ប្រមុខរាជរដ្ឋាភិបាលកម្ពុជា សម្តេចអគ្គមហាសេនាបតីតេជោ ហ៊ុន សែន សម្រេចផ្តល់បន្ថែមថវិកាជូនដល់បណ្តាខេត្តចំនួន ១១ សម្រាប់ឧបត្ថម្ភបងប្អូនប្រជាពលរដ្ឋដែលវិលត្រឡប់មកស្រុកកំណើតវិញ (សម្រាប់ត្រៀមចាប់ពីថ្ងៃទី ២៣ ដល់ថ្ងៃទី ៣១ ខែមីនា ឆ្នាំ ២០២១ ) ខេត្តទាំង១១នោះ ដែលនឹងទទួលបានថវិកា រួមមានដូចជា៖ ១. ខេត្តបាត់ដំបង ទទួលបានថវិកា ៣០០លានរៀល ២. ខេត្តបន្ទាយមានជ័យ ទទួលបានថិវកា ៣០០លានរៀល ៣. ខេត្តពោធិ៍សាត់ ទទួលបានថវិកា ២០០លានរៀល ៤. ខេត្តព្រះវិហារ ទទួលបានថវិកា ២០លានរៀល

នៅព្រឹកថ្ងៃទី២៣ ខែមីនា ឆ្នាំ២០២១នេះ ក្រសួងសុខាភិបាលកម្ពុជា បានចេញសេចក្តីជូនដំណឹងពី ការរកឃើញករណីវិជ្ជមានវីរុសកូវីដ១៩ថ្មី ចំនួន ៣៥នាក់ និងមានករណីជាសះស្បើយថ្មី ៣២នាក់ផងដែរ។ យោងតាមសេចក្តីប្រកាសរបស់ក្រសួងសុខាភិបាល បានបញ្ជាក់ថា អ្នកវិជ្ជមានទាំង នាក់នោះ គឺ មាន ០២នាក់ជាអ្នកដំណើរចូលមកកម្ពុជា និង ៣៣នាក់ទៀតជាអ្នកពាក់ព័ន្ធព្រឹត្តិការណ៍ សហគមន៍២០កុម្ភៈទាំងអស់។ សូមអានសេចក្តីជូនព័ត៌មាននៅខាងក្រោម៖

ខេត្តព្រះសីហនុ-របាយការណ៍ពីរដ្ឋបាលខេត្តព្រះសីហនុឲ្យដឹងថា រសៀលថ្ងៃទី២២ ខែមីនា ឆ្នាំ២០២១ សមត្ថកិច្ចបានឃាត់រថយន្ត០៤គ្រឿងទៀត ដែលបើកគេចប៉ុស្តិ៍ត្រួតពិនិត្យចត្តាឡីស័ក ព្រំប្រទល់រវាងខេត្តព្រះសីហនុ និងខេត្តកំពត ដើម្បីធ្វើការពិន័យអន្តរការណ៍។ ទី១.រថយន្តម៉ាកKIA ពណ៌ស ពាក់ស្លាកលេខភ្នំពេញ2BH-4776 បើកបរដោយឈ្មោះ ផេង រតនា ភេទប្រុស អាយុ៤៧ឆ្នាំ។ ទី២.រថយន្តម៉ាកសាំយ៉ុង ពណ៌ស ពាក់ស្លាកលេខភ្នំពេញ2T-0439 បើកបរដោយឈ្មោះ អុឹម ឃីមភេទប្រុស អាយុ៤៦ឆ្នាំ។ ទី៣.រថយន្តម៉ាក HYUNDAI ពាក់ស្លាកលេខភ្នំពេញ3F-1173 បើកបរដោយឈ្មោះ តុង ផាន់ណា ភេទប្រុស អាយុ២១ឆ្នាំ។ ទី៤.រថយន្តម៉ាកសាំងយ៉ុង ពណ៌លឿង

លោក​វេជ្ជបណ្ឌិត​សាស្ត្រាចារ្យ​មហា​បរិញ្ញា វ៉ាន់ មិច ឯក​ទេស​ព្យាបាល​ជំងឺ​សួត ជំងឺ​ហឺត និង អាលែកហ្សី បានបង្ហាញអារម្មណ៍ភ័យខ្លាច និងព្រួយបារម្ភ ចំពោះកូវីដ១៩ ប្រភេទមេរោគប្រែរូបថ្មី ដែលក្នុងរយៈពេលតែ2ទៅ5ថ្ងៃវាវាយលុកចូលសួតធ្វើអោយរលាកធ្ងន់ធ្ងរទាំងសងខាង។ លោកវេជ្ជបណ្ឌិតជួរមុខមួយរូបបានរៀបរាប់លើបណ្តាញសង្គមផ្ទាល់ខ្លួនរបស់លោកថា៖ “មានបទពិសោធន៍ជាង1ឆ្នាំក្នុងគ្រប់គ្រង និងព្យាបាលជំងឺកូវីដដោយគ្មានការភ័យខ្លាចឬតក់ស្លុតឡើយ ។ តែក្នុង1ខែចុងក្រោយនេះចាប់ពី 20 កុម្ភៈ 2021 ខ្ញុំមានអារម្មណ៍ភ័យខ្លាច និងព្រួយបារម្ភណាស់ ពីព្រោះវាជាប្រភេទមេរោគប្រែរូបថ្មី (variant virus strain) ដែលក្នុងរយៈពេលតែ2ទៅ5ថ្ងៃវាវាយលុកចូលសួតធ្វើអោយរលាកធ្ងន់ធ្ងរទាំងសងខាង ។ រូបភាពសួតត្រូវបានមេរោគស៊ីសុះសាច់ដ៏គួអោយខ្លាច ។ គ្មានថ្នាំណាអាចសម្លាប់វាបានទេ គឺមានតែអនុវត្តន៌អោយបានដាច់ខាតតាមប្រសាសន៌របស់សម្តេចអគ្គមហាសេនាបតីតេជោ ហ៊ុន សែន

រាជធានីភ្នំពេញ៖ តាមការចុះផ្សាយរបស់ ក្រសួងធនធានទឹក និងឧតុនិយម បានឲ្យដឹងថា នៅក្នុងកំឡុងមួយសប្តាហ៍នេះ ព្រះរាជាណាចក្រកម្ពុជា នឹងទទួលឥទ្ធិពលជាបន្តបន្ទាប់ដូចជា៖ នៅថ្ងៃទី២៤-២៧ ខែមីនា ឆ្នាំ២០២១ ភាគឦសាន ទទួលឥទ្ធិពលពីទ្រនុងសម្ពាធខ្ពស់បា៉ស៊ីហ្វីក និងភាគនិរតី ទទួលឥទ្ធិពល ជ្រលងសម្ពាធទាបឥណ្ឌូនេស៊ី ។ ស្ថានភាពបែបនេះនឹងធ្វើឲ្យ៖ ១.បណ្ដាលខេត្តនៅតំបន់ទំនាបកណ្ដាល៖ -សីតុណ្ហភាពអប្បបរមា មានពី២៥-២៨ អង្សាសេ -សីតុណ្ហភាពអតិបរមា មានពី៣៤-៣៧ អង្សាសេ -មានភ្លៀង ផ្គររន្ទះ ពីខ្សោយ ទោមធ្យម ។ ២.បណ្ដាខេត្ត ជាប់ជួរភ្នំដងរែក និងខ្ពង់រាបឦសាន -សីតុណ្ហភាពអប្បបរមា

សៀមរាប៖ យោងតាមការចុះផ្សាយរបស់ ក្រសួងព័ត៌មាន បានឲ្យដឹងថា លោក ក្រុស សារ៉ាត់ ប្រធានមន្ទីរសុខាភិបាលខេត្ដសៀមរាប បានអោយដឹងនៅល្ងាចថ្ងៃទី២២ ខែមីនា ឆ្នាំ២០២១នេះថា កាលពីថ្ងៃទី២១ ខែមីនា ក្រុមគ្រូពេទ្យ សហការជាមួយសមត្ថកិច្ចជំនាញ បានរកឃើញបុរសជនជាតិខ្មែរម្នាក់វ័យ ៤០ឆ្នាំ ដែលបានវិលត្រឡប់មកពីស្រុកភ្នំស្រួច ខេត្ដកំពង់ស្ពឺ កាលពីថ្ងៃទី១៧ ខែមីនា ឆ្នាំ២០២១ ត្រូវបានយកសំណាកទៅធ្វើតេស្ត មានលទ្ធផលមានវិជ្ជមានកូវីដ-១៩។ លោកប្រធានមន្ទីរសុខាភិបាលខេត្ដ បានបញ្ជាក់ថា បុរស់ម្នាក់ដែលផ្ទុកមេរោគកូវីដ-១៩នេះ ស្ថិតនៅភូមិដកពោធិ៍ សង្កាត់ស្លក្រាម ក្រុងសៀមរាប ខេត្តសៀមរាប មានវ័យប្រមាណ៤០ឆ្នាំ ដែលបានធ្វើតេស្តរកឃើញមានវិជ្ជមានកូវីដ-១៩ កាលពីម្សិលមិញ។

យោងតាមការបញ្ជាក់ពី រដ្ឋបាលខេត្តកែប បានឲ្យដឹងថា ខេត្តកែបមានបុគ្គលវិជ្ជមានកូវីដ១៩ ចំនួន០១នាក់ឈ្មោះ ប៉ែន ហេង ភេទស្រី អាយុ៣៤ឆ្នាំ មានមុខរបរជាជំនួយការចុងភៅនៅកាស៊ីណូ ហ៊ួយហ័រ ភូមិ៣ សង្កាត់៤ ក្រុងព្រះសីហនុ ខេត្តព្រះសីហនុ បានមកដល់ខេត្តកែប ថ្ងៃទី១៣ ខែមីនា ឆ្នាំ២០២១ វេលាម៉ោង ១១:០០នាទីយប់ តាមរយៈមធ្យោបាយម៉ូតូផ្ទាល់ខ្លួន ដោយសំងំលាក់ខ្លួននៅក្នុងផ្ទះ។ នៅថ្ងៃទី១៩ ខែមីនា ឆ្នាំ២០២១ បានទទួលដំណឹងវិលត្រឡប់មកវិញរបស់បុគ្គលរូបនេះ ក្រុមឆ្លើយតបបន្ទាន់បានចុះទៅពិនិត្យ សួរនាំធ្វើការវាយតម្លៃហានិភ័យ និងបាននាំយកបុគ្គលរូបនេះធ្វើចត្តាឡីស័កនៅមណ្ឌលចត្តាឡីស័កខេត្ត ព្រមទាំងបានយកសំណាកនៅព្រឹកថ្ងៃទី២០ ខែមីនា ឆ្នាំ២០២១ ទើបទទួលបានលទ្ធផលវិជ្ជមានកូវីដ១៩

យោងតាមការបញ្ជាក់ពី អធិការដ្ឋាននគរបាលស្រុកបាកាន បានឲ្យដឹងថាដោយមានការចង្អុលការពីលោកឧត្តមសេនីយ៍ទោ ស ថេង ស្នងការនៃស្នងការដ្ឋាននគរបាលខេត្តពោធិ៍សាត់ និងមានបទបញ្ជាផ្ទាល់ពី លោកវរសេនីយ៍ឯក នាង វុធ អធិការនគរបាលស្រុកបាកាន ។ នៅថ្ងៃទី២១ ខែ មីនា ឆ្នាំ២០២១ វេលាម៉ោង១៥និង៣០នាទីលោកវរសេនីយ៍ត្រី ញាណ សាវឿន នាយប៉ុស្តិ៍នបឹងខ្នារ បានដឹកនាំកម្លាំងចុះបង្ក្រាបល្បែងស៊ីសងខុសច្បាប់០១លើក ( បៀរ) នៅចំណុចផ្ទះរបស់ឈ្មោះ ជា អ៉ិត ស្ថិតនៅភូមិដើមច្រេស ឃុំបឹងខ្នារ ស្រុកបាកាន ខេត្តពោធិ៍សាត់ ។ + ជាលទ្ធផលឃាត់ខ្លួនបានមនុស្សញៀនល្បែងចំនួន ០៦នាក់

យោងតាមការបញ្ជាក់ពី នាយកដ្ឋានប្រយុទ្ធនឹងជំងឺឆ្លង បានឲ្យដឹងថា មានករណីវិជ្ជមានកូវីដ១៩ ម្នាក់បានចូលក្នុងហាងលក់គ្រឿងទេស Indian Spices នៅលើផ្លូវវត្តកោះ (៨១) រាជធានីភ្នំពេញ នៅប្រហែលម៉ោង ៧ ថ្ងៃទី១៤ ខែមីនា ឆ្នាំ២០២១។ នាយកដ្ឋានប្រយុទ្ធនឹងជំងឺឆ្លង សូមអញ្ជើញបងប្អូនដែលមានរោគសញ្ញាដូចជា៖ គ្រុនក្តៅ ក្អក កណ្តាស់ ឈឺបំពង់ក ឬដកដង្ហើមខ្លីៗ និងធ្លាប់ចេញចូលក្នុងហាងលក់គ្រឿងទេស Indian Spices ពីថ្ងៃទី១៤ ខែមីនា ឆ្នាំ២០២១ ប្រហែលម៉ោង ៧យប់ សូមអញ្ជើញទៅធ្វើតេស្តនៅមន្ទីរពេទ្យ ដែលបានកំណត់អនុញ្ញាតក្នុងរាជធានីភ្នំពេញ ឬខេត្តរបស់អ្នក និងពាក់ម៉ាសជាប្រចាំ។

យោងតាមលិខិតរបស់រដ្ឋបាលខេត្តកំពង់ស្ពឺ បានជូនដំណឹងដល់បងប្អូនប្រជាពលរដ្ឋខេត្តកំពង់ស្ពឺ ជាពិសេសបងប្អូនប្រជាពលរដ្ឋ ដែលពាក់ព័ន្ធនឹងការទិញ-លក់ស្វាយនៅតំបន់ផ្សារត្រែងត្រយឹង ស្រុកភ្នំស្រួច ជាមួយឈ្មោះ អ៉ឹង ឡាង ភេទ ប្រុស អាយុ៤០ឆ្នាំ មានអាសយដ្ឋាននៅភូមិចំការចេក ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ដែលមានវិជ្ជមានកូវីដ១៩ និងកំពុងសម្រាកព្យាបាលនៅមន្ទីរពេទ្យនាខេត្តសៀមរាប។ រដ្ឋបាលខេត្តកំពង់ស្ពឺ បានអំពាវនាវដល់បងប្អូនប្រជាពលរដ្ឋ ដែលសង្ស័យថាខ្លួនបានជាប់ពាក់ព័ន្ធដោយផ្ទាល់ ឬប្រយោលជាមួយអ្នកវិជ្ជមានកូវីដ១៩ សូមមេត្តាទៅមណ្ឌលសុខភាព ឬមន្ទីរពេទ្យបង្អែកខេត្ត ដើម្បីពិនិត្យ និងយកសំណាក ព្រមទាំងបង្កើនការប្រុងប្រយ័ត្នខ្ពស់ បន្តអនុវត្តឲ្យបានខ្ជាប់ខ្ជួននូវវិធានការ ៣ការពារ ៣កុំ និងធ្វើចត្តាឡីស័កខ្លួនឯងមួយរយៈសិន៕