បារាំង៖ យោងតាមការចុះផ្សាយរបស់បណ្តាញសារព័ត៌មាន Channel News Asia នៅល្ងាចថ្ងៃចន្ទ ទី១៨ ខែកក្កដានេះបានឲ្យដឹងថា សីតុណ្ហភាពនៅក្នុងប្រទេសអង់គ្លេសនិងប្រទេសបារាំងបានកើនឡើងខ្ពស់ដល់កម្រិតប្រកាសអាសន្នហើយ ខណៈរលកកម្តៅក៏បានបង្កឲ្យមានបញ្ហាភ្លើងឆេះព្រៃនៅក្នុងប្រទេសបារាំងនិងប្រទេសអឺរ៉ុបមួយចំនួនផ្សេងទៀតយ៉ាងសន្ធោសន្ធៅផងដែរ។ សម្រាប់នៅក្នុងប្រទេសអង់គ្លេសគឺសីតុណ្ណភាពបានកើនដល់ ៤០%អង្សាសេជាលើកដំបូង តែអង់គ្លេសនៅមិនទាន់មានករណីឆ្លើងឆេះព្រៃនៅឡើយទេ បើទោះជាអាកាសធាតុបានឡើងក្តៅដល់កម្រិតខ្ពស់បំផុតមិនធ្លាប់មានក៏ដោយ។ សម្រាប់នៅក្នុងប្រទេសបារាំងវិញ អាជ្ញាធរសម្រេចទាញសញ្ញាអាសន្នអំពីបញ្ហាអាកាសធាតុជាបន្ទាន់ ក្រោយសីតុណ្ហភាពនៅក្នុងតំបន់មួយចំនួនបានកើនឡើងដល់កម្រិត ៤២អង្សាសេ ដែលជាកម្រិតបំបែកកំណត់ត្រាក្តៅបំផុតមិនធ្លាប់មានផងដែរ។ ស្ថិតក្រោមរលកកម្តៅដ៏ខ្ពស់នេះ ប្រទេសបារាំងរួមជាមួយនឹងប្រទេសនៅភាគនិរតីនៃតំបន់អឺរ៉ុបមួយចំនួនដូចជា អេស្ប៉ាញ ព័រទុយហ្គាល់ និងក្រិចត្រូវប្រឈមនឹងបញ្ហាភ្លើងឆេះព្រៃអស់ជាច្រើនពាន់ហិចតា ហើយគិតត្រឹមពេលនេះអគ្គីភ័យនៅមិនទាន់ត្រូវបានពន្លត់អស់ទាំងស្រុងនៅឡើយទេ។ គួរបញ្ជាក់ជូនថា បញ្ហាភ្លើងឆេះព្រៃបានបង្ខំឲ្យពលរដ្ឋបារាំងដែលមានទីលំនៅក្បែរតំបន់មានភ្លើងឆេះព្រៃនិងអ្នកដើរកំសាន្តរាប់ពាន់នាក់ត្រូវបង្ខំចិត្តធ្វើការជម្លៀសខ្លួនទៅកាន់កន្លែងសុវត្ថិភាពជាបន្ទាន់ ខណៈមានបុគ្គលិកផ្នែកសង្គ្រោះបន្ទាន់មួយចំនួនបានស្លាប់បាត់បង់ជីវិតដោយសារអណ្តាតភ្លើងផងដែរ៕ អត្ថបទ៖ ភក្តី ប្រភព៖ Channel News Asia

កូរ៉េខាងជើង៖ ប្រទេសកូរ៉េខាងជើងបានចេញមកអះអាងនៅថ្ងៃចន្ទ ទី១៨ ខែកក្កដានេះថា ប្រទេសខ្លួនជិតបានយកឈ្នះលើការរាតត្បាតនៃជំងឺកូវីដ-១៩ ដែលរលកទី១ ហើយ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia។ បើតាមអាជ្ញាធរសុខាភិបាលទីក្រុងព្យុងយ៉ាងបានបញ្ជាក់ថា គិតត្រឹមពេលនេះគឺមានពលរដ្ឋកូរ៉េខាងជើងរហូតដល់ ៩៩,៩៨%នៅក្នុងចំណោមពលរដ្ឋដែលមានរោគសញ្ញាក្តៅខ្លួនទាំងបានជាសះស្បើជាធម្មតាវិញអស់ហើយ​ ខណៈអាជ្ញាធរក៏អាចគ្រប់គ្រងចំពោះការរាតត្បាតបន្ថែមទៀតបានផងដែរ។ គួររម្លឹកជូនថា គិតចាប់តាំងពីខែមេសាមក ប្រទេសកូរ៉េខាងជើងបានរកឃើញអ្នកមានរោគសញ្ញាក្តៅខ្លួនសរុបជាង ៤,៧៧លាននាក់ ខណៈដែលប្រទេសមួយនេះមិនបានធ្វើតេស្តរកជំងឺកូវីដ-១៩ និងមិនបានចាក់វ៉ាក់សាំងបង្ការជំងឺកូវីដ-១៩ជូនពលរដ្ឋខ្លួនទាល់តែសោះ។ សូមបញ្ជាក់ថា ពាក្យ “រោគសញ្ញាក្តៅខ្លួន” ដែលអាជ្ញាធរកូរ៉េខាងជើងបានប្រើប្រាស់ចំពោះពលរដ្ឋខ្លួននោះត្រូវបានគេមើញឃើញថា ការពិតជារោគសញ្ញានៃការកើតមានជំងឺកូវីដ-១៩ គ្រាន់តែកូរ៉េខាងជើងមិនប្រើឈ្មោះជំងឺមួយនេះឲ្យចំតែម្តងនោះទេ។ គួរបញ្ជាក់ជូនផងដែរថា ការប្រកាសយកឈ្នះលើការរាតត្បាតនៃជំងឺកូវីដ-១៩ របស់អាជ្ញាធរកូរ៉េខាងជើងនៅពេលនេះ គឺត្រូវបានធ្វើឡើងស្របពេលដែលតួលេខអ្នកឆ្លងជំងឺកូវីដ-១៩នៅក្នុងប្រទេសជិតខាងដូចជា កូរ៉េខាងត្បូងនិងជប៉ុនបានហក់ខ្ពស់ឡើងវិញគួរកត់សម្គាល់៕ អត្ថបទ៖ ភក្តី

អូស្រ្តាលី៖ ស្រ្តីជាអ្នកដំណើរជនជាតិអូស្រ្តាលីម្នាក់ត្រូវរងនូវការពិន័យជាប្រាក់ចំនួន ២,៦៦៤ ដុល្លារអូស្រ្តាលី ( ១,៨១៨ ដុល្លារអាមេរិក) ព្រោះតែរូបគាត់បាននាំយកសាំងវ៉ិចមួយដុំពីប្រទេសសិង្ហបុរីទៅកាន់ទឹកដីអូស្រ្តាលី។ ស្រ្តីរូបនេះមានឈ្មោះថា Jessica Lee ជាអ្នកដំណើរដែលទើបបានទៅដើរកំសាន្តនៅតំបន់អឺរ៉ុប និងត្រូវត្រលប់ទៅកាន់ប្រទេសកំណើតវិញតាមរយៈជើងហោះមួយដែលត្រូវប្តូរជើងយន្តហោះនៅក្នុងព្រលានយន្តហោះ Changi នៃប្រទេសសិង្ហបុរី។ ក្នុងអំឡុងពេលនៃការសម្រាករង់ចាំជើងហោះហើរបន្តនោះ អ្នកដំណើររូបនេះបានទិញនំសាំងវ៉ិចមួយដុំដើម្បីញ៉ាំ ដោយរូបគាត់បានញ៉ាំអស់តែពាក់កណ្តាលប៉ុណ្ណោះសម្រាប់អាហារពេលថ្ងៃត្រង់ និងរក្សាទុកមួយកំណាត់ទៀតនៅក្នុងកាបូបស្ពាយរបស់គាត់សម្រាប់ញ៉ាំជាអាហារពេលល្ងាច។ កញ្ញា Jessica Lee បានរៀបរាប់នៅតាមបណ្តាញសង្គម TikTok របស់គាត់ថា នៅពេលទៅដល់ព្រលានយន្តហោះក្នុងប្រទេសអូស្រ្តាលីគាត់ត្រូវបានមន្ត្រីគយអូស្រ្តាលីឃាត់ខ្លួន ក្រោយបានរកឃើញមានសាំងវ៉ិចរស់ជាតិសាច់មាន់លាយសាឡាត់មួយកំណាត់នៅក្នុងកាបូបរបស់គាត់។ ស្រ្តីរូបនេះបានបន្តថា សាច់មាន់និងសាឡាត់នោះហើយដែលជាហេតុផលនៃការឃាត់ខ្លួន ដ្បិតវាជាប្រភេទចំណីរអាហារដែលត្រូវនាំចូលដោយអនុវត្តតាមវិធានការ “សុវត្ថិភាពជីវសាស្រ្ត” របស់អាជ្ញាធរអាកាសចរណ៍អូស្រ្តាលី។ សូមបញ្ជាក់ជូនថា វិធានការ “សុវត្ថិភាពជីវសាស្រ្ត” គឺជាវិធានទប់ស្កាត់ការនាំយកមេរោគផ្សេងៗពីបរទេស

អាមេរិក៖ កាលពីថ្ងៃអាទិត្យ  ទី១៧ ខែកក្កដាម្សិលមិញនេះមានពលរដ្ឋអាមេរិកជាច្រើននាក់ត្រូវបានគេប្រទះឃើញឈរតម្រង់ជួរគ្នាយ៉ាងវែងដើម្បីរង់ចាំឱកាសចូលទៅចាក់វ៉ាក់សាំងបង្ការជំងឺអុតស្វា Monkeypox ដែលជាជំងឺឆ្លងថ្មីមួយប្រភេទកំពុងបង្កការគំរាមគំហែងយ៉ាងខ្លាំងនៅជុំវិញពិភពលោក។ បើយោងតាមការចុះផ្សាយារបស់បណ្តាញសារព័ត៌មាន Channel News Asia បានបញ្ជាក់ថា យុទ្ធនាការចាក់វ៉ាក់សាំងនេះត្រូវបានរៀបចំឡើងនៅក្នុងទីក្រុង New York សហរដ្ឋអាមេរិក ខណៈពលរដ្ឋដែលបានស័្មគ្រចិត្តទៅទទួលយកវ៉ាក់សាំងពីអាជ្ញាធរដោយមិនគិតថ្លៃនោះភាគច្រើនគឺជាបុរសដែលមានអាយុចន្លោះពី ២០-៤០ឆ្នាំ។ ក្រុមពលរដ្ឋដែលទទួលបានសិទ្ធទៅចាក់វ៉ាក់សាំងបង្ការនេះបានប្រាប់អ្នកសារព័ត៌មានថា ពួកគេពិតជាមានសំណាងខ្លាំងណាស់ដែលមានឱកាសអាចចាក់វ៉ាក់សាំងបានមុនគេដូចនេះ ដ្បិតអាជ្ញាធរក្រុង New York នៅមិនទាន់មានវ៉ាក់សាំងគ្រប់គ្រាន់សម្រាប់ចាក់ជូនពលរដ្ឋទូទាំងទីក្រុងនៅឡើយទេ។ គួររម្លឹកជូនថា កាលពីថ្ងៃសុក្រកន្លងទៅអាជ្ញាធរក្រុង New York បានបើកឲ្យពលរដ្ឋធ្វើការចុះឈ្មោះតាមរយៈគេហទំព័រមួយដើម្បីទទួលបានការណាត់ជួបសម្រាប់ការវ៉ាក់សាំងនេះ ដោយចំនួនកំណត់មានត្រឹម ៩,២០០នាក់ប៉ុណ្ណោះ ហើយក្នុងរយៈពេលតែ ៧នាទីប៉ុណ្ណោះគឺមានពលរដ្ឋចុះឈ្មោះពេញអស់តែម្តង។ សូមបញ្ជាក់ជូនថា គិតត្រឹមពេលនេះករណីអ្នកឆ្លងជំងឺអុតស្វា Monkeypox 

រលកកម្តៅបានបង្ករឲ្យមានបញ្ហាភ្លើងឆេះព្រៃយ៉ាងសន្ធោសន្ធៅនៅតាមបណ្តាប្រទេសស្ថិតនៅភាគនិរតីនៃតំបន់អឺរ៉ុប នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅព្រឹកថ្ងៃចន្ទ ទី១៨ ខែកក្កដានេះ។ ប្រទេសដែលបានជួបប្រទះនូវបញ្ហាភ្លើងឆេះព្រៃនោះមានដូចជា បារាំង ក្រិច ព័រទុយហ្គាល់ និងអេស្ប៉ាញជាដើម។ គិតត្រឹមពេលនេះអគ្គីភ័យបានបំផ្លាញព្រៃអស់រាប់ពាន់ហិចតា បង្ខំឲ្យពលរដ្ឋក្នុងតំបន់និងអ្នកដំណើររាប់ពាន់នាក់ត្រូវធ្វើការជម្លៀសខ្លួនជាបន្ទាន់ ខណៈក៏មានបុគ្គលិកសង្គ្រោះបន្ទាន់មួយចំនួនបានស្លាប់បាត់បង់ជីវិតផងដែរ។ ប្រភពខាងលើបានបន្តថា គិតត្រឹមពេលនេះរលកកម្តៅហាក់មិនមានសញ្ញាថមថយទាល់តែសោះ ខណៈមានប្រទេសជាច្រើនផ្សេងទៀតក៏ត្រៀមទាញសញ្ញាអាសន្នជុំវិញបញ្ហាកើនឡើងកម្តៅនេះផងដែរ។ បើតាមអាជ្ញាធរបារាំងបានឲ្យដឹងថា បារាំងបានបញ្ជូនយន្តហោះពន្លត់អគ្គីភ័យចំនួន ៣គ្រឿង រថយន្តពន្លត់អគ្គីភ័យជាច្រើនគ្រឿង រួមជាមួយអ្នកពន្លត់អគ្គីភ័យជាង ២០០នាក់ ដើម្បីជួយធ្វើអន្តរគមន៍នៅចំពោះមុខគ្រោះធម្មជាតិខាងលើនេះ និងបានសង់កន្លែងស្នាក់នៅបណ្តោះអាសន្នចំនួន ៧កន្លែងផងដែរសម្រាប់ពលរដ្ឋដែលបានរត់ភៀសខ្លួនពីអគ្គីភ័យ។ គួរបញ្ជាក់ជូនថា បញ្ហាភ្លើងឆេះព្រៃនៅតាមបណ្តាប្រទេសខាងលើនេះបានកើតឡើងក្រោយសីតុណ្ហភាពបានឡើងខ្ពស់ជាង ៤០អង្សាសេជាច្រើនថ្ងៃជាប់ៗគ្នា ហើយក៏បណ្តាលឲ្យមានអណ្តាតភ្លើងឆាបឆេះនិងបន្តរាលដាលយ៉ាងលឿនតែម្តង៕ ប្រភព៖ Channel News

ឥណ្ឌា៖ គិតត្រឹមថ្ងៃអាទិត្យ ទី១៧​ ខែកក្កដានេះ រដ្ឋាភិបាលនៃប្រទេសឥណ្ឌាបានសម្រេចការចាក់វ៉ាក់សាំងបង្កាជំងឺកូវីដ-១៩ជូនប្រជាពលរដ្ឋខ្លួនបានចំនួន ២ពាន់លានដូសហើយ ដោយនៅក្នុងនោះក៏មានរួមបញ្ចូលទាំងដូសជម្រុញសម្រាប់ក្រុមមនុស្សពេញវ័យមួយចំនួនផងដែរ។ បើតាមលោកនាយករដ្ឋមន្ត្រីឥណ្ឌា Narendra Modi បានបញ្ជាក់ឲ្យដឹងថា យុទ្ធនាការចាក់វ៉ាក់សាំងបង្កាជំងឺកូវីដ-១៩ នៅក្នុងប្រទេសឥណ្ឌានឹងក្លាយជាយុទ្ធនាការធំនិងវែងបំផុតនៅលើពិភពលោក ដ្បិតឥណ្ឌាជាប្រទេសដែលមានចំនួនប្រជាពលរដ្ឋច្រើនជាងគេផងដែរ។ គួរបញ្ជាក់ជូនថា ការសម្រចបាននូវផែនការវ៉ាក់សាំងបានរហូតដល់ ២ពាន់លានដូសរបស់រដ្ឋាភិបាលឥណ្ឌាខាងលើនេះគឺបានកើតឡើងស្របពេលដែលអាជ្ញាធរសុខាភិបាលបានរកឃើញអ្នកឆ្លងជំងឺកូវីដ-១៩ថ្មីក្នុងចំនួនដ៏ច្រើនបំផុតមិនធ្លាប់បានមានផងដែរ បើគិតក្នុងរយៈពេល ៤ខែចុងក្រោយនេះ។ ក្នុងរបាយការណ៍របស់អាជ្ញាធរសុខាភិបាលឥណ្ឌាបានបង្ហាញថាគឺនៅថ្ងៃអាទិត្យ ទី១៧ ខែកក្កដានេះ តួលេខអ្នកឆ្លងជំងឺកូវីដ-១៩ថ្មីមានចំនួន ៥២៥,៧០៩ នាក់​ និងមានអ្នកស្លាប់ចំនួន ៤៩នាក់ផងដែរ។ គិតត្រឹមពេលនេះឥណ្ឌាបានរកឃើញអ្នកឆ្លងជំងឺកូវីដ-១៩ សរុបជាង ៤៣លាននាក់ និងស្លាប់សរុបជាងកន្លះលាននាក់ផងដែរ៕ អត្ថបទ៖ ភក្តី ប្រភព៖

អ៊ុយក្រែន៖ កងទ័ពរុស្ស៊ីបានដាក់ពង្រាយមីស៊ីលជាច្រើននៅរោងចក្រផលិតថាមពលនុយក្លេអ៊ែរធំបំផុតនៅអឺរ៉ុប នេះបើយោងតាមសេចក្តីរាយការណ៍របស់បណ្តាញសារព័ត៌មាន The Strait Times នៅព្រឹកថ្ងៃសោរ៍ ទី១៦ ខែកក្កដានេះ។ ទីតាំងដែលជារោងចក្រផលិតថាមនុយក្លេរអ៊ែរធំផុតនៅអឺរ៉ុបនោះមានឈ្មោះថា The Zaporizhzhia ស្ថិតនៅលើដងទន្លេ Dnipro ភាគខាងត្បូងនៃប្រទេសអ៊ុយក្រែន ហើយតំបន់មួយនេះត្រូវបានកាន់កាប់និងគ្រប់គ្រងដោយកងទ័ពរុស្ស៊ីតាំងពីសង្គ្រាមចាប់ផ្តើមបាន ២-៣សប្តាហ៍ម្លេះ។ បើតាមលោកប្រធានាធិបតីអ៊ុយក្រែន Volodymyr Zelenskyy បានបញ្ជាក់ថា នៅពេលនេះកងទ័ពរុស្ស៊ីបានប្រើប្រាស់ទីតាំងខាងលើនេះធ្វើជាមូលដ្ឋានសម្រាប់រក្សាទុកអាវុធជាច្រើន ហើយក្នុងនោះក៏មាន “ប្រព័ន្ធបាញ់មីស៊ីល”ផងដែរ។ លោកប្រធានាធិបតីរូបនេះបានបន្តថា មានកងទ័ពរុស្ស៊ីប្រមាណជា ៥០០នាក់កំពុងត្រូវបានដាក់ពង្រាយឲ្យការពារតំបន់រោងចក្រនុយក្លេអ៊ែរ The Zaporizhzhia ដែលធ្វើឲ្យស្ថានភាពនៅទីនោះមានភាពតានតឹងយ៉ាងខ្លាំងផងដែរ។ គួរបញ្ជាក់ថា ការប្រើប្រាស់រោងចក្រផលិតថាមពលនុយក្លេអ៊ែរ The Zaporizhzhia សម្រាប់ធ្វើជាមូលដ្ឋានដាក់ពង្រាយគ្រាប់មីស៊ីលបានផ្តល់នូវភាពអំណោយផលយ៉ាងខ្លាំងចំពោះកងទ័ពរុស្ស៊ី

ជប៉ុន៖ កាសែត​ បាងកកប៉ុស្តិ៍ កាលពីយប់ថ្ងៃសុក្រ ទី១៥ ខែកក្កដានេះបានរាយការណ៍ថា ស្រ្តីដែលត្រូវជាម្តាយបង្កើតរបស់ឃាតករបាញ់សម្លាប់លោក Shinzo Abe បានបរិច្ចាគប្រាក់ចំនួន ១០០លានយេន (៧២១,៨៧៥ ដុល្លារអាមេរិក) ទៅកាន់ព្រះវិហារមួយកន្លែងដែលមានឈ្មោះថា Unification Church។ ដំណឹងនៃការបរិច្ចាគប្រាក់ក្នុងចំនួនដ៏ច្រើននេះត្រូវបានទម្លាយដោយបុរសម្នាក់ ដែលត្រូវជាពូបង្កើតរបស់បុរសជាឃាតករ ខណៈគេមិនបានប្រទះឃើញរបាយការណ៍ឬបង្កាន់ដៃនៃការបរិច្ចាគប្រាក់នោះទេ។ គួររម្លឹកជូនថា លោក Tetsuya Yamagami អាយុ ៤១ឆ្នាំ ដែលបានបាញ់សម្លាប់អតីតនាយករដ្ឋមន្ត្រីជប៉ុនកាលពីថ្ងៃទី៨ កន្លងទៅបានប្រាប់ប៉ូលិសថា លោកមានបំណងចង់សម្លាប់លោក Shinzo Abe ព្រោះតែគាត់មានទំនាក់ទំនងជាមួយនឹងព្រះវិហារមួយកន្លែង ហើយព្រះវិហារនោះគឺដើមហេតុធ្វើឲ្យគ្រួសាររបស់គាត់ត្រូវធ្លាក់ចូលនៅក្នុងវិបត្តិហិរញ្ញវត្ថុធ្ងន់ធ្ងរ ដ្បិតម្តាយរបស់គាត់បានយកទ្រព្យសម្បត្តិយ៉ាងច្រើនទៅបរិច្ចាគនៅទោះ។ គួរបញ្ជាក់ថា

ថៃ៖ អ្នកជំនាញថៃម្នាក់បានឲ្យដឹងថា ជំងឺកូវីដ-១៩ប្រភេទអូមីក្រុងអាចនឹងមិនធ្ងន់ធ្ងរខ្លាំងនោះទេ តែយ៉ាងណាក្តីការចាក់វ៉ាក់សាំងនៅតែមានភាពចាំបាច់ដើម្បីការពារជីវិតពីមេរោគបំប្លែងខ្លួនមួយនេះ។ បើយោងតាមការចុះផ្សាយរបស់បណ្តាញសារព័ត៌មាន Nation Thailand នៅព្រឹកថ្ងៃសៅរ៍ ទី១៦ ខែកក្កកដានេះបានបញ្ជាក់ថា ការលើកឡើងខាងលើនេះត្រូវបានធ្វើឡើងដោយលោកវេជ្ជបណ្ឌិតសាស្រ្តចារ្យ Nitipatana Chierakul ជាអ្នកជំនាញផ្នែកជំងឺឆ្លងមកពីមន្ទីរពេទ្យ Siriraj និងជាសាស្រ្តាចារ្យផ្នែកវេជ្ជសាស្ត្រនៃសកលវិទ្យាល័យ Mahidol។ តាមរបាយការណ៍របស់លោក Nitipatana Chierakul បានបង្ហាញថា ក្នុងចំណោមអ្នកជំងឺកូវីដ-១៩ប្រភេទអូមីក្រុងទាំងអស់គឺមានតែ ៨%ប៉ុណ្ណោះ ដែលបានកើតមានជំងឺរលាកសួត ខណៈបើធៀបទៅនឹងអ្នកឆ្លងជំងឺកូវីដ-១៩ប្រភេទដែលតាវិញគឺមាន ៤០% នៃអ្នកឆ្លងទាំងអស់សុទ្ធតែបានកើតមានជំងឺរលាកសួត។ តាមរយៈទិន្នន័យនេះគេអាចវាយតម្លៃបានថា មេរោគអូមីក្រុងអាចនឹងខ្សោយជាងមេរោគដែលតា ៥ដង។ បើទោះជាយ៉ាងនេះក៏ដោយចុះ ការចាក់វ៉ាក់សាំងបង្ការឲ្យបានគ្រប់ចំនួនទៅតាមការណែនាំរបស់អាជ្ញាធរសុខាភិបាលនៅតែមានភាពចាំបាច់ដើម្បីកាត់បន្ថយហានិភ័យនៃការកើតមានគ្រោះថ្នាក់ដល់អាយុជីវិត ទោះមេរោគនោះជាមេរោគប្រភេទណានិងស្ថិតនៅក្នុងលក្ខខណ្ឌណាក៏ដោយ៕ អត្ថបទ៖

សហរដ្ឋអាមេរិកនិងប្រទេសចំនួន ៤៤ផ្សេងទៀតកាលពីថ្ងៃព្រហស្បតិ៍ ទី១៤ ខែកក្កដាម្សិលមិញនេះបានសន្យាថា នឹងជួយសម្របសម្រួលលើការស៊ើបអង្កេតករណី “ឧក្រិដ្ឋកម្មសង្គ្រាម” នៅក្នុងប្រទេសអ៊ុយក្រែន នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia។ ការសន្យាព្រមគ្នានេះត្រូវបានធ្វើឡើងក្រោយកងទ័ពរុស្ស៊ីបានបើកការវាយប្រហារដោយបាញ់មីស៊ីលជាច្រើនគ្រាប់ចូលទៅតាមសហគមន៍មួយចំនួននៅភាគខាងលិចប្រទេសអ៊ុយក្រែន និងបានបណ្តាលឲ្យមានជនស៊ីវិលស្លាប់អស់ជាច្រើននាក់ផងដែរ។ បើតាមលោកប្រធានាធិបតីអ៊ុយក្រែន  Volodymyr Zelenskyy បានប្រាប់ឲ្យដឹងថា មីស៊ីលរបស់រុស្ស៊ីបានសម្លាប់ពលរដ្ឋស្លូតត្រង់អស់ចំនួន ២៣នាក់ ក្នុងនោះក៏មានកុមារចំនួន ៣នាក់ផងដែរ ខណៈមានពលរដ្ឋជាច្រើននាក់ផ្សេងទៀតបានរងរបួសធ្ងន់ធ្ងរ។ គួរបញ្ជាក់ថា នាពេលកន្លងមករុស្ស៊ីបានហៅសកម្មភាពនៃឈ្លានពានចូលក្នុងទឹកដីអ៊ុយក្រែនថា “ប្រតិ​បត្តិការយោធាពិសេស” ពោលគឺវាមិនមែនជាការធ្វើសង្គ្រាមឡើយ។ យ៉ាងណាក្តី តាមរយៈសកម្មភាពបាញ់សម្លាប់ពលរដ្ឋស្លូតត្រង់នេះអ៊ុយក្រែនបានចាត់ទុកថា រុស្ស៊ីបានប្រព្រឹត្តិបទឧក្រិដ្ឋកម្មសង្គ្រាមយ៉ាងឃោឃៅបំផុតចំពោះពលរដ្ឋខ្លួននិងប្រទេសខ្លួន៕   អត្ថបទ៖ ភក្តី ប្រភព៖ Channel News