព័ត៌មាន Channel News Asia នៅព្រឹកថ្ងៃព្រហស្បតិ៍ ទី៩ នេះបានបញ្ជាក់ថា សូម្បីតែអង្គការ NATO ក៏បង្ហាញពីក្តីព្រួយបារម្ភចំពោះករណីបាឡុងចារកម្មនេះផងដែរ។ បើតាមលោក Antony Blinken ដែលជារដ្ឋមន្ត្រីការបរទេសអាមេរិកបានឲ្យដឹងថា អាមេរិកបានជូនដំណឹងដ៏រសើបខាងលើនេះទៅកាន់ប្រទេសជាច្រើនរួចហើយឲ្យមានការប្រុងប្រយ័ត្នចំពោះវត្តមានរបស់បាឡុងដែលជាចារកម្មរបស់រដ្ឋាភិបាលចិន ហើយក្នុងករណីចាំបាច់ត្រូវធ្វើការបាញ់កម្ទេចបាឡុងនោះចោលតែម្តង ដើម្បីកុំឲ្យវាបង្កជាបញ្ហាធ្ងន់ធ្ងរនៅពេលខាងមុន។ គួររម្លឹកជូនថា កាលពីសប្តាហ៍មុនកងម្លាំងអាមេរិកបានប្រើមីស៊ីលបាញ់កម្ទេចបាឡុងរបស់ចិនមួយរួចហើយ ដោយអាមេរិកបានចោទប្រកាន់ថា បាឡុងនោះ គឺជាបាឡុងចារកម្ម ខណៈភាគីខាងចិនបានបញ្ជាក់ថា វាគឺជាបាឡុងធម្មតា និងបានហោះទៅកាន់ទឹកដីអាមេរិកដោយចៃដន្យប៉ុណ្ណោះ៕ អត្ថបទ៖ ភក្តី ប្រភព៖ Channel

យោងតាមការចុះផ្សាយរបស់បណ្តាញសារព័ត៌មាន Channel News Asia នៅព្រឹកថ្ងៃព្រហស្បតិ៍ ទី៩ ខែកុម្ភៈនេះបានឲ្យដឹងថា ចំនួនអ្នកស្លាប់នៅក្នុងហេតុការណ៍រញ្ជួយដីនៅក្នុងប្រទេសតួកគី និងប្រទេសស៊ីរីបានបន្តកើនឡើងរហូតដល់ជាង ១៥,០០០នាក់​ហើយ ខណៈប្រតិបត្តិការណ៍ស្វែងរកជនរងគ្រោះនៅមិនទាន់បិទបញ្ចប់នៅឡើយទេ។ បញ្ហាអាកាសធាតុបានកំពុងក្លាយជាឧបសគ្គដ៏ចម្បងមួយក្នុងការជួយសង្គ្រោះជនរងគ្រោះ ខណៈអាជ្ញាធរនៃប្រទេសទាំង២ខាងលើបានប្រើប្រាស់ក្រុមអ្នកជួយសង្គ្រោះរាប់ពាន់នាក់នៅក្នុងប្រតិបត្តិការណ៍ជួយជនរងគ្រោះក្នុងរយៈពេល ២ថ្ងៃកន្លងមកនេះ។ សូមបញ្ជាក់ថា​ តួលេខអ្នកស្លាប់ជាក់ស្តែងគិតត្រឹមពេលនេះគឺមានចំនួន ១៥,៣៨៣នាក់ ហើយនៅក្នុងមានពលរដ្ឋតួគីចំនួន ១២,៣៩១នាក់ និងពលរដ្ឋស៊ីរីចំនួន ២,៩៩២នាក់៕ អត្ថបទ៖ ភក្តី ប្រភព៖ Channel News Asia