បណ្តាញសារព័ត៌មាន Channel News Asia បានរាយការណ៍ថា កំពូលតារាចម្រៀងលំដាប់ពិភពលោក Justin Bieber បានតេស្តវិជ្ជមានជំងឺកូវីដ-១៩ កាលថ្ងៃអាទិត្យ ទី២០ ខែកុម្ភៈ ម្សិលមិញនេះ។​ ក្រោយពេលទទួលបានលទ្ធផលតេស្តវិជ្ជមានកូវីដ-១៩ នេះ តារាចម្រៀងសញ្ជាតិកាណាដារូបនេះក៏បានប្រកាសពីការពន្យាពេលការប្រគុំតន្ត្រីដ៏ធំមួយនៅលើទឹកដីសហរដ្ឋអាមេរិកជាបន្ទាន់ផងដែរ។ ប្រភពខាងលើបានបន្តថា​ ​តាមគម្រោងគឺតារាចម្រៀង Justin Bieber​នឹងត្រូវបង្ហាញខ្លួននៅក្នុងកម្មវិធីប្រគំតន្រ្តី Justice World Tour ដែលរៀបចំឡើងនៅក្នុងទីក្រុង Las Vegas រដ្ឋ Nevada សហរដ្ឋអាមេរិកនៅថ្ងៃអាទិត្យនេះ។ យ៉ាង​ណាក្តី ដើម្បីកាត់បន្ថយការប្រមូលផ្តុំមនុស្សក្នុងចំនួនច្រើនក៏ដូចជាទប់ស្កាត់ការចម្លងបន្តមេរោគកូវីដ-១៩ គេក៏បានសម្រេចពន្យាពេលរៀបចំការប្រគំតន្ត្រីនេះតែម្តង។ គួរបញ្ជាក់ជូនថា គិតត្រឹមពេលនេះតារាចម្រៀង

អូស្រ្តាលី៖ យោងតាមការចុះផ្សាយនៅក្នុងបណ្តាញសារព័ត៌មាន Channel News Asia ​ នៅថ្ងៃចន្ទ ទី២១ ខែកុម្ភៈនេះបានឲ្យដឹងថា ប្រទេសអូស្រ្តាលីបានសម្រេចបើកប្រទេសពេញលេញទាំងស្រុងឡើងវិញហើយ ក្រោយមានការបិទខ្ទប់អស់រយៈពេលជិត ២ ឆ្នាំព្រោះវិបត្តិនៃការរាតត្បាតជំងឺកូវីដ-១៩។ គួរ​បញ្ជាក់ជូនថា នាពេលកន្លងអាជ្ញាធរអូស្រា្តលីធ្លាប់អនុវត្តវិធានការបិទខ្ទប់ប្រទេសទាំងស្រុង ក្រោយមកក៏មានការបើកក្រុងនិងរដ្ឋមួយចំនួន ខណៈតំបន់ខ្លះនៅតែបន្តបិទខ្ទប់ តែយ៉ាងណាក្តីចាប់ពីនេះតទៅគឺអាជ្ញាធរអូស្រ្តាលីនឹងបើកប្រទេសទាំងមូលជាធម្មតាវិញតែម្តង។ តាមរយៈការសម្រេចបើកប្រទេសឡើងវិញនេះគេបានរំពឹងទុកថា អូស្រ្តាលីនឹងទទួលបានជើងហោះហើរប្រមាណជា ៥០ ក្នុងមួយថ្ងៃ ទទួលបានភ្ញៀវទេសចរណ៍រាប់ពាន់នាក់ ហើយពលរដ្ឋនៅក្នុងប្រទេសអូស្ត្រាលីទាំងអស់ក៏មានឱកាសអាចធ្វើការជួបជុំជាមួយមិត្តភក្តិនិងគ្រួសារបានជាធម្មតាឡើងវិញផងដែរ។ ​តាមរបាយការណ៍នាពេលកន្លងបានបង្ហាញថា​ វិស័យទេសចរណ៍អាចជួយបង្កើតប្រាក់ចំណូលប្រមាណជា ៤៣ពាន់លានដុល្លារអាមេរិកសម្រាប់សេដ្ឋកិច្ចជាតិអូស្ត្រាលី និងជួយបង្កើតការងារបានចំនួន ៥% នៃកម្លាំងពលកម្មសរុបនៅទូទាំងប្រទេសអូស្រ្តាលីផងដែរ។ គួរបញ្ជាក់ជូនថា គិតត្រឹមពេលនេះអូស្រ្តាលីបានរកឃើញអ្នកឆ្លងជំងឺកូវីដ-១៩​ សរុបជាង ៣លាននាក់

ថៃ៖ នៅព្រឹកថ្ងៃសុក្រ ទី២១  ខែកុម្ភៈនេះ អាជ្ញាធរសុខាភិបាលនៃប្រទេសថៃបានប្រកាសពីការរកឃើញអ្នកឆ្លងជំងឺកូវីដ-១៩​ ចំនួន ១៨,៨៨៣នាក់ ដែលចំនួននេះគឺមានកាថយចុះបើធៀបទៅនឹងតួលេខអ្នកឆ្លងកាលពីថ្ងៃកន្លងទៅ នេះបើយោងតាមការចុះផ្សាយរបស់បណ្តាញសារព័ត៌មាន បាងកកប៉ុស្តិ៍ ។ ចំពោះករណីស្លាប់វិញគឺមានចំនួន ៣២នាក់ ដែលចំនួននេះមានការកើនឡើងបន្តិចដែរ ដោយកាលពីថ្ងៃម្សិលមិញនេះតួលេខអ្នកស្លាប់នៅក្នុងប្រទេសថៃមានចំនួនត្រឹម ៣០នាក់ប៉ុណ្ណោះ។ បើតាមអជ្ញាធរសុខាភិបាលថៃបានបញ្ជាក់ថា ក្នុងចំណោមអ្នកឆ្លងទាំងអស់នោះគឺមានអ្នកឆ្លងចំនួន ១៨,៧២១នាក់ជាករណីឆ្លងនៅក្នុងសហគមន៍ក្នុងចំណោមពលរដ្ឋថៃ ខណៈអ្នកឆ្លងចំនួន ១៦២នាក់ផ្សេងទៀតជាករណីនាំចូលពីក្រៅប្រទេសតាមរយៈអ្នកដំណើរអន្តរជាតិ។ គួរបញ្ជាក់ជូនថា​ គិតត្រឹមពេលនេះប្រទេសថៃបានរកឃើញអ្នកឆ្លងជំងឺកូវីដ-១៩ សរុបជាង ២,៧លាននាក់ និងស្លាប់សរុបជាង ២ម៉ឺននាក់។ ចំពោះផែនការចាក់វ៉ាក់សាំងបង្ការជំងឺកូវីដ-១៩ វិញ គឺអាជ្ញាធរសុខាភិបាលថៃបានសម្រេចការចាក់វ៉ាក់សាំងជូនពលរដ្ឋបានរួចរាល់បាន ៧០% និង ២៦%បានចាក់ដល់ដូសជម្រុញ៕ អត្ថបទ៖ ភក្តី ប្រភព៖ បាងកកប៉ុស្តិ៍

ហុងកុង៖ យោងតាមការចុះផ្សាយនៅក្នុងបណ្តាញសារព័ត៌មាន បាងកកប៉ុស្តិ៍ កាលពីថ្ងៃសុក្រ ទី១៨ ខែកុម្ភៈ ម្សិលមិញនេះបានឲ្យដឹងថា អាជ្ញាធរហុងកុងគ្រោងនឹងធ្វើតេស្តរកជំងឺកូវីដ-១៩ក្នុងចំណោមពលរដ្ឋខ្លួនទាំងអស់ក្រោយមេរោគបំប្លែងខ្លួនអូមីក្រុងបន្តរាតត្បាតកាន់តែខ្លាំង ខណៈបច្ចុប្បន្ននេះហុងកុងមានពលរដ្ឋសរុបជាង ៧,៣ លាននាក់។ បើតាមលោកស្រី Carrie Lam បានឲ្យដឹងថា អាជ្ញាធរចិននឹងជួយគាំទ្រចំពោះវិធានការធ្វើតេស្តទ្រង់ទ្រាយធំនេះ តែរហូតមកទល់នឹងពេលនេះកាលបរិច្ឆេទជាក់លាក់នៃការធ្វើតេស្តនៅមិនទាន់បានបញ្ជាក់នៅឡើយទេ។ គួរបញ្ជាក់ជូនថា មេរោគបំប្លែងខ្លួនអូមីក្រុងកំពុងតែរាតត្បាតយ៉ាងខ្លាំងនៅទូទាំងក្រុងហុងកុង រហូតធ្វើឲ្យមន្ទីរពេទ្យជាច្រើនត្រូវផ្ទុកអ្នកជំងឺលើសចំនួនកំណត់ ខណៈអ្នកជំងឺមួយចំនួនសម្រេចដេកនៅក្នុងតង់ក្បែរមន្ទីរពេទ្យទៀតផងដើម្បីរង់ចាំចូលព្យាបាល។ សម្រាប់អាជ្ញាធរហុងកុងវិញបានត្រៀមកន្លែងធ្វើចត្តាឡីស័កនិងសម្ភារៈបរិក្ខាពេទ្យជាច្រើនដើម្បីឆ្លើយតបនឹងរលកនៃការរាតត្បាតនេះ ខណៈរដ្ឋាភិបាលហុងកុងក៏បានសម្រេចលុបចោលកិច្ចប្រជុំនិងការជួបជុំសំខាន់ជាច្រើនផងដែរដើម្បីកាត់បន្ថយការចម្លងនៅតាមសហគមន៍។ គួរបញ្ជាក់ជូនថា គិតត្រឹមពេលនេះហុងកុងបានរកឃើញអ្នកឆ្លងកូវីដ-១៩ សរុបជាង ៤ម៉ឺននាក់ និងស្លាប់ ២៥៨នាក់ ខណៈពលរដ្ឋហុងកុងចំនួន ៦៦,៧%បានចាក់វ៉ាក់សាំងរួចរាល់ចំនួន ២ដូសនិង ១៦%បានចាក់ដល់ដូសជម្រុញ៕ អត្ថបទ៖

ចិន៖ អាជ្ញាធរចិនប្រកាសផ្តល់ប្រាក់រង្វាន់ចំនួន ២សែនយន់ (៣១,៥៧០​ ដុល្លារអាមេរិក) ដល់ពលរដ្ឋរូបណាដែលអាចផ្តល់ដំណឹងជូនប៉ូលិស ដើម្បីបំបែកសំណុំរឿង មានអ្នករត់ពន្ធអ្នកជំងឺកូវីដ-១៩ ចំនួន ៤នាក់ចូលមកក្នុងប្រទេសចិនដោយខុសច្បាប់។ បើតាមការចុះផ្សាយនៅក្នុងបណ្តាញសារព័ត៌មាន Channel News Asia បានឲ្យដឹងថា កាលពីថ្ងៃចន្ទដើមសប្តាហ៍នេះអាជ្ញាធរចិនបានរកឃើញពលរដ្ឋហុងកុងចំនួន ៤នាក់តេស្តវិជ្ជមានជំងឺកូវីដ-១៩​ ខណៈពលរដ្ឋហុងកុងទាំងនោះមិនបានធ្វើចត្តាឡីស័កនោះទេ ក្រោយពេលមកដល់ទឹកដីចិនដីគោកភ្លាម។ ប្រភពខាងលើបានបន្តថា ថ្មីៗនេះអាជ្ញាធរចិនបានកំណត់ដាក់ក្រុងហុងកុងជាដែនដី ដែលមានហានិភ័យខ្ពស់ក្នុងរាតត្បាតត្បាតជំងឺកូវីដ-១៩ ហើយពលរដ្ឋគ្រប់រូបដែលបានធ្វើដំណើរដោយស្របច្បាប់មកពីហុងកុងត្រូវមានកាតព្វកិច្ចធ្វើចត្តាឡីស័ករយៈពេល ៧ថ្ងៃ ទើបអាចបន្តដំណើរលើទឹកដីចិនដីគោកបាន។  យ៉ាងណាក្តី ចំពោះករណីពលរដ្ឋហុងកុងទាំង ៤នាក់ខាងលើនេះវិញ គឺពួកគេបានឆ្លងដែនដោយខុសច្បាប់តាមរយៈមេខ្យល់ឬភ្នាក់ងារក្រៅផ្លូវការ ទើបពួកគេមិនបានធ្វើចត្តាឡីស័កនោះទេ ហើយអ្វីដែលជារឿងអកុសលនោះគឺពួកគេសុទ្ធតែបានតេស្តវិជ្ជមានជំងឺកូវីដ-១៩ ទាំងអស់ គួររម្លឹកជូនថា ចិនកំពុងតែអនុវត្តវិធានការយ៉ាងតឹងរឹងបំផុតដើម្បីទប់ស្កាត់ការរាតត្បាតជំងឺកូវីដ-១៩

កូរ៉េខាងត្បូង៖ ប្រទេសកូរ៉េខាងត្បូងបានប្រកាសពីការរកឃើញអ្នកឆ្លងជំងឺកូវីដ-១៩ ចំនួ​ន ១០៩,៨២៨នាក់សម្រាប់របាយការណ៍នៅក្នុងថ្ងៃសុក្រ ទី១៨ ខែកុម្ភៈ ម្សិលមិញនេះ ហើយវាក៏ជាតួលេខអ្នកឆ្លងប្រចាំថ្ងៃច្រើនបំផុតមិនធ្លាប់មានសម្រាប់ប្រទេសកូរ៉េខាងត្បូងផងដែររាប់ចាប់តាំងពីពេលកើតមានវិបត្តិនៃការរាតត្បាតជំងឺកូវីដ-១៩ មក។ ក្រៅតែពីបានរកឃើញអ្នកឆ្លងក្នុងចំនួនដ៏ច្រើនខាងលើនេះ ទីភ្នាក់ងារគ្រប់គ្រងនិងបង្ការជំងឺឆ្លងកូរ៉េខាងត្បូងក៏បានបញ្ជាក់ថា​ មានអ្នកស្លាប់ថ្មីចំនួន ៤៥នាក់បន្ថែមទៀតផងដែរ តែចំនួនអ្នកស្លាប់នេះហាក់មិនមានការកើនឡើងគួរឲ្យគត់សម្គាល់នោះទេ។ យ៉ាងណាក្តី ក្រុមអ្នកជំនាញផ្នែកជំងឺឆ្លងកូរ៉េខាងត្បូងបានព្យាករណ៍ថា ចំនួនអ្នកឆ្លងជំងឺកូវីដ-១៩ នៅក្នុងប្រទេសកូរ៉េខាងត្បូងអាចនឹងកើតឡើងទ្វេដង ឬ ៣ដងនៃចំនួនអ្នកឆ្លងខាងលើនេះនៅក្នុងរយៈពេលដ៏ខ្លីខាងមុខនេះ តែករណីឆ្លងទាំងអស់នោះមិនមែនជាករណីធ្ងន់ធ្ងរនោះទេ។ គួរបញ្ជាក់ជូនថា គិតត្រឹមពេលនេះកូរ៉េខាងត្បូងបានរកឃើញអ្នកឆ្លងជំងឺកូវីដ-១៩ សរុបជាង ១,៧លាននាក់ និងស្លាប់សរុបជាង ៧ពាន់នាក់។ ចំពោះការចាក់វ៉ាក់សាំងវិញគិតត្រឹមពេលនេះមានពលរដ្ឋកូរ៉េខាងត្បូង ៨៦,២% បានចាក់វ៉ាក់សាំងរួចរាល់ចំនួន ២ដូស និងពលរដ្ឋប្រមាណជា ៥៨% បានចាក់ដល់ដូសជម្រុញ

ការសិក្សាមួយបានរកឃើញថា មេរោគអូមីក្រុងប្រភេទ BA.2 អាចបង្កគ្រោះថ្នាក់ធ្ងន់ធ្ងរជាងមេរោគអូមីក្រុងប្រភេទ BA.1 ដែលជាមេរោគនៃជំងឺកូវីដ-១៩ បំប្លែងខ្លួនកំពុតរាតត្បាតខ្លាំងនៅជុំវិញពិភពលោកនាពេលបច្ចុប្បន្ននេះ។ គួររម្លឹកជូនថា មេរោគនៃជំងឺកូវីដ-១៩ បំប្លែងខ្លួនវ៉ារ្យ៉ង់អូមីក្រុងត្រូវបានក្រុមអ្នកវិទ្យាសាស្រ្តកំណត់បែងចែកជា ២ប្រភេទផ្សេងគ្នា គឺប្រភេទ BA.1 ដែលកំពុងរាតត្បាតខ្លាំងក្នុងពេលបច្ចុប្បន្ន ហើយក្រោយមកវ៉ារ្យ៉ង់នេះបានបំប្លែងខ្លួនជាមេរោគថ្មីមួយទៀតដែលស្ថិតនៅក្នុងពូជពង្សនៃវ៉ារ៉្យង់អូមីក្រុងដដែល តែមានលេខសម្គាល់ផ្សេងមួយទៀតគឺ BA.2។ បើយោងតាមការសិក្សារបស់ក្រុមអ្នកវិទ្យាសាស្ត្រនៅក្នុងសាកលវិទ្យាល័យតូក្យូ ប្រទេសជប៉ុន ហើយត្រូវបានចុះផ្សាយបន្តដោយបណ្តាញសារព័ត៌មាន Daily Mail កាលពីថ្ងៃព្រហស្បតិ៍ ទី១៧ ខែកុម្ភៈនេះបានបង្ហាញថា មេរោគអូមីក្រុងប្រភេទ BA.2 អាចបង្កឲ្យមានជំងឺធ្ងន់ធ្ងរ និងបង្កការចម្លងបានលឿនជាង បើធៀបទៅនឹងមេរោគអូមីក្រុងប្រភេទ BA.1។ ក្នុងការសិក្សាដដែលនោះក៏បានបង្ហាញទៀតថា មេរោគអូមីក្រុងប្រភេទ BA.2

ថៃ៖ នៅព្រឹកថ្ងៃសុក្រ ទី១៨  ខែកុម្ភៈនេះ អាជ្ញាធរសុខាភិបាលនៃប្រទេសថៃបានប្រកាសពីការរកឃើញអ្នកឆ្លងជំងឺកូវីដ-១៩​ ចំនួន ១៨,០៦៦នាក់ ដែលចំនួននេះគឺមានការកើនឡើងបើធៀបទៅនឹងតួលេខអ្នកឆ្លងកាលពីថ្ងៃកន្លងទៅ នេះបើយោងតាមការចុះផ្សាយរបស់បណ្តាញសារព័ត៌មាន បាងកកប៉ុស្តិ៍ ។  ចំពោះករណីស្លាប់វិញគឺមានចំនួន ២៧នាក់ ដែលចំនួននេះមានការកើនឡើងបន្តិចដោយកាលពីថ្ងៃម្សិលមិញនេះតួលេខអ្នកស្លាប់នៅក្នុងប្រទេសថៃមានចំនួនត្រឹម ២២នាក់ប៉ុណ្ណោះ។ បើតាមអជ្ញាធរសុខាភិបាលថៃបានបញ្ជាក់ថា ក្នុងចំណោមអ្នកឆ្លងទាំងអស់នោះគឺមានអ្នកឆ្លងចំនួន ១៧,៨៩៨នាក់ជាករណីឆ្លងនៅក្នុងសហគមន៍ក្នុងចំណោមពលរដ្ឋថៃ ខណៈអ្នកឆ្លងចំនួន ១៦៨នាក់ផ្សេងទៀតជាករណីនាំចូលពីក្រៅប្រទេសតាមរយៈអ្នកដំណើរអន្តរជាតិ។ គួរបញ្ជាក់ជូនថា​ គិតត្រឹមពេលនេះប្រទេសថៃបានរកឃើញអ្នកឆ្លងជំងឺកូវីដ-១៩ សរុបជាង ២,៦លាននាក់ និងស្លាប់សរុបជាង ២ម៉ឺននាក់។ ចំពោះផែនការចាក់វ៉ាក់សាំងបង្ការជំងឺកូវីដ-១៩ វិញ គឺអាជ្ញាធរសុខាភិបាលថៃបានសម្រេចការចាក់វ៉ាក់សាំងជូនពលរដ្ឋបានរួចរាល់បាន ៧០% និង ២៦%បានចាក់ដល់ដូសជម្រុញ៕ អត្ថបទ៖ ភក្តី ប្រភព៖ បាងកកប៉ុស្តិ៍

ប្រេស៊ីល៖ ហេតុការណ៍បាក់ស្រុតដីបានឆក់យកជីវិតពលរដ្ឋប្រេស៊ីលចំនួន ១០៤នាក់ហើយ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅព្រឹកថ្ងៃសុក្រ ទី១៨ ខែមករានេះ។ ហេតុការណ៍អកុសលនេះបានកើតឡើងនៅក្នុងទីក្រុង Petropolis ភាគខាងជើងនៃប្រទេសប្រេស៊ីល ហើយគ្រោះធម្មតជាតិនេះបានកើតឡើងបន្ទាប់ពីតំបន់កើតហេតុនោះមានភ្លៀងធ្លាក់យ៉ាងច្រើនជិតមួយសប្តាហ៍មកហើយ។ ប្រភពខាងលើបានបន្តថា ក្នុងចំណោមអ្នកស្លាប់ទាំងអស់ខាងលើនេះគឺមានកុមារចំនួន ១៥នាក់ ខណៈគិតត្រឹមពេលនេះក៏នៅមានពលរដ្ឋប្រេស៊ីលចំនួន ៣៥នាក់ផ្សេងទៀតកំពុងបាត់ខ្លួនផងដែរ។ បើតាមអាជ្ញាធរប្រេស៊ីលបានបញ្ជាក់ថា ក្នុងអំឡុងពេលនេះមានក្រុមអ្នកជួយសង្គ្រោះចំនួន ៥០០នាក់កំពុងធ្វើការយ៉ាងសកម្មបំផុតដើម្បីតាមស្វែងរកពលរដ្ឋដែលកំពុងបាត់ខ្លួនទាំងនោះ តែយ៉ាងណាក្តីប្រតិបត្តិការណ៍ស្វែងរកជនគ្រោះមិនងាយស្រួលឡើយ ដ្បិតតំបន់កើតហេតុត្រូវគ្របដណ្ដប់ដោយគំនរបាក់បែកនៅពីលើ ខណៈនៅខាងក្រោមជាដីល្បាប់៕ អត្ថបទ៖ ភក្តី ប្រភព៖ Channel News Asia

ម៉ាឡេស៊ី៖ ម៉ាឡេស៊ីគ្រោងនឹងបង្កើតច្បាប់ថ្មីមួយហាមមិនឲ្យពលរដ្ឋដែលបានកើតក្រោយឆ្នាំ ២០០៥ មានសិទ្ធជក់បារីនោះទេ នេះបើយោងតាមការចុះផ្សាយនៅក្នុងបណ្តាញសារព័ត៌មាន Channel News Asia កាលពីល្ងាចថ្ងៃព្រហស្បតិ៍ ទី១៧ ខែកុម្ភៈម្សិលមិញនេះ។ បើតាមលោក  Khairy Jamaluddin ដែលជារដ្ឋមន្ត្រីក្រសួងសុខាភិបាលម៉ាឡេស៊ីបានបញ្ជាក់ថា ច្បាប់ដែលគ្រោងនឹងបង្កើតនោះគឺមានខ្លឹមសារហាមឃាត់មិនពលរដ្ឋដែលបានកើតក្រោយឆ្នាំ ២០០៥ មានសិទ្ធទិញ ប្រើប្រាស់ និងកាន់កាប់នូវផលិតផលថ្នាក់ជក់គ្រប់ប្រភេទដោយមានទាំងបារីទូទៅនិងបារីអេឡិចត្រូនិចផងដែរ។ លោក  Khairy Jamaluddin រដ្ឋមន្ត្រីសុខាភិបាលម៉ាឡេស៊ី លោករដ្ឋមន្ត្រីរូបនេះបានបន្ថែមទៀតថា ច្បាប់ថ្មីនេះត្រូវបានគេហៅថា “Generational End Game” ឬជាខេមរៈភាសាមានន័យថា “ហ្គេមជំនាន់ចុងក្រោយ” ដែលមានអត្ថន័យដោយសម្រាយថា ជាច្បាប់ចុងក្រោយសម្រាប់បិទបញ្ចប់ការជក់បារីទាំងស្រុងទាំងម្តងសម្រាប់ពលរដ្ឋជំនាន់ក្រោយ។ ចំពោះគោលបំណងនៃការបង្កើតច្បាប់នេះវិញគឺត្រូវបានធ្វើឡើងដើម្បីរក្សាសុខភាពប្រជាពលរដ្ឋនៅពេលអនាគតដ្បិតនៅក្នុងការសិក្សាបានបង្ហាញថា ថ្នាំជក់គឺជាប្រភពចម្បងបំផុតដែលបង្កឲ្យមានជំងឺមហារីក