កាលពីថ្ងៃព្រហស្បតិ៍ម្សិលមិញនេះ តម្រួតថៃបានរឹបអូសកាំភ្លើងបាញ់ទឹកពីអ្នកលក់ដូរ និងអ្នកដើរលេងតាមផ្លូវ Khaosan ខណៈដែលប៉ុស្តិ៍ត្រួតពិនិត្យជាច្រើនត្រូវបានដាក់ឡើង ដើម្បីអនុវត្តការហាមប្រាមមិនឱ្យមានការលេងបាញ់ទឹក។ អ្នកនាំពាក្យរដ្ឋាភិបាលលោក Thanakorn Wangboonkongchana មានប្រសាសន៍ថា នាយករដ្ឋមន្ត្រី ប្រាយុទ្ធ ចាន់អូចា មានការព្រួយបារម្ភថា ការលេងបាញ់ ឬជះទឹក អាចនាំឱ្យមានចង្កោមករណីជំងឺ COVID ថ្មីៗ ហើយលោកបានបញ្ជាឱ្យអាជ្ញាធរអនុវត្តវិធានការសុខភាពយ៉ាងតឹងរ៉ឹង។ ជម្រាបដែរថា អាជ្ញាធរថៃបានសម្រេចធ្វើការហាមឃាត់មិនឱ្យមានការលេងជះទឹក និងបាញ់ទឹកដាក់គ្នា នៅលើដងផ្លូវ Khaosan នៅក្នុងឱកាសនៃពិធីបុណ្យចូលឆ្នាំថ្មីនេះទេ ខណៈនាពេលកន្លងមកផ្លូវដ៏មមាញឹកមួយនេះ គឺជាតំបនទេសចរណ៍សម្រាប់ពលរដ្ឋថៃ និងជនបរទេសយ៉ាងមានសក្តានុពលជាទីបំផុត។ ពលរដ្ឋតែងតែមកប្រមូលផ្ដុំគ្នាយ៉ាងច្រើននៅទីតាំងនេះ ដើម្បីលេងកម្សាន្ដជារៀងរាល់ឆ្នាំ ប៉ុន្តែដោយសារការរីករាលដាលនៃជំងឺ COVID-19 មិនទាន់បានធូរស្រាលពេញលេញ

មជ្ឈមណ្ឌលហិរញ្ញវត្ថុសៀងហៃ បានរាយការណ៍ករណីឆ្លងជំងឺ COVID-19 ច្រើនជាង ២៧,០០០ ករណី នៅថ្ងៃព្រហស្បតិ៍នេះ ដែលជាកំណត់ត្រាថ្មីមួយបំផុត នេះបើតាមការចុះផ្សាយរបស់សារព័ត៌មាន Channel News Asia ។ ទីក្រុងសៀងហៃកំពុងប្រយុទ្ធប្រឆាំងនឹងការផ្ទុះឡើងនៃជំងឺ COVID-19 ដ៏អាក្រក់បំផុតរនៅក្នុងប្រទេសចិន ចាប់តាំងពីមេរោគបានលេចចេញជាលើកដំបូងនៅទីក្រុង Wuhan នៅចុងឆ្នាំ២០១៩ ដែលធ្វើឱ្យអ្នកស្រុកចំនួន ២៥ លាននាក់ ក្នុងទីក្រុងនេះ ភាគច្រើនស្ថិតនៅក្រោមការបិទខ្ទប់ បើទោះបីជាការរឹតបន្តឹងត្រូវបានបន្ធូរបន្ថយមួយផ្នែកនៅក្នុងតំបន់មួយចំនួនក្នុងសប្តាហ៍នេះក៏ដោយ។ នៅក្រោមច្បាប់ដ៏តឹងតែងរបស់ប្រទេសចិន សូម្បីតែអ្នកជំងឺ COVID-19 ដែលមិនមានរោគសញ្ញា ក៏ត្រូវតែទៅដាក់ឱ្យនៅដាច់ពីគេ ហើយមនុស្សជាច្រើនបានត្អូញត្អែរអំពីស្ថានភាពទាំងនេះ។ គោលនយោបាយ Zero-COVID របស់ប្រទេសចិន ត្រូវបានប្រឈមមុខបន្ថែមទៀត

ចក្រភពអង់គ្លេសនៅថ្ងៃព្រហស្បតិ៍ ទី១៤ ខែមេសា ឆ្នាំ២០២២ បានអនុម័តវ៉ាក់សាំងបង្ការជំងឺ COVID-19 របស់ក្រុមហ៊ុន Valneva ដែលធ្វើឱ្យវាក្លាយជាប្រទេសដំបូងគេ ដែលអនុញ្ញាតឱ្យមានការប្រើប្រាស់វ៉ាក់សាំងនេះ។ វ៉ាក់សាំងនេះក៏ជាវ៉ាក់សាំងទី៦ សម្រាប់បង្ការជំងឺ COVID-19 ដែលត្រូវបានអនុម័តនៅក្នុងចក្រភពអង់គ្លេស។ ទីភ្នាក់ងារនិយតកម្មឱសថ និងផលិតផលថែទាំសុខភាព ដែលជានិយតករថ្នាំឯករាជ្យរបស់ចក្រភពអង់គ្លេស បាននិយាយថា វ៉ាក់សាំងបង្ការជំងឺ COVID-19 របស់ Valneva បានបំពេញតាមស្តង់ដារសុវត្ថិភាព គុណភាព និងប្រសិទ្ធភាពដែលត្រូវការ។ ជម្រាបដែរថា វ៉ាក់សាំងនេះអាចផ្ទុកក្នុងសីតុណ្ហភាពពី ២ អង្សាសេ ដល់ ៨ អង្សាសេ ដែលវាស្រដៀងទៅនឹងសីតុណ្ហភាពរបស់ទូទឹកកកដែលពលរដ្ឋប្រើប្រាស់ធម្មតា ដែលធ្វើឱ្យវាស័ក្តិសមបំផុតសម្រាប់ប្រើក្នុងប្រទេស

នាយក​រដ្ឋមន្ត្រី​ហ្វាំងឡង់ Sanna Marin បាននិយាយ​ថា ប្រទេស​របស់​លោកស្រីនឹង​សម្រេច​ចិត្ត​ថា ​តើ​ត្រូវ​ដាក់​ពាក្យ​ចូលរួម​ជាមួយអង្គការ​ណាតូ ឬយ៉ាងណា នៅក្នុង​ប៉ុន្មាន​សប្តាហ៍ទៀត។ លោកស្រីបាននិយាយថា លោកស្រីមិនឃើញហេតុផលណាមួយ ដើម្បីពន្យារពេលការសម្រេចចិត្តនេះទេ នៅក្នុងសន្និសីទសារព័ត៌មានរួមមួយជាមួយនាយករដ្ឋមន្ត្រីស៊ុយអែត។ ការអត្ថាធិប្បាយរបស់លោកស្រី ស្របគ្នានឹងរបាយការណ៍មួយទៅកាន់សភាហ្វាំងឡង់ ដែលនិយាយថា សមាជិកភាពនៃប្លុកនេះអាចបណ្តាលឱ្យមានភាពតានតឹងកើនឡើង នៅតាមព្រំដែនរវាងហ្វាំងឡង់ និងរុស្ស៊ី។ ជាមួយគ្នានេះដែរ ទីក្រុងមូស្គូបានព្រមានហ្វាំងឡង់ និងស៊ុយអែត ប្រឆាំងនឹងការចូលរួមជាមួយអង្គការណាតូ ក្នុងប៉ុន្មានសប្តាហ៍ថ្មីៗនេះ។ គួរឱ្យដឹងដែរថា ហ្វាំងឡង់ និងស៊ុយអែត មានលក្ខណៈយោធាមិនចូលបក្សសម្ព័ន្ធ ប៉ុន្តែការឈ្លានពានរបស់រុស្ស៊ីលើអ៊ុយក្រែន បានជំរុញឱ្យមានការបង្កើនការគាំទ្រជាសាធារណៈ ដើម្បីក្លាយជាសមាជិកនៃសម្ព័ន្ធភាពការពារលោកខាងលិចណាតូ។ មេដឹកនាំស៊ុយអែតលោកស្រី Magdalena Andersson បានប្រាប់អ្នកយកព័ត៌មានថា

រុស្ស៊ីបាននិយាយថា ទាហានម៉ារីនរបស់អ៊ុយក្រែនជាង ១,០០០ នាក់ បានទម្លាក់អាវុធ និងយល់ព្រមចុះចាញ់ នៅឯកំពង់ផែ Mariupol ដែលត្រូវបានឡោមព័ទ្ធដោយកងកម្លាំងរុស្ស៊ី ប៉ុន្តែភាគីអ៊ុយក្រែនបានបដិសេធរឿងនេះ។ អភិបាលរងក្រុងលោក Serhiy Orlov បានប្រាប់ BBC ថា ទាហានអ៊ុយក្រែននៅទីនោះនៅតែបន្ដប្រយុទ្ធ ហើយការប្រយុទ្ធគ្នា នៅតែបន្តនៅជុំវិញរោងចក្រដែក Azovstal ដែលជាតំបន់ ១ ក្នុងចំណោមតំបន់ ២ ដែលមិនស្ថិតនៅក្រោមការគ្រប់គ្រងរបស់រុស្ស៊ី។ ទូរទស្សន៍​រុស្ស៊ី​ក៏បាន​ចាក់​ផ្សាយ​វីដេអូ​ដែល​និយាយ​ថា ទាហាន​ម៉ារីន​បាន​ទម្លាក់អាវុធរបស់​ខ្លួន​ ប៉ុន្តែ​ទីប្រឹក្សា​ប្រធានាធិបតី​អ៊ុយក្រែន​បាន​ទទូច​ថា តាម​ពិត​ទាហានម៉ារីន​ទាំងនោះដាច់ទំនាក់ទំនងពីកងវរសេនាតូច Azov នៅឯទីតាំងផ្សេងទៀត។ ជម្រាបដែរថា Mariupol គឺជាកំពង់ផែដ៏សំខាន់

ប្រធានាធិបតីសហរដ្ឋអាមេរិក ចូ បៃដិន បានប្រកាសផ្តល់ជំនួយយោធាចំនួន ៨០០ លានដុល្លារបន្ថែមទៀត សម្រាប់អ៊ុយក្រែន  នៅក្នុងសន្និសីទតាមទូរស័ព្ទជាមួយប្រធានាធិបតីអ៊ុយក្រែន លោក Volodymyr Zelenskyy ។ ប្រធានាធិបតីទាំង ២ បាននិយាយគ្នាតាមទូរស័ព្ទប្រហែល ១ ម៉ោងកាលពីថ្ងៃពុធ ចំពេលមានការភ័យខ្លាចកាន់តែខ្លាំងឡើងថា កងកម្លាំងរុស្ស៊ីនឹងបើកការវាយលុកទ្រង់ទ្រាយធំនៅភាគខាងកើតអ៊ុយក្រែន។ ក្រោយមកសេតវិមានបានចេញសេចក្តីថ្លែងការណ៍មួយដោយនិយាយថា កញ្ចប់ជំនួយចុងក្រោយបំផុតនឹងមាន «សមត្ថភាពថ្មីដែលសមស្របទៅនឹងការវាយប្រហារកាន់តែទូលំទូលាយ ដែលយើងរំពឹងថារុស្ស៊ីនឹងចាប់ផ្តើម» នៅក្នុងតំបន់។ វាបាននិយាយថា  ជំនួយសព្វាវុធនឹងរួមបញ្ចូលទាំងប្រព័ន្ធកាំភ្លើងធំ កាំភ្លើងធំ និងរថពាសដែក និងឧទ្ធម្ភាគចក្រ។ ទាំងនេះគឺជាវត្ថុមួយចំនួនដែលប្រធានអគ្គសេនាធិការចម្រុះអាមេរិកលោក Mark Milley បានបង្ហាញកាលពីសប្តាហ៍មុនថា កងកម្លាំងអ៊ុយក្រែនបានស្នើសុំជំនួយពីគាត់។

ថៃ៖ លោក Jay-Att Tosrisawadkase វ័យ៣៧ឆ្នាំ ជាអ្នកគ្រប់គ្រងក្រុមហ៊ុន ប៊្រីភ្លើងខនដម ចំកាត់ ផ្តើមពីដំបូងនោះគឺលោកចេ តែងតែប្រើប៊្រីភ្លើងសម្រាប់ដោតប្រើប្រាស់ឧបករណ៍អគ្គិសនីជាច្រើនទៀត ក្រោយពេលប្រើបានមួយរយៈលោកក៏ជួបប្រទះទៅនឹងបញ្ហាជាច្រើនដូចជា របូតប្រអប់ប៊្រីផង ជួនឆេះប៊្រីក៏មាន ទាំងដែលមានចិត្តឆ្ងល់ថា ម៉ាកល្បីសោះងាយខូចម្ល៉េះ?  ហេតុអ្វីបានកើតជាបញ្ហានេះកើតឡើងទៅវិញ? ទើបលោកក៏ទៅសិក្សា ក៏ដូចជាឆែកមើលខាងក្នុងថាវាយ៉ាងម៉េច ឆែកចុះឆែកឡើងលោកចេក៏ប្រទះឃើញម៉ាកមួយវាមានស្តង់ដានិងតម្លៃរាងខ្ពស់ជាងបន្តិច ទើបសាកយកមកប្រើ បូករួមទាំងការស្រឡាញ់និងបានសិក្សាជំនាញបន្ថែម។ ទើបលោកមានការចាប់អារម្មណ៍ក៏បានធ្វើការទាក់ទង ទៅកាន់ម្ចាស់ទំនិញផ្ទាល់ដើម្បីសុំសិទ្ធិជាអ្នកចែកចាយបន្ត ដោយពេលនោះដែរលោកចេ មានដើមទុនត្រឹនតែជិត២០០ដុល្លារប៉ុណ្ណោះ លោកក៏ទទួលបានប៊្រីភ្លើងមកលក់បន្តចំនួន១១ ដោយលោក ឡាយលក់និងបង្វិលដើមទុនចុះឡើងៗក៏ទទួលបានប្រាក់ចំណេញប្រមាណជា ៧០ដុល្លាក្នុងមួយខែ ហើយក៏ការលក់កាន់តែទទួលជោគជ័យ។ លោកចេ ក៏សម្រេចចិត្តលាឈប់ពីការងារហើយបើកជាក្រុមហ៊ុនលក់ប្រ៊ីភ្លើងដ៏មានគុណភាពវិញ។ លោកចេបានបញ្ជាក់បន្ថែមទៀតថា លោកបានលក់វាជាង១០ឆ្នាំទៅហើយ ចំណែកការចុះបញ្ជីរបើកជាក្រុមហ៊ុមនេះទើបតែមានរយៈពេល២ឆ្នាំជាងប៉ុណ្ណោះទេ។

ទោះបីជាជម្ងឺ និងបញ្ហាសុខភាពមិនត្រូវបានហាមឃាត់មិនអោយបើកបរក៏ដោយក្ដី ប៉ុន្តែត្រូវទទួលស្គាល់ថា ប្រសិនបើមានករណីអាការៈទាំងនោះបានរើរឡើងនៅខណៈពេលដែលកំពុងបើកបរនោះអាចបង្កជាគ្រោះថ្នាក់បាន។ ដូច្នេះថ្ងៃ សូមណែនាំជំងឺចំនួន ៩ប្រភេទដែលគួរមានការប្រុងប្រយ័ត្នខ្ពស់ក្នុងពេលបើកបរជាពិសេសការបើកបរក្នុងដំណើរផ្លូវវែងឆ្ងាយ៖ ១.អ្នកជម្ងឺដែលពាក់ព័ន្ធទៅនឹងភ្នែក ដូចជា ភ្នែកមីញ៉ូប ភ្នែកឡើងកន្ទុយថ្លែន ជាដើម ២.អ្នកជម្ងឺប្រព័ន្ធប្រសាទ ៣.អ្នកជម្ងឺផាកឃីនសុន ៤.អ្នកជម្ងឺសាច់ដុំចុះខ្សោយ ៥.អ្នកជម្ងឺឆ្កួតជ្រូក ៦.អ្នកជម្ងឺខ្សោយសន្លាក់ ៧.អ្នកជម្ងឺបេះដូង ៨.អ្នកជម្ងឺទឹកនោមផ្អែម ៩.អ្នកជម្ងឺលើសឈាម(សម្ពាធឈាមឡើងខ្ពស់) ក្រៅពីក្រុមជម្ងឺខាងលើ ចំពោះបងប្អូនដែលប្រើប្រាស់ថ្នាំដែលបង្កអោយមានអាការៈងងុយគេងក៏គួរប្រយ័ត្ននិងជៀសវាងការបើកបរផងដែរ៕ អត្ថបទ៖ Bee ប្រភព៖ sanook

ស្ថានទូតរុស្ស៊ីប្រចាំនៅសហរដ្ឋអាមេរិកកាលពីថ្ងៃពុធ បានហៅការអះអាងរបស់សហរដ្ឋអាមេរិក ទាក់ទងនឹងការចោទប្រកាន់មួយដែលថា «រុស្ស៊ីបានប្រើប្រាស់អាវុធគីមី» ថាជាការលើកឡើងគ្មានមូលដ្ឋាន ហើយបានជំរុញឱ្យបញ្ឈប់ការផ្សព្វផ្សាយព័ត៌មានមិនពិត។ ស្ថានទូតបាននិយាយនៅក្នុងសេចក្តីថ្លែងការណ៍មួយថា៖«កងកម្លាំងប្រដាប់អាវុធនៃសហព័ន្ធរុស្ស៊ី កំពុងបំពេញភារកិច្ចរបស់ពួកគេដោយជោគជ័យនៅលើទឹកដីអ៊ុយក្រែន។ ក្នុងពេលជាមួយគ្នានេះ ពួកគេមិនមាន និងមិនអាចបន្សល់ដានអាវុធគីមីណាមួយ នៅកន្លែងដែលពួកគេបានចូលទៅដល់នោះទេ ព្រោះប្រទេសរបស់យើងបានលុបបំបាត់ឃ្លាំងអាវុធគីមីទាំងអស់កាលពីឆ្នាំ ២០១៧»។ ការឆ្លើយតបនេះបានធ្វើឡើង បន្ទាប់ពីអ្នកនាំពាក្យក្រសួងការបរទេសអាមេរិកលោក Ned Price បាននិយាយកាលពីថ្ងៃអង្គារថា សហរដ្ឋអាមេរិកមានការព្រួយបារម្ភថា រុស្ស៊ីនៅតែអាចប្រើប្រាស់អាវុធគីមី នៅក្នុងយុទ្ធនាការរយៈពេលជាច្រើនសប្តាហ៍របស់ខ្លួន នៅក្នុងប្រទេសអ៊ុយក្រែន។ លោក Price បាននិយាយក្នុងអំឡុងសន្និសីទសារព័ត៌មានមួយថា៖«យើងមានការព្រួយបារម្ភ ដូចដែលយើងបាននិយាយពីមុនមកថា រុស្ស៊ីអាចស្វែងរកការងាកទៅរកអាវុធគីមី»។ យ៉ាងណាក៏ដោយ ស្ថានទូតរុស្ស៊ីបាននិយាយថា សេចក្តីថ្លែងការណ៍របស់សហរដ្ឋអាមេរិក គឺជាការបង្ករឿង ដោយគ្មានភស្តុតាង៕ អត្ថបទ៖

ចំនួននៃការឆ្លងជំងឺ COVID-19 នៅទូទាំងពិភពលោក បានកើនលើសពី ៥០០ លានករណី គិតត្រឹមថ្ងៃអង្គារ បើទោះបីជាពិភពលោកបន្តមើលឃើញពីការថយចុះនៃករណីថ្មីៗ និងចំនួនអ្នកស្លាប់ក៏ដោយ។ យោងតាមតួលេខចុងក្រោយដែលចេញផ្សាយដោយសាកលវិទ្យាល័យ Johns Hopkins បានបង្ហាញថា ករណីចំនួន ៥០០,០៧៤,៤៩០ ករណី ត្រូវបានបញ្ជាក់នៅរសៀលថ្ងៃអង្គារ ជាមួយនឹងការស្លាប់សរុបចំនួន ៦,១៨២,៩៨២ ករណី។ មុននេះ អគ្គនាយកអង្គការសុខភាពពិភពលោក (WHO) លោកវេជ្ជបណ្ឌិត Tedros Adhanom បានព្រមានថា ទោះបីជាមានការថយចុះនៃការឆ្លង និងចំនួនអ្នកស្លាប់ក៏ដោយ ក៏ជំងឺរាតត្បាតនៅតែនៅតែមិនទាន់ចប់នោះទេ។ ប្រធានអង្គការសុខភាពពិភពលោក WHO បាននិយាយថា ពិភពលោកត្រូវតែសិក្សាពីជំងឺរាតត្បាតបច្ចុប្បន្ន