ឡាវ៖ មានអ្នកដំណើរជនជាតិអូស្រ្តាលីម្នាក់ទៀតបានស្លាប់បាត់បង់ជីវិតដោយសារពុលស្រានៅក្នុងប្រទេសឡាវ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time កាលពីយប់ថ្ងៃសុក្រ ទី២២ ខែវិច្ឆិកា។ គិតត្រឹមពេលនេះតួលេខភ្ញៀវទេសចរអន្តរជាតិដែលបានស្លាប់ដោយការពុលស្រានៅក្នុងប្រទេសឡាវបានកើនឡើងរហូតដល់ចំនួន ៦នាក់ក្នុងរយៈពេលប៉ុន្មានថ្ងៃចុងក្រោយនេះ។ ប្រភពខាងលើបានបន្តថា ជនរងគ្រោះដែលបានស្លាប់បាត់បង់ជីវិតទី ៦នេះ គឺជាមិត្តភក្តិជិតស្និតរបស់យុវតីអូស្រ្តាលីម្នាក់ដែលបានស្លាប់បាត់បង់ជីវិតដោយសារហេតុផលដូចគ្នានេះកាលពីថ្ងៃពុធកន្លងទៅ និងជាករណីស្លាប់ទី ៤ ផងដែរ។ ជុំវិញករណីមានពលរដ្ឋខ្លួនពុលស្រាស្លាប់ជាបន្តបន្ទាប់នេះ ក្រសួងការបរទេសទូតអូស្រ្តាលីបានសម្តែងនូវការសោកស្តាយយ៉ាងខ្លាំង និងបានអះអាងថា សោកនាដកម្មនេះនឹងស្ថិតនៅក្នុងការចងចាំរបស់ពលរដ្ឋអូស្រ្តាលីគ្រប់រូបផងដែរ។ សូមបញ្ជាក់ជូនថា ករណីពុលស្រាខាងលើនេះ បានកើតឡើងដោយសារក្រុមជនរងគ្រោះបានទទួលទានស្រាក្លែងក្លាយក្នុងអំឡុងពួកគេទៅដើរកម្សាន្តនៅក្នុងទីក្រុង Vang Vieng នៃប្រទេសឡាវ ខណៈនៅក្នុងស្រាទាំងនោះ មានផ្ទុកទៅដោយជាមេតាណុលយ៉ាងច្រើន ដែលធ្វើអ្នកផឹកត្រូវក្អួតចង្អោរ ខួរក្បាលឡើងហើមរហូតដាច់សរសៃឈាមស្លាប់តែម្តង៕ អត្ថបទ៖ ភក្តី ប្រភព៖ The

ចិន៖ បុរសជនជាតិចិនបានឈ្នះក្តីនៅតុលាការនិងទទួលបានប្រាក់សំណងជិត ៥ម៉ឺនដុល្លារជុំវិញករណីដែលក្រុមហ៊ុនបានបញ្ឈប់រូបគាត់ពីការងារព្រោះតែគាត់បានដេកលក់លើតុការងារអស់រយៈពេល ១ម៉ោង នេះបើយោងតាមការចុះផ្សាយរបស់បណ្តាញសារព័ត៌មាន South China Morning Post នៅក្នុងថ្ងៃសុក្រ​ ទី២២ ខែវិច្ឆិកា។ ក្រុមហ៊ុនដែលជាកន្លែងកើតហេតុនេះគឺជាក្រុមហ៊ុនគីមីមួយកន្លែងស្ថិតនៅក្នុងក្រុង Taixing ខេត្ត Jiangsu ភាគខាងត្បូងនៃប្រទេសចិន។ បុរសជាដើមបណ្តឹងមានឈ្មោះថា Zhang ជាអតីតប្រធាននាយកដ្ឋាននៅក្នុងក្រុមហ៊ុនខាងលើ និងមានបទពិសោធន៍ធ្វើការងារជាមួយក្រុមអស់រយៈប្រមាណជា ២០ឆ្នាំមកហើយ។ ប្រភពខាងលើបានបន្តថា មុនពេលត្រូវបានក្រុមហ៊ុនសម្រេចបញ្ឈប់ រូបគាត់ពីការងារ គឺរូបគាត់បានដេកលក់នៅលើតុការងាររបស់គាត់អស់រយៈពេល ១ម៉ោង ហើយនៅក្នុងថ្ងៃនោះការងាររបស់គាត់ក៏ត្រូវយឺតនិងបានប៉ះពាល់ដល់លំហូរការងារមួយចំនួននៅក្នុងក្រុមហ៊ុនផងដែរ។ ប៉ុន្មានថ្ងៃបន្ទាប់មក លោក Zhang ក៏ទទួលបានលិខិតបញ្ឈប់ពីការងារ ដ្បិតថ្នាក់ដឹកនាំរបស់ក្រុមហ៊ុនបានខឹងនឹងគាត់ចំពោះចំណុចអសកម្មខាងលើនេះ។ យ៉ាងណាក្តី ក្រោយត្រូវបានបញ្ឈប់ពីការងារភ្លាម លោក Zhang ហាក់មិនពេញចិត្តនឹងការសម្រេចរបស់ក្រុមហ៊ុននោះទេ ដ្បិតកំហុសរបស់គាត់មិនមែនជាកំហុសធំដុំអ្វីឡើយ

ហ្វីលីពីន៖ យ៉ាងហោចណាស់មានពលរដ្ឋហ្វីលីពីនចំនួន ១២នាក់បានស្លាប់បាត់បង់ជីវិតដោយសារតែឥទ្ធិរបស់ព្យុះទីហ្វុង Man-yi នេះបើយោងតាមការចុះផ្សាយរបស់បណ្តាញសារព័ត៌មាន​ Channel News Asia នៅរសៀលថ្ងៃព្រហស្បតិ៍ ទី២១ ខែវិច្ឆិកា។ ក្រៅតែពីបានរកឃើញមានអ្នកស្លាប់បាត់បង់ជីវិតជាង ១០នាក់ហើយ គិតត្រឹមពេលនេះក៏នៅមានពលរដ្ឋចំនួន​៤នាក់ផ្សេងទៀតកំពុងតែបាត់ខ្លួនផងដែរ។ បើតាមអាជ្ញាធរគ្រប់គ្រងគ្រោះមហន្តរាយហ្វីលីពីនបានបញ្ជាក់ថា ព្យុះទីហ្វុង Man-yi បានធ្វើដំណើរក្នុងល្បឿនរហូតដល់ ១៨៥គីឡូម៉ែត្រក្នុងមួយម៉ោង និងកំពុងបង្កឱ្យមានភ្លៀងធ្លាក់យ៉ាងខ្លាំងនៅតាមតំបន់សំខាន់ៗជាច្រើនក្នុងខេត្ត Aurora ភាគខាងជើងនៃប្រទេសហ្វីលីពីន។ ប្រភពខាងលើបានបន្តថា ព្យុះទីហ្វុង Man-yi គឺជាព្យុះទី ៦ហើយ ដែលបានវាយប្រហារប្រទេសហ្វីលីពីននៅក្នុងខែនេះ ខណៈព្យុះទាំង ៦លើកនេះ បានបណ្តាលឱ្យមានអ្នកស្លាប់អស់ចំនួន ១៧៥នាក់ផងដែរ​៕ អត្ថបទ៖ ភក្តី ប្រភព៖ Channel News Asia

ឡាវ៖ តួលេខភ្ញៀវទេសចរអន្តជាតិដែលបានស្លាប់បាត់បង់ជីវិតដោយសារពុលស្រានៅក្នុងប្រទសឡាវបានបន្តកើនឡើងដល់ចំនួន ៥នាក់ហើយគិតក្នុងរយៈពេលប៉ុន្មានថ្ងៃចុងក្រោយនេះ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time កាលពីយប់ថ្ងៃព្រហស្បតិ៍ ទី២១​ ខែវិច្ឆិកា។ ជនរងគ្រោះដែលបានស្លាប់ចុងក្រោយគេនិងជាជនរងគ្រោះទី ៥នោះ គឺជាស្រ្តីជនជនជាតិអង់គ្លេស ដែលមានអាយុ ២៨ឆ្នាំ។ គួររម្លឹកជូនថា កាលពីរសៀលម្សិលមិញនេះក៏មានភ្ញៀវទេសចរជនជាតិអូស្រ្តាលីម្នាក់ឈ្មោះ Bianca Jones ភេទស្រី អាយុ ១៩ឆ្នាំ បានស្លាប់បាត់បង់ជីវិតដោយសារបញ្ហាដូចគ្នានេះផងដែរ ក្រោយបញ្ជូនទៅព្យាបាលនៅមន្ទីរពេទ្យក្នុងប្រទេសថៃ។ ចំពោះករណីស្លាប់របស់យុវតីអូស្រ្តាលីរូបនេះវេជ្ជបណ្ឌិតថៃបានបញ្ជាក់ថា នៅក្នុងខ្លួនរបស់ជនរងគ្រោះមានផ្ទុកទៅដោយសារធាតុមេតាណុលច្រើនលើសកម្រិត ដ្បិតរូបនាងបានទទួលទានស្រាក្លែងក្លាយយ៉ាងច្រើនក្នុងអំឡុងពេលទៅកម្សាន្តនៅក្នុងទីក្រុង Vang Vieng នៃប្រទេសឡាវ ហើយជាតិមេតាណុលដ៏ច្រើននោះបានធ្វើឱ្យខួរក្បាលរបស់នាងត្រូវហើមនិងដាច់សរសៃឈាមស្លាប់តែម្តង។ សូមបញ្ជាក់ជូនផងដែរថា  ភ្ញៀវទេសចរដែលបានស្លាប់បាត់បង់ជីវិតទាំង ៥នាក់នោះរួមមាន ភ្ញៀវទេសចរជនជាតិអង់គ្លេសម្នាក់ ជនជាតិអូស្រ្តាលីម្នាក់

អាមេរិក៖ តុលាការក្រុងញូវយ៉ក សហរដ្ឋអាមេរិក សម្រេចចោទប្រកាន់មហាសេដ្ឋីលំដាប់ពិភពលោកជនជាតិឥណ្ឌាម្នាក់គឺលោក Gautam Adani អំពីបទសូកប៉ាន់និងកន្លែងបន្លំក្នុងសំណុំរឿងដែលមានទំហំទឹកប្រាក់រាប់ពាន់លានដុល្លារ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃព្រហស្បតិ៍ ទី២១​ ខែវិច្ឆិកា។ តាមការរកឃើញរបស់អាជ្ញាធរអាមេរិក គឺលោកមហាសេដ្ឋី  Gautam Adani បានយកប្រាក់ចំនួន ២៥០លានដុល្លារទៅសូកប៉ាន់មន្រ្តីរដ្ឋាភិបាលឥណ្ឌាជាថ្នូរនឹងការទទួលសិទ្ធផ្គត់ផ្គង់ថាមពលសូឡា ខណៈយោងតាមភាពជាក់ស្តែងគឺក្រុមហ៊ុនរបស់លោកមិនត្រូវទទួលបានសិទ្ធអនុញ្ញាតនេះទេ។ ប្រភពខាងលើបានបន្តថា តាមរយៈការសូកប៉ាន់នេះ ក្រុមហ៊ុនរបស់លោកមហាសេដ្ឋី Gautam Adani អាចនឹងប្រមូលបានប្រាក់ចំណូលមកវិញប្រមាណជាខ្ទង់ ២០លានដុល្លារនៅក្នុងរយៈពេល ២០ឆ្នាំទៅមុខទៀត។ ក្រៅពីបានរកឃើញករណីសូកប៉ាន់ខាងលើនេះហើយ តុលាការអាមេរិក៏បានរកឃើញផងដែរថា នាពេលកន្លងមកលោកមហាសេដ្ឋី Gautam Adani ធ្លាប់បានក្លែងបន្លំឯកសារ និងប្រឌិដ្ឋព័ត៌មានស្តីពីការវិនិយោគមួយចំនួនក្នុងគោលបំណងធ្វើឱ្យតម្លៃហ៊ុននៅក្នុងក្រុមហ៊ុនមួយចំនួនរបស់គាត់បានឡើងថ្លៃខ្ពស់ជាងភាពជាក់ស្តែង។

អូស្រ្តាលី៖ អូស្រ្តាលីគ្រោងនឹងបង្កើតច្បាប់ហាមឃាត់កុមារអាយុក្រោម​ ១៦ឆ្នាំមិនឱ្យប្រើប្រាស់បណ្តាញសង្គមនានា នេះបើយោងតាមការចុះផ្សាយរបស់បណ្តាញសារព័ត៌មាន Reuters នៅក្នុងថ្ងៃព្រហស្បតិ៍ ទី២១ ខែវិច្ឆិកា។ គិតត្រឹមពេលនេះគម្រោងបង្កើតច្បាប់ដ៏តឹងរឹងនេះកំពុងត្រូវបានពិភាក្សាគ្នាយ៉ាងល្អិតល្អន់នៅក្នុងសភាអូស្រ្តាលី ខណៈគេនៅមិនទាន់បានដឹងអំពីពេលវេលាជាក់លាក់នៃការអនុម័តជាផ្លូវការនៅឡើយទេ។ ប្រភពខាងលើបានបន្តថា នៅក្នុងគម្រោងបង្កើតច្បាប់ខាងលើនេះ អាជ្ញាធរអូស្រ្តាលីក៏គ្រោងធ្វើការរឹតបន្តឹងទៅលើក្រុមហ៊ុនគ្រប់គ្រងបណ្តាញសង្គមផងដែរ ពោលបើក្រុមហ៊ុនណានៅតែបន្តផ្តល់ភាពងាយស្រួលឬអនុញ្ញាតដល់កុមារអាយុក្រោម ១៦ឆ្នាំឱ្យបន្តប្រើប្រាស់បណ្តាញសង្គមរបស់ពួកគេ ឬមិនចូលរួមអនុវត្តតាមច្បាប់ថ្មីនេះទេ គឺក្រុមហ៊ុនទាំងនោះត្រូវប្រឈមនឹងការពិន័យជាប្រាក់ចំនួន ៤៩,៥លានដុល្លារអូស្រ្តាលី (៣២លានដុល្លារអាមេរិក)។ សូមបញ្ជាក់ជូនថា គោលបំណងនៃការអនុវត្តច្បាប់ខាងលើនេះគឺដើម្បីការពារកុមារពីឥទ្ធិពលអាក្រក់ ការបោកប្រាស់ និងការរំលោភបំពានក្នុងរូបផ្សេងៗ ដែលតែងកើតឡើងនៅលើបណ្តាញសង្គម៕ អត្ថបទ៖ ភក្តី ប្រភព៖ Reuters

ជប៉ុន៖ ជប៉ុនគ្រោងនឹងអនុម័តកញ្ចប់ថវិកាដែលមានតម្លៃសរុបរហូតដល់ ៨៧​ពាន់លានដុល្លារ ដើម្បីជួយជំរុញសេដ្ឋកិច្ចជាតិ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃទី២០ ខែវិច្ឆិកា។ គិតត្រឹមពេលនេះគម្រោងចាយប្រាក់ដ៏ច្រើនខាងលើត្រូវបានសមាជិកសភាជប៉ុនមកពីគ្រប់គណបក្សបោះឆ្នោតគាំទ្រហើយ ខណៈសេចក្តីអនុម័តផ្លូវការនឹងត្រូវធ្វើឡើងនៅក្នុងថ្ងៃសុក្រខាងមុខនេះ។ ប្រភពខាងលើបានបន្តថា កញ្ចប់ថវិកាចំនួន ៨៧ពាន់លានដុល្លារខាងលើនេះនឹងត្រូវយកទៅបែងចែកជាកញ្ចប់ជំនួយតូចជាច្រើនដូចជា ការលើកលែងពន្ធលើប្រាក់ចំណូលពីពលរដ្ឋគោលដៅមួយចំនួន និងការបន្ថយពន្ធលើប្រេងសាំងមួយចំនួនផងដែរ។ ជាងទៅទៀត កញ្ចប់ថវិកាមួយចំនួនក៏ត្រូវបានប្រើប្រាស់ក្នុងការផ្តល់ប្រាក់ឧបត្ថម្ភផ្ទាល់ទៅកាន់ប្រជាពលរដ្ឋផងដែរ ដូចជាផ្តល់ប្រាក់ចំនួន​ ៣០,០០០ យេន (១៩៣​ ដុល្លារ) ដល់គ្រួសារដែលមានប្រាក់ចំណូលទាប និងផ្តល់ប្រាក់ចំនួន ២០,០០០ យេន (១២៨ ដុល្លារ) ចំពោះកូនម្នាក់ទៅកាន់ក្រុមគ្រួសារដែលមានសមាជិកនៅក្នុងបន្ទុកច្រើនផងដែរ៕ អត្ថបទ៖ ភក្តី ប្រភព៖ Channel

ឥណ្ឌា៖ អាជ្ញាធរឥណ្ឌាបានពិន័យក្រុមហ៊ុនគ្រប់គ្រងលើបណ្តាញសង្គម​ WhatApp ជាប្រាក់ចំនួន ២៤,៤ លានដុល្លារជុំវិញករណីបំពានសិទ្ធឯកជនភាពរបស់ក្រុមអ្នកប្រើប្រាស់នៅក្នុងប្រទេសឥណ្ឌា នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃអង្គារ ទី១៩ ខែវិច្ឆិកា។ បើតាមគណៈកម្មការប្រកួតប្រជែងនៃប្រទេសឥណ្ឌាបានបញ្ជាក់ថា ក្រុមហ៊ុន WhatAppt តែងលួចប្រមូលយកទិន្នន័យផ្ទាល់ខ្លួនរបស់អ្នកប្រើប្រាស់ដើម្បីផ្តល់ទៅឱ្យក្រុមហ៊ុន Facebook ដោយគ្មានការអនុញ្ញាតនោះទេ ខណៈក្រុមអ្នកប្រើប្រាស់ទាំងអស់នោះក៏មិនបានដឹងខ្លួនដែរ។ ប្រភពខាងលើបានបន្តថា ការលួចប្រមូលទិន្នន័យផ្ទាល់ខ្លួនរបស់អ្នកប្រើប្រាស់បណ្តាញសង្គម WhatApp ដើម្បីផ្តល់ទៅឱ្យក្រុមហ៊ុន Facebook នេះ គឺត្រូវបានធ្វើឡើងក្នុងគោលបំណងដើម្បីគេងចំណេញការផ្សព្វផ្សាយពាណិជ្ជកម្ម ពោលគឺក្រុមហ៊ុន Facebook នឹងរៀបចំប្រភេទផលិតផលឱ្យអ្នកប្រើប្រាស់បណ្តាញសង្គមរបស់ខ្លួនបានឃើញ តាមរយៈការវិភាគទៅលើទិន្នន័យដែលក្រុមហ៊ុនទទួលបានដោយសម្ងាត់ពី WhatApp។ ទន្ទឹមនឹងការពិន័យជាប្រាក់ក្នុងចំនួនដ៏ច្រើននេះ អាជ្ញាធរឥណ្ឌាក៏បានដាក់ចេញនូវវិធានការរឹតបន្តឹងមួយចំនួនបន្ថែមទៀតផងដែរទៅលើបណ្តាញសង្គម WhatApp ដើម្បីការពារកុំឱ្យក្រុមហ៊ុនដែលមានមូលដ្ឋាននៅសហរដ្ឋអាមេរិកមួយអាចបន្តលួចប្រមូលយកទិន្នន័យអ្នកប្រើប្រាស់ដោយគ្មានការអនុញ្ញាតទៀត៕ អត្ថបទ៖ ភក្តី ប្រភព៖ The Strait

អាមេរិក៖ យ៉ាងហោចណាស់មានមនុស្សម្នាក់បានស្លាប់បាត់បង់ជីវិតបង្កឡើងដោយបញ្ហាជាប់ទាក់ទងនឹងការទទួលទានការ៉ុតសរីរាង្គនៅក្នុងសហរដ្ឋអាមេរិក នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃចន្ទ ទី១៨ ខែវិច្ឆិកា។ ក្រៅតែពីបានបណ្តាលឱ្យមានមនុស្សត្រូវស្លាប់បាត់បង់ជីវិតហើយ ក៏នៅមានមនុស្សចំនួន ៣៩នាក់ផ្សេងទៀតបានធ្លាក់ខ្លួនឈឺផងដែរ ព្រោះតែបញ្ហាដូចគ្នានេះ។ បើយោងតាមនិយតករសហព័ន្ធអាមេរិកបានបញ្ជាក់ថា ជនរងគ្រោះបានស្លាប់បាត់បង់ជីវិតនិងអ្នកដែលបានធ្លាក់ខ្លួនឈឺទាំងអស់នោះគឺសុទ្ធតែបានកើតមានអាការរាគធ្ងន់ធ្ងរ ឈឺពោះ អស់កម្លាំង ខ្សោះជាតិទឹកនៅក្នុងខ្លួន និងឡើងកម្តៅខ្ពស់លើសពី ៣៨,៨ អង្សាសេជាដើម។ ប្រភពខាងលើបានបន្តថា បញ្ហាសុខភាពទាំងនេះបានបង្កឡើងដោយមេរោគម្យ៉ាងមានឈ្មោះថា E. coli ដែលមាននៅក្នុងការ៉ុតសេរីរាង្គ ហើយជាទូទៅមេរោគប្រភេទនេះអាចបង្កឱ្យមានរោគសញ្ញាដូចបានជម្រាបជូនខាងលើ នៅក្នុងរយៈពេល ៤ថ្ងៃក្រោយបានចូលទៅដល់ក្នុងរាយកាយរបស់មនុស្ស និងអាចបណ្តាលឱ្យជនររងគ្រោះត្រូវស្លាប់ក្នុងរយៈពេល ២-៣ថ្ងៃបន្ទាប់មកទៀត ប្រសិនបើពួកគេមិនបានទៅរកសេវាព្យាបាលឬទទួលទានថ្នាំឱ្យបានត្រឹមត្រូវតាមការណែនាំរបស់ក្រុមគ្រូពេទ្យជំនាញនោះទេ៕  អត្ថបទ៖ ភក្តី ប្រភព៖ The

ឥណ្ឌា៖ អាជ្ញាធរឥណ្ឌាសម្រេចបិទសាលារៀននៅទូទាំងរដ្ឋធានីញូវដេលីដោយសារតែបញ្ហាខ្យល់កខ្វក់​ នេះបើយោងតាមការចុះផ្សាយរបស់បណ្តាញសារព័ត៌មាន​ Channel News Asia នៅក្នុងថ្ងៃចន្ទ ទី១៨​ ខែវិច្ឆិកា។ នៅក្នុងអំឡុងពេលការបិទសាលារៀនជាបណ្តោះអាសន្ននេះ សិស្សានុសិស្សទាំងអស់ត្រូវប្តូរមករៀនតាមប្រព័ន្ធ Online ជំនួសវិញ ខណៈអាជ្ញាធរមិនបានបញ្ជាក់អំពីរយៈពេលកំណត់ច្បាស់លាស់ក្នុងការប្តូរកម្មវិធីសិក្សានេះទេ។ ប្រភពខាងលើបានបន្តថា អ្វីដែលអាជ្ញាធរអាចប្រាប់ទៅកាន់សាធារណៈជនបានគឺ កម្មវិធីសិក្សាអាចនឹងត្រលប់មករកភាពធម្មតាវិញនៅពេលបញ្ហាខ្យល់កខ្វក់ត្រូវបានរលាយបាត់ទាំងស្រុង ដើម្បីអាចធានាថាក្រុមសិស្សានុសិស្សនឹងមានសុវត្ថិភាព ១០០%ពីបញ្ហាធម្មជាតិមួយនេះ។ សូមបញ្ជាក់ជូនថា បញ្ហាខ្យល់កខ្វល់នៅក្នុងរដ្ឋធានីញូវដេលីនៅពេលនេះគឺកម្រិតខ្ពស់លើសពីកម្រិតធម្មតារហូតដល់ទៅ ៥៧ដងឯណោះ ខណៈនៅក្នុងរដ្ឋធានីដ៏ធំមួយនេះមានពលរដ្ឋរស់នៅជាង ៣០លាននាក់៕  អត្ថបទ៖ ភក្តី ប្រភព៖Channel News Asia