នាយករដ្ឋមន្រ្តី Lee Hsien Loong បាននិយាយនៅថ្ងៃសុក្រថា ប្រទេសសិង្ហបុរីនឹងបិទសាលារៀន និងកន្លែងធ្វើការភាគច្រើន លើកលែងតែសេវាកម្មចាំបាច់ និងវិស័យសេដ្ឋកិច្ចសំខាន់ៗក្នុងរយៈពេលមួយខែ។ ការឆ្លងជំងឺរបស់សិង្ហបុរីទាំងនាំចូល និងក្នុងស្រុកបានកើនឡើងយ៉ាងខ្លាំងក្នុងប៉ុន្មានសប្តាហ៍ថ្មីៗនេះ និងឡើងដល់ ១,០០០នាក់ បូករួមនឹងករណីស្លាប់ទី៥ របស់ខ្លួនកាលពីថ្ងៃសុក្រ។ លោក Lee Hsien Loong បាននិយាយនៅក្នុងសុន្ទរកថាមួយថា៖ «យើងបានសម្រេចចិត្តបែបនេះ ដោយជំនួសឱ្យការរឹតបន្តឹងបន្ថែមក្នុងរយៈពេលប៉ុន្មានសប្តាហ៍ខាងមុខនេះ យើងគួរតែធ្វើការសម្រេចចិត្តនៅពេលនេះ ដើម្បីការពារការឆ្លងរាលដាលដែលកំពុងកើនឡើង»។ គ្រឹះស្ថានស្បៀងអាហារ ទីផ្សារ និងផ្សារទំនើប គ្លីនិក មន្ទីរពេទ្យ ឧបករណ៍ប្រើប្រាស់ ការដឹកជញ្ជូន និងសេវាកម្មធនាគារសំខាន់ៗនឹងនៅតែបើកចំហ។ ក្នុងសាលារៀន និងសាកលវិទ្យាល័យ

បច្ចុប្បន្នទីក្រុងសិនជិនកំពុងទទួលបានឈ្មោះល្អៗពីសារព័ត៌មានអន្តរជាតិ បន្ទាប់ពីវាបានក្លាយជាទីក្រុងដំបូងគេនៅប្រទេសចិន ដែលហាមឃាត់ការបរិភោគសត្វឆ្មា និងឆ្កែ។ តាមពិតបទប្បញ្ញត្តិថ្មីនេះ មិនត្រូវបានផ្តោតជាពិសេសទៅលើសត្វឆ្មា និងឆ្កែនោះទេ ប៉ុន្តែពិពណ៌នាអំពីប្រភេទសត្វណាដែលអាចបរិភោគបាន និងមួយណាដែលមិនអាចបរិភោគបាន។ សត្វដែលអនុញ្ញាតឱ្យបរិភោគបានរួមមាន សត្វក្នុងស្រុក បសុបក្សី និងប្រភេទសត្វក្នុងទឹក ហើយសត្វឆ្មា និងឆ្កែ មិនមាននៅក្នុងបញ្ជីទេ។ ក្នុងបញ្ជីក៏មិនមានសត្វកម្រ ដូចជាសត្វប្រចៀវ សត្វពង្រូល និងសត្វសំពោចផងដែរ។ ច្បាប់ថ្មីរបស់ទីក្រុងសិនជិនក៏ហាមឃាត់ការសម្លាប់សត្វនៅទីសាធារណៈ ឬនៅផ្ទះ ហើយបានហាមប្រាមទីផ្សារប្រភេទទាំងនេះ ដោយសារវាមានសត្វព្រៃរស់ដទៃដាក់លក់។ ម៉្យាងទៀតអ្នកដែលចង់បរិភោគសាច់ដែលបានអនុញ្ញាតទាំងនេះ ត្រូវទៅរកអ្នកលក់ ឬហាងលក់គ្រឿងទេស៕ អត្ថបទ៖ លីដា ប្រភព៖ Shanghai

ចិន៖ អ្នកជំងឺកូវីដ ១៩ ជនជាតិនីហ្សេរីយ៉ាម្នាក់ប្រឈមនឹងការនិរទេសចេញពីប្រទេសចិន ក្រោយរូបគាត់បានវាយ និងខាំ អ្នកគ្រូពេទ្យម្នាក់ក្នុងអំឡុងពេល ដែលគាត់ត្រូវគេដាក់ឲ្យនៅដាច់ដោយឡែក ១៤ ថ្ងៃ ដើម្បីព្យាបាលជំងឺ។ បុរសនីហ្សេរីយ៉ារូបនេះមានឈ្មោះថា Okonkwonwoye Chika Patrick អាយុ ៤៧ ឆ្នាំ ត្រូវបានគេធ្វើតេស្តវិជ្ជមានជាមួយនឹងមេរោគកូវីដ ១៩ ហើយរូបគាត់ត្រូវបានគេយកទៅព្យាបាលនៅក្នុងមន្ទីពេទ្យក្នុងក្រុង Guangzhou ប្រទេសចិន។ យ៉ាងណាក្តី លោក Okonkwonwoye Chika Patrick ហាក់មិនចង់សម្រាកនៅក្នុងមន្ទីរពេទ្យឡើយ ហើយគាត់បានព្យាយាមដើរចេញពីមន្ទីរពេទ្យទាំងដែលខ្លួនគាត់កំពុងមានមេរោគកូវីដ ១៩។ ពេលគាត់ព្យាយាមដើរចេញពីមន្ទីរពេទ្យនោះ មានអ្នកគ្រូពេទ្យម្នាកបានទៅឃាត់គាត់ ហើយគាត់ក៏បានវាយអ្នកគ្រូពេទ្យនោះដួលទៅលើដី ហើយថែមទាំងខាំមុខអ្នកគ្រូពេទ្យនោះទៀតផង។

ថៃ៖ រដ្ឋាភិបាលថៃនៅថ្ងៃសុក្រនេះបានរាយការណ៍ករណី COVID-19 ក្នុងស្រុកថ្មីចំនួន ១០៣ ករណី ដែលនាំឱ្យចំនួនសរុបកើនដល់ ១,៩៧៨ ហើយចំនួនអ្នកស្លាប់ថ្មីមាន ៤នាក់ ដែលភាគច្រើនជាមនុស្សវ័យចំណាស់ ដោយបានបង្កើនចំនួនស្លាប់សរុបដល់ ១៩នាក់។ លោកវេជ្ជបណ្ឌិត Taweesin Visanuyothin អ្នកនាំពាក្យមជ្ឈមណ្ឌលគ្រប់គ្រងស្ថានភាពរបស់ COVID-19 របស់រដ្ឋាភិបាលបាននិយាយថា អ្នកស្លាប់ម្នាក់គឺជាបុគ្គលិក ភេទប្រុស អាយុ ៥៩ឆ្នាំ ជាបុគ្គលិកក្រុមហ៊ុនរថភ្លើងរដ្ឋថៃ ដែលមិនមានប្រវត្តិនៃជំងឺប្រចាំកាយទេ។ គាត់បានធ្លាក់ខ្លួនឈឺនៅថ្ងៃទី១៦ ខែមីនា ដោយមានគ្រុនក្តៅ។ គាត់បានស្វែងរកការព្យាបាលពីវេជ្ជបណ្ឌិតនៅថ្ងៃទី២១ ខែមីនា ហើយបានត្រឡប់មកធ្វើការវិញ។ គាត់បានធ្លាក់ខ្លួនឈឺធ្ងន់ នៅថ្ងៃទី៣១ ខែមីនា

អ្នកវិទ្យាសាស្ត្រអាមេរិកបាននិយាយថា វ៉ាក់សាំង Bacillus Calmette-Guerin (BCG) ដែលធ្លាប់បានផ្តល់ដល់កុមារឥណ្ឌារាប់លាននាក់ភ្លាមៗក្រោយពេលកើត ដើម្បីការពារប្រឆាំងនឹងជំងឺរបេង អាចជាអ្នកដើរតួសំខាន់នៅក្នុងការប្រយុទ្ធប្រឆាំងនឹងវីរុស COVID-19។ ភាពធ្ងន់ធ្ងរនៃផលប៉ះពាល់របស់វីរុស COVID-19 អាចត្រូវបានផ្សារភ្ជាប់ជាមួយនឹងគោលនយោបាយជាតិស្តីពីការចាក់ថ្នាំបង្ការរោគកុមារ BCG ដែលបានរកឃើញនៅក្នុងការសិក្សាមួយរបស់វិទ្យាស្ថានបច្ចេកវិទ្យានៃទីក្រុងញូវយ៉ក (NYIT) ដែលបានបង្ហោះនៅក្នុង MedRXiv ខណៈពេលដែលដកស្រង់ឧទាហរណ៍ពីប្រទេសអ៉ីតាលី និងសហរដ្ឋអាមេរិក។ ក្រុមអ្នកស្រាវជ្រាវដែលដឹកនាំដោយលោកបណ្ឌិត Gonzalo Otazu ជំនួយការសាស្រ្តាចារ្យជីវវិទ្យាសាស្ត្រនៅ NYIT បានកត់សម្គាល់ថា បណ្តាប្រទេសដែលគ្មានគោលនយោបាយនៃការចាក់វ៉ាក់សាំង BCG ដូចជាអ៉ីតាលី ហូឡង់ និងសហរដ្ឋអាមេរិក បានរងផលប៉ះពាល់ធ្ងន់ធ្ងរជាង បើប្រៀបធៀបទៅនឹងប្រទេសទទួលគោលនយោបាយ BCG ។

ម៉ាឡេស៊ី៖ បុរសម៉ាឡេស៊ីម្នាក់ដែលចូលចិត្តតែងខ្លួនជាខ្មោចដើរបន្លាចគេតាមដងផ្លូវ និងថតជាវីដេអូបែបកំសាន្តលេង (Prank) នោះ ត្រូវបានប៉ូលិសស្នើសុំឲ្យគាត់ជួយសហការជាមួយអាជ្ញាធរតាមរយៈបន្តសកម្មភាពដើរបន្លាចគេទៀត ដើម្បីទប់ស្កាត់មិនឲ្យប្រជាពលរដ្ឋចេញពីផ្ទះក្នុងអំឡុងពេលនៃការីករាលដាលនៃមេរោគកូវីដ ១៩ ។បុរសដែលកំពុងមានប្រជាប្រិយភាពខ្លាំងនៅក្នុងបណ្ដាញអ៊ីនធឺណិតរូបនេះមានឈ្មោះថា Muhammad Urabil Alias អាយុ ៣៨ ឆ្នាំ មានប្រពន្ធម្នាក់ឈ្មោះ Norhayati Nayan អាយុ ៣៩ ឆ្នាំ បច្ចុប្បន្នកំពុងស្នាក់នៅក្នុងក្រុង Chukai នៃប្រទេសម៉ាឡេស៊ី។ លោក Muhammad Urabil Alias បានឲ្យដឹងថា៖ គាត់បានផ្អាកសកម្មភាពតែងខ្លួនជាខ្មោចដើរបន្លាចគេមួយរយៈហើយចាប់ទាំងពីរដ្ឋាភិបាលម៉ាឡេស៊ីសម្រេចដាក់ប្រទេសស្ថិតក្នុងភាពមានអាសន្នមក។ យ៉ាងណាក្តី ថ្ងៃមួយមានប៉ូលិសមួយក្រុមបានទៅដល់ផ្ទះរបស់គាត់ ហើយពេលនោះគាត់ភ័យខ្លាំងណាស់ ព្រោះខ្លាចត្រូវប៉ូលិសចាប់ខ្លួន

បុរសម្នាក់ឈ្មោះថា Antonio de Paché អាយុ ២៨ឆ្នាំ ជាគិលានុបដ្ឋាកផងនោះ បានទូរស័ព្ទហៅប៉ូលីសឱ្យចាប់ខ្លួនគាត់ផ្ទាល់ បន្ទាប់ពីលោកបានសម្លាប់សង្សារខ្លួនឯង ឈ្មោះថា Lorena Guaranta អាយុ ២៧ឆ្នាំ ជាវេជ្ជបណ្ឌិត ដែលធ្វើការក្នុងមន្ទីរពេទ្យជាមួយគ្នា។ មូលហេតុឈានដល់ការសម្លាប់សង្សារគឺដោយសារតែបុរសនេះបានគិតខុសថា ខ្លួនបានឆ្លងវីរុស COVID-19 ពីនារីជាសង្សារ។ អ្នកទាំង ២ ធ្វើការនៅក្នុងមន្ទីរពេទ្យក្នុងស្រុក ក្នុងទីក្រុង Messina តំបន់ Sicily ប្រទេសអ៉ីតាលី ហើយក៏ត្រៀមនឹងទៅជួយប្រយុទ្ធប្រឆាំងវីរុស ដែលកំពុងរាតត្បាតនៅក្នុងប្រទេសផងដែរ។ ប៉ូលីសបាននិយាយថា ពេលមកដល់កន្លែងកើតហេតុ ដែលជាអាផាតមិនរបស់អ្នកស្លាប់ ពួកគេបានរកឃើញថាស្ត្រីវ័យក្មេងរូបនេះបានស្លាប់ទៅហើយ

ម៉ាឡេស៊ី៖ ដើម្បីទប់ស្កាត់ការរីករាលដាលនៃមេរោគកូវីដ ១៩ ឲ្យកាន់តែមានប្រសិទ្ធភាពអាជ្ញាធរម៉ាឡេស៊ីបានសម្រេចដាក់ចេញនូវវិធានការជាច្រើន ដូចជាសម្រេចបិទប្រទេស ហាមមិនឲ្យពលរដ្ឋចេញពីផ្ទះបើគ្មានការចាំបាច់ ហើយក្នុងករណីពលរដ្ឋត្រូវចេញក្រៅដើម្បីទិញចំណីអាហារក៏មិនត្រូវមានគ្នាច្រើនដែរគឺរថយន្តមួយត្រូវមានតែមនុស្សម្នាក់បើកប៉ុណ្ណោះ។ បន្ថែមពីលើវិធានការដូចបានរៀបរាប់ខាងលើ ពេលនេះអាជ្ញាធរម៉ាឡេស៊ីថែមទាំងកំណត់ចម្ងាយផ្លូវសម្រាប់ប្រជាពលរដ្ឋធ្វើដំណើរចេញពីផ្ទះទៀតផង ពោលគឺអនុញ្ញាតឲ្យពលរដ្ឋធ្វើដំណើរទៅទិញអាហារ ឬថ្នាំពេទ្យនៅកន្លែងណាដែលមានចម្ងាយមិនលើសពី ១០ គីឡូម៉ែត្រឡើយពីផ្ទះរបស់ពួកគេម្នាក់ៗ។ យ៉ាងណាក្តី ប្រជាពលរដ្ឋដែលត្រូវទៅធ្វើការងារនៅក្នុងវិស័យមួយចំនួនអាចនៅបន្តធ្វើដំណើរចេញពីផ្ទះទៅកន្លែងធ្វើការងារជាធម្មតាបានទោះឆ្ងាយយ៉ាងណាក៏ដោយ ដែលវិស័យទាំងនោះមានដូចជា៖ ១-សេវាកម្មចំណីអាហារ ២-ទឹក ៣-ថាមពល ៤-អ៊ីនធឺណិត ៥-សន្តិសុខ ៦-គ្រប់គ្រងកាកសំណល់ ឬសម្អាតទីសាធារណៈ ៧-សេវាសុខាភិបាល ​និងថ្នាំពេទ្យ ៨-ធនាគារ និងហិរញ្ញវត្ថុ ៩-ទំនាក់ទំនង ១០-ពាណិជ្ជកម្មអេឡិចត្រូនិច គួរជម្រាបជូនថា គិតមកទល់នឹងពេលនេះម៉ាឡេស៊ីមានអ្នកឆ្លងមេរោគកូវីដ ១៩ សរុបចំនួន ២

រដ្ឋាភិបាលបានដាក់បម្រាមគោចរហាមឃាត់ប្រជាជនទាំងអស់នៅទូទាំងប្រទេស ពីការចាកចេញពីផ្ទះរបស់ពួកគេចាប់ពីម៉ោង ១០យប់ ដល់ម៉ោង ៤ទៀបភ្លឺ ចាប់ផ្តើមនៅយប់ថ្ងៃសុក្រនេះ នៅក្នុងវិធានការថ្មីចុងក្រោយរបស់ខ្លួន ដើម្បីទប់ស្កាត់ការរីករាលដាលនៃមេរោគឆ្លងវីរុស COVID-19។ ថ្លែងលើកញ្ចក់ទូរទស្សន៍នាល្ងាចថ្ងៃព្រហស្បតិ៍ លោកឧត្តមសេនីយ៍ ប្រាយុទ្ធ ចានអូចា បានប្រកាសបម្រាមគោចរ ដែលមានប្រសិទ្ធភាពរហូតដល់មានការជូនដំណឹងបន្ថែម។ លោកនាយករដ្ឋមន្រ្តីបានអំពាវនាវឱ្យមានភាពស្ងប់ស្ងៀម និងបានសុំឱ្យសាធារណជនកុំស្តុកទុកអាហារ ព្រោះពួកគេនឹងនៅតែត្រូវបានអនុញ្ញាតឱ្យចេញទៅក្រៅនៅពេលថ្ងៃ ទោះបីជាពួកគេនឹងត្រូវប្រតិបត្តិការរក្សាគម្លាតក៏ដោយ។ សម្រាប់បុគ្គលិកពេទ្យ និងធនាគារ ក៏ដូចជាបុគ្គលិកដឹកជញ្ចូន ដែលដោះស្រាយទំនិញប្រើប្រាស់ ផលិតផលកសិកម្ម ផលិតផលឱសថ ការផ្គត់ផ្គង់ និងឧបករណ៍វេជ្ជសាស្ត្រ កាសែត ប្រេងឥន្ធនៈ ប្រៃសណីយ៍ ផលិតផលសម្រាប់នាំចេញ និងទំនិញនាំចូល ត្រូវបានរួចផុតពីការរឹតត្បិតបម្រាមគោចរនេះ៕ អត្ថបទ៖

ករណីឆ្លងវីរុស COVID-19 នៅលើពិភពលោកបានកើនឡើងដល់មួយលាននាក់ កាលពីថ្ងៃព្រហស្បតិ៍ ទី០២ ខែមេសា ហើយចំនួនអ្នកស្លាប់បានកើនឡើងដល់ទៅ ៥០,០០០នាក់ ខណៈអឺរ៉ុបបានបានរាយការណ៍ពីការស្លាប់បន្ថែម ហើយសហរដ្ឋអាមេរិកបានរាយការណ៍ពីចំនួនមនុស្សដែលមិនបានធ្វើការ។ ទោះបីជាជាងពាក់កណ្តាលនៃប្រទេសលើភពផែនដីនេះបានអនុវត្តការបិទទ្វារប្រទេសក៏ដោយ ក៏វីរុសនេះបានឆក់យកជីវិតមនុស្សរាប់ពាន់នាក់បន្ថែមទៀតដដែល ដោយអេស្ប៉ាញ និងអង់គ្លេស មានចំនួនអ្នកស្លាប់ប្រចាំថ្ងៃខ្ពស់បំផុតនៅឡើយ។ ហើយវាបានបន្តធ្វើឱ្យអន្តរាយដល់សេដ្ឋកិច្ចពិភពលោក ដោយសហរដ្ឋអាមេរិកបានប្រកាសថា មានកម្មករចំនួន ៦.៦៥លាននាក់ បានដាក់ពាក្យសុំអត្ថប្រយោជន៍នៅពេលគ្មានការងារធ្វើកាលពីសប្តាហ៍មុន ហើយប្រទេសអេស្បាញបានរាយការណ៍អំពីការកើនឡើងនូវការទាមទារសំណងប្រចាំខែដែលមិនធ្លាប់មាន។ គិតមកទល់ពេលនេះមានអ្នកឆ្លងចំនួន ២៣៦,៣៣៩នាក់ និងអ្នកស្លាប់ ៥,៦៤៨នាក់ ត្រូវបានរាយការណ៍នៅក្នុងសហរដ្ឋអាមេរិក ជាទីដែលបច្ចុប្បន្ននេះ COVID-១៩ កំពុងរាលដាលយ៉ាងឆាប់រហ័សបំផុត។ ប្រទេសអ៉ីតាលីដែលជាប្រទេសរងគ្រោះខ្លាំងជាងគេទាក់ទងនឹងការស្លាប់ ជាមួយនឹងចំនួនស្លាប់ ១៣,៩១៥នាក់ និងឆ្លងសរុប ១១៥,២៤២ករណី។