ឥណ្ឌា៖ យ៉ាងហោចណាស់មានពលរដ្ឋឥណ្ឌាចំនួន ១៣២នាក់បានស្លាប់បាត់បង់ជីវិតនៅក្នុងហេតុការណ៍បាក់ស្ពានមួយកន្លែង នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅព្រឹកថ្ងៃចន្ទ ទី៣១ ខែតុលានេះ។  ស្ពានដែលបានបាក់នោះគឺស្ពានសម្រាប់ឆ្លងទន្លេ Machchhu ដែលមានទីតាំងស្ថិតនៅក្នុងទីក្រុង Morbi រដ្ឋ Gujarat ខណៈស្ពានមួយខ្សែនេះមានអាយុកាលប្រមាណជា ១៥០ឆ្នាំហើយ។ បើតាមអាជ្ញាធរឥណ្ឌាបានបញ្ជាក់ថា មុនពេលកើតហេតុគឺមានមនុស្សប្រហែល ៥០០នាក់បានជួបជុំគ្នានៅក្បែរស្ពាននិងមួយចំនួនបានដើរកាត់ស្ពាននោះតែម្តងដើម្បីអបអរពិធីបុណ្យសាសនាមួយកាលពីយប់ថ្ងៃអាទិត្យម្សិលមិញនេះ។ ក្នុងអំឡុងពេលដែលពិធីបុណ្យកំពុងចាប់ផ្តើមយ៉ាងសប្បាយរីករាយនោះ ស្រាប់តែស្ពានបានបាក់យ៉ាងឆាប់រហ័យតែម្តង ដែលធ្វើឲ្យអ្នកដែលកំពុងឈរនៅលើស្ពានទាំងអស់មិនអាចរត់គេចបានទាន់ពេលវេលានោះទេ។ ក្រៅតែពីបានរកឃើញអ្នកស្លាប់ភ្លាមៗនៅកន្លែងកើតហេតុ មានមនុស្សចំនួន ១៥នាក់ផ្សេងទៀតបានរងរបួសធ្ងន់ធ្ងរនិងត្រូវបញ្ជូនទៅព្យាបាលបន្ទាន់នៅមន្ទីរពេទ្យផងដែរ៕ អត្ថបទ៖ ភក្តី ប្រភព៖ Channel News Asia

កូរ៉េខាងត្បូង៖ គិតត្រឹមព្រឹកថ្ងៃចន្ទ ទី៣១ ខែតុលានេះគឺតួលេខអ្នកដែលបានស្លាប់បាត់បង់ជីវិតនៅក្នុងហេតុការណ៍រត់ជាន់គ្នានៅក្នុងប្រទេសកូរ៉េខាងត្បូងបានបន្តកើនឡើងរហូតដល់ ១៥៤នាក់ហើយ នេះបើយោងតាមសេចក្តីរាយការណ៍របស់បណ្តាញសារព័ត៌មាន Reuters ។  ភាគច្រើននៃជនរងគ្រោះដែលបានស្លាប់ទាំងអស់នោះគឺជាយុវជនដែលមានវ័យជាង ២០ឆ្នាំ ហើយក្នុងនោះក៏មានជនបរទេសចំនួន ២២នាក់ផងដែរ។ ក្រោយកើតមានហេតុការណ៍អកុសលនេះ​លោកប្រធានាធិបតីកូរ៉េខាងត្បូង Han Duck-soo បានប្រកាសកាត់ទុក្ខថ្នាក់ជាតិនៅទូទាំងប្រទេស​ និងប្តេជ្ញាធ្វើការស៊ើបអង្កេតឱ្យបានហ្មត់ចត់ដើម្បីស្វែងរកមូលហេតុពិតប្រាកដនិងអ្នកទទួលចំពោះករណីមួយនេះ។ គួររម្លឹកថា ហេតុការណ៍រត់ជាន់គ្នាបានកើតឡើងនៅតំបន់កំសាន្ត Itaewon ក្នុងទីក្រុងសេអ៊ូល ជាទីកន្លែងដែលមានពលរដ្ឋប្រមាណជា ១០០,០០០នាក់ប្រមូលផ្តុំគ្នាយ៉ាងកកកុញដើម្បីអប់អរពិធីបុណ្យ Halloween កាលពីយប់ថ្ងៃសៅរ៍កន្លងទៅនេះ៕ អត្ថបទ៖ ភក្តី ប្រភព៖ Reuters

កូរ៉េខាងត្បូង៖ របាយការណ៍បឋមមួយស្តីហេតុការណ៍រត់ជាន់គ្នានៅកូរ៉េខាងត្បូងដែលបានចុះផ្សាយដោយបណ្តាញសារព័ត៌មាន Channel News Asia នៅព្រឹកថ្ងៃអាទិត្យ ទី៣០ ខែតុលានេះបានបញ្ជាក់ថា មានពលរដ្ឋកូរ៉េខាងត្បូងយ៉ាងហោចណាស់ចំនួន ១៤៩នាក់បានស្លាប់បាត់បង់ជីវិត និង ១៥០នាក់ផ្សេងទៀតរងរបួស។ គួរបញ្ជាក់ថា ហេតុការណ៍នេះបានកើតឡើងនៅម៉ោងជិត ១១យប់ កាលពីយប់ថ្ងៃសៅរ៍ម្សិលមិញនេះនៅតំបន់កំសាន្ត Itaewon ដែលនៅទីនោះមានពលរដ្ឋរាប់ពាន់នាក់បានប្រមូលផ្តុំគ្នាយ៉ាងកកកុញដើម្បីអប់អរពិធីបុណ្យ Halloween។ គួររម្លឹកជូនថា ហេតុការណ៍អកុសគឺបានកើតឡើងរដៀងគ្នាទៅនឹងព្រឹត្តិការណ៍រត់ជាន់នៅស្ពានកោះពេជ្រ ក្នុងទីក្រុងភ្នំពេញកាលពីឆ្នាំ ២០១០ អីចឹងដែរ ដោយពេលនោះមានពលរដ្ឋកម្ពុជាចំនួន ៣៤៧ បានស្លាប់បាត់បង់ជីវិត និង ៧៥៥នាក់បានរង់របួស។ សូមបញ្ជាក់ជូនផងដែរថា តួលេខខាងលើនេះគឺជាតែជារបាយការណ៍បឋមប៉ុណ្ណោះ ខណៈតួលេខជាក់ស្តែងចុងក្រោយអាចមានការប្រែប្រួលបន្ថែមទៀត៕   អត្ថបទ៖

អូស្រ្តាលី៖ រដ្ឋាភិបាលនៃប្រទេសអូស្រ្តាលីនៅថ្ងៃព្រហស្បតិ៍ ទី២៧ ខែតុលានេះបានប្រកាសថា នឹងជួយហ្វឹកហាត់ដល់ទាហានអ៊ុយក្រែន និងផ្តល់ជំនួយបន្ថែមមួយចំនួនទៅកាន់កងទ័ពអ៊ុយក្រែនដើម្បីប្រើប្រាស់ទប់ទល់នឹងការឈ្លានពានរបស់កម្លាំងរុស្ស៊ី។ យោងតាមការចុះផ្សាយរបស់បណ្តាញសារព័ត៌មាន Channel News Asia បានបញ្ជាក់ថា តាមគម្រោងគឺអូស្រ្តាលីនឹងបញ្ជូនទាហ៊ានជំនាញរបស់ខ្លួនចំនួន ៧០នាក់ទៅកាន់ប្រទេសអង់គ្លេស ដើម្បីជួយហ្វឹកហាត់ដល់ទាហ៊ានអ៊ុយក្រែន ដែលពេលនេះកំពុងស្នាក់នៅនិងទទួលការហ្វឹកហាត់នៅក្នុងអង់គ្លេស។ ប្រភពខាងលើបានបន្តថា ចំពោះជំនួយរបស់រដ្ឋាភិបាលអូស្រ្តាលីនៅពេលនេះវិញគឺជារថពាសដែកចំនួន ៣០ ដែលអូស្រ្តាលីនឹងបញ្ជូនទៅកាន់អ៊ុយក្រែនតាមរយៈកប៉ាល់ដឹកទំនិញខ្នាតធំ។ បើតាមលោក Richard Marles ដែលជារដ្ឋមន្ត្រីក្រសួងការពារជាតិអូស្រ្តាលីបានបញ្ជាក់ថា​ ចាប់តាំងរុស្ស៊ីបានផ្តើមឈ្លានពានចូលក្នុងទឹកដីអ៊ុយក្រែនមក រដ្ឋាភិបាលអូស្រ្តាលីបានផ្តល់ជំនួយទៅកាន់អ៊ុយក្រែនក្នុងទំហំទឹកប្រាក់ប្រមាណជា ៦៥៥ដុល្លារអូស្រ្តាលី (៤២៥ លានដុល្លារអាមេរិក) ហើយ ខណៈអូស្រ្តាលីនឹងបន្តគាំទ្រអ៊ុយក្រែនក្នុងរយៈពេលយូរអង្វែងទៀត ពោលគឺរហូតដល់ភ្លើងសង្គ្រាមត្រូវបានបិទបញ្ចប់៕ អត្ថបទ៖ ភក្តី ប្រភព៖

តម្លៃប្រេងនៅក្នុងពាណិជ្ជកម្មអាស៊ីបានបន្តឡើងថ្លៃគួរឲ្យកត់សម្គាល់ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅព្រឹកថ្ងៃព្រហស្បតិ៍ ទី២៧ ខែតុលានេះ។ បើគេធ្វើការប្រៀបធៀបតម្លៃប្រេងនៅពេលនេះជាមួយនឹងតម្លៃប្រេងនៅក្នុងវគ្គមុនគឺគេមើលឃើញថា តម្លៃប្រេងបានបន្តកើនឡើងចំនួន ៣%បន្ថែមទៀតពីលើតម្លៃប្រេងដែលខ្ពស់ស្រាប់ទៅហើយ ខណៈក្រុមអ្នកជំនាញបានព្យាការណ៍ថា តម្លៃប្រេងអាចនឹងបន្តឡើងថ្លៃបន្ថែមទៀតផងដែរនៅក្នុងពេលដ៏ខ្លីខាងមុខនេះ។ បើយោងតាមវិទ្យាស្ថាន West Texas Intermediate (WTI) របស់អាមេរិកបានដាក់ការព្យាករណ៍ថា តម្លៃប្រេងសកលអាចនឹងប​ន្តកើនឡើង ០,៣%បន្ថែមទៀត ឬស្មើនឹង ២៥សេន ដែលធ្វើឲ្យតម្លៃប្រេងក្នុងមួយប៉ារ៉ែលត្រូវឡើងដល់ ៩៥,៩៤ ដុល្លារ។ ចំពោះតម្លៃប្រេងឆៅនៅអាមេរិកអាននឹងបន្តកើនឡើងចំនួន ០,២% ឬស្មើនឹង ១៩សេន ដែលធ្វើឲ្យតម្លៃប្រេងក្នុងមួយប៉ារ៉ែលអាចកើនដល់ ៨៨,១០ដុល្លារ។ ប្រភពខាងលើបានបន្តថា ការកើនឡើងនៃតម្លៃប្រេងនៅក្នុងពាណិជ្ជកម្មអាស៊ីនេះក៏បានធ្វើឲ្យប៉ះពាល់ដល់ស្តុកប្រេងឆៅនៅអាមេរិកផងដែរ

ហ្វីលីពីន៖ ជំនន់ទឹកភ្លៀងនៅក្នុងទីក្រុងបានប៉ះពាល់ដល់សកម្មធ្វើអាជីវកម្មរបស់ប្រជាពលរដ្ឋយ៉ាងខ្លាំង ពិពេសនោះគឺអាជីវកម្មនៅក្នុងវិស័យដឹកជញ្ជូនតែម្តង។ ជាក់ស្តែងយោងតាមការចុះផ្សាយរបស់បណ្តាញសារព័ត៌មាន Nation Thailand បានឲ្យដឹងថា នៅក្នុងរដូវភ្លៀងនេះក្រុមអ្នករត់ម៉ូតូឌុបជាច្រើននៅក្នុងទីក្រុង Hagonoy នៃប្រទេសហ្វីលីពីនបាននាំគ្នាត្អូញត្អែរអំពីការអាកខានប្រកបអាជីវកម្មរបស់ពួកគាត់ជាញឹកញាប់ ដោយសារក្រុមអ្នកដំណើរមិនហ៊ានជិះម៉ូតូឡើយព្រោះតែខ្លាចសាចទឹកប្រឡាក់ខោអាវ​ឬធ្វើឲ្យទទឹកខោអាវរបស់គាត់។ ដើម្បីបន្តដង្ហើមអាជីវកម្មមួយនេះ ក្រុមអ្នករត់ម៉ូតូឌុបនៅទីក្រុង Hagonoy បានសម្រេចកែច្នៃម៉ូតូរបស់ពួកគាត់ឲ្យខ្ពស់ជាងមុន ពោលគឺក្រោយកែច្នៃរួចហើយម៉ូតូទាំងអស់នោះអាចមានកម្ពស់រហូតដល់ ២ ម៉ែត្រ ហើយវាពិតជាបានជួយការពារមិនឲ្យអ្នកដំណើរទទឹកខោអាវនោះទេ បើទោះជាត្រូវបើកបរក្នុងអំឡុងពេលមានទឹកលិចទីក្រុងខ្លាំងក៏ដោយ។ លោក Russel Lopez ដែលជាអ្នករត់ម៉ូតូឌុបម្នាក់បានប្រាប់ឲ្យដឹងថា គាត់បានប្រកបរបរជាអ្នករត់ម៉ូតូឌុបអស់រយៈពេល ១០ឆ្នាំមកហើយ ខណៈរូបគាត់តែងតែបាត់បង់ប្រាក់ចំណូលទាំងស្រុងក្នុងពេលមានភ្លៀងធ្លាក់ខ្លាំងៗម្តង។ យ៉ាងណាក្តីអ្នករត់ម៉ូតូរូបនេះបានបន្តថា ក្រោយកែច្នៃម៉ូតូឲ្យខ្ពស់ជាងមុនរួចគឺគាត់នៅតែអាចរកប្រាក់ចំណូលប្រចាំថ្ងៃបានជាធម្មតា ខណៈជាមធ្យមគាត់អាចបានរកប្រាក់ចំណូលបាន ៥០០ ប៉េសូ (២៥ដុល្លារ) ក្នុងមួយថ្ងៃ៕

កូរ៉េខាងត្បូង៖ តុលាការកូរ៉េខាងត្បូងបានសម្រេចចេញដីកាចាប់ខ្លួនអតីតមន្ត្រីជាន់ខ្ពស់ចំនួន ២រូបជុំវិញករណីស្លាប់មន្ត្រីជលផលនៃក្រសួងនេសាទរបស់រដ្ឋាភិបាលខាងត្បូងម្នាក់ ដែលបានស្លាប់ក្នុងកណ្តាប់ដៃរបស់ទាហានកូរ៉េខាងជើងកាលពីឆ្នាំ ២ឆ្នាំមុន។ បើយោងតាមការចុះផ្សាយរបស់បណ្តាញសារព័ត៌មាន Channel News Asia នៅព្រឹកថ្ងៃសោរ៍ ទី២២ ខែតុលានេះបានឲ្យដឹង​ថាអតីតមន្ត្រីជាន់ខ្ពស់របស់រដ្ឋាភិបាលកូ​រ៉េខាងត្បូងទាំង ២រូបនោះរួមមាន អតីតរដ្ឋមន្ត្រីក្រសួងការពារជាតិម្នាក់ និងម្នាក់ទៀតជាអតីតប្រធានឆ្មាំសមុទ្រ ខណៈមន្ត្រីជលផល ដែលបានស្លាប់បាត់បង់ជីវិតកាលពីឆ្នាំ ២០២០កន្លងទៅនោះគឺលោក Lee Rae-jin ដែលរូបគាត់ត្រូវបានទាហានកូរ៉េខាងជើងបាញ់សម្លាប់ ហើយក្រោយមកសពរបស់គាត់ត្រូវបានដុតកម្ទេចចោលនៅដែនសមុទ្ររបស់កូរ៉េខាងជើងទៀតផង។ លោក Lee Rae-jin គួររម្លឹកជូនថា មុនពេលស្លាប់លោក Lee Rae-jin បានជួបឧប្បត្តិហេតុ​ក្នុងពេលបំពេញការងារនៅលើដែនសមុទ្រកូរ៉េខាងត្បូង ហើយរូបគាត់បានអណ្តែតនៅលើទឹកសមុទ្រជិត ៦ម៉ោង មុនពេលរសាត់ទៅដល់ដែនសមុទ្ររបស់កូរ៉េខាងជើង។ តាមការស៊ើបអង្កេតរបស់តុលាការកូរ៉េខាងត្បូងបានរកឃើញថា

វៀតណាម៖ យោងតាមការចុះផ្សាយរបស់បណ្តាញសារព័ត៌មាន VN Express នៅថ្ងៃព្រហស្បតិ៍ ទី២០ ខែតុលានេះបានឲ្យដឹងថា ទីក្រុងដាណាង ដែលជាក្រុងទេសចរណ៍ដ៏មានសក្តានុពលមួយរបស់វៀតណាមបានរងនូវការគំរាមគំហែងយ៉ាងខ្លាំងដោយទឹកជំនន់កាលពីសប្តាហ៍ទៅនេះ ខណៈទឹកជំនន់នោះត្រូវបានគេមើលឃើញថា ជាគ្រោះធម្មជាតិដ៏អាក្រក់បំផុតដែលមិនធ្លាប់កើតមាននាពេលកន្លងមកនោះទេ។ បើតាមអាជ្ញាធរគ្រប់គ្រងគ្រោះមហន្តរាយវៀតណាមបានឲ្យដឹងថា ទឹកជំនន់បានកើតមានឡើងយ៉ាងឆាប់រហ័សក្រោយមានខ្យល់ព្យុះនិងភ្លៀងធ្លាក់យ៉ាងខ្លាំងក្នុងរយៈពេលជាច្រើនថ្ងៃជាប់ៗគ្នា ហើយនៅក្នុងស្ថានភាពបន្ទាន់ដូចនេះពលរដ្ឋមួយចំនួនមិនបានត្រៀមខ្លួនរួចរាល់សម្រាប់ឆ្លើយតបនឹងគ្រោះធម្មជាតិនោះទេ។ បើតាមលោក Le Trung Chinh ដែលជាអភិបាលក្រុងដាណាងបានបញ្ជាក់ថា គិតត្រឹមពេលនេះគឺឥទ្ធិពលនៃទឹកជំនន់បានបំផ្លាញផលដំណាំរបស់ប្រជាកសិករក្នុងផ្ទៃដីចំនួន ៧៤ហិចតា សម្លាប់សត្វគោ ក្របី មាន់ ទា អស់ជាងចំនួន ៦០,០០០ក្បាល បំផ្លាញសាលារៀនអស់ចំនួន ១៤កន្លែង បំផ្លាញសៀវភៅសម្រាប់សិក្សាអស់ចំនួន ៤,០០០សម្រាប់ និងធ្វើឲ្យខូចខាតផ្ទះចំនួន ៧០,០០០ខ្នង ខណៈមានរថយន្តចំនួន

អាមេរិក៖ មន្ត្រីជាន់ខ្ពស់អាមេរិកម្នាក់បានលើកឡើងថា កងយោធាអាមេរិកត្រូវតែរៀបចំខ្លួនឲ្យបានរួចរាល់នៅក្នុងពេលឥលូវនេះដើម្បីត្រៀមឆ្លើយតបទៅនឹងសកម្មភាពឈ្លានពាននៅលើទឹកដីកោះតៃវ៉ាន់ ដែលអាចកើតមានឡើងនៅក្នុងពេលដ៏ឆាប់ខាងមុខនេះ។​ បើយោងតាមការចុះផ្សាយរបស់បណ្តាញសារព័ត៌មាន Channel News Asia បានបញ្ជាក់ថា មន្ត្រីជាន់ខ្ពស់មេរិកដែលបានធ្វើសេចក្តីអះអាងនេះគឺឧត្តមនាវីឯក Michael Gilday ប្រធានប្រតិបត្តិការកងទ័ពជើងទឹកអាមេរិក​ ខណៈកា​របញ្ចេញទស្សនៈរបស់លោកគឺត្រូវបានធ្វើឡើងនៅក្នុងពិធីសន្និសិទ្ធផ្លូវការមួយដែលបានរៀបចំឡើងនៅក្នុងទីក្រុងវ៉ាស៊ីនតោនកាលពីពេលថ្មីៗនេះ។ ឧត្តមនាវីឯក Michael Gilday ប្រធានប្រតិបត្តិការកងទ័ពជើងទឹកអាមេរិករូបនេះបាននិយាយចំៗថា ប្រទេសចិនក្រោមការដឹកនាំរបស់លោកប្រធានាធិបតី Xi Jinping គឺកំពុងតែផ្តោតការយកចិត្តទុកដាក់យ៉ាង​ខ្លាំងចំពោះគម្រោងឈ្លានពានកោះតៃវ៉ាន់ ហើយប្រតិបត្តិការណ៍ឈ្លានពាននោះអាចនឹងកើតមានក្នុងពេលដ៏ខ្លីខាងមុខ ឬអាចនៅក្នុងឆ្នាំនេះតែម្តង។ ឧត្តមនាវីឯករូបនេះបានបន្តថា កត្តាដែលជំរុញឲ្យចិនកាន់តែចង់វាយដណ្តើមយកកោះតៃវ៉ាន់ក្នុងពេលនេះគឺដោយសារស្ថានពិភពលោកកំពុងមានភាពអំណោយផលសម្រាប់ចិន ពោលគឺពិភពលោកកំពុងជាប់ដៃដោះស្រាយបញ្ហាសង្គ្រាមរវាងរុស្ស៊ីនិងអ៊ុយក្រែន ខណៈប្រទេសចិនវិញកំពុងឈរមើលនិងរៀនសូត្រយុទ្ធសាស្រ្តពីរុស្ស៊ី ខណៈចិនក្នុងនាមជាប្រទេសសម្ព័ន្ធមិត្តជាមួយរុស្ស៊ីគឺមិនបានរងផលប៉ះពាល់ពីវិបត្តិនៃការឡើងថ្លៃថាមពល និងវិបត្តិសេដ្ឋកិច្ចផ្សេងៗទៀតនោះទេ៕ លោកប្រធានាធិបតីចិន Xi Jinping អត្ថបទ៖

អាមេរិក៖ ក្រុមហ៊ុនផលិតវ៉ាក់សាំងប្រឆាំងនឹងជំងឺកូវីដ-១៩ប្រភេទ Pfizer គ្រោងនឹងដំឡើងថ្លៃលើផលិតផលវ៉ាក់សាំងរបស់ខ្លួនសម្រាប់លក់ជូនរដ្ឋាភិបាលអាមេរិក នេះបើយោងតាមការចុះផ្សាយរបស់បណ្តាញសារព័ត៌មាន The Strait Times នៅព្រឹកថ្ងៃសុក្រ ទី២១ ខែតុលានេះ។ បើតាមអ្នកនាង Angela Lukin ដែលជានាយកប្រតិបត្តិនៃក្រុមហ៊ុន Pfizer បានបញ្ជាក់ថា ក្នុងគម្រោងនាពេលកន្លងមកគឺរដ្ឋាភិបាលអាមេរិកបានទិញវ៉ាក់សាំង Pfizer ក្នុងតម្លៃត្រឹមតែ ៣០ដុល្លារប៉ុណ្ណោះក្នុងមួយដូស ប៉ុន្តែរដ្ឋាភិបាលអាមេរិកបានយកវ៉ាក់សាំងអស់នោះទៅចាក់ជូនពលរដ្ឋដោយមិនគិតថ្លៃនោះទេ។ នាយកប្រតិបត្តិរូបនេះបានបន្តថា ឥលូវនេះគម្រោងចាស់សម្រាប់ការទិញ-លក់វ៉ាក់សាំង Pfizer រវាងក្រុមហ៊ុននិងរដ្ឋាភិបាលអាមេរិកបានបញ្ចប់ហើយ ខណៈគម្រោងថ្មីនឹងត្រូវបន្តក្នុងពេលឆាប់ៗខាងមុខនេះ ហើយនៅក្នុងគម្រោងថ្មីនោះគឺក្រុមហ៊ុនគ្រោងនឹងដំឡើងថ្លៃវ៉ាក់សាំងក្នុងតម្លៃចន្លោះពី ១១០ដុល្លារ ទៅ ១៣០ដុល្លារ សម្រាប់វ៉ាក់សាំងមួយដូស។ គួរបញ្ជាក់ជូនថា Pfizer គឺជាក្រុមហ៊ុនផលិតឱសថដ៏ធំដែលមានមូលដ្ឋាននៅសហរដ្ឋអាមេរិក