តៃវ៉ាន់៖ កោះតៃ​វ៉ាន់បានទទួលរងនូវគ្រោះរញ្ជួយក្នុងកម្រិតមធ្យមមួយនៅក្នុងថ្ងៃអង្គារ ទី២១ ខែមករា នេះបើយោងតាមសេចក្តីរាយការណ៍របស់បណ្តាញសារព័ត៌មាន Daily Mail។ បើតាមអាជ្ញាធរតៃវ៉ាន់បានឱ្យដឹងថា គ្រោះរញ្ជួយដីបានកើតឡើងនៅក្នុងកម្រិត ៦,៤រ៉ិចទ័រ ខណៈខាងអ្នកជំនាញផ្នែកភូមិសាស្ត្រ​អាមេរិកបានបញ្ជាក់ថា គ្រោះរញ្ជួយដីបានកើតឡើងនៅក្នុងកម្រិតត្រឹមតែ ៦ រ៉ិចទ័រប៉ុណ្ណោះ។ បើទោះជាគ្រោះរញ្ជួយដីបានកើតឡើងនៅក្នុងកម្រិតណាក៏ដោយ ក៏គ្រោះធម្មជាតិមួយនេះបានបង្កផលប៉ះពាល់មួយចំនួនទៅកាន់កោះតៃវ៉ាន់ដែរមានដូចជា​ ធ្វើឱ្យខូចខាតទ្រព្យសម្បតិ្តនិងសម្ភារៈមួយចំនួនតាមផ្ទះនិងនៅតាមហាងលក់ទំនិញ ខណៈមនុស្សចំនួន ២៧នាក់បានរងរបួស ហើយនៅក្នុងនោះមានកុមារម្នាក់បានរងរបួសធ្ងន់ធ្ងរនិងត្រូវបញ្ជូនទៅព្យាបាលជាបន្ទាន់នៅមន្ទីរពេទ្យទៀតផង។ យ៉ាងណាក្តី គិតត្រឹមពេលនេះគេនៅមិនទាន់ទទួលបានរបាយការណ៍ណាមួយបង្ហាញថា មានជនរងគ្រោះធ្ងន់ធ្ងររហូតដល់ត្រូវស្លាប់បាត់បង់ជីវិតនោះទេ៕ អត្ថបទ៖ ភក្តី ប្រភព៖ The Daily Mail

ចិន៖ តុលាការចិនបានកាត់ទោសប្រហារជីវិតបុរសម្នាក់ ដែលជាជនបង្កហេតុនៅក្នុងសំណុំរឿងបើករថយន្តបំបុកហ្វូងមនុស្សទាំងកម្រោលមួយ ដែលបានកើតឡើងកាលពីថ្ងៃទី ១១ ខែវិច្ឆិកាកន្លងទៅ នេះបើយោងតាមការចុះផ្សាយរបស់បណ្តាញសារព័ត៌មាន BBC នៅក្នុងថ្ងៃចន្ទ ទី២០ ខែមករា។ បុរសដែលត្រូវបានកាត់ទោសប្រហារជីវិតរូបនេះមានឈ្មោះថា Fan Weiqiu ជាជនជាតិចិន និងមានអាយុ ៦២ឆ្នាំ។ គួររម្លឹកជូនថា ហេតុការណ៍គ្រោះថ្នាក់ដ៏រន្ធត់ខាងលើនេះបានកើតឡើងនៅមុខកីឡដ្ឋានមួយកន្លែងក្នុងទីក្រុង Zhuhai ភាគខាងត្បូងប្រទេសចិន ខណៈហេតុផលដែលជម្រុញឱ្យលោក Fan Weiqiu សម្រេចចិត្តបើករថយន្តយ៉ាងលឿនទៅបំបុកហ្វូងមនុស្សទាំងកម្រោលនេះគឺដោយសារតែរូបគាត់មិនសប្បាយចិត្តនិងមួរម៉ៅយ៉ាងខ្លាំង ដែលរូបគាត់ទើបលែងលះជាមួយប្រពន្ធហើយបែងចែកទ្រព្យសម្បត្តិមិនស្មើគ្នា។ នៅក្នុងហេតុការណ៍អកុសលនោះបានបណ្តាលឱ្យមានមនុស្សចំនួន ៣៥នាក់ត្រូវស្លាប់បាត់បង់ជីវិត និងជាច្រើននាក់ផ្សេងទៀតបានរងរបួស ហើយវាក៏បានក្លាយជាហេតុការណ៍មានរថយន្តបើកបំបុកមនុស្សដោយចេតនានិងបណ្តាលឱ្យមានអ្នកត្រូវស្លាប់និងរបួសច្រើនបំផុតនៅក្នុងប្រទេសចិនផងដែរ៕  អត្ថបទ៖ ភក្តី ប្រភព៖ BBC    

អាមេរិក៖ បណ្តាញសង្គម TikTok អាចស្តារសេវាកម្មរបស់ខ្លួននៅលើទឹកដីអាមេរិកបានឡើងវិញហើយ ក្រោយមានការជួយសម្របសម្រួលពីសំណាក់លោកប្រធានាធិបតី ដូណាល់ ត្រាំ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃចន្ទ ទី២០ ខែមករា។ ការជួយធ្វើអន្តរាគមន៍ពីសំណាក់លោក ដូណាល់ ត្រាំ នៅពេនេះគឺលោកបានស្នើទៅអាជ្ញាធរអាមេរិកឱ្យធ្វើការពន្យាពេលអនុវត្តច្បាប់ហាមឃាត់កម្មវិធី TikTok ដែលច្បាប់ដ៏តឹងរឹងនេះទើបត្រូវបានចូលជាធរមានកាលពីថ្ងៃម្សិលមិញ។ ប្រភពខាងលើបានបន្តថា នៅក្នុងអំឡុងពេលនៃការពន្យាពេលអនុវត្តច្បាប់នេះ លោក ដូ ណាល់ត្រាំ ក៏បានស្នើឱ្យមានការចរចារឬរៀបចំកិច្ចព្រមព្រៀងថ្មីមួយរវាងរដ្ឋាភិបាលអាមេរិកក្រោមការដឹកនាំរបស់គាត់ជាមួយនិងក្រុមហ៊ុនគ្រប់គ្រងបណ្តាញសង្គម TikTok ផងដែរ ដើម្បីឱ្យភាគីទាំងសងខាងអាចទទួលយកបាននូវដំណោះស្រាយថ្មីនោះដូចៗគ្នា។ ក្រោយមានការជួយសម្របសម្រួលនេះខាងលើនេះ ក្រុមហ៊ុនគ្រប់គ្រងបណ្តាញសង្គម TikTok ក៏បានថ្លែងអំណរគុណយ៉ាងជ្រាលជ្រៅចំពោះការចម្រេចរបស់លោក លោក ដូណាល់ ត្រាំ ក្នុងនាមជាប្រធានាធិបតីថ្មីរបស់អាមេរិកផងដែរ៕ អត្ថបទ៖ ភក្តី ប្រភព៖ Channel

ចិន៖ ចិនបានដាក់ចេញនូវកម្មវិធីកម្សាន្តថ្មីមួយមានឈ្មោះថា RedNote ដែលជាកម្មវិធីមានលក្ខខណៈស្រដៀងគ្នាទៅនឹងកម្មវិធី TikTok ខណៈ RedNote គឺស្ថិតនៅក្រោមការគ្រប់គ្រងរបស់ក្រុមហ៊ុនបច្ចេកវិទ្យាចិន Xiaohongshu។ យោងតាមការចុះផ្សាយរបស់បណ្តាញសារព័ត៌ AP News បានឱ្យដឹងថា កម្មវិធី RedNote ត្រូវដាក់ចេញដើម្បីជំនួយឱ្យកម្មវិធី TikTok ដែលត្រូវបានហាមឃាត់មិនឱ្យមានការប្រើប្រាស់នៅសហរដ្ឋអាមេរិកទៀតនោះទេ ចាប់ពីថ្ងៃទី១៩ ខែមករានេះ។ ប្រភពខាងលើបានបន្តថា គិតត្រឹមពេលនេះកម្មវិធី RedNote ដែលគេអាចស្វែងរកបានទាំងនៅក្នុង App Store និង Play Store ត្រូវបានពលរដ្ឋនៅអាមេរិកទាញយកទៅប្រើប្រាស់ប្រមាណជា ៣,៤លានដង និងមានអ្នកបង្ហោះមាតិការផ្សេងៗជាង ២៤លានដងផងដែរក្នុងរយៈពេលប៉ុន្មានថ្ងៃចុងក្រោយនេះ។ បើទោះជាមានលក្ខខណៈស្រដៀងគ្នាទៅនឹងកម្មវិធី TikTok មែន តែគិតត្រឹមពេលនេះអាជ្ញាធរអាមេរិកនៅមិនទាន់ធ្វើការចោទប្រកាន់ RedNote ជាបណ្តាញចារកម្មលួចប្រមូលទិន្នន័យរបស់អ្នកប្រើប្រាស់សម្រាប់ផ្តល់ឱ្យរដ្ឋាភិបាលចិនដូចធ្លាប់ចោទប្រកាន់ចំពោះ TikTok នៅឡើយទេ៕

អាមេរិក៖ ចាប់ពីថ្ងៃអាទិត្យ ទី១៩ ខែមករានេះតទៅ ពលរដ្ឋដែលកំពុងរស់នៅលើទឹកដីសហរដ្ឋអាមេរិកលែងអាចប្រើប្រាស់កម្មវិធី TikTok បានទៀតហើយ ក្រោយច្បាប់ហាមឃាត់បណ្តាញសង្គមដ៏មានប្រជាប្រិយភាពនេះត្រូវបានចូលជាធរមាន ឬត្រូវបានចាប់ផ្តើមអនុវត្តជាផ្លូវការ។ គិតត្រឹមពេលនេះក្រុមហ៊ុន Apple និងក្រុមហ៊ុន Google សុទ្ធតែបានលុបកម្មវិធី TikTok ចេញពី App Store និង Play Store សម្រាប់អ្នកប្រាស់នៅអាមេរិករួចរាល់អស់ហើយ។ យោងតាមការចុះផ្សាយរបស់បណ្តាញសារព័ត៌មាន Channel News Asia បានបញ្ជាក់ថា ប្រសិនក្រុមហ៊ុន Apple និងក្រុមហ៊ុន Google ធ្វើឱ្យមានកំហុសបច្ចេកទេសណាមួយដែលអនុញ្ញាតឱ្យមានអ្នកអាចទាញយកកម្មវិធី TikTok ចេញពី App Store និង Play Store

អាមេរិក៖ ក្រុមហ៊ុន ByteDance ដែលជាក្រុមហ៊ុនគ្រប់គ្រងលើបណ្តាញសង្គម TikTok បានចេញមកបង្ហាញជំហរថា ក្រុមហ៊ុនសុខចិត្តបិទប្រតិបត្តិការណ៍នៅអាមេរិក បើអាជ្ញាធរអាមេរិកមិនអាចផ្តល់ការធានាដល់ក្រុមហ៊ុនខ្លួន ដូចអ្វីដែលអាជ្ញាធរអាមេរិកធ្លាប់បានផ្តល់ទៅឱ្យក្រុមហ៊ុន Apple និងក្រុមហ៊ុន Google នោះទេ។ យោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃសៅរ៍ ទី១៨ ខែមករា បានឱ្យដឹងថា ការចេញមកអះអាងពីសំណាក់បណ្តាញសង្គម TikTok ខាងលើនេះ ត្រូវបានធ្វើឡើង ស្របដែលច្បាប់ហាមឃាត់ TikTok នៅលើទឹកអាមេរិកនឹងត្រូវចាប់ផ្តើមអនុវត្តនៅក្នុងថ្ងៃទី ១៩ ស្អែកនេះហើយ។ គួរកត់សម្គាល់ថា យោងទៅតាមថ្មីរបស់សហរដ្ឋអាមេរិកដែលនឹងចូលជាធរមាននៅថ្ងៃស្អែកនេះ គឺអាជ្ញាធរសន្តិសុខជាតិអាមេរិកនឹងធ្វើការផ្អាកកម្មវិធី TikTok មិនឱ្យដំណើរការក្នុងរយៈពេលចន្លោះពី ៦០ ទៅ

អាមេរិក៖ រដ្ឋាភិបាលអាមេរិកបានផ្តល់ប្រាក់រង្វាន់ចំនួន ៥៩០លានដុល្លារទៅកាន់ក្រុមហ៊ុនផលិតឱសថ Moderna ដើម្បីជម្រុញការអភិវឌ្ឍន៍វ៉ាក់សាំងបង្ការជំងឺផ្តាសាយបក្សី នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃសៅរ៍ ទី១៨ ខែមករា។ ការសម្រេចផ្តល់ប្រាក់រង្វាន់ដ៏ច្រើននេះត្រូវបានធ្វើឡើងស្របពេលដែលជំងឺផ្តាសាយបក្សីហាក់កំពុងបង្កការគំរាមគំហែងទ្រង់ទ្រាយធំជាថ្មីម្តងទៀតនៅតាមតំបន់ជាច្រើននៅទូទាំងសហរដ្ឋអាមេរិក។ ប្រភពខាងលើបានបន្តថា ការផ្តល់ប្រាក់រង្វាន់ដ៏ច្រើនពីសំណាក់រដ្ឋាភិបាលអាមេរិកទៅកាន់ក្រុមហ៊ុន Moderna នៅពេលនេះគឺមិនមែនជារឿងថ្មីឡើយ ដ្បិតកាលពីឆ្នាំ ២០២៤ កន្លងទៅ នាយកដ្ឋានសុខភាព និងសេវាមនុស្សរបស់សហរដ្ឋអាមេរិក (HHS) ក៏ធ្លាប់បានផ្តល់ប្រាក់រង្វាន់ចំនួន ១៧៦លានដុល្លារម្តងរួចហើយដែរទៅកាន់ក្រុមហ៊ុន Moderna ក្នុងហេតុផលដូចគ្នានេះ។ សូមបញ្ជាក់ជូនថា ជំងឺផ្តាសាយបក្សី​ ដែលមេរោគដើមត្រូវបានស្គាល់ថា H5N1 នោះ ក្នុងពេលបច្ចុប្បន្ននេះបានបំប្លែងខ្លួនទៅជាមេរោគ ៥ប្រភេទផ្សេងគ្នាទៀត ខណៈមេរោគបំប្លែងខ្លួនមួយចំនួនមានសមត្ថភាពអាចចម្លងដោយផ្ទាល់ទៅកាន់មនុស្សផងដែរ៕ អត្ថបទ៖ ភក្តី

ឥណ្ឌូណេស៊ី៖ យ៉ាងហោចណាស់មានមនុស្សចំនួន ៦នាក់បានស្លាប់បាត់បង់ជីវិតនៅក្នុងហេតុការណ៍មានភ្លើងឆេះផ្សារទំនើបមួយកន្លែងនៅក្នុងទីក្រុងចាកាតា​​ ប្រទេសឥណ្ឌូណេស៊ី នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅរសៀលថ្ងៃសុក្រ ទី១៧ ខែមករា។ ផ្សារទំនើបដែលជាកន្លែងកើតហេតុនោះមានឈ្មោះថា Glodok Plaza ស្ថិតនៅក្នុងតំបន់ Taman Sari និងជាសំណង់អគារ ដែលមានកម្ពស់ ៨ជាន់។ បើតាមអាជ្ញាធរឥណ្ឌូណេស៊ីបានឱ្យដឹងបន្ថែមថា ក្រៅតែពីបានបណ្តាលឱ្យមានអ្នកត្រូវស្លាប់បាត់បង់ជីវិតហើយ ហេតុការណ៍គ្រោះថ្នាក់នេះក៏បានបណ្តាលឱ្យមានមនុស្សមួយចំនួនត្រូវរងរបួសដែរ ខណៈគិតត្រឹមពេលនេះនៅមនុស្សចំនួន ១៤នាក់ផ្សេងទៀតកំពុងតែបាត់ខ្លួនផងដែរ។ ប្រភពខាងលើបានបន្តថា អគ្គីភ័យបានផ្តើមកើតចេញពីជាន់ទី ៧​ តែគេនៅមិនទាន់ដឹងច្បាស់ពីមូលហេតុដែលបង្កឱ្យមានភ្លើងត្រូវឆាបឆេះយ៉ាងសន្ធោសន្ធៅដូចនេះនៅឡើយទេ៕ អត្ថបទ៖ ភក្តី ប្រភព៖ Channel News Asia

ឥណ្ឌូណេស៊ី៖ ភ្នំភ្លើងដ៏គ្រោះថ្នាក់មួយឈ្មោះ Ibu បានផ្ទុះ និងកំពុងបញ្ហាយ៉ាងច្រើនចំពោះអាជ្ញាធរឥណ្ឌនេស៊ី នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia កាលពីយប់ថ្ងៃព្រហសត្បិ៍ ទី១៦​ ខែមករា។ ស្ថិតនៅក្នុងចំណោមភ្នំភ្លើងធំៗជាច្រើន ភ្នំភ្លើង Ibu មានទីតាំងស្ថិតនៅក្នុងនៅលើកោះ Halmahera នៃខេត្ត North Maluku ភាគខាងកើតនៃប្រទេសឥណ្ឌូណេស៊ី។ បើតាមអាជ្ញាធរឥណ្ឌូណេស៊ីបានឱ្យដឹងថា ហេតុការណ៍ផ្ទុះភ្នំភ្លើង Ibu បានកំពុងតែបង្កឱ្យមានផ្សែងពុលហោះទៅក្នុងបរិយាកាយក្នុងកម្ពស់ប្រមាណជា ៤គីឡូម៉ែត្រ និងមានផេះយ៉ាងច្រើនហូរធ្លាក់មកកាន់តំបន់នៅក្បែរជើងភ្នំផងដែរ។ នៅចំពោះស្ថានភាពគ្រោះថ្នាក់នេះ អាជ្ញាធរឥណ្ឌូណេស៊ីបានសម្រេចធ្វើការជម្លៀសពលរដ្ឋរាប់ពាន់លាន ដែលកំពុងរស់នៅក្នុងភូមិចំនួន ៦ នៅក្បែរតំបន់ជើងភ្នំឱ្យទៅស្នាក់នៅកន្លែងមានសុវត្ថិភាពជាបណ្តោះអាសន្នសិន ដើម្បីបង្ការគ្រោះថ្នាក់ផ្សេងៗដែលអាចកើតមានឡើងដោយចៃដន្យ។ យ៉ាងណាក្តី គិតត្រឹមពេលនេះនៅមិនទាន់មានសេចក្តីរាយការណ៍ណាមួយបង្ហាញថា មានអ្នករងគ្រោះថ្នាក់ធ្ងន់ធ្ងរឬត្រូវស្លាប់បាត់បង់ជីវិតនៅឡើយទេ៕ ប្រភព៖ Channel News

ថៃ៖ មនុស្សស្រីប្រុសចំនួន ៣នាក់ត្រូវបានជ្ញាធរថៃបញ្ជូនទៅសង្គ្រោះនៅមន្ទីរពេទ្យយ៉ាងបន្ទាន់ ក្រោយពួកគេព្យាយាមដើរចូលក្នុងទឹកសមុទ្រដើម្បីសម្លាប់ខ្លួនទាំងអស់គ្នា តែជាអកុសលទឹកសមុទ្រនៅពេលយប់ត្រជាក់ខ្លាំងពេកទ្រាំមិនបានក៏នាំគ្នាឡើងមកឆ្នេរវិញ។ យោងតាមការចុះផ្សាយរបស់បណ្តាញសារព័ត៌មាន Khaosod នៅក្នុងថ្ងៃព្រហស្បតិ៍ ទី១៦ ខែមករានេះបានឱ្យដឹងថា ករណីធ្វើអត្តឃាតមិនបានជោគជ័យនេះបានកើតឡើងនៅតំបន់ឆ្នេរសមុទ្រក្នុងទីក្រុង Rayong ភាគខាងកើតប្រទេសថៃ កាលពីម៉ោង ១ រំលងអាធ្រាត្រម្សិលមិញនេះ។ ប្រភពខាងលើបានបន្តថា មូលហេតុដែលជម្រុញឱ្យមនុស្សស្រីប្រុសទាំង ៣នាក់នេះសម្រេចនាំគ្នាទៅសម្លាប់ខ្លួននៅក្នុងសមុទ្រ គឺដោយសារតែជម្លោះផ្តើមចេញពីទំនាក់ទំនងស្នេហាត្រីកោណដ៏ងប់ងល់មួយ ពោលគឺមនុស្សប្រុសម្នាក់កំពុងមានទំនាកទំនងស្នេហាជាមួយមនុស្សស្រីចំនួន ២នាក់ផ្សេងគ្នាក្នុងពេលតែមួយ។ តាមចម្លើយសារភាពរបស់ក្រុមជនរងគ្រោះបានឱ្យដឹងថា ពួកគេបានផ្តើមមានរឿងឈ្លោះគ្នាខ្លាំងតាំងពីពេលថ្ងៃម្លេះក្រោយការពិតនៅពីក្រោយទំនាក់ទំនងស្នេហាត្រីកោណនេះត្រូវបានលាតត្រដាង​​ ខណៈពួកគេម្នាក់ៗសុទ្ធតែមិនអាចដើរចេញពីស្នេហានេះបាន។ ដើម្បីបញ្ចប់ចំណងស្នេហាដែលមិនអាចស្រាយរួចមួយនេះ និងដើម្បីបញ្ជាក់ពីក្តីស្រលាញ់របស់ពួកគេម្នាក់ៗ ពួកគេក៏បានយល់ព្រមទៅសម្លាប់ខ្លួនទាំងអស់គ្នាដោយជ្រើសរើសយកវិធីដើរចូលទៅក្នុងទឹកសមុទ្រទាំងអស់គ្នា។ យ៉ាងណាក្តី ក្រោយនាំគ្នាដើរចូលទៅក្នុងសមុទ្របានមួយសន្ទុះ ដោយមិនទាន់បានលង់ទឹកសម្លាប់នៅឡើយទេ ពួកគេក៏នាំរត់ឡើងមកលើឆ្នេរវិញ ព្រោះតែទឹកសមុទ្រត្រជាក់ខ្លាំងពេលមិនអាចទ្រាំបាន។ ក្រោយឡើងមកដល់ឆ្នេរវិញ