អ្នកគ្រូ នាង ផល្លា ត្រូវបានមហាជនស្គាល់ និងគោរពកោតសរសើរ ដោយសារតែការខិតខំប្រឹងប្រែងអប់រំបង្ហាត់បង្រៀន កុមារគ ថ្លង់ នៅប្រទេសកម្ពុជាអស់រយៈកាលជិត ៣០ឆ្នាំកន្លងមកនេះ ហើយអ្នកគ្រូ ផល្លា ក៏ធ្លាប់ទទួលបានមេដាយមហាកិត្តិយស ពីសម្តេចតេជោ ហ៊ុន សែន នាយករដ្ឋមន្រ្តីនៃរាជរដ្ឋាភិបាល ព្រះរាជាណាចក្រកម្ពុជា នូវមេដាយថ្នាក់មហាសេរីវឌ្ឍន៍ (មេដាយ មហាកិត្តិយស លំដាប់ទី២) ផងដែរ។ មិនត្រឹមតែប៉ុណ្ណោះ អ្នកគ្រូ ផល្លា ក៏ធ្លាប់ត្រូវបាន​ជ្រើសរើស​ជាប់​ក្នុង​បញ្ជី​ចុងក្រោយ ក្នុងចំណោម​គ្រូបង្រៀន ១០ រូប សម្រាប់​ទទួល​ពាន​រង្វាន់​គ្រូ​ឆ្នើម​ពិភពលោក ពី​កម្មវិធី​ពានរង្វាន់​គ្រូ​ឆ្នើម​ពិភពលោក ‪‎Global Teacher

មួយរយៈចុងក្រោយនេះ មានការជជែកវែកញែកជាច្រើននៅក្នុងបណ្តាញសង្គមហ្វេសប៊ុកទាក់ទងនឹងករណីការប្រកាសលទ្ធផល នៃការប្រឡងប្រជែងជ្រើសរើសសិស្សចៅក្រម (ជំនាន់ទី១០) នៃរាជបណ្ឌិតសភាវិជ្ជាជីវៈតុលាការ ដោយក្នុងនោះមានបេក្ខនារីម្នាក់បានជាប់ជាស្ថាពរ ប៉ុន្តែកើតក្នុងឆ្នាំ១៩៩៩ បើគិតទៅមានអាយុប្រហែល២០ឆ្នាំប៉ុណ្ណោះ ដែលធ្វើឲ្យមហាជនជាច្រើនមានការងឿងឆ្ងល់យ៉ាងខ្លាំង។ ជុំវិញបញ្ហានេះ អង្គភាពប្រឆាំងអំពើពុករលួយ បានធ្វើការបកស្រាយជាសាធារណៈថា បេក្ខនារីឈ្មោះ សយ យូសុមនា កើតនៅថ្ងៃទី២៣ ខែកុម្ភៈ ឆ្នាំ១៩៩៩ បានប្រឡងជាប់ជ្រើសរើសជាសិស្សចៅក្រម (ជំនាន់ទី១០) ដែលនេះមិនមែនជាការប្រឡងប្រជែងចូលធ្វើជាចៅក្រោមភ្លាមនោះទេ។ នេះជាការប្រឡងប្រជែងចូលធ្វើជាសិស្សចៅក្រម (ជំនាន់ទី១០) ចំនួន៥០រូប ដើម្បីចូលរៀនថ្នាក់ធ្វើជាចៅក្រមប៉ុណ្ណោះ ហើយទាល់តែប្រឡងចេញធ្វើជាចៅក្រមបានជាប់ទៀត ទើបអាចចេញធ្វើចៅក្រមបាន មិនមែនការប្រឡងសិស្សចៅក្រមជំនាន់ទី១០ សម័យប្រឡង ២៣-២៤ វិច្ឆិកា ២០១៩ នេះជាប់ហើយចេញធ្វើជាចៅក្រមភ្លាមនោះទេ។ ម៉្យាងទៀតការប្រឡងប្រជែសរើសសិស្សចៅក្រម

ដោយមានការសហការជាមួយក្រុមគ្រូពេទ្យប្រទេសអូស្ត្រាលី ផ្នែកចក្ខុរោគ នៃមន្ទីរពេទ្យមិត្តភាពខ្មែរសូវៀត នឹងផ្តល់ជូនការពិនិត្យ និងព្យាបាលជំងឺ ដែលបណ្តាលមកពីការប៉ះពាល់ប្រព័ន្ធប្រសាទភ្នែក ចាប់ពីថ្ងៃទី២៣ ដល់ថ្ងៃទី២៧ ខែធ្នូ ឆ្នាំ២០១៩។ យោងតាមការប្រកាសរបស់មន្ទីរពេទ្យបានឲ្យដឹងថា៖ “ផ្នែកចក្ខុរោគ នៃមន្ទីរពេទ្យមិត្តភាពខ្មែរ-សូវៀត បានសហការជាមួយក្រុមគ្រូពេទ្យមកពីប្រទេសអូស្ត្រាលី នឹងផ្តល់ជូនការពិនិត្យ​ និងព្យាបាលជម្ងឺ ដូចជា ជម្ងឺស្ទះរន្ធទឹកភ្នែក ភ្នែកលៀន ការធ្លាក់ត្របកភ្នែក ដុំសាច់ក្នុងភ្នែក ឬលើត្របកភ្នែក រោមចាក់ភ្នែក និងទំរង់ត្របកភ្នែកមិនធម្មតា ចាប់ពីថ្ងៃទី២៣ ដល់ថ្ងៃទី២៧ ខែធ្នូ ឆ្នាំ២០១៩។ មន្ទីរពេទ្យមិត្តភាពខ្មែរ-សូវៀត ស្ថិតនៅតាមបណ្តោយមហាវិថី យោធពលខេរមៈភូមិន្ទ ផ្លូវលេខ២៧១ សង្កាត់ទំនប់ទឹក ខណ្ឌចំការមន

ប្រុសៗ​ខ្សោយ​មេ​ជីវិត​មក​ពី​កត្តា​ច្រើន​យ៉ាង ក្នុង​នោះ​មាន​មតិ​មួយ​ចំនួន​លើក​ឡើង​ថា ប្រុសៗ​ដែល​ចូលចិត្ត​ស្លៀក​ពាក់​ខោ​រឹបៗ​ពេក ក៏​ជា​មូលហេតុ​ធ្វើ​អត់​មាន​កូន​ដែរ តើ​ពិត​ជា​អ៊ីចឹង​មែន​អត់? ឆ្លើយ​តប​នឹង​ចម្ងល់​នេះ លោក​សាស្ត្រាចារ្យ​វេជ្ជបណ្ឌិត គាន់ អូន ប្រធាន​ផ្នែក​រោគ​ស្ត្រី នៃ​មន្ទីរពេទ្យ​កាល់ម៉ែត បកស្រាយថា ធម្មតា​សរីរាង្គ​បន្តពូជ​ទាំង​បុរស​ទាំង​ស្រ្តី ​ត្រូវ​ការ​បិទ​បាំង តែ​ការ​បិទ​បាំង​ដោយ​ស្លៀក​ខោ​រឹប​រយៈ​ពេល​យូរ អាច​ជា​មូលហេតុ​ធ្វើ​ឲ្យ​ប៉ះពាល់​ដល់​ពងស្វាស​ដែរ។ ចំពោះ​មូលហេតុ​ដែល​លោក​សាស្ត្រាចារ្យ​វេជ្ជបណ្ឌិត​អះ​អាង​ថា អាច​ប៉ះពាល់​ដល់​មេជីវិត​នោះ ទី១ ការ​ស្លៀក​រឹប​តឹង ធ្វើ​ឲ្យ​រលាក ធ្វើ​ឲ្យ​ហប់​បែក​ញើស ទី២ គ្មាន​ខ្យល់​ចេញ​ចូល បែប​នេះ​ពង​ស្វាស​មិន​អាច​បង្កើត​មេ​ជីវិត​បាន​ល្អ​ទេ។ ពេលខ្លះ​ប្រុសៗ​មាន​មេ​ជីវិត​ដែរ តែ​មិន​គ្រប់​លក្ខណៈ ជួនកាល​អាច​មាន​កូន​ដែរ តែ​ដល់​មាន​កូន​មក កូន​សុខភាព​មិន​ល្អ ឯ​អ្នក​ខ្លះ​ទៀត​មេ​ជីវិត​បង្ក​កំណើត​បាន​បន្តិច កូន​អ​ត់វិវត្ត ឬ​វិវត្ត​មក ធ្វើ​ឲ្យ​មាន​ជំងឺ​ពី​កំណើត។

កំពង់ចាម៖ ជារឿងមួយគួរឲ្យអាណិតអាសូរដោយកុមារីអាយុ៨ឆ្នាំម្នាក់ ឪពុកម្តាយស្លាប់ចោលព្រោះតែមានជម្ងឺអេដស៍ ហើយខ្លួនក៏បានឆ្លងជម្ងឺនេះពីឪពុកម្តាយរបស់ខ្លួន។ សព្វថ្ងៃកុមារីនេះរសនៅជាមួយនឹងជីដូនជីតា អ្វីដែលគួរឲ្យរំជួលចិត្តក្រៅពីមានជីវភាពខ្វះខាតជីតារបស់កុមារីកម្សត់នេះកើតជម្ងឺមហារីកប្រដាប់ភេទ ចំណែកឯជីដូនវិញក៏មានបញ្ហាស្មារតី អ្នកទាំង៣រស់នៅក្នុងភូមិអូរប្រាំ​ ឃុំព្រែកកក់​ ស្រុកស្ទឹងត្រង់​ ខេត្តកំពង់ចាម​។ នេះបើយោងតាមការបង្ហោះរបស់គណនីហ្វេសប៊ុក Thoeun Pnn បានសរសេររៀបរាប់ថា៖ “ពិតជាគួរអោយអាណិតប្អូនស្រីណាស់​ អាយុទេីបបាន៨ឆ្នាំត្រូវឆ្លងជំងឺអេដស៍ពីម្តាយឪពុក​ ហេីយពេលនេះឪពុកម្តាយស្លាប់ចោលអស់​ ប្អូនស្រីត្រូវរស់នៅជាមួយលោកយាយលោកតា​ ទុកជាន់ទុកលោកតាកេីតជំងឺមហារីក​ប្រដាប់ភេទ​ លោកយាយមានស្មារតីមិនល្អ​ ត្រូវគេមេីលងាយមេីលថោក​ រស់យ៉ាងលំបាកក្នុងខ្ទមដ៏តូច​។ ប្អូនស្រីរស់នៅភូមិអូរប្រាំ​ ឃុំព្រែកកក់​ ស្រុកស្ទឹងត្រង់​ ខេត្តកំពង់ចាម​ សង្ឃឹមថានឹងមានបងប្អូនសប្បុរសជនអាណិតនឹងជួយដល់ប្អូនស្រី​ អាចទាក់ទងសួរព័ត៌មានលំអិត​តាមទូរសព្ទ័​0976667575 បញ្ជាក់គាត់គ្មានទូរសព្ទ័ទេ​ អរគុណ​ បងជួយប្អូនបានតែប៉ុណ្ណឹងអ្វីបន្តទុកអោយបងប្អូនសប្បុរសជនជាអ្នកជួយប្អូនស្រីទៅចុះ”៕

ថ្ងៃទី១៩ ខែធ្នូ ឆ្នាំ២០១៩ – ក្រុមហ៊ុន តាន់ ចុង ម៉ូធ័រ (ខេមបូឌា) ភីធីវ៉ាយ អិលធីឌី ប្ញ(“TCMC”) ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុន តាន់ ចុង ម៉ូធ័រ ហូលឌីង ប៊ីអេចឌី (ម៉ាឡេស៊ី) និងជាក្រុមហ៊ុនទទួលស្គាល់សិទ្ធិនាំចូលនិងចែកចាយផ្តាច់មុខស្របច្បាប់លើរថយន្តម៉ាកNISSANតែមួយគត់ នៅក្នុងប្រទេសកម្ពុជា បានបើកសម្ពោធជាផ្លូវការហើយនូវសាលតាំងបង្ហាញរថយន្តថ្មីម៉ាកNISSANរបស់ខ្លួនដែលប្រារព្ធឡើងនៅរាជធានីភ្នំពេញ ព្រះរាជាណាចក្រកម្ពុជា។ ក្នុងកាថ្លែងសុន្ទរកថារបស់ លោក ឧកញ៉ា Than Tai Hing ដែលជាប្រធានក្រុមប្រឹក្សាភិបាលក្រុមហ៊ុន តាន់ ចុង ម៉ូធ័រ ប្រចាំប្រទេសកម្ពុជា

ខេត្តសៀមរាប៖ នៅសល់តែប៉ុន្មានថ្ងៃទៀតប៉ុណ្ណោះ ឆ្នាំ២០១៩នឹងបញ្ចប់ ហើយឆ្នាំថ្មី ២០២០ នឹងចូលមកដល់ ហើយបើយើងក្រឡេកមកមើលនៅតំបន់ Pub Street ដែលជាកន្លែងដើរលេងកំសាន្តដ៏ល្បីនាពេលរាត្រីនៅក្នុងទឹកដីប្រវត្តិសាស្ត្រ ខេត្តសៀមរាប ត្រូវបានគេតុបតែងរំលេចដោយភ្លើងពណ៌ចំរុះពណ៌យ៉ាងស្រស់ស្អាត ដើម្បីត្រៀមទទួលស្វាគមន៍ភ្ញៀវទេសចរជាតិ និងអន្តរជាតិ ក្នុងថ្ងៃណូអែលផង និងបុណ្យឆ្លងឆ្នាំសកលផងដែរ។ គួររំលឹកផងដែរថា នេះមិនមែនជាលើកទី១ឡើយ ដែលតំបន់ Pub Street រៀបចំតុបតែង ដើម្បីអបអរសាទរពិធីបុណ្យនានា ហើយតំបន់ Pub Street នេះផងដែរក៏បានទទួលស្វាគមន៍ភ្ញៀវទេសចរមកលេងកំសាន្តជាច្រើនរាប់ម៉ឺនរាប់សែននាក់ជារៀងរាល់ឆ្នាំផងដែរ៕ អត្ថបទ៖ សេម រូបភាព៖ Arun Pov

បន្ទាប់ពីមានការភ្ញាក់ផ្អើលករណីយុវជនមួយរូបបានយកឈើមកវាយលើតារាចម្រៀងនាយចឺម បណ្តាលឲ្យរងរបួសនោះ ព្រោះតែមានការលើកឡើងថានាយចឺមបានឆាតញ៉ែសង្សារគេនោះ ពេលនេះតុលាការខេត្តប៉ៃលិនបានចេញដីកាបង្គាប់ឲ្យឃុំខ្លួន យុវជនដែលបង្ករបួសស្នាមមានឈ្មោះ ង៉ែត លីទី។ ដោយលោក ហេង ឡុង បានសរសេររៀបរាប់ថា៖ “ព័ត៌មានចុងក្រោយសម្រាប់ថ្ងៃទី២០ ខែធ្នូ ឆ្នាំ២០១៩ មុននេះបន្តិច ខ្ញុំបាទបានទទួលដីកាឃុំខ្លួនពីតុលាការខេត្តប៉ៃលិនហើយ។ សូមជួយស៊ែរចែករំលែកអបអរសាទរនាយចឺមទទួលបានយុត្តិធម៌ហើយ”។ យោងតាមដីកាបង្គាប់ឲ្យឃុំខ្លួននេះ ជនត្រូវចោទត្រូវដាក់នៅក្រោមការពិនិត្យពីបទ “ហិង្សាដោយចេតនាមានស្ថានទម្ងន់ទោស និងធ្វើឲ្យខូចខាតដោយចេតនា” ដែលបានប្រព្រឹត្តនៅចំណុចបុរីម្កុដពេជ្រ ភូមិផ្សារព្រំជើង ឃុំស្នឹងកាច់ ស្រុកសាលាក្រៅ ខេត្តប៉ៃលិន កាលពីថ្ងៃទី១៨ ខែធ្នូ ឆ្នាំ២០១៩ បទល្មើសដែលមានបញ្ញាត្តិឲ្យផ្តន្ទាទោសតាមមាតា្រ ២១៨ និងមាត្រា ៤១០ នៃក្រមព្រហ្មទណ្ឌ។

អធិការ​នគរបាល​ខណ្ឌ​ដង្កោ​បានអោយដឹងថា​ សមត្ថកិច្ច​របស់​លោកបានឃាត់ខ្លួន​លោក សារុន វិធុរ៉ាក់​ ថៅកែ​ស្ថានីយ៍ប្រេង​ PTT ជិត​រង្វង់​មូល​គួរស្រូវ​ ក្នុង​សង្កាត់​ព្រែក​កំពឹស​ ខណ្ឌ​ដង្កោ​ តាមបញ្ជា​របស់​ព្រះ​រាជ​អាជ្ញា​ អមសាលាដំបូង​រាជធានី​ភ្នំពេញ​ នៅរសៀល​ថ្ងៃនេះ​។ ការឃាត់ខ្លួននេះបន្ទាប់ពីពាក់ព័ន្ធការប្រើប្រាស់អំពើហិង្សាយ៉ាងធ្ងន់ធ្ងរទៅលើគ្រូបង្រៀនម្នាក់ដោយចោទថា គ្រូបង្រៀនរូបនោះបានចូលទៅអុកឡុក និងចូលក្នុងបន្ទប់ទឹកស្រី លួចថតនារីនៅក្នុងបន្ទប់ទឹកនោះ។ ចំណែកឯ គ្រូបង្រៀនដែលរងហិង្សាក៏ត្រូវបានតំណាងអយ្យការ ចេញដីកាកោះហៅឲ្យខ្លួនដូចគ្នា ហើយសមត្ថកិច្ចកំពុងនាំខ្លួនពីខេត្តតាកែវ មកតុលាការផងដែរ៕ ប្រភពនិងរូបភាព៖ Sorn Sopheak-ស៊ន សុភក្រ្ត

ថ្មីៗនេះមានការចែករំលែកពេញបណ្តាញសង្គមនូវរឿងរ៉ាវកម្សត់របស់កុមារីមួយរូបដែលរស់នៅជាមួយនឹងជីដូនចាស់ ដើរទៅរៀនជារៀងរាល់ថ្ងៃតែរៀនរហូតទទួលបានប័ណ្ណសរសើរ ៣ឆ្នាំជាប់ៗគ្នា ។ កុមារីកម្សត់នេះមានឈ្មោះមុំ ឆយី សិក្សាថ្នាក់ទី៥ នៅសាលាបឋមសិក្សាពោធិខ្ទម្ពរ បច្ចុប្បន្នរស់នៅក្នុងភូមិផ្លូវទ្រាស ឃុំឈូកខ្សាច់ ស្រុកបារាយណ៍ ខេត្តកំពង់ធំ។ ក្នុងនោះផងដែលក៏មានសប្បុរសជនមួយរូបមានចិត្តសណ្តោសប្រណី អាណិតស្រលាញ់ក្មេងស្រីកម្សត់រូបនេះ ដោយបងស្រីម្ចាស់ហាងពេជ្រមានហ្វេសប៊ុកផេក Dana Try (ទ្រី ដាណា) បានប្រកាសចង់ជួយឧបត្ថម្ភកង់ និងសម្ភារៈសិក្សាមួយចំនួនជូនកុមារីកម្សត់រូបនេះផងដែរ។ ដោយប្រភពដដែលបានសរសេររៀបរាប់ថា៖ “ខ្ញុំ​ស្រលាញ់​អ្នក​តស៊ូ​ណាស់ ព្រោះ​ខ្ញុំ​ធ្លាប់​ជា​ក្មេង​ស្រី​ម្នាក់ដែល​ជម្នះ​ការ​លំបាកជម្នះ​នឹង​ការ​មើល​ងាយ​គ្រប់​បែប​យ៉ាងរហូត​មាន​ថ្ងៃ​នេះ។ ឃើញ​ប្អូន​ស្រីដើរ​ចម្ងាយ​ជាង​មួយ​គីឡូម៉ែត្រ ដើម្បី​ទៅ​រៀន​នៅ​សាលារហូត​ជាប់​ឈ្មោះ​ជា​សិស្ស​ពូ​កែ៣​ឆ្នាំ​ជាប់​គ្នា​ទៀត បង​ពិត​ជា​សរសើរ​កម្លាំង​ចិត្ត​របស់​ប្អូន​ស្រី​ណាស់។ ខ្ញុំ​ចង់​ជួយ​កង់​គាត់​មួយ​គ្រឿង និង​សម្ភារៈ​សិក្សា​មួយ​ចំនួន​ទៀត លឺ​ថា​គាត់​រៀន​នៅ​បឋមសិក្សា ពោធិខ្ទម្ពរ ស្រុកបារាយណ៍ ខេត្តកំពង់ធំ។ មាន​បង​ប្អូន​យើង​ណា​ស្គាល់​ផ្ទះ​គាត់​អត់?