ប្រធានាធិបតីរុស្ស៊ីលោក វ្ល៉ាឌីមៀ ពូទីន បានប្រកាសពីការកែនទ័ព «ជាផ្នែក» នៅក្នុងប្រទេសរុស្ស៊ី ក្នុងអំឡុងសុន្ទរកថាមួយ តាមទូរទស្សន៍កាលពីព្រឹកថ្ងៃពុធ។ លោកពូទីនបាននិយាយថា៖«វិធានការកោះហៅនឹងចាប់ផ្តើមនៅថ្ងៃនេះ ថ្ងៃទី២១ ខែកញ្ញានេះ»។ ក្រឹត្យស្តីពីការកែនទ័ពត្រូវបានចុះហត្ថលេខារួចហើយ ហើយលោក ពូទីន ក៏បាននិយាយថា លោកនឹងជូនដំណឹងនេះទៅដល់សមាជិកសភានៃសភាទាំង ២ ជាលាយលក្ខណ៍អក្សរនៅថ្ងៃពុធនេះ។ ការកែនទ័ពជាផ្នែកនេះ នឹងកំណត់គោលដៅលើយោធាបម្រុងរបស់រុស្ស៊ី ដែលត្រូវបានប៉ាន់ប្រមាណកាលពីឆ្នាំមុនថា អាចមានប្រហែល ២ លាននាក់។ លោក ពូទីន បាននិយាយនៅក្នុងការថ្លែងនៅក្នុងវីដេអូ ដែលបានថតទុកនោះថា៖«ពលរដ្ឋដែលបច្ចុប្បន្នស្ថិតនៅក្នុងបញ្ជីឈ្មោះបម្រុងនឹងត្រូវបានហោះឱ្យចូលបម្រើយោធា ជាដំបូង និងសំខាន់បំផុត គឺអ្នកដែលធ្លាប់បម្រើការក្នុងជួរកងកម្លាំងប្រដាប់អាវុធ»៕ អត្ថបទ៖ លីដា ប្រភព៖

ប្រធានាធិបតីបារាំងលោក អេម៉ានុយអ៊ែល ម៉ាក្រុង (Emmanuel Macron) បានថ្កោលទោសចំពោះការឈ្លានពានរបស់រុស្ស៊ី ទៅលើប្រទេសអ៊ុយក្រែន ដោយបាននិយាយថា វាតំណាងឱ្យការវិលត្រឡប់ទៅកាន់ចក្រពត្តិនិយម និងយុគសម័យនៃអាណានិគមនិយម។ លោក ម៉ាក្រុង បានថ្លែងបែបនេះទៅកាន់មហាសន្និបាតអង្គការសហប្រជាជាតិកាលពីថ្ងៃអង្គារ ដោយលោកបានបន្ថែមថា ប្រទេសរុស្ស៊ីបានបំពានដោយចេតនានូវធម្មនុញ្ញរបស់អង្គការសហប្រជាជាតិ បើទោះបីជាប្រទេសនេះ ជាសមាជិកអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិក៏ដោយ។ ប្រធានាធិបតីលោក ម៉ាក្រុង បាននិយាយថា ទីក្រុងមូស្គូបានសម្រេចចិត្តត្រួសត្រាយផ្លូវសម្រាប់សង្គ្រាមឧបសម្ព័ន្ធនាពេលអនាគត ដែលកើតមានឡើងនៅអឺរ៉ុប អាស៊ី ឬអាហ្រ្វិក។ លោក​ថា នេះ​តំណាង​ឱ្យ​ការ​វិល​ត្រឡប់​ទៅ​ចក្រពត្តិនិយម និង​យុគសម័យ​អាណានិគមនិយម។ លោកក៏បានកត់សម្គាល់ដែរថា កង្វះខាតថាមពល និងអាហារដែលបណ្តាលមកពីការឈ្លានពានរបស់យោធារុស្ស៊ី អាចនឹងធ្វើឱ្យមានការបែងចែកសហគមន៍អន្តរជាតិ។ លោកបានអំពាវនាវឱ្យមានសាមគ្គីភាពក្នុងចំណោមប្រជាជាតិនានា ហើយលោក​បាន​មាន​ប្រសាសន៍​ថា ប្រទេស​ដែលមាន​អព្យាក្រឹត និង​នៅ​ស្ងៀម​សព្វថ្ងៃ

ប្រព័ន្ធផ្សព្វផ្សាយបានរាយការណ៍ថា បុរសម្នាក់បានដុតខ្លួនឯងនៅជិតការិយាល័យនាយករដ្ឋមន្ត្រីជប៉ុន នៅថ្ងៃពុធ ទី២១ ខែកញ្ញា ឆ្នាំ២០២២ នេះផ្ទាល់តែម្ដង នៅក្នុងការតវ៉ាជាក់ស្តែងមួយចំពោះការសម្រេចចិត្តរបស់រដ្ឋាភិបាល ក្នុងការរៀបចំពិធីបុណ្យសពថ្នាក់រដ្ឋសម្រាប់អតីតនាយករដ្ឋមន្ត្រីលោក អាបេ ស៊ីនហ្សូ ដែលត្រូវបានធ្វើឃាតកាលពីប៉ុន្មានខែមុន។ បុរស​នោះ​ត្រូវ​បាន​គេ​បញ្ជូន​ទៅ​មន្ទីរពេទ្យ​ ដោយមានការ​​រលាក​ពេញ​ខ្លួន​ ចំណែក​ប៉ូលិស​ដែល​ព្យាយាម​ពន្លត់​ភ្លើង​ក៏​រង​របួស​ផងដែរ នេះបើតាមការចុះផ្សាយរបស់សារព័ត៌មាន Channel News Asia ។ បុរសនោះមានអាយុ ៧០ឆ្នាំ និងបានសន្លប់នៅពេលដែលអាជ្ញាធរចុះទៅដល់ ហើយក្រោយមកក៏បានប្រាប់ប៉ូលីសថា គាត់បានចាក់ប្រេងដុតខ្លួនឯងដោយចេតនា ដើម្បីប្រឆាំងនឹងការប្រារព្ធពិធីបុណ្យសពថ្នាក់រដ្ឋឱ្យលោក អាបេ ស៊ីនហ្សូ។ យ៉ាងណាក៏ដោយ ប៉ូលិស និង​ការិយាល័យ​នាយក​រដ្ឋមន្ត្រី​ បាន​បដិសេធ​មិន​បញ្ជាក់​ពី​ឧប្បត្តិហេតុ​ដែល​បាន​កើត​ឡើងនោះទេ ខណៈក្នុងថ្ងៃពុធនេះផ្ទាល់ គឺជាខួបកំណើតគម្រប់អាយុ ៦៨ឆ្នាំ

យូនីសេហ្វ បាននិយាយថា យ៉ាងហោចណាស់មានកុមារ ១១ នាក់ ត្រូវបានសម្លាប់ នៅក្នុងការវាយប្រហារ ដោយឧទ្ធម្ភាគចក្រ ទៅលើសាលារៀនមួយ នៅភាគពាយ័ព្យប្រទេសមីយ៉ាន់ម៉ា។ ក្រុមអ្នកគាំទ្រ​លទ្ធិប្រជាធិបតេយ្យ​របស់​ប្រទេសនេះ​ជឿ​ថា ការ​វាយ​ប្រហារ​នេះ​ត្រូវ​បាន​ធ្វើ​ឡើង​ដោយពួក​យោធា។ យូនីសេហ្វមីយ៉ានម៉ា បាននិយាយថា ការវាយប្រហារតាមអាកាសនេះ បានធ្វើឡើងកាលពីថ្ងៃសុក្រ នៅក្នុងទីក្រុង Sagaing ។ ខ្លួនបាននិយាយថា យ៉ាងហោចណាស់កុមារ ១៥នាក់ នៅតែបាត់ខ្លួន ហើយព័ត៌មានលម្អិតបន្ថែមកំពុងត្រូវបានបញ្ជាក់។ រដ្ឋាភិបាលរួបរួមជាតិដែលគាំទ្រលទ្ធិប្រជាធិបតេយ្យបាននិយាយនៅក្នុងសេចក្តីថ្លែងការណ៍មួយថា ទាហានបានឃាត់ខ្លួនកុមារ និងគ្រូបង្រៀនប្រហែល ២០ នាក់ បន្ទាប់ពីការវាយប្រហារនោះ។ ហើយយោធា​និយាយ​ថា ខ្លួន​​គ្រាន់តែបាញ់​តបត បន្ទាប់​ពី​រង​ការ​វាយ​ប្រហារ​ដោយ​ក្រុម​ប្រដាប់​អាវុធ។ គួរឱ្យដឹងដែរថា

ថ្មីៗនេះមានរូបថតប៉ុន្មានសន្លឹកដែលបង្ហោះនៅលើបណ្ដាញសង្គមហ្វេសប៊ុក កំពុងទទួលបានចំណាប់អារម្មណ៍យ៉ាងខ្លាំងពីមហាជន នៅពេលដែលរូបភាពទាំងអស់នោះ បានបង្ហាញពីក្រុមកសិករដាំម្នាស់នៅតំបន់មួយ នៅប្រទេសបង់ក្លាដែស កំពុងនាំយកផ្លែម្នាស់របស់ពួកគេទៅកាន់ទីផ្សារ ជាមួយនឹងទឹកមុខយ៉ាងស្រស់បំព្រង។ អ្វីដែលគួរឱ្យចាប់អារម្មណ៍ គឺពួកគាត់ប្រើប្រាស់ត្រឹមកង់ប៉ុណ្ណោះ ហើយត្រូវធ្វើដំណើរផ្លូវឆ្ងាយថែមទៀតផង ខណៈផ្លែម្នាស់ផ្ទាល់ ក៏មិនមែនជាផ្លែឈើដែលមានតម្លៃថ្លៃណាស់ណានោះដែរ។ ​នៅក្នុងការបង្ហោះដោយ People’s Daily នៅលើហ្វេសប៊ុកបានសរសេរថា៖«កសិករខ្លះ​ត្រូវ​ដើរ​ ១០​គីឡូម៉ែត្រ បណ្ដើរ​កង់​ពេញ​ដោយ​ផ្លែ​ម្នាស់​មក​លក់​នៅ​ទីផ្សារ។ ក្នុងកង់មួយគ្រឿងដឹកម្នាស់ប្រហែល ១០០ ផ្លែ ហើយអាចមានទម្ងន់រហូតដល់ ៣០០ គីឡូក្រាម នៅពេលដែលពួកគេធ្វើដំណើរទៅកាន់ទីផ្សារនៅតំបន់ Madhupur ក្នុងទីក្រុង Tangail របស់ប្រទេសបង់ក្លាដែស»។ ជម្រាបផងដែរថា ការប្រមូលផលម្នាស់នៅឆ្នាំនេះមានភាពល្អប្រសើរ ហើយតម្លៃក្នុងម្នាស់មួយផ្លែៗ គឺមានតម្លៃពី ២០ ទៅ ២៥

កងកម្លាំងពិសេសរបស់ប្រទេសថៃបានធ្វើសមយុទ្ធសង្គ្រោះបន្ទាន់មួយ នៅផ្សារទំនើប Crystal Ekamai-Ramindra កាលពីថ្ងៃចន្ទម្សិលមិញនេះ ដែលជាផ្នែកមួយនៃការរៀបចំសន្តិសុខ សម្រាប់កិច្ចប្រជុំកំពូលនៃកិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក (Apec) នាពេលខាងមុខនេះ នេះបើតាមការចុះផ្សាយរបស់សារព័ត៌មាន The Nation Thailand នៅថ្ងៃអង្គារ ទី២០ ខែកញ្ញា ឆ្នាំ២០២២។ សមយុទ្ធនេះត្រូវបានធ្វើឡើងដើម្បីធានាថា កងកម្លាំងសន្តិសុខរបស់ប្រទេសថៃត្រូវបានរៀបចំសម្រាប់ភាពអាសន្នណាមួយ ដែលអាចកើតមានឡើងក្នុងកំឡុងពេលកិច្ចប្រជុំកំពូល។ សមយុទ្ធ​នោះ​រួមមានទាំងកងកម្លាំង​ពិសេស ដើម្បី​ដោះស្រាយ​ស្ថានការណ៍ នៅពេល​ភេរវករ​បើក​ការបាញ់​ប្រហារ ឬ​ចាប់​ចំណាប់ខ្មាំង​ជាដើម។ ជម្រាបដែរថា កិច្ចប្រជុំកំពូល Apec ក្រោមប្រធានបទ «Open Connect Balance» នឹងប្រព្រឹត្តទៅនៅថ្ងៃទី១៨-១៩ ខែវិច្ឆិកា នៅទីក្រុងបាងកក៕ អត្ថបទ៖

ប្រធានាធិបតីលោក ចូ បៃដិន បានប្រកាសពីទីបញ្ចប់នៃជំងឺរាតត្បាត COVID-19 នៅសហរដ្ឋអាមេរិក ទោះបីជាចំនួនប្រជាជនអាមេរិក ដែលបានស្លាប់ដោយសារជំងឺនេះនៅតែបន្តកើនឡើងក៏ដោយ។ លោក បៃដិន បាននិយាយថា ខណៈពេលដែលយើងនៅតែមានបញ្ហាខ្លះ ស្ថានភាពពេលនេះកំពុងប្រសើរឡើងយ៉ាងឆាប់រហ័ស។ នៅក្នុងបទសម្ភាសន៍ជាមួយ 60 Minutes នៅលើប៉ុស្តិ៍ CBS លោក បៃដិន បាននិយាយថា៖«​ប្រសិន​បើ​អ្នក​កត់​សម្គាល់​ គ្មាន​អ្នក​ណា​ពាក់​ម៉ាស់ទៀត​ទេ​។ គ្រប់​គ្នា​ហាក់​ដូច​ជា​មានភាពល្អប្រសើរ… ខ្ញុំ​គិត​ថា​វា​មាន​ការ​ផ្លាស់​ប្តូរច្រើន»។ យ៉ាងណាក៏ដោយ ទិន្នន័យពីសាកលវិទ្យាល័យ Johns Hopkins បានបង្ហាញថា ក្នុងរយៈពេល ៧ ថ្ងៃចុងក្រោយនេះ, ជាមធ្យមមានការស្លាប់ចំនួន ៤០០

ប្រធានាធិបតីលោក Volodymyr Zelenskyy បាននិយាយថា កងទ័ពអ៊ុយក្រែនកំពុងរៀបចំ សម្រាប់ការទទួលជ័យជម្នះជាបន្តបន្ទាប់របស់ពួកគេ។ កាល​ពី​ថ្ងៃ​ចន្ទ លោក​បាន​ព្រមាន​ទាហាន​រុស្ស៊ី​នៅក្នុង​ប្រទេស​របស់​លោក​ថា ពួកគេ​មាន​ជម្រើស​តែ​ ២ ប៉ុណ្ណោះ គឺ​រត់​គេច ឬ​ចុះចាញ់។ លោក Zelenskyy បានចោទប្រកាន់រុស្ស៊ីថា «បង្កហានិភ័យ» ដល់ពិភពលោកទាំងមូល។ ការិយាល័យរបស់គាត់ក៏បានចេញផ្សាយវីដេអូមួយ បង្ហាញពីមីស៊ីលរបស់រុស្សី ដែលវាយប្រហារទីតាំងមួយនៅតំបន់ Mykolaiv។ តំបន់នោះរួមមានរោងចក្រនុយក្លេអ៊ែរ Pivdennoukrainsk ដែលធំជាងគេទី២ របស់អ៊ុយក្រែនផងដែរ។ មន្ត្រី ជាមួយប្រតិបត្តិករថាមពលជាតិ Energoatom បានរាយការណ៍ពីការផ្ទុះ ៣០០ ម៉ែត្រ ពីរ៉េអាក់ទ័រ ប៉ុន្តែរោងចក្រ​នោះគឺនៅដំណើរការ​ជាធម្មតា

យោងតាមការបង្ហោះនៅលើហ្វេសប៊ុកដោយ Khaosod បានឱ្យដឹងថា អ្នកជំនាញវេជ្ជសាស្រ្តថៃជាង ១,៣០០ នាក់ បានចេញសេចក្តីថ្លែងការណ៍រួមមួយនៅថ្ងៃចន្ទនេះផ្ទាល់ ដោយអំពាវនាវឱ្យរដ្ឋាភិបាលបញ្ចប់ការប្រើប្រាស់កញ្ឆា សម្រាប់គោលបំណងកម្សាន្តអារម្មណ៍។ សេចក្តីថ្លែងការណ៍ដែលចុះហត្ថលេខាដោយអ្នកជំនាញចំនួន ១,៣៦៥ នាក់ បានបញ្ជាក់ថា ភាពមិនទាន់ច្បាស់លាស់ផ្នែកច្បាប់នាពេលបច្ចុប្បន្ននេះ បានអនុញ្ញាតឱ្យយុវជន និងជនដែលងាយរងគ្រោះ មានសិទ្ធិប្រើប្រាស់កញ្ឆាដោយសេរីក្នុងរយៈពេល ៣ ខែចុងក្រោយនេះ ខណៈដែលប្រទេសនេះកំពុងរង់ចាំច្បាប់ពាក់ព័ន្ធនឹងកញ្ឆាផ្លូវការមួយ។ ក្រុមម្ចាស់ហត្ថលេខីបាននិយាយថា កញ្ឆាមានឥទ្ធិពលអវិជ្ជមានលើការអភិវឌ្ឍខួរក្បាលរបស់កុមារ និងក្មេងជំទង់ ហើយវាពិតជាបង្ក «ការគំរាមកំហែងដល់ប្រព័ន្ធសុខភាពសាធារណៈ និងរយៈពេលខ្លី ក៏ដូចជាសុខភាពរយៈពេលវែងរបស់ប្រជាជន»។ ពួកគេបន្ថែមថា កញ្ឆាសម្រាប់គោលបំណងកម្សាន្តអារម្មណ៍បានជ្រៀតចូលសហគមន៍ ដូច្នេះពួកគេចង់ឱ្យការប្រើប្រាស់កញ្ឆាត្រូវបានផ្តន្ទាទោស រហូតដល់ច្បាប់ព្រាងត្រូវបានអនុម័ត។ រំលឹកផងដែរថា ប្រទេសថៃបានធ្វើឱ្យស្របច្បាប់សម្រាប់ការដាំដុះ និងការប្រើប្រាស់កញ្ឆាមានកម្រិត នៅក្នុងម្ហូបអាហារ និងភេសជ្ជៈ

ប្រព័ន្ធផ្សព្វផ្សាយក្នុងស្រុកបានរាយការណ៍ថា មនុស្សចំនួន ២នាក់ បានស្លាប់ និងយ៉ាងហោចណាស់មនុស្ស ៤៣នាក់ បានរងរបួស បន្ទាប់ពីព្យុះទីហ្វុង Nanmadol បានបោកបក់លើកោះ Kyushu របស់ប្រទេសជប៉ុន កាលពីយប់ថ្ងៃអាទិត្យ ជាមួយនឹងស្ថានភាពធ្ងន់ធ្ងរនៅតែបន្តកើតមាននៅថ្ងៃចន្ទនេះ។ យោងតាមទីភ្នាក់ងារឧតុនិយមជប៉ុន (JMA) បានឱ្យដឹងថា ព្យុះទីហ្វុងនេះនឹងប៉ះពាល់ដល់តំបន់ដ៏ធំទូលាយមួយ ពីភាគខាងលិចទៅកាន់ភាគខាងជើងប្រទេសជប៉ុន ដោយនាំមកនូវភ្លៀងធ្លាក់ខ្លាំង និងខ្យល់បក់បោកខ្លាំង។ ព្យុះទីហ្វុង Nanmadol ក៏បានធ្វើឱ្យប្រជាជនប្រហែល ៣០០,០០០ គ្រួសារ គ្មានថាមពល ខណៈប្រជាជនជប៉ុនរាប់លាននាក់ត្រូវបានគេប្រាប់ឱ្យជម្លៀសចេញ និងរក្សាការប្រុងប្រយ័ត្នប្រឆាំងនឹងព្យុះ។ ព្យុះទីហ្វុងនេះ បានធ្វើឱ្យមានការរំខានដ៏ធំក្នុងការដឹកជញ្ជូន, ជើងហោះហើរជាង ៧០០ ដែលបានគ្រោងទុកសម្រាប់ថ្ងៃចន្ទត្រូវបានលុបចោល ហើយសេវាកម្មរថភ្លើង