ប្រទេសដាណឺម៉ាក និងស៊ុយអែត កំពុងកោះហៅឯកអគ្គរដ្ឋទូតរុស្ស៊ីប្រចាំប្រទេសរបស់ពួកគេ បន្ទាប់ពីយន្តហោះចារកម្មរុស្ស៊ី បានរំលោភដែនអាកាសរបស់ប្រទេសទាំងពីរ។ អាជ្ញាធរនៃប្រទេសដាណឺម៉ាក និងស៊ុយអែត បានរាយការណ៍ថា យន្តហោះរបស់រុស្ស៊ីបានចូលដែនអាកាស នៅភាគខាងកើតនៃកោះ Bornholm របស់ដាណឺម៉ាក កាលពីល្ងាចថ្ងៃសុក្រ បន្ទាប់មកបានចូលដែនអាកាសស៊ុយអែតបន្ដទៀត នេះបើតាមការចុះផ្សាយរបស់សារព័ត៌មាន South China Morning Post ។ រដ្ឋមន្ត្រីការបរទេសដាណឺម៉ាក លោក Jeppe Kofod បាននិយាយថា ឯកអគ្គរដ្ឋទូតរុស្ស៊ីប្រចាំនៅដាណឺម៉ាក ត្រូវបានគេកោះហៅ ជុំវិញឧប្បត្តិហេតុយន្តហោះចារកម្ម ដែលលោកបានរិះគន់ថា «មិនអាចទទួលយកបាន»។ ចំណែកក្រសួងការបរទេសស៊ុយអែត ក៏បាននិយាយថា ឯកអគ្គរដ្ឋទូតរុស្ស៊ីនឹងត្រូវបានកោះហៅនៅទីក្រុង Stockholm ផងដែរ។ លោក

ថៃ៖ កាលពីថ្ងៃទី២៦ មេសា ឆ្នាំ២០២២ អ្នកស្រី ជីរ៉ាវណ្ណ ង៉ាមជីត អាយុ៣៤ឆ្នាំ ព្រមជាមួយស្វាមី អ្នកខេត្តផាក់យ៉ៅ ដោយអ្នកស្រីជីរ៉ាវណ្ណបានរៀបរាប់ថា «គាត់ជាមួយនឹងស្វាមី កាលពីមុនប្រកបរបរលក់ដូរទូទៅ ដោយសារតែការរីករាលដាលនៃមេរោគកូវិត១៩ ទើបលក់ដូរមិនដាច់ ទើបមានគំនិតនាំយកត្រីទីឡាបយ៉ាមកដាក់ដុតអប់នៅក្នុងពាង ដោយបើកលក់នៅពីខាងមុខផ្ទះឈើផ្ទាល់តែម្តង»។ ខណៈពេលដែលអ្នកស្រី កំពុងតែឈរដោតត្រីទីឡាបយ៉ា បានរៀបរាប់បន្តទៀតថា «គាត់លក់បាន៨ខែហើយដោយក្នុង១ថ្ងៃលក់យ៉ាងតិចបានចន្លោះពី ២០-៣០ក្បាល» ចំណែកត្រីគាត់កម្ម៉ង់ផ្ទាល់ពីអ្នកចិញ្ចឹមត្រី ចំនួនជាង៣០គីឡូក្នុង១ថ្ងៃ។ ចំណុចពិសេសនៃត្រីដុតអប់ក្នុងពាងរបស់គាត់នោះគឺ គាត់ជ្រើសរើសយកត្រីស្រស់ៗរាល់ថ្ងៃ ទើបធ្វើអោយសាច់ត្រីទន់ផ្អែមឆ្ងាញ់ បូករួមជាមួយនឹងទឹកជ្រលក់ និងទឹកត្រីបុក ដែលគាត់កែច្នៃឲ្យខុសប្លែកពីគេ អមដោយបន្លែផ្ទាប់ស្រស់ទៀតនោះ ទើបធ្វើឲ្យរបរគាត់ទទួលជោគជ័យ ចំណែកឯតម្លៃវិញត្រឹមតែ៣ដុល្លារក្នុងមួយឈុតតែប៉ុណ្ណោះ។ តាមរយៈអត្ថបទនេះចង់បង្ហាញថា

មន្ត្រីក្នុងតំបន់បាននិយាយថា មនុស្សចំនួន ៨នាក់ រួមមានកុមារចំនួន ៦នាក់ ត្រូវបានគេបញ្ជាក់ថា បានស្លាប់ បន្ទាប់ពីអគ្គីភ័យដ៏ធំមួយបានឆាបឆេះផ្ទះជាច្រើន នៅជិតរដ្ឋធានីម៉ានីលរបស់ប្រទេសហ្វីលីពីន។ អគ្គីភ័យបានចាប់ផ្តើមម៉ោងប្រហែល ០៥:០០ នាទី ម៉ោងក្នុងស្រុក នៅថ្ងៃច័ន្ទ ទី០២ ខែឧសភា ឆ្នាំ២០២២ ហើយវាបានបន្ដឆាបឆេះ និងបានបំផ្លាញផ្ទះពលរដ្ឋអស់ប្រមាណ ៨០ ខ្នង ខណៈប្រើពេលជិត ២ម៉ោង ទើបពន្លត់អស់។ ភ្លើងបានចាប់ផ្តើមឆេះចេញពីផ្ទះជាន់ទី២ ក្នុងបរិវេណនៃសាកលវិទ្យាល័យហ្វីលីពីន ក្នុងទីក្រុង Quezon ហើយមូលហេតុនៃការឆាបឆេះនេះ នៅមិនទាន់ដឹងនៅឡើយទេ។ គួរឱ្យដឹងដែរថា ប្រទេសហ្វីលីពីនគឺជាប្រទេសមួយ ដែលមានប្រជាជនរស់នៅច្រើនបំផុតនៅលើពិភពលោក ហើយរដ្ឋធានីរបស់ប្រទេសនេះ

ប្រទេសរុស្ស៊ីបានដាក់ពង្រាយទាហានសត្វត្រីដូហ្វីន ដែលបានហ្វឹកហាត់នៅមូលដ្ឋានទ័ពជើងទឹករបស់ខ្លួន ចូលទៅក្នុងសមុទ្រខ្មៅ នៅចំពេលដែលប្រទេសនេះកំពុងឈ្លានពានប្រទេសអ៊ុយក្រែន នេះបើយោងតាមការពិនិត្យឡើងវិញរបស់វិទ្យាស្ថានកងទ័ពជើងទឹកសហរដ្ឋអាមេរិក (USNI) លើរូបភាពផ្កាយរណប។ USNI ដែលជាវេទិកាឯករាជ្យមួយ សម្រាប់បញ្ហាការពារដែនសមុទ្រ និងសន្តិសុខបាននិយាយថា កងទ័ពជើងទឹករុស្ស៊ីបានដាក់ពង្រាយត្រីដូហ្វីនចល័តចំនួន ២ នៅច្រកចូលកំពង់ផែ Sevastopol ក្បែរចុងភាគនិរតីនៃតំបន់គ្រីមៀ ក្នុងខែកុម្ភៈ។ យោងតាមអ្នកវិភាគកងទ័ពជើងទឹកបានឱ្យដឹងថា សត្វត្រីដូហ្វីនទាំងនោះអាចនឹងមានភារកិច្ចការពារអ្នកមុជទឹកអ៊ុយក្រែនពីការជ្រៀតចូលកំពង់ផែ Sevastopol និងបំផ្លាញនាវាចម្បាំងនៅទីនោះ។ ជម្រាបដែរថា Sevastopol គឺជាមូលដ្ឋានទ័ពជើងទឹកដ៏សំខាន់សម្រាប់វិមានក្រឹមឡាំង ដោយសារតែវានៅជិតតំបន់គ្រីមៀ ដែលរុស្ស៊ីបានបញ្ចូលក្នុងឆ្នាំ២០១៤។ វាមិនមែនជាលើកទី១នោះទេ ដែលត្រីដូហ្វីនត្រូវបានប្រើប្រាស់ក្នុងប្រតិបត្តិការយោធា។ ជាក់ស្ដែងកាលពីក្នុងអំឡុងសង្គ្រាមត្រជាក់ សហភាពសូវៀត និងសហរដ្ឋអាមេរិក បានហ្វឹកហាត់សត្វផ្សោត ដើម្បីស្វែងរកអ្នកមុជទឹក និងមីនរបស់សត្រូវ។

ជនស៊ីវិលរាប់សិបនាក់ត្រូវបានជម្លៀសចេញពីទីក្រុង Mariupol ទៅកាន់ទឹកដីដែលកាន់កាប់ដោយរុស្ស៊ី និងអ៊ុយក្រែន បន្ទាប់ពីមានការឡោមព័ទ្ធរបស់យោធារុស្ស៊ីជាច្រើនសប្តាហ៍នៅទីនោះ នេះបើតាមការចុះផ្សាយរបស់សារព័ត៌មាន BBC ។ អ្នកខ្លះអាចចាកចេញពីរោងចក្រដែក Azovstal ដែលជាទីតាំងយុទ្ធសាស្ត្រចុងក្រោយរបស់កងទ័ពអ៊ុយក្រែន នៅក្នុងការប្រយុទ្ធជាមួយកងទ័ពរុស្ស៊ី។ ភាគីរុស្ស៊ីបាននិយាយថា មានជនស៊ីវិលរាប់សិបនាក់បានមកដល់ភូមិមួយ ដែលខ្លួនជាអ្នកគ្រប់គ្រង។ ចំណែកប្រធានាធិបតីអ៊ុយក្រែនលោក Volodymyr Zelensky ក៏បាននិយាយថាដែរថា ក្រុមពលរដ្ឋដ៏ធំមួយក៏កំពុងធ្វើដំណើរទៅកាន់ Zaporizhzhia ដែលស្ថិតក្រោមការគ្រប់គ្រងរបស់អ៊ុយក្រែន។ លោក​ Zelensky បាន​សរសេរ​ថា​៖ «​ក្រុម​ដំបូង​ដែល​មាន​គ្នា​ប្រហែល ១០០ នាក់​ កំពុង​ធ្វើ​ដំណើរ​ទៅ​កាន់​តំបន់ដែលយើង​គ្រប់គ្រង​រួច​ហើយ​។ ថ្ងៃស្អែក [ថ្ងៃច័ន្ទ] យើងនឹងជួបពួកគេនៅ Zaporizhzhia ។ សូមថ្លែងអំណរគុណចំពោះក្រុមរបស់យើង!

កាលពីថ្ងៃទី៣០ ខែមេសា តាមប្រភពព័ត៌មាន CNN បានរាយការណ៍ថា «មានគូស្នេហ៍ជនជាតិអាមេរិកមួយគូរបានរៀបអាពាហ៍ពិពាហ៍លើអាកាស នៃជើងហោះហើររបស់ក្រុមហ៊ុនអាកាសចរណ៍ Southwest គោលដៅពីទីក្រុង Dellas នៃរដ្ឋ Texas ទៅកាន់ទីក្រុង Las Vegas នៃរដ្ឋ Nevada ដោយបន្ទប់អ្នកដំណើរលើយន្តហោះបានរៀបចំអោយក្លាយទៅជាវិហារសម្រាប់ប្រារព្ធពិធីអាពាហ៍ពិពាហ៍បណ្តោះអាសន្ន ដោយមានមិត្តរួមដំណើរក៏ដូចជាអាកាសយាននិកចូលរួមជាសាក្សី»។ គួរបញ្ជាក់ផងដែរថា កូនក្រមុំមានឈ្មោះថា Pam Patterson និងកូនកំលោះឈ្មោះ Jerome Salda ដោយមានកំណត់រៀបអាពាហ៍ពិពាហ៍នៅវិហារវេលា ២១:០០នាទី នៃយប់ថ្ងៃអាទិត្យទី២៤ ខែមេសា។ ក្រោយពីចេញដំណើរដើម្បីឆ្ពោះទៅកាន់ទីក្រុង Las Vegas ដោយ

ថៃ៖ យោងតាមការចុះផ្សាយនៅលើសារព័ត៌មានថៃ sanook កាលពីថ្ងៃទី ៣០ ខែមេសា កន្លងមក បានឲ្យដឹងថា តារាសម្តែងល្បីថៃកញ្ញា Ann Thongprasom បានចេញសារនិងរូបភាពចែករំលែកដល់មិត្តអ្នកលេងសង្គមអនឡាញថា៖ «កាលពី៣ខែមុន Ann មិនបានដឹងឡើយថាខ្លួនឯងបាក់ជើង ដោយសារតែ Ann ជាមនុស្សដែលចូលចិត្តអត់ធ្មត់ ហើយគិតថាខ្លួនឯងមាំ ទើបនៅតែប្រឹងប្រើជីវិតរស់នៅតាមធម្មតា។ ប៉ុន្តែឆ្ងល់ខ្លួនឯងថាហេតុអ្វីបានជាដើរខុសធម្មតា ដើររបៀបអ្នកឈឺជើង រហូតកន្លងផុតទៅរយៈពេល ១ខែកន្លះ ទើបនឹកសង្ស័យថាហេតុអ្វីបានជាមិនទាន់បាត់សោះ ការងារថតភាពយន្តនិងសម្តែងដែល Ann បានទទួលថតត្រូវបានផ្អាក។  ដោយសារតែអ្នកដឹកនាំអោយ Ann សម្រាក ព្រោះមានឈុតឆាកខ្លះ ត្រូវហក់លោតកាប់ចាក់ជាច្រើនឆាក។ ទើប Ann ចាប់ផ្តើមដាក់សម្ពាធខ្លនឯង ទើបបានជា Ann

តាមសេចក្តីរាយការណ៍បានឱ្យដឹងថា ប្រទេសប៉ូឡូញបានផ្តល់រថក្រោះដល់អ៊ុយក្រែន ដើម្បីពង្រឹងការការពាររបស់ខ្លួន ប្រឆាំងនឹងការឈ្លានពានរបស់កងកម្លាំងរុស្ស៊ី។ ស្ថានីយទូរទស្សន៍ប៉ូឡូញបានសម្ភាសមន្ត្រីជាន់ខ្ពស់រដ្ឋាភិបាល ទទួលបន្ទុកគោលនយោបាយសន្តិសុខ ដែលបាននិយាយថា ទីក្រុង Warsaw បានផ្គត់ផ្គង់ដល់អ៊ុយក្រែនជាមួយនឹងរថក្រោះ T-72 ដែលអភិវឌ្ឍដោយអតីតសហភាពសូវៀត។ មន្ត្រី​រូប​នេះ​មិន​បាន​បញ្ជាក់​ថា ប៉ូឡូញ​បាន​ផ្តល់​រថក្រោះ​ប៉ុន្មាន​គ្រឿង​ទេ ប៉ុន្តែ​បាន​បញ្ជាក់​ថា ​នឹង​បន្ត​ផ្គត់ផ្គង់​ដល់​ពួកគេ។ ប្រព័ន្ធផ្សព្វផ្សាយក្នុងស្រុកមួយបានរាយការណ៍ថា ការផ្ទេរនេះអាចមានច្រើនជាង ២០០ គ្រឿង នៃប្រភេទដូចគ្នា។ ប៉ូឡូញ​ប្រយ័ត្នប្រយែង​នឹង​រុស្ស៊ី​ ដោយសារ​ហេតុផល​ប្រវត្តិសាស្ត្រ ហើយ​បាន​ចូល​ខាង​អ៊ុយក្រែន​នៅក្នុង​ជម្លោះនេះ។ ជាមួយគ្នានេះដែរ ទីក្រុង Warsaw ធ្លាប់បាននិយាយថា ខ្លួននឹងផ្តល់យន្តហោះចម្បាំងដល់អ៊ុយក្រែនបន្ថែមទៀត៕ អត្ថបទ៖ លីដា ប្រភព៖ NHK

គ្រួសារជនជាតិអាមេរិកមួយ បានបង្កឱ្យមានភាពរង្គោះរង្គើនៅឯអាកាសយានដ្ឋាន Ben Gurion របស់អ៉ីស្រាអែល ក្នុងទីក្រុង Tel Aviv កាលពីថ្ងៃព្រហស្បតិ៍  ទី២៨ ខែមេសា កន្លងទៅ នៅពេលដែលពួកគេព្យាយាមយកគ្រាប់មិនទាន់ផ្ទុះដាក់តាមខ្លួនទៅស្រុកកំណើតវិញ តាមរយៈសន្តិសុខអាកាសយានដ្ឋាន នេះបើតាមការចុះផ្សាយរបស់សារព័ត៌មាន BBC ។ អ្នកទេសចរ​មួយគ្រួសារនោះ បាន​រក​ឃើញ​សំបក​គ្រាប់មិនទាន់ផ្ទុះ ខណៈ​កំពុង​ធ្វើ​ដំណើរ​នៅ​ Golan Heights នេះបើតាមការរាយការណ៍របស់អាជ្ញាធរ​ អាកាសយានដ្ឋាន​អ៉ីស្រាអែល​។ អ៉ីស្រាអែលបានដណ្តើមយកតំបន់ Golan Heights ពីប្រទេសស៊ីរីក្នុងសង្រ្គាមនៅឆ្នាំ១៩៧៦ ហើយបានបញ្ចូលដីតូចចង្អៀតនោះក្នុងឆ្នាំ១៩៨១។ តំបន់នេះត្រូវបានចាត់ទុកថា ជាទឹកដីកាន់កាប់ក្រោមច្បាប់អន្តរជាតិ និងដំណោះស្រាយរបស់ក្រុមប្រឹក្សាសន្តិសុខអង្គការសហប្រជាជាតិ។ ពេលមកដល់អាកាសយានដ្ឋាន អ្នកដំណើរជនជាតិអាមេរិកទាំងគ្រួសារនោះ

ថៃ៖ កាលពីថ្ងៃទី ២៩ មេសា សមត្ថកិច្ចនៃបុស្តិ៍ខេត្តរ៉ាក់យ៉ង ប្រទេសថៃ បានទទួលពាក្យបណ្តឹងពីស្ត្រីអាយុ ៥៣ឆ្នាំម្នាក់ ពីករណី «ចោរគាស់ផ្ទះ២ខ្នង កើបទ្រព្យសម្បត្តិខ្ទង់មុឺនដុល្លាទៅជាមួយ» រត់គេចខ្លួនបាត់ស្រមោល។ ហេតុការណ៍ខាងលើបានកើតឡើងខណៈពេលដែលម្ចាស់ផ្ទះចេញទៅចូលរួមពិធីបុណ្យសពនៅពេលរសៀល។ ចំណែកកូនប្រសារប្រុស និងកូនស្រីបង្កើតក៏មិនបាននៅផ្ទះមួយខ្នងទៀតដែរ រហូតកូនប្រសារប្រុសត្រឡប់មកផ្ទះវិញស្រាប់តែប្រទះឃើញទ្វារបន្ទប់គេងបានបើក ជាមួយនឹងរបស់របរនៅក្នុងបន្ទប់ត្រូវបានរើខ្ចាត់ខ្ចាយ ចំណែកបង្អួចបន្ទប់ត្រូវបានគាស់ផងដែរ។ លុះក្រោយមកម្តាយក្មេកក៏បានត្រឡប់ទៅកាន់ផ្ទះរបស់គាត់ដែលនៅមួយខ្នងទៀតក៏ស្រាប់តែប្រទះឃើញថា ទ្វារផ្ទះត្រូវបានគាស់ ហើយចោរបានលួចរូបសំណាកព្រះពុទ្ធដែលបានសន្សំជាច្រើនអង្គ ទៅជាមួយនឹងលុយសុទ្ធផងដែរ។ បុគ្គលិកដឹកជញ្ជូនទំនិញក៏បានប្រាប់ផងដែរថា«បានឃើញបុរសពាក់មួកពណ៌ក្រហម ពាក់អាវយឺតពណ៌ខ្មៅ ជាមួយនឹងខោក្រឡាជើងខ្លីនៅក្នុងផ្ទះ» រូបលោកស្មានតែជាម្ចាស់ផ្ទះក៏បានធ្វើតាមបញ្ជារួចក៏ត្រឡប់ចេញទៅ។ ជាមួយគ្នានេះដែរសមត្ថកិច្ចជឿថា ជនល្មើសអាចជាអ្នកដែលនៅក្នុងភូមិដែលអាចដឹងអំពីពេលវេលាដែលម្ចាស់ផ្ទះមិននៅ៕ អត្ថបទ៖ Bee ប្រភព៖ khaosod