អាមេរិក៖ បណ្តាញសង្គម TikTok កំពុងរៀបចំបិទប្រតិ​បត្តិការណ៍របស់ខ្លួននៅលើទឹកអាមេរិកនៅក្នុងថ្ងៃអាទិត្យនេះហើយ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃព្រហស្បតិ៍ ទី១៦ ខែមករា។ គម្រោងបិទកម្មវិធីដ៏មានប្រជាប្រិយភាពនេះត្រូវបានធ្វើឡើងស្របពេលដែលច្បាប់ហាមហាត់ប្រើប្រាស់កម្មវិធី  TikTok ពីសំណាក់អាជ្ញាធរអាមេរិកនឹងចូលជាធរមាន ឬអនុវត្តជាផ្លូវការនៅដើមសប្តាហ៍ក្រោយ ពោលគឺនៅក្នុងថ្ងៃចន្ទ ទី២០ ខែមករា។ ប្រភពខាងលើបានបន្តថា យោងទៅតាមច្បាប់ថ្មីដែលអាជ្ញាធរអាមេរិកគ្រោងនឹងចាប់ផ្តើមអនុវត្តនៅសប្តាហ៍ក្រោយនេះ គឺអាជ្ញាធរអាមេរិកនឹងបិទកម្មវិធី  TikTok មិនឱ្យដំណើរការនៅលើទឹកដីអាមេរិកជាបណ្តោះអាសសន្នសិន ក្នុងរយៈពេលចន្លោះពី ៦០-៩០ថ្ងៃ មុននឹងអាជ្ញាធរអាមេរិកនិងក្រុមហ៊ុនគ្រប់គ្រងលើបណ្តាញសង្គម TikTok អាចស្វែងរកដំណោះស្រាយសមស្របណាមួយ។ គួរកត់សម្គាល់ថា  បណ្តាញសង្គម TikTok ស្ថិតនៅក្រោមការគ្រប់គ្រងរបស់ក្រុមហ៊ុន Bytedance ដែលមានមូលដ្ឋាននៅក្នុងប្រទេសចិន ហើយនាពេលកន្លងមកសហរដ្ឋអាមេរិកតែងចោទប្រកាន់ថា

ឥណ្ឌូណេស៊ី៖ អាជ្ញាធរឥណ្ឌូណេស៊ីគ្រោងបង្កើតច្បាប់ថ្មីមួយដើម្បីកំណត់អាយុអប្បបរមារបស់អ្នកប្រើប្រាស់បណ្តាញសង្គម នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងយប់ថ្ងៃអង្គារ ទី១៤ ខែមករា។ គោលបំណងនៃការបង្កើតច្បាប់ដ៏តឹងរឹងនេះគឺត្រូវបានធ្វើឡើងនៅក្នុងគោលបំណងដើម្បីការពារក្រុមពលរដ្ឋវ័យក្មេង ដែលត្រូវបានគេមើលឃើញថាក្រុមពលរដ្ឋងាយរងគ្រោះពីការឆបោកនិងការរំលោភបំពានក្នុងទម្រង់ផ្សេងៗនៅលើបណ្តាញសង្គម។ ប្រភពខាងលើបានបន្តថា គម្រោងបង្កើតច្បាប់កំណត់អាយុអ្នកប្រើប្រាស់បណ្តាញសង្គមពីសំណាក់អាជ្ញាធរឥណ្ឌូណេស៊ីនៅពេលនេះគឺត្រូវបានធ្វើឡើងដោយមើលឃើញតាមគំរូច្បាប់របស់ប្រទេសអូស្រ្តាលី ដែលទើបបានបង្កើតច្បាប់ហាមមិនពលរដ្ឋអាយុក្រោមអាយុ ១៦ឆ្នាំប្រើប្រាស់បណ្តាញសង្គម Facebook, Instagram និង TikTok នោះទេ។ គួរបញ្ជាក់ជូនថា គិតត្រឹមពេលនេះប្រទេសឥណ្ឌូណេស៊ី ដែលមានប្រជាពលរដ្ឋប្រមាណជា ២៨០លាននាក់ គឺមានពលរដ្ឋប្រមាណជា ៧៩,៥ភាគរយជាអ្នកកំពុងប្រើប្រាស់បណ្តាញសង្គមយ៉ាងសកម្ម៕ អត្ថបទ៖ ភក្តី ប្រភព៖ Channel News Asia  

កូរ៉េខាងជើង៖ ប្រទេសកូរ៉េខាងជើងបានបាញ់មីស៊ីលជាច្រើនគ្រាប់ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងយប់ថ្ងៃអង្គារ​ ទី១៤​ ខែមករា។ មីស៊ីលដែលទីក្រុងព្យុងយ៉ាងបានបាញ់នៅពេលនេះត្រូវបានគេមើលឃើញថា​ គឺជាមីស៊ីលផ្លោងសម្រាប់បាញ់ក្នុងរយៈចម្ងាយខ្លី (Short-range Ballistic Missiles ) ខណៈទិសដៅនៃការបាញ់វិញគឺតំបន់សមុទ្រជាប់ប្រទេសកូរ៉េខាងត្បូង។ ប្រភពខាងលើបានបន្តថា ការបាញ់មីស៊ីលផ្លោងជាច្រើនគ្រាប់របស់ប្រទេសកូរ៉េខាងជើងនៅពេលនេះគឺត្រូវបានធ្វើឡើងនៅមុនពេលដែលលោក ដូណាល់ ត្រាំ ជិតនឹងចូលកាន់តំណែងជាប្រធានាធិបតីអាមេរិកជាផ្លូវការផងដែរ​ ខណៈក្រុមអ្នកជំនាញផ្នែកភូមិសាស្រ្តនយោបាយបានលើកឡើងថា​ ការបាញ់មីស៊ីលនេះក៏អាចជាសារមួយសម្រាប់ផ្ញើទៅកាន់លោក  ដូណាល់ ត្រាំផងដែរ។ សូមបញ្ជាក់ជូនថា ក្រោយជាប់ការបោះឆ្នោតកាលពីខែវិច្ឆិកាកន្លងទៅនេះ លោក ដូណាល់ ត្រាំ នឹងត្រូវចូលកាន់តំណែងជាប្រធានាធិបតីអាមេរិកផ្លូវការនៅក្នុងថ្ងៃទី ២០ ខែមករា សប្តាហ៍ក្រោយនេះ៕ អត្ថបទ៖

ចិន៖ ចិនកំពុងពិចារណាអំពីជម្រើសក្នុងការលក់បណ្តាញសង្គម TikTok ឱ្យទៅលោកមហាសេដ្ឋី Elon Musk នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃអង្គារ ទី១៤ ខែមករា។ ជម្រើសនៃការលក់បណ្តាញសង្គម TikTok ឱ្យទៅលោកមហាសេដ្ឋី Elon Musk នេះអាចនឹងកើតមានឡើង ប្រសិនបើច្បាប់ហាមឃាត់បណ្តាញសង្គមដ៏មានប្រជាប្រិយភាពនេះ ត្រូវបានអនុវត្តជាផ្លូវការនៅសហរដ្ឋអាមេរិកក្នុងពេលដ៏ឆាប់ខាងមុខនេះ។ គួរកត់សម្គាល់ថា នាពេលបច្ចុប្បន្នបណ្តាញសង្គម TikTok កំពុងស្ថិតនៅក្រោមការគ្រប់គ្រងរបស់ក្រុមហ៊ុន Bytedance ដែលមានមូលដ្ឋាននៅក្នុងប្រទេសចិន ខណៈ​នាពេលកន្លងមកសហរដ្ឋអាមេរិកតែងចោទប្រកាន់ថា TikTok គឺជាបណ្តាញចារកម្មរបស់ចិន ពោលគឺ TikTok តែងលួចប្រមូលទិន្នន័យផ្ទាល់ខ្លួនរបស់អ្នកប្រើប្រាស់នៅសហរដ្ឋអាមេរិក ដើម្បីផ្តល់ទៅឱ្យរដ្ឋាភិបាលចិន។ នៅចំពោះមុខការចោទប្រកាន់នេះ អាជ្ញាធរអាមេរិកបានផ្តល់ជម្រើស ២ ឱ្យទៅក្រុមហ៊ុន Bytedance ដោយជម្រើសទី

ជប៉ុន៖ ប្រទេសសជប៉ុនបានរងនូវការវាយប្រហារដោយគ្រោះរញ្ជួយដីមួយក្នុងកម្រិត ៦,៨រ៉ិចទ័រ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅយប់ថ្ងៃចន្ទ ទី១៣ ខែមករា។ គ្រោះរញ្ជួយដីបានកើតឡើងនៅតាមតំបន់ឆ្នេរសមុទ្រនៅក្នុងអាណាខេត្ត Miyazaki ដែលស្ថិតនៅលើកោះ Kyushi ភាគខាងត្បូង នៃប្រទេសជប៉ុន។ បើតាមអាជ្ញាធរជប៉ុនបានបញ្ជាក់ថា ភ្លាមៗក្រោយគ្រោះរញ្ជួយដីបានកើតឡើង រលកស៊ូណាមិចំនួន ២ក៏បានកើតឡើងបន្តបន្ទាប់គ្នានៅក្នុងតំបន់រងគ្រោះខាងលើនេះផងដែរ។ យ៉ាងណាក្តី រលកស៊ូណាមិទាំង ២ ដងនោះបានកើតឡើងក្នុងកម្រិតស្រាល និងមិនបានបង្កគ្រោះថ្នាក់ធ្ងន់ធ្ងរចំពោះពលរដ្ឋជប៉ុននោះទេ។ បើទោះបីជាយ៉ាងនេះក៏ដោយចុះ អាជ្ញាធរជប៉ុននៅតែសម្រេចទាញសញ្ញាអាសន្នពីគ្រោះថ្នាក់នៃរលកស៊ូណាមិចំពោះក្រុមពលរដ្ឋដែលកំពុងរស់នៅតំបន់ឆ្នេរសមុទ្រ និងបានហាមមិនឱ្យពលរដ្ឋធ្វើដំណើរទៅកាន់តំបន់នេះឡើយ លុះត្រាមានការជូនដំណឹងជាថ្មីពីអាជ្ញាធរ ដ្បិតក្រុមអ្នកជំនាញបានព្យាករណ៍ថា រលកស៊ូណាមិអាចបន្តកើតមានជាថ្មីម្តងទៀតក្នុងពេលដ៏ខ្លីខាងមុខនេះ៕  អត្ថបទ៖ ភក្តី ប្រភព៖ The Strait

អាមេរិក៖ តួលេខជនរងគ្រោះដែលបានស្លាប់បាត់បង់ជីវិតនៅក្នុងហេតុការណ៍ភ្លើងឆេះព្រៃនៅក្នុងទីក្រុង Los Angeles រដ្ឋ California សហរដ្ឋអាមេរិក បានកើនឡើងដល់ ២៤នាក់ហើយ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃចន្ទ ទី១៣​ ខែមករា។ គិតត្រឹមពេលនេះឥទ្ធិពលរបស់អគ្គិភ័យ ហាក់នៅមិនទាន់ថយចុះនៅឡើយទេ  បើទោះជាវាបានកើតឡើងអស់រយៈពេលជាច្រើនថ្ងៃមកហើយក្តី។ បើតាមក្រុមអ្នកជំនាញអាមេរិកបានព្យាករណ៍ថា ភ្លើងអាចនឹងបន្តឆេះរហូតដល់ថ្ងៃទី១៦ ខែមករា ហើយក្នុងរយៈពេលជាច្រើបន្ថែមទៀតនេះ អគ្គីភ័យក៏នឹងបង្កឱ្យមានគ្រោះថ្នាក់កាន់តែខ្លាំងជាងនេះផងដែរ។ ប្រភពខាងលើបានបន្តថា គិតត្រឹមពេលនេះបញ្ហាភ្លើងឆេះព្រៃក៏បានរាលដាលទៅឆេះបំផ្លាញសំណងអគារអស់ប្រមាណជា ១២,០០០ខ្នងផងដែរ ខណៈពលរដ្ឋដែលបានរងផលប៉ះពាល់វិញគឺមានចំនួនច្រើនជាង​ ១សែននាក់៕ អត្ថបទ៖ ភក្តី ប្រភព៖ Channel News Asia

ថៃ៖ គណៈរដ្ឋមន្ត្រីថៃបានអនុ​ម័តលើសេចក្តីព្រាងច្បាប់ស្តីការអនុញ្ញាតឱ្យមានការលេងល្បែងស៊ីសង និងបើកដំណើរការអាជីវកម្មកាស៊ីណូដោយស្របច្បាប់ហើយ នេះបើយោងតាមការចុះផ្សាយរបស់ប​ណ្តាញសារព័ត៌មាន The Strait Time នៅក្នុងថ្ងៃចន្ទ ទី១៣ ខែមករា។ តាមនីតិវិធី ក្រោយមានការអនុម័តពីសំណាក់គណៈរដ្ឋមន្ត្រីថៃរួចហើយ សេចក្តីព្រាងច្បាប់ដ៏ចម្រូងចម្រាសនេះនឹងត្រូវបញ្ជូនបន្តទៅដល់សភាថៃ ដើម្បីត្រួតពិនិត្យនិងអនុម័តតាមរយៈការបោះឆ្នោតស្វែងរកសំឡេងគាំទ្រភាគច្រើនពីក្នុងចំណោមសមាជិកសភាទាំងអស់។ ដូចនេះថៃនឹងត្រូវការពេលវេលាជាច្រើនខែបន្ថែមទៀត ដើម្បីទទួលបានច្បាប់ផ្លូវការ ក៏ដូចជាកាស៊ីណូជាផ្លូវការ។ សូមបញ្ជាក់ជូនថា ប្រភេទកាស៊ីណូនិងល្បែងស៊ីសង ដែលថៃនឹងបង្កើតឡើងដោយស្របច្បាប់នេះ គឺជាប្រភេទកាស៊ីណូនិងលែងល្បែងស៊ីសងបែបទេសចរណ៍ ពោលគឺសេវាកម្មទាំងនេះនឹងត្រូវអនុញ្ញាតចំពោះតែភ្ញៀវទេសចរអន្តជាតិតែប៉ុណ្ណោះ ហើយទីតាំងអាជីវកម្មនៃសេវាកម្មទាំងនេះទៀតសោធ គឺនឹងត្រូវគេរៀបចំនៅក្នុងតំបន់ទេសចរណ៍សំខាន់ៗក្នុងប្រទេសថៃតែម្តង។ សូមបញ្ជាក់ជូនផងដែរ ហេតុផលដែលថៃចង់មានកាស៊ីណូនិងការលេងល្បែងស៊ីសងដោយស្របច្បាប់នេះគឺដើម្បីលើកកម្ពស់សេដ្ឋកិច្ចជាតិ តាមរយៈការទាក់ទាញភ្ញៀវទេសចរអន្តរជាតិឱ្យមកកម្សាន្តនៅក្នុងប្រទេសថៃកាន់ច្រើន៕ អត្ថបទ៖ ភក្តី ប្រភព៖ The Strait Time

បារាំង៖ យ៉ាងហោចណាស់មានមនុស្សចំនួន ៦៨នាក់បានរងរបួសធ្ងន់និងស្រាលនៅក្នុងហេតុការណ៍មានរថភ្លើងខ្នាតតូច (Tram) បុកគ្នាយ៉ាងកម្របំផុតមួយនៅក្នុងប្រទេសបារាំង នេះបើយោងតាមការចុះផ្សាយរបស់បណ្តាញសារព័ត៌មាន The Strait Time កាលពីយប់ថ្ងៃអាទិត្យ ទី១៣ ខែមករា។​ ហេតុការណ៍គ្រោះថ្នាក់នេះបានកើតឡើងនៅក្នុងស្ថានីយរថភ្លើងក្រោមដីក្នុងទីក្រុង Strasbourg ដែលជាស្ថានីយរថភ្លើងដ៏មមាញឹកបំផុតមួយផងដែរ។ បើតាមអាជ្ញាធរបារាំងបានបានឱ្យដឹងថា ហេតុការណ៍គ្រោះថ្នាក់បានបង្កឡើងដោយសារមានរថភ្លើងខ្នាតតូចមួយគ្រឿងបើកបរនៅក្នុងល្បឿនយ៉ាងលឿន ហើយជ្រុលទៅបុករថយន្តភ្លើងខាតតូចមួយគ្រឿងទៀតពីក្រោយយ៉ាងពេញទំហឹង ខណៈរហូតមកទល់នឹងពេលនេះគេនៅមិនទាន់ដឹងច្បាស់ពីមូលហេតុបច្ចេកទេសជាក់ស្តែង ដែលជម្រុញឱ្យរថភ្លើងបង្កហេតុត្រូវបើកទៅបុករថភ្លើងមួយគ្រឿងទៀតដូចនេះនៅឡើយទេ។ យ៉ាងណាក្តី គ្រោះថ្នាក់ដ៏កម្រនេះមិនបានបណ្តាលឱ្យមានអ្នកស្លាប់បាត់បង់ជីវិតនោះទេ៕ អត្ថបទ៖ ភក្តី ប្រភព៖ The Strait Time

អាមេរិក៖ តួលេខជនរងគ្រោះដែលបានស្លាប់បាត់បង់ជីវិតនៅក្នុងហេតុការណ៍ភ្លើងឆេះព្រៃនៅក្នុងទីក្រុង Los Angeles រដ្ឋ California សហរដ្ឋអាមេរិក បានកើនឡើងដល់ ១១នាក់ហើយ នេះបើយោងតាមការចុះផ្សាយរបស់បណ្តាញសារព័ត៌មាន BCC នៅក្នុងរសៀលថ្ងៃអាទិត្យ ទី១២​ ខែមករា។ គិតត្រឹមពេលនេះអគ្គិភ័យទ្រង់ទ្រាយមួយនេះ ហាក់នៅមិនទាន់ថយចុះនៅឡើយទេ  បើទោះជាវាបានកើតឡើងអស់រយៈពេលជាច្រើនថ្ងៃមកហើយក្តី។ អ្វីដែលជារឿងកាន់តែអាក្រក់នោះ គឺអ្នកជំនាញផ្នែកអាកាសធាតុអាមេរិកបានឱ្យដឹងថា នៅក្នុងយប់នឹងមានខ្យល់យ៉ាងខ្លាំងនៅតំបន់ព្រៃដែលកំពុងតែឆេះនោះ ខណៈបាតុភូមិធម្មជាតិនឹងជម្រុញមានភ្លើងឆេះកាន់តែខ្លាំងបន្ថែមទៀតផងដែរ។ គួរបញ្ជាក់ជូនថា​ នៅចំពោះមុខគ្រោះថ្នាក់បង្កឡើងដោយបញ្ហាភ្លើងឆេះព្រៃនេះ អាជ្ញាធរអាមេរិកបានសម្រេចធ្វើការជម្លៀសពលរដ្ឋទៅកាន់កន្លែងសុវត្ថិភាពអស់ចំនួនជាង ១៥៣,០០០នាក់ហើយ ខណៈអាជ្ញាធរក៏កំពុ​ងត្រៀមធ្វើការជម្លៀសពលរដ្ឋប្រមាណជា ១៦៦,០០០នាក់ផ្សេងទៀតផងដែរ ក្នុងករណីអគ្គីភ័យបន្តរាលដាលកាន់តែខ្លាំង៕ អត្ថបទ៖ ភក្តី ប្រភព៖ BCC

ហុងកុង៖ តារាចម្រៀងហុងកុងម្នាក់គឺលោក Eason Chan បានសម្រេចលុបចោលគម្រោងទៅចូករួមកម្មវិធីប្រគំតន្ត្រីដ៏ធំមួយនៅក្នុងប្រទេសថៃដោយបារម្ភពីបញ្ហាសុវត្ថិភាពផ្ទាល់ខ្លួន នេះបើយោងតាមការចុះផ្សាយរបស់បណ្តាញសារព័ត៌មាន South China Morning Post។ តាមគម្រោងគឺតារាចម្រៀងដ៏មានប្រជាប្រិយភាពរូបនេះ នឹងត្រូវបង្ហាញខ្លួនក្នុងកម្មវិធីប្រគំតន្ត្រី The Cantopop star’s Bangkok Concert ដែលនឹងរៀបចំឡើងនៅក្នុងទីក្រុងបាងកក ក្នុងថ្ងៃទី ២២ ខែកុម្ភៈខាងមុខនេះ។ គួរគត់សម្គាល់ថា ការសម្រេចលុបចោលគម្រោងចូលរួមកម្មវិធីប្រគំតន្រ្តីនៅក្នុងប្រទេសថៃពីសំណាក់លោក Eason Chan នៅពេលនេះ ត្រូវបានឡើងបន្ទាប់ពីមានករណីតារាសម្តែងជនជាតិចិនម្នាក់គឺលោក Xing Xing ត្រូវបានគេចាប់បង្ខំឱ្យទៅធ្វើជាឧក្រិដ្ឋជន Online នៅក្នុងប្រទេសមីយ៉ាន់ម៉ា ក្នុងអំឡុងពេលដែលបានទៅថតខ្សែភាពយន្តនៅក្នុងប្រទេសថៃ។ យ៉ាងណាក្តី គិតត្រឹមពេលនេះលោក Xing Xing