សារព័ត៌មាន The World of Buzz បានរាយការណ៍ថា លោក Dato Sree Hamzah bin Sinudin រដ្ឋមន្ត្រីក្រសួងកិច្ចការផ្ទៃក្នុងរបស់ប្រទេសម៉ាឡេស៊ី បានថ្លែង​អំពាវនាវ​ដល់​ពលរដ្ឋ​ម៉ាឡេស៊ី​ ដែល​ធ្វើ​ដំណើរ​ទៅ​ប្រទេស​ថៃ​អោយធ្វើការជៀសវាង អាហារ ឬភេសជ្ជៈ ដែលមានផ្ទុកសារធាតុកញ្ឆា បើទោះជាប្រទេសថៃបានដកកញ្ឆាចេញពីបញ្ជីគ្រឿងញៀនប្រភេទទី៥ កាលពីដើមខែមិថុនាក៏ដោយ ប៉ុន្តែ​កញ្ឆា​នៅ​តែ​ត្រូវ​បាន​គេ​ចាត់​ទុក​ថា​ជា​ថ្នាំ​ខុស​ច្បាប់នៅប្រទេសម៉ាឡេស៊ីនៅឡើយទេ។ អ្នកយកព័ត៌មានពី Kuang Wah បានសួរថា តើមានអ្វីកើតឡើងចំពោះអ្នកដែលទទួលទានអាហារដែលផ្សំពីកញ្ឆាដោយចៃដន្យ ពេលកំពុងវិស្សមកាលនៅប្រទេសថៃ? លោក Dato Sree Hamzah បាននិយាយថា នឹងមិនមានការធ្វើតេស្តគ្រឿងញៀនលើជនស៊ីវិលម៉ាឡេស៊ីទាំងអស់ដែលត្រឡប់មកពីប្រទេសថៃទេ ទោះយ៉ាងណាក៏ដោយ

ប្រទេសកូរ៉េខាងជើងបាននិយាយថា ការផ្ទុះឡើងនៃជំងឺ COVID-19 នៅក្នុងប្រទេសរបស់ខ្លួន គឺបានចាប់ផ្តើមឡើង បន្ទាប់ពីពលរដ្ឋរបស់ខ្លួន បានប៉ះពាល់បាឡុងដែលហោះចេញពីកូរ៉េខាងត្បូង។ ទូរទស្សន៍រដ្ឋកណ្តាលកូរ៉េ បានរាយការណ៍នៅថ្ងៃសុក្រនេះថា អាជ្ញាធរសុខាភិបាលបានចេញផ្សាយលទ្ធផលនៃការស៊ើបអង្កេតរបស់ខ្លួន អំពីរបៀបដែលជំងឺ COVID-19 អាចចូលក្នុងប្រទេសនេះបាន ដោយបញ្ជាក់ថា មានទាហានវ័យ ១៨ ឆ្នាំម្នាក់ បានប៉ះពាល់អ្វីដែលខ្លួនហៅថា «វត្ថុចម្លែក» នៅមូលដ្ឋានយោធាក្នុងខេត្ត Gangwon ជិតព្រំដែនជាមួយកូរ៉េខាងត្បូង។ បន្ថែមពីនោះ ក៏មានសិស្ស​សាលា​មត្តេយ្យ​អាយុ ៥ ឆ្នាំ​ម្នាក់​ បាន​ប៉ះ​របស់​ស្រដៀង​គ្នា​​ នៅ​លើ​ភ្នំ​មួយក្នុង​ខេត្តដដែលនោះ។ ឧប្បត្តិហេតុទាំង ២ ត្រូវបានគេរាយការណ៍ថា បានកើតឡើងនៅដើមខែមេសា ហើយអ្នកទាំង ២

ថៃ៖ កាលពីពេលថ្មីៗនេះ អាជ្ញាធរប្រទេសថៃបានចុះ​ត្រួតពិនិត្យតាម​តំបន់​ ដើម្បី​ថែរក្សា​សណ្តាប់ធ្នាប់​ក្នុង​ការ​រៀបចំ​តូប​លក់ដូរ ក៏ដូចជា​សម្រួល​ដល់​ភ្ញៀវ​ទេសចរ​ណ៍។ ខណៈពេល​ចុះ​ពិនិត្យ ​បាន​រក​ឃើញ​ឈ្មោះ Dave អាយុ ៣៦ឆ្នាំ ជា​អ្នក​លក់​ក-ញ្ឆា កំពុងតែរៀប​ចំ​តុ​មួយ​មក​តាំង​លក់ ​ទើប​សុំ​មើល​អាជ្ញាប័ណ្ណលក់បែរជាមិនមានទៅវិញ មន្រ្តីនគរបាលក៏​បាន​សុំ​ការ​សហការ​ដោយប្រមូល​យកសម្ភារៈ ក៏ដូចជាណែនាំអោយពួកគេធ្វើលិខិតស្នើរសុំការអនុញ្ញាតិ​ បង្កើត​ហាង​នៅ​តាម​បណ្តោយ​ផ្លូវ Khao San ជាមុនសិន។ លោក Dave បាននិយាយថា គាត់បានចាប់ផ្តើមលក់ក-ញ្ឆាសរីរាង្គតាំងពីថ្ងៃដំបូងដែលវាត្រូវបានប្រកាសអោយលក់ដោយស្របច្បាប់ ដោយគាត់បានទៅលក់នៅប៉ាតាយ៉ាបានមួយថ្ងៃ បន្ទាប់មកគាត់បានលក់វានៅផ្លូវ Khao San ហើយបន្ទាប់មកក៏ចាប់ផ្តើមលក់នៅកាច់ជ្រុងឃ្វាលគោ និងបន្តផ្លាស់ទីរហូតដល់ក្បាលថ្នល់នៅ Rocco Bar។ ដោយសារតែមានឈ្មួញផ្សេងទៀត មករៀបចំតុលក់កញ្ឆាដូចគ្នា រហូតលោកត្រូវរើចេញទៅលក់អោយឆ្ងាយ

ប្រទេសកូរ៉េខាងត្បូងកាលពីថ្ងៃព្រហស្បតិ៍ ទី៣០ ខែមិថុនា បានអនុញ្ញាតការព្យាបាលដោយប្រើប្រាស់ថ្នាំអង់ទីគ័ររបស់ក្រុមហ៊ុន AstraZeneca PLC សម្រាប់ទប់ស្កាត់ជំងឺ COVID-19 ចំពោះមនុស្សដែលមានការឆ្លើយតបនឹងប្រព័ន្ធភាពស៊ាំខ្សោយ និងជាការបន្ថែមជម្រើសថ្មីមួយទៀត ដើម្បីសម្រាលបន្ទុកដល់ប្រព័ន្ធសុខាភិបាល។ ក្រសួងសុវត្ថិភាពចំណីអាហារ និងឱសថបានផ្តល់ការអនុញ្ញាតឱ្យប្រើប្រាស់ជាបន្ទាន់សម្រាប់ថ្នាំ Evushel ចំនួន ២០,០០០ ដូស សម្រាប់បុគ្គលដែលមានអាយុចាប់ពី ១២ឆ្នាំឡើងទៅ ដែលមិនទាន់បានធ្លាប់បានឆ្លងជំងឺនេះ។ ទិន្នន័យរបស់រដ្ឋាភិបាលបានបង្ហាញថា ជិត ៨៧% នៃប្រជាជនកូរ៉េខាងត្បូងចំនួន ៥២ លាននាក់ បានចាក់វ៉ាក់សាំងបង្ការជំងឺ COVID-19 បានពេញលេញ ខណៈដែល ៦៥% បានចាក់ដូសជំរុញផងដែរ។ ទោះជាយ៉ាងណាក៏ដោយ បុគ្គលដែលមានប្រព័ន្ធការពាររាងកាយចុះខ្សោយ

យោងតាមសារព័ត៌មាន BBC បានរាយការណ៍ថា សភាអ៉ីស្រាអែលបានរំលាយសភាមុនពេលការបោះឆ្នោតថ្មីលើកទី៥ ដែលនឹងប្រព្រឹត្តទៅនៅថ្ងៃទី០១ ខែវិច្ឆិកា ឆ្នាំ២០២២ខាងមុខនេះ ខណៈលោក Yair Lapid ដែលជាមេដឹកនាំគណបក្សកណ្តាល នឹងក្លាយជានាយករដ្ឋមន្ត្រីស្តីទីជំនួសលោក Naftali Bennett នាយករដ្ឋមន្ត្រីនាពេលបច្ចុប្បន្ន នៅថ្ងៃសុក្រទី០១ ខែកក្កដានេះ រហូតទាល់តែរដ្ឋាភិបាលថ្មីត្រូវបានបង្កើតឡើង។ ការរំលាយនេះបានធ្វើឡើងបន្ទាប់ពីរដ្ឋាភិបាលបច្ចុប្បន្ន ដែលបង្កើតឡើងដោយសម្ព័ន្ធភាពនយោបាយរបស់លោក Lapid និង Bennett បានបែកបាក់​គ្នា​នៅក្នុង​ប្រវត្តិសាស្ត្រ​នយោបាយ​របស់​អ៉ីស្រាអែល។ សម្ព័ន្ធភាពនយោបាយរបស់លោក Lapid និង Bennett ត្រូវបានបង្កើតឡើងដោយគណបក្សនយោបាយចំនួនប្រាំបីមកពីគ្រប់ភាគី រួមទាំងភាគីដែលមានទស្សនៈផ្ទុយគ្នាខាងមនោគមវិជ្ជា ហើយ​ក៏មាន​គណបក្ស​អារ៉ាប់​ឯករាជ្យ​ជាលើកដំបូង​ចាប់តាំងពី​ការបង្កើត​របស់​អ៉ីស្រាអែល​ក្នុង​ឆ្នាំ១៩៤៨ ផងដែរ។ លោក Lapid

មេដឹកនាំនៃប្រទេសជាសមាជិករបស់អង្គការណាតូបានប្រកាសថា ប្រទេសរុស្ស៊ីគឺជា «ការគំរាមកំហែងដោយផ្ទាល់ និងសំខាន់បំផុត» ចំពោះសន្តិសុខរបស់ពួកគេ។ ពួកគេនិយាយថា ការលុកលុយទៅលើអ៊ុយក្រែនបានបង្ហាញថា ទីក្រុងមូស្គូកំពុងព្យាយាមបង្កើតឥទ្ធិពលតាមរយៈ «ការបង្ខិតបង្ខំ បង្ហិនបង្ហោច ការឈ្លានពាន និងរឹបអូសយក»។ ជម្រាបដែរថា មេដឹកនាំសមាជិកណាតូបាន​បញ្ចប់​កិច្ច​ពិភាក្សា​រយៈពេល ២​ថ្ងៃ ​នៅ​ថ្ងៃ​ព្រហស្បតិ៍​ក្នុង​ទីក្រុងម៉ាឌ្រីដ ប្រទេសអេស្ប៉ាញ ជាមួយនឹងទិសដៅយុទ្ធសាស្ត្រថ្មី និងការពង្រឹងទំនាក់ទំនងរបស់ពួកគេ។ នៅក្នុងកិច្ចប្រជុំនោះ ក៏ជាពេលដែលហ្វាំងឡង់ និងស៊ុយអែត ត្រូវបានអង្គការណាតូអញ្ជើញឱ្យធ្វើជាសម្ព័ន្ធមិត្ត ដើម្បីឈ្ពោះទៅកាន់ភាពជាសមាជិកជាផ្លូវការ។ អគ្គលេខាធិការអង្គការណាតូ លោក Jens Stoltenberg បាននិយាយថា ការសម្រេចចិត្តដែលមេដឹកនាំទាំងអស់បានធ្វើនៅទីក្រុងម៉ាឌ្រីដ នឹងធានាថា សម្ព័ន្ធភាពទាំងអស់នឹងបន្តរក្សាសន្តិភាព ទប់ស្កាត់ជម្លោះ និងការពារប្រជាជន

រដ្ឋបាលចំណីអាហារ និងឱសថសហរដ្ឋអាមេរិក (FDA) បានស្នើឱ្យក្រុមហ៊ុនផលិតវ៉ាក់សាំងបង្ការជំងឺ COVID-19 នានា ធ្វើបច្ចុប្បន្នភាពលើដូសជំរុញរបស់ពួកគេ ដើម្បីដោះស្រាយវ៉ារ្យ៉ង់អូមីក្រុងទម្រង់ថ្មីៗដែលកំពុងកើនឡើង។ ខ្លួនបាននិយាយថា អ្នកផលិតគួរតែបន្ថែមសមាសធាតុ spike protein ដល់ដូសជំរុញ ដើម្បីកំណត់គោលដៅលើវ៉ារ្យ៉ង់អូមីក្រុងអនុទម្រង់ BA.4 និង BA.5។ គណៈកម្មាធិការប្រឹក្សារបស់ FDA បានបោះឆ្នោតនៅសប្តាហ៍នេះ ហើយក៏ទទួលបានសំឡេងយ៉ាងច្រើនផងដែរ ក្នុងការយល់ស្របឱ្យមានការធ្វើបច្ចុប្បន្នភាពសម្រាប់ដូសជំរុញ ដោយសង្ឃឹមថា នឹងចាប់ផ្តើមប្រើឧបករណ៍ជំរុញដែលបានកែប្រែទាំងនោះនៅក្នុងរដូវស្លឹកឈើជ្រុះ។ ការណែនាំគឺសម្រាប់តែដូសជំរុញប៉ុណ្ណោះ និងមិនអាចជាវ៉ាក់សាំងបឋមនោះទេ។ អ្នកផលិតវ៉ាក់សាំងច្រើនតែដោះស្រាយបញ្ហាជារួម ជាក់ស្ដែងក្រុមហ៊ុន Pfizer និង Moderna បានបង្កើតកំណែវ៉ាក់សាំងរបស់ពួកគេ ដែលកំណត់គោលដៅលើ BA.1

មន្ត្រីក្នុងតំបន់នៅព្រឹកថ្ងៃសុក្រ ទី០១ ខែកក្កដា ឆ្នាំ២០២២ បានរាយការណ៍ថា មីស៊ីលរបស់រុស្ស៊ីបានវាយប្រហារទៅលើអគារផ្ទះល្វែងច្រើនជាន់មួយ នៅក្នុងកំពង់ផែសមុទ្រខ្មៅ Odesa របស់ប្រទេសអ៊ុយក្រែន ដោយបានសម្លាប់មនុស្សអស់យ៉ាងហោចណាស់  ១០នាក់ នេះបើតាមការចុះផ្សាយរបស់សារព័ត៌មានរ៉យទ័រ។ លោក Serhiy Bratchuk អ្នកនាំពាក្យរបស់រដ្ឋបាលតំបន់ Odesa បាននិយាយនៅលើ Telegram របស់គាត់ថា៖«ចំនួនអ្នកស្លាប់នៅក្នុងការវាយប្រហារលើអគារផ្ទះល្វែង ឥឡូវនេះបានកើនឡើងដល់ ១០នាក់»។ សេចក្តីរាយការណ៍មុននេះ បាននិយាយថា មនុស្ស ៦នាក់ បានស្លាប់នៅក្នុងឧបទ្ទវហេតុដែលបានកើតឡើងនៅយប់ថ្ងៃព្រហស្បតិ៍ ក្នុងនោះមានកុមារ ៣នាក់ ផងដែរ។ យ៉ាងណាក៏ដោយ រ៉យទ័រមិនអាចបញ្ជាក់ពីព័ត៌មានលម្អិតនៃឧប្បត្តិហេតុនេះដោយឯករាជ្យបានទេ៕ អត្ថបទ៖ លីដា

ប្រធានាធិបតីចិនលោក ស៊ី ជីនពីង បានបង្ហាញទំនុកចិត្តលើការពារការរីករាលដាលនៃជំងឺ COVID-19 និងបន្តការអភិវឌ្ឍន៍សេដ្ឋកិច្ចជាតិរបស់លោក ក្នុងអំឡុងពេលធ្វើដំណើរទៅកាន់ទីក្រុងវូហានភាគកណ្តាលរបស់ប្រទេសចិន ដើម្បីត្រួតពិនិត្យអាជីវកម្ម និងតំបន់លំនៅដ្ឋានរបស់ពលរដ្ឋនៅទីនោះ។ លោក​មានជំហរលើគោលនយោបាយ zero-COVID ​របស់​រដ្ឋាភិបាល​របស់លោក ហើយ​បាន​សង្កត់​ធ្ងន់​ថា វា​នឹង​នៅ​បន្ដអនុវត្តដដែល។ លោក​បាន​មាន​ប្រសាសន៍​ថា បើ​គិត​ពី​ចំនួន​ប្រជាជន​ដ៏​ច្រើន​របស់​ប្រទេស​ចិន ហើយបើមិន​អើពើ​វិធាននឹងការ​គ្រប់គ្រង​ការ​ឆ្លង​មេរោគ នោះ​ផលវិបាក​នឹង​មិន​អាច​នឹក​ស្មាន​ដល់។ លោកបានបន្ថែមថា ផលប៉ះពាល់បណ្តោះអាសន្នលើការអភិវឌ្ឍន៍សេដ្ឋកិច្ចនឹងអាចទទួលយកបាន ជាជាងការប៉ះពាល់ដល់អាយុជីវិត និងសុខភាពរបស់ប្រជាជនចិន។ លោក ស៊ី បានពណ៌នាអំពីគោលនយោបាយ zero-COVID ថាជាជម្រើសសន្សំសំចៃ និងមានប្រសិទ្ធភាពបំផុតសម្រាប់ប្រទេសជាតិ។ លោក​ក៏​បាន​សន្យា​ថា ​នឹង​នាំ​ឱ្យ​មាន​ការ​អភិវឌ្ឍ​សេដ្ឋកិច្ច​សម្រាប់​ឆ្នាំ​នេះ​ ក្នុង​កម្រិត​ល្អ​គួរ​ឱ្យ​កត់​សម្គាល់។ យ៉ាងណា អ្នកឃ្លាំមើលប្រទេសចិនមួយចំនួននិយាយថា វានឹងពិបាកសម្រាប់ប្រទេសនេះក្នុងការសម្រេចបាននូវអត្រាកំណើនគោលដៅ ៥.៥% របស់រដ្ឋាភិបាលនៅឆ្នាំនេះ៕

មជ្ឈមណ្ឌលគ្រប់គ្រងស្ថានការណ៍ជំងឺ COVID-19 ថ្មីៗនេះ បានប្រកាសថា ខ្លួននឹងលុបចោលប្រព័ន្ធច្រកចេញចូលប្រទេសថៃ (Thailand Pass) សម្រាប់ភ្ញៀវទេសចរបរទេសចាប់ពីថ្ងៃទី០១ ខែកក្កដា ឆ្នាំ២០២២ នេះបើតាមការចុះផ្សាយរបស់សារព័ត៌មាន The Nation Thailand ។ ទន្ទឹមនឹងនោះ ច្បាប់ពាក់ម៉ាស់ក៏ត្រូវបានដកចេញរួចហើយ ប៉ុន្តែអ្នកដំណើរនៅតំបន់មានមនុស្សកកកុញ រួមទាំងអ្នកដែលប្រើប្រាស់មធ្យោបាយដឹកជញ្ជូនសាធារណៈ ត្រូវបានជំរុញឱ្យបន្តពាក់មុខជាចាំបាច់។ រូបភាពខាងក្រោមនេះ​ គឺជា​សេចក្ដី​សង្ខេប​នៃ​វិធានការ​ថ្មី​ ដែល​មាន​ប្រសិទ្ធភាព​ចាប់​ពី​ថ្ងៃ​ទី០១ ខែ​កក្កដា៖ អត្ថបទ៖ លីដា ប្រភព៖ The Nation Thailand