អាមេរិក៖ សហរដ្ឋអាមេរិកក្រោមរដ្ឋបាលរបស់លោកប្រធានាធិបតី ដូណាល់​ ត្រាំ នឹងលក់គ្រឿងសព្វាវុធ ដែលមានតម្លៃសរុបរហូតដល់ជាង ៧,៤ពាន់លានដុល្លារ ទៅកាន់ប្រទេសអ៊ីស្រាអែល នេះបើយោងតាមការចុះផ្សាយរបស់បណ្តាញសារព័ត៌មាន The Stria Time នៅក្នុងថ្ងៃសៅរ៍ ទី៨ ខែកុម្ភៈ។ បើតាមសេតវិមានអាមេរិកបានបញ្ជាក់ថា​ សេចក្តីអនុម័តលើគម្រោងខាងលើនេះត្រូវបាធ្វើឡើងរួចរាល់ហើយ ខណៈការដឹកជញ្ជូនគ្រឿងសព្វាវុធទាំងអស់នោះនឹងត្រូវធ្វើឡើងក្នុងពេលដ៏ឆាប់ខាងមុខនេះ។ បើតាមភ្នាក់ងារសហប្រតិបត្តិការសន្តិសុខការពារជាតិអាមេរិកបានបញ្ជាក់ថា នៅក្នុងកញ្ចប់គ្រឿងសព្វាវុធដ៏ច្រើនខាងលើនេះ រួមមានកញ្ចប់តូចៗចំនួន ២ផ្សេងគ្នា ដោយកញ្ចប់ទី ១ ដែលមានតម្លៃជាទឹកប្រាក់ចំនួន ៦,៧៥ពាន់លានដុល្លារគឺជាកញ្ចប់សម្រាប់បញ្ជាទិញគ្រាប់បែកជាច្រើនប្រភេទ ឧបករណ៍ណែនាំ និងហ្វុយស៊ីប។ ដោយឡែកនៅក្នុងកញ្ចប់ទី ២វិញ ដែលមានតម្លៃជាទឹកប្រាក់ចំនួន ៦៦០លានដុល្លារគឺជាកញ្ចប់សម្រាប់បញ្ជាទិញមីស៊ីលប្រភេទ Hellfire ដែលជាមីស៊ីលប្រើប្រាស់សម្រាប់បាញ់ប្រឆាំងនឹងរថពាសដែក និងបាញ់កម្ទេចយន្តហោះគ្មានមនុស្សបើក៕ អត្ថបទ៖ ភក្តី

ហុងកុង៖ រដ្ឋាភិបាលហុងកុងគ្រោងនឹងដាក់ពាក្យប្តឹងទៅកាន់អង្គការពាណិជ្ជកម្មពិភពលោក (World Trade Organization) ជុំវិញករណីដែលសហរដ្ឋអាមេរិកបានសម្រេចអនុវត្តច្បាប់ដំឡើងពន្ធនាំចូលក្នុងកម្រិតដ៏ខ្ពស់មួយ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃសៅរ៍​ ទី៨ ខែកុម្ភៈ។ គ​ម្រោងដាក់ពាក្យបណ្តឹងខាងលើនេះត្រូវបានធ្វើឡើងនៅក្នុងរយៈពេលតែប៉ុន្មានថ្ងៃប៉ុណ្ណោះ បន្ទាប់ពីរដ្ឋាភិបាលនៃប្រទេសចិនបានប្រកាសថា នឹងប្តឹងទៅកាន់អង្គការពាណិជ្ជកម្មពិភពលោកជុំវិញករណីដូចគ្នានេះផងដែរ។ គួររម្លឹកជូនថា​​ លោកប្រធានាធិបតីអាមេរិក ដូណាល់ ត្រាំ កាលពីពេលថ្មីៗនេះបានប្រកាសដំឡើងពន្ធនាំចូលពីប្រទេសកាណាដានិងម៉ិចស៊ីកូ ២៥% និងពីប្រទេសចិនចំនួន ១០%បន្ថែមទៀតពីលើអត្រាពន្ធចាស់ ដែលតាមរយៈច្បាប់ថ្មីនេះគឺមានន័យថា ចិននឹងត្រូវបង់ពន្ធលើទំនិញរបស់ខ្លួនដែលត្រូវនាំយកទៅលក់នៅអាមេរិកក្នុងចន្លោះពី ១៥% ទៅដល់ ៦០% តាមមុខទំនិញផ្សេងៗគ្នា ខណៈទំនិញភាគច្រើនរបស់ចិនគឺត្រូវបង់ពន្ធក្នុងអត្រា ៤០%។ សូមរបញ្ជាក់ជូនថា ច្បាប់ដំឡើងពន្ធរបស់សហរដ្ឋអាមេរិកនេះមិនត្រឹមតែផ្តល់ផលប៉ះពាល់ដោយផ្ទាល់ដល់ប្រទេសកាណាដា

អាមេរិក៖ យ៉ាងហោចណាស់មានមនុស្សចំនួន ១០នាក់បានស្លាប់បាត់បង់ជីវិតនៅក្នុងហេតុការណ៍ធ្លាក់យន្តហោះខ្នាតតូចមួយគ្រឿងនៅក្នុងរដ្ឋ Alaska សហរដ្ឋអាមេរិក នេះបើយោងតាមការចុះផ្សាយរបស់បណ្តាញសារព័ត៌មាន AP News នៅក្នុងថ្ងៃទី៨ ខែកុម្ភៈ ឆ្នាំ២០២៥។ បើតាមអាជ្ញាធររដ្ឋ Alaska បានបញ្ជាក់ថា ហេតុការណ៍ធ្លាក់យន្តហោះនេះបានក្លាយជាគ្រោះថ្នាក់ធ្លាក់យន្តហោះបណ្តាលឱ្យមានអ្នកស្លាប់ច្រើនបំផុត ដែល​មិនធ្លាប់កើតមាននៅលើទឹកដី Alaska នោះទេ ក្នុងរយៈពេល ២៥ឆ្នាំចុងក្រោយនេះ។ ប្រភពខាងលើនេះបានបន្តថា ហេតុផលដែលធ្វើឱ្យយន្តហោះត្រូវជួបគ្រោះថ្នាក់បែបនេះគឺដោយសារតែបញ្ហាអាកាសធាតុដែលបានប្រែប្រួលយ៉ាងឆាប់រហ័ស ​ហើយក្រុមអ្នកជំនាញមិនអាចធ្វើការព្យាករណ៍អំពីផលវិបាកនៃបញ្ហាអាកាសធាតុទាំងនោះបានទេមុនពេលយន្តហោះត្រូវធ្វើការហោះហើរ។ បើតាមអាជ្ញាធរអាកាសចរណ៍អាមេរិកបញ្ជាក់ថា មុនពេលរកឃើញថាយន្តហោះបានធ្លាក់គឺយន្តហោះបានបាត់ខ្លួនចេញពីប្រព័ន្ធតាមដានអស់រយៈជាង ១ម៉ោង ហើយតាមការសន្និដ្ឋានគឺយន្តហោះទំនងបានជួបប្រទះនូវព្យុះព្រឹលទឹកកកក្នុងកម្រិតដ៏ខ្លាំងមួយ រហូតធ្វើឱ្យយន្តហោះត្រូវធ្វើដំណើរខុសទិសដៅដែលបានកំណត់ និងចុងក្រោយក៏បានធ្លាក់តែម្តង៕ ប្រភព៖ AP News

ហ្វីលីពីន៖ យ៉ាងហោចណាស់មានមនុស្សចំនួន ៤នាក់បានស្លាប់បាត់បង់ជីវិតនៅក្នុងហេតុការណ៍មានយន្តហោះខ្នាតតូចមួយគ្រឿងបានធ្លាក់នៅក្នុងបរិវេណកសិដ្ឋានមួយកន្លែងនៅភាគខាងត្បូងប្រទេសហ្វីលីពីន នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃសុក្រ​ ទី៧ ខែកុម្ភៈ។ គិតត្រឹមពេលនេះនៅពុំទាន់មានសេចក្តីរាយការណ៍អំពីអត្តសញ្ញាណលម្អិតរបស់ជនរងគ្រោះទាំងអស់នោះនៅឡើយទេ។ យ៉ាងណាក្តី បើយោងតាមទីបញ្ជាការឥណ្ឌូប៉ាស៊ីហ្វិករបស់អាមេរិកបានបញ្ជាក់ថា យន្តហោះដែលបានធ្លាក់នោះគឺជាយន្តហោះដែលស្ថិតនៅក្នុងកិច្ចសន្យាប្រើប្រាស់របស់ក្រសួងការពារជាតិអាមេរិក ខណៈឧប្បត្តិហេតុនេះបានកើតឡើងនៅក្នុងអំឡុងពេល ដែលយន្តហោះកំពុងធ្វើដំណើរក្នុងបេសកកម្មផ្លូវការមួយ  ដែលជាផ្នែកមួយនៃកម្មវិធីគាំទ្រសកម្មភាពកិច្ចសហប្រតិបត្តិការសន្តិសុខអាមេរិក-ហ្វីលីពីន។ គិតត្រឹមពេលនេះគេនៅមិនទាន់បានដឹងច្បាស់អំពីមូលហេតុពិតប្រាកដ ដែលជម្រុញឱ្យមានគ្រោះថ្នាក់នេះកើតឡើងនៅឡើយទេ ខណៈការស៊ើបអង្កេតកំពុងត្រូវបានធ្វើឡើង៕ អត្ថបទ៖ ភក្តី ប្រភព៖ The Strait Time

អាមេរិក៖ យន្តហោះដឹកអ្នកដំណើរចំនួន ២គ្រឿង បានប៉ះទង្គិចគ្នានៅក្នុងព្រលានយន្តហោះ Seattle-Tacoma Airport សហរដ្ឋអាមេរិក នេះបើយោងតាមការចុះផ្សាយរបស់បណ្តាញសារព័ត៌មាន  Ny Post​ ។ នៅក្នុងចំណោមយន្តហោះដឹកអ្នកដំណើរទាំង ២គ្រឿងនេះ រួមមានយន្តហោះរបស់ក្រុមហ៊ុនអាកាសចរណ៍ Japan Airlines មួយគ្រឿង និងមួយគ្រឿងទៀតគឺជាយន្តហោះដឹកអ្នកដំណើររបស់ក្រុមហ៊ុនអាកាសចរណ៍ Delta Airlines។ ប្រភពខាងលើបានបន្តថា ការប៉ះទង្គិចគ្នាបានកើតឡើងនៅក្នុងអំឡុងពេលដែលយន្តហោះទាំង ២បានចុះចតមកដល់ដីរួចរាល់ហើយ ពោល គឺមិនមែនជាការប៉ះទង្គិចគ្នានៅលើអាកាសនោះទេ។ បើតាមអាជ្ញាធរអាកាសចរណ៍អាមេរិកបានបញ្ជាក់ថា ការប៉ះទង្គិចគ្នានេះគឺជាប៉ះទង្គិចរវាងកន្ទុយយន្តហោះមួយគ្រឿងជាមួយនឹងស្លាបរបស់យន្តហោះមួយគ្រឿងទៀត ខណៈហេតុការណ៍នេះមិនបានបណ្តាលឱ្យអ្នករងរបួសនោះទេ។ យ៉ាងណាក្តី ឧប្បត្តិហេតុចៃដន្យនេះបានបង្កឱ្យមានការព្រួយបារម្ភមួយចំពោះសុវត្ថិភាពប្រព័ន្ធអាកាសចរណ៍សហរដ្ឋអាមេរិកផងដែរ ដ្បិតកាលពីសប្តាហ៍មុនអាមេរិកបានជួបគ្រោះថ្នាក់ធំៗរហូតដល់ ២លើក ដោយទី១ គឺជាការបុកគ្នារវាងយន្តហោះដឹកអ្នកដំណើរជាមួយនិងឧទ្ធម្ភាគចក្រយោធាអាមេរិក ដែលបានបណ្តាលឱ្យមានអ្នកស្លាប់បាត់បង់ជីវិតសរុបចំនួន

ថៃ៖ អាជ្ញាធរថៃបានចេញសេចក្តីណែនាំមួយឱ្យប្រជាពលរដ្ឋខ្លួនពិចារណាឡើងវិញចំពោះការធ្វើដំណើរកម្សាន្តទៅកាន់ប្រទេសជប៉ុន ដ្បិតនៅក្នុងប្រទេសជប៉ុនកំពុងមានការរាតត្បាតជំងឺផ្តាសាយយ៉ាងខ្លាំង​ នេះបើយោងតាមការចុះផ្សាយរបស់បណ្តាញសារព័ត៌មាន Nation Thailand។ ការដាក់ចេញសេចក្តីណែនាំនេះត្រូវបានធ្វើឡើងក្រោយអាជ្ញាធរសុខាភិបាលជប៉ុនបានប្រកាសរកឃើញ មានអ្នកឆ្លងជំងឺផ្តាសាយសរុបចំនួន ៩,៥២៣ លានករណី នៅក្នុងរយៈពេល ១៤៤ថ្ងៃចុងក្រោយនេះ។ បើតាមលោកវេជ្ជបណ្ឌិត​ Jade Boonyawongwiroj ដែលជាជំនួយការប្រចាំនៅមន្ទីរពេទ្យ Maharat Nakhon Ratchasima ក្នុង​ប្រទេសថៃបានផ្តល់ដំបូន្មានថា ប្រសិនបើការធ្វើដំណើរទៅកាន់ប្រទេសជប៉ុននៅក្នុងអំឡុងពេលនេះគឺជារឿងចាំបាច់មិនអាចខកខានបាននោះ អ្នកដំណើរទាំងអស់គួរដាក់ថ្នាំផ្តាសាយតាមខ្លួនដើម្បីងាយស្រួលលេបក្នុងករណីបានឆ្លងជំងឺផ្តាសាយ ខណៈលទ្ធភាពនៃការឆ្លងជំងឺផ្តាសាយនៅក្នុងប្រទេសជប៉ុនគឺមានខ្ពស់ខ្លាំងណាស់។ ចំពោះថ្នាំព្យាបាលជំងឺផ្តាយ ដែលលោកវេជ្ជបណ្ឌិត Jade Boonyawongwiroj បានណែនាំឱ្យអ្នកដំណើរទៅប្រទេសជប៉ុនគួរយកតាមខ្លួនវិញ គឺថ្នាំ Oseltamivir ឬថ្នាំម៉ាកផ្សេងៗទៀត ដែលមានគុណភាពដូចថ្នាំប្រទេសនេះ។ សូមបញ្ជាក់ជូនថា ជាមួយនឹងតួលេខអ្នកឆ្លងជំងឺផ្តាសាយជាង ៩លានករណីខាងលើនេះគឺមានន័យថា

អូស្រ្តាលី៖ ខណៈដែលពិភពលោកកំពុងចាប់អារម្មណ៍ខ្លាំងទៅលើកម្មវិធីបញ្ញាសិប្បនិម្មិត DeepSeek អាជ្ញាធរអូស្រ្តាលីនៅក្នុងថ្ងៃអង្គារ ទី៤ ខែកុម្ភៈនេះ បានសម្រេចហាមឃាត់គ្រប់ប្រព័ន្ធបច្ចេកវិទ្យា និងឧបករណ៍អេឡិចត្រូនិចរបស់រដ្ឋាភិបាល​ទាំងអស់មិនឱ្យប្រើប្រាស់កម្មវិធីរបស់ប្រទេសចិនមួយនេះឡើយ។ យោងតាមការចុះផ្សាយរបស់បណ្តាញសារព័ត៌មាន The Strait Time បានបញ្ជាក់ថា ការសម្រេចហាមឃាត់នេះ គឺត្រូវបានធ្វើឡើងក្នុងគោលបំណងសំខាន់តែមួយគត់ គឺការពារសន្តិសុខជាតិ។ សូមរម្លឹកជូនថា កាលពីដើមសប្តាហ៍កន្លងមកនេះ រដ្ឋាភិបាលតៃវ៉ាន់ ក៏បានចេញបទបញ្ជាយ៉ាងតឹងរឹងហាមឃាត់គ្រប់ស្ថាប័នជាតិទាំងអស់មិនឱ្យប្រើប្រាស់កម្មវិធីបញ្ញាសិប្បនិម្មិត DeepSeek នេះដែរ ក្នុងហេតុផលដើម្បីការពារសន្តិខុសជាតិដូចគ្នា ពោលគឺការពារការលួចតាមដាន ឬ លួចប្រមូលយកព័ត៌មានសំខាន់ៗរបស់ជាតិពីសំណាក់កម្មវិធី DeepSeek នេះតែម្តង។ សូមបញ្ជាក់ជូនថា ក្រៅតែពីកោះតៃវ៉ាន់និងអូស្រ្តាលី ប្រទេសបារាំង អ៊ីតាលី កូរ៉េខាងត្បូង និងប្រទេសអៀរឡង់ ក៏កំពុងតាមដានយ៉ាងចិត្តទុកដាក់ចំពោះកម្មវិធី DeepSeek ផងដែរ ដើម្បីធ្វើឱ្យប្រាកដថា

កូរ៉េខាងត្បូង៖ អាជ្ញាធរនៃប្រទេសកូរ៉េខាងត្បូងបានចេញសេចក្តីព្រមានជាផ្លូវការមួយឱ្យពលរដ្ឋមានការប្រុងប្រយ័ត្នខ្ពស់ចំពោះបញ្ហាអាកាសធាតុដែលអាចនឹងចុះត្រជាក់ខ្លាំងក្នុងទីក្រុងសេអ៊ូល នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃអង្គារ ទី៤ ខែកុម្ភៈ។​ សេចក្តីព្រមានខាងលើនេះត្រូវបានធ្វើឡើងក្រោយសីតុណ្ហភាពនៅពេលព្រឹកព្រលឹមក្នុងទីក្រុងសេអ៊ូលបានធ្លាក់ចុះដល់កម្រិតក្រោម -១៥អង្សាសេក្នុងរយៈពេល ២ថ្ងៃជាប់គ្នាមកហើយ។ បន្ថែមពីការធ្លាក់ចុះសីតុណ្ហភាពជារួមរហូតដល់កម្រិត -១៥អង្សាសេហើយ នៅក្នុងថ្ងៃអង្គារ ​ទី៤ ខែកុម្ភៈនេះ ទីក្រុងសេអ៊ូលក៏បានជួបប្រទះនូវបញ្ហាខ្យល់ត្រជាក់ (Wind Chill) បោកបក់ជារឿយៗផងដែរ ដោយខ្យល់ត្រជាក់នោះបាននាំយកសីតុណ្ហភាពត្រជាក់រហូតដល់ -២២អង្សាសេឯណោះ។ យ៉ាងណាក្តី ខ្យល់ត្រជាក់នេះគ្រាន់តែបោកបក់ឆ្លងកាត់មួយភ្លែតៗតែប៉ុណ្ណោះ ហើយបន្ទាប់ពីខ្យល់ត្រជាក់នេះរសាត់បាត់ទៅ សីតុណ្ហភាពក៏បានត្រលប់មកកាន់កម្រិត -១៥អង្សាសេ។ អ្វីដែលជារឿងគួរឱ្យគត់សម្គាល់បន្ថែមទៀតនោះ គឺអាជ្ញាធរឧតុនិយមកូរ៉េខាងត្បូងបានបានព្យាករណ៍ថា សីតុណ្ហភាពនៅក្នុងទីក្រុងសេអ៊ូលនឹងបន្តធ្លាក់ចុះនៅក្នុងកម្រិតខ្ទង់ -១២អង្សាសេក្នុងរយៈពេលជាច្រើនថ្ងៃបន្ថែមទៀតផងដែរ៕ អត្ថបទ៖ ភក្តី ប្រភព៖ The Strait

ចិន៖ ធ្លាប់តែឃើញគេធ្វើឱ្យគូស្នេហ៍ទទួលបានអារម្មណ៍ភ្ញាក់ផ្អើលតាមរយៈការដាក់បង្កប់ចិញ្ចៀនសុំរៀបការនៅក្នុងនំខេក បុរសជនជាតិចិនម្នាក់ក៏បានព្យាយាមធ្វើសកម្មភាពដូចគ្នានេះទៅកាន់មិត្តស្រីរបស់គាត់ដែរ តែលទ្ធផលគាត់បែរជាមិនសមប្រកបទៅវិញ។ យោងតាមការចុះផ្សាយរបស់បណ្តាញសារព័ត៌មាន South China Morning Post បានបញ្ជាក់ថា រឿងរ៉ាវហួសចិត្តនេះត្រូវបានអ្នកលេងបណ្តាញសង្គមចិនធ្វើការចែករំលែកពេញបណ្តាញអ៊ីនធឺណិត ខណៈអត្តសញ្ញាណរបស់បុរសនិងស្រី្តជាគូស្នេហ៍មិនត្រូវបានបានគេបង្ហាញសាធារណៈឡើយ។ យោងតាមអ្នកប្រើប្រាស់បណ្តាញអ៊ីនធឺណិតចិនម្នាក់ឈ្មោះ Liu រស់នៅក្នុងខេត្ត Sichuan ភាគខាងត្បូងប្រទេសចិនបានឱ្យដឹងថា ហេតុការណ៍ដ៏ហួសចិត្តនេះបានកើតឡើងក្រោយមានបុរសម្នាក់បានទិញនំខេកមួយដោយដាក់បង្កប់នូវចិញ្ចៀនមាសមួយវង់​នៅក្នុងនំនោះ ហើយយកវាទៅជូនមិត្តស្រ្តីគាត់។ អ្វីដែលគាត់រំពឹងទុកនោះ គឺមិត្តស្រ្តីរបស់គាត់នឹងប្រទះឃើញចិញ្ចៀនដោយចៃដន្យក្នុងពេលកាត់នំ​ ហើយភ្លាមនោះគាត់នឹងលុតជង្គង់សុំនាងរៀបការតែម្តង ពោលគឺធ្វើដូចសកម្មភាពដែលគាត់ធ្លាប់បានមើលឃើញនៅក្នុងខ្សែភាពយន្តអីចឹងដែរ។ យ៉ាងណាក្តីអ្វីដែលបានកើតឡើងជាក់ស្តែងនោះគឺថា ក្រោយពេលកាត់នំភ្លាម ស្រី្តជាគូស្នេហ៍មិនបានឃើញចិញ្ចៀននោះទេ ហើយដោយគាប់ចួននាងកំពុងឃ្លានផងនោះ នាងក៏បានញ៉ាំនំខេកនោះយ៉ាងលឿនដោយបានទំពារទាំងចិញ្ចៀននោះឱ្យបែបជាច្រើនបំណែកនិងស្ទើរតែបានលេបបំណែកចិញ្ចៀនចូលទៅក្នុងពោះទៀតផង តែសំណាងល្អនាងបានខ្ជាក់មកវិញទាន់ បើមិនដូចនោះទេនាងទំនងជាត្រូវស្លាក់ចិញ្ចៀននោះស្លាប់តែម្តង។ ហេតុការណ៍នេះអាចជាមេរៀនមួយសម្រាប់លោកអ្នកឱ្យត្រូវចេះប្រុងប្រយ័ត្ននិងចងចាំថា សកម្មភាពពិតជាក់ស្តែងអាចនឹងមិនងាយស្រួលធ្វើដូចសកម្មភាពនៅក្នុងខ្សែភាពយន្តនោះទេ៕ អត្ថបទ៖ ភក្តី ប្រភព៖

អាមេរិក៖ ក្រុមហ៊ុន Salesforce របស់សហរដ្ឋអាមេរិកបានប្រកាសកាត់បន្ថយបុគ្គលិកចំនួន ១,០០០នាក់ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃអង្គារ ទី៤ ខែកុម្ភៈ។ ការប្រកាសកាត់បន្ថយបុគ្គលិកក្នុងចំនួនដ៏ច្រើននេះត្រូវបានគេមើលឃើញថា បានកើតឡើងស្របពេលដែលក្រុមហ៊ុនបច្ចេកវិទ្យាដ៏ធំមួយនេះកំពុងត្រូវការបុគ្គលិកផ្នែកលក់ជាច្រើននាក់ ដើម្បីលក់ផលិតផលបញ្ញាសិប្បនិម្មិត (AI) ថ្មីរបស់ខ្លួនផងដែរ។ បើតាមតំណាងក្រុមហ៊ុន Salesforce បានបញ្ជាក់ថា ការបញ្ឈប់បុគ្គលិកក្នុងចំនួន ១,០០០នាក់នៅដើមឆ្នាំ ២០២៥ នេះ គឺត្រូវបានធ្វើឡើងស្របតាមតម្រូវការជាក់ស្តែងរបស់ក្រុមហ៊ុន ដ្បិតក្រុមបុគ្គលិកនេះទាំងនេះគឺជាក្រុមអ្នកបម្រើការងារនៅក្នុងផ្នែកដែលពុំមានភាពចាំបាច់ខ្លាំងសម្រាប់ក្រុមហ៊ុនទៀតនោះទេ។ ក្នុងន័យដូចគ្នានេះ ការជ្រើសរើសបុគ្គលិកផ្នែកលក់ថ្មីមួយចំនួនក៏ត្រូវបានធ្វើឡើងតាមភាពចាំបាច់របស់ក្រុមហ៊ុនដែរ ដោយនៅក្នុងពេលនេះក្រុមហ៊ុនកំពុងត្រូវការបុគ្គលិកមានជំនាញផ្នែកលក់ជាច្រើននាក់សម្រាប់ធ្វើទីផ្សារនិងលក់ផលិតផលបញ្ញាសិប្បនិម្មិត (AI)ថ្មីរបស់ក្រុមហ៊ុន។ សូមបញ្ជាក់ជូនថា គិតត្រឹមពេលនេះក្រុមហ៊ុន Salesforce ដែលមានមូលដ្ឋាននៅក្នុងទីក្រុង San Francisco រដ្ឋ