ខណៈពេលដែលប្រទេសថៃកំពុងប្រឈមនឹងជំងឺ COVID-19 ដ៏អាក្រក់ មានពលរដ្ឋជាច្រើននៅតាមបណ្ដាខេត្ត បានធ្វើដំណើរមកកាន់ទីក្រុងបាងកក ដើម្បីអាចទទួលបានការចាក់វ៉ាក់សាំងបង្ការជំងឺ COVID-19 ។ ជាក់ស្ដែងបើយោងតាមការបង្ហោះនៅលើបណ្ដាញសង្គម Facebook របស់សារព័ត៌មាន The Nation Thailand នៅថ្ងៃសៅរ៍ ទី៣១ ខែកក្កដា ឆ្នាំ២០២១ នេះបានបង្ហាញថា ពលរដ្ឋថៃច្រើនជាង ១០,០០០ នាក់ កំពុងតម្រង់ជួររង់ចាំទទួលវ៉ាក់សាំងបង្ការជំងឺ COVID-19 នៅឯស្ថានីយ Bang Sue Grand ខណៈដែលថ្ងៃនេះផ្ទាល់គឺជាថ្ងៃចុងក្រោយ សម្រាប់ការបើកទទួលពលរដ្ឋចូលមកចាក់វ៉ាក់សាំងបង្ការជំងឺ COVID-19 ។ អ្វីដែលគួរឱ្យចាប់អារម្មណ៍គឺពលរដ្ឋដែលមកទទួលវ៉ាក់សាំងភាគច្រើនជាមនុស្សវ័យចំណាស់ ដែលជាក្រុមអាយុមានហានិភ័យខ្ពស់នៅក្នុងការឆ្លងជំងឺរាត្បាត COVID-19

រដ្ឋាភិបាលនៃប្រទេសជប៉ុនមានបំណងទប់ស្កាត់ការកើនឡើងនៃជំងឺ COVID-19 នាពេលបច្ចុប្បន្ននេះ ដោយបានកាត់បន្ថយចលនារបស់ប្រជាជន និងលើកកម្ពស់ការចាក់វ៉ាក់សាំងក្នុងចំណោមមនុស្សវ័យក្មេង។ ជាក់ស្ដែងកាលពីថ្ងៃសុក្រម្សិលមិញ នាយករដ្ឋមន្រ្តីលោក Suga Yoshihide បាននិយាយប្តេជ្ញាថា លោកនឹងខិតខំប្រឹងប្រែងដើម្បីកុំឱ្យមានភាពអាសន្នមួយទៀត បន្ទាប់ពីស្ថានភាពបច្ចុប្បន្ន ដែលទើបតែបន្ថែមរហូតដល់ថ្ងៃទី៣១ ខែសីហា នឹងត្រូវបញ្ចប់ទៅវិញ។ រដ្ឋាភិបាលបានសន្និដ្ឋានថា ករណីជំងឺ COVID-19 ចំពោះមនុស្សចាស់គឺមានសមាមាត្រតូច ហើយករណីធ្ងន់ធ្ងរត្រូវបានកំណត់ ទោះបីជាមានការរីករាលដាលយ៉ាងឆាប់រហ័សនៃវ៉ារ្យ៉ង់ Delta ដែលជាការបំប្លែងខ្លួនអាចចម្លងបានយ៉ាងលឿនក៏ដោយ។ ប៉ុន្តែចំនួនមនុស្សឈឺធ្ងន់នៅក្នុងចំណោមពលរដ្ឋវ័យកណ្ដាលពី ៤០ និង ៥០ឆ្នាំ គឺកំពុងកើនឡើងឆាប់រហ័ស ដូច្នេះជម្រើសចាក់វ៉ាក់សាំងនឹងកាត់បន្ថយបញ្ហានេះ ហើយការពារពួកគេមិនឱ្យធ្លាក់ខ្លួនឈឺធ្ងន់បាន៕ អត្ថបទ៖ លីដា ប្រភព៖៖ NHK

ប្រទេសវៀតណាមបានបញ្ជាក់ពីករណីឆ្លងជំងឺ COVID-19 ចំនួន ៣,៦៣៥ ករណី នៅយប់ថ្ងៃសុក្រនេះ ដែលនាំឱ្យចំនួនឆ្លងក្នុងសហគមន៍សរុបនៅថ្ងៃដដែលមានចំនួន ៨,៦២២ ករណី ហើយចំនួនអ្នកជំងឺសរុបចាប់តាំងពីរលកឆ្លងថ្មីបានចាប់ផ្ដើម បានកើនឡើងដល់ ១៣៣,២០៦ ករណី នេះបើយោងតាមការចុះផ្សាយរបស់សារព័ត៌មាន VNexpress នៅថ្ងៃសៅរ៍ ទី៣១ ខែកក្កដា ឆ្នាំ២០២១។ ទន្ទឹមនឹងនេះក៏មានករណីនាំចូលចំនួន ២៧ នាក់ផ្សេងទៀត ត្រូវបានគេកត់ត្រាផងដែរ ដែលនាំឱ្យការឆ្លងសម្រាប់ថ្ងៃសុក្រមានសរុប ៨,៦៤៩ ករណី។ ទីក្រុងហូជីមិញបន្ដមានករណីថ្មីច្រើនជាងគេ ដោយមានករណីចំនួន ១,៥៤២ ករណី តាមពីក្រោយដោយខេត្តប៊ិញឌួង ដែលមាន ៦៣៦ ករណី និងខេត្តឡុងអាន

ប្រធានាធិបតីអាមេរិកលោក ចូ បៃដិន បានប្រកាសពីវិធានការថ្មីមួយ ដែលតម្រូវឱ្យកម្មករសហព័ន្ធត្រូវផ្តល់ភស្តុតាងនៃការចាក់វ៉ាក់សាំងបង្ការជំងឺ COVID-19 ឬប្រឈមនឹងការធ្វើតេស្តជាប្រចាំ។ ការផ្លាស់ប្តូរនេះមានគោលបំណងបង្កើនអត្រាចាក់វ៉ាក់សាំងនៅសហរដ្ឋអាមេរិក ចំពេលមានការរីករាលដាលយ៉ាងឆាប់រហ័សនៃវ៉ារ្យ៉ង់ Delta ដែលបានរកឃើញដំបូងនៅក្នុងប្រទេសឥណ្ឌា។ នៅក្រោមច្បាប់ថ្មីបុគ្គលិកសហព័ន្ធ និងអ្នកទទួលការងារ នឹងត្រូវស្នើសុំឱ្យបង្ហាញភស្តុតាងថា ពួកគេបានចាក់វ៉ាក់សាំងបង្ការជំងឺ COVID-19 ឬនៅ? ហើយអ្នកណាដែលមិនធ្វើបែបនេះ គឺនឹងត្រូវធ្វើតេស្តយ៉ាងហោចណាស់ម្តងក្នុងមួយសប្តាហ៍។ នៅក្នុងសន្និសីទសារព័ត៌មានមួយនៅឯសេតវិមានកាលពីថ្ងៃព្រហស្បតិ៍ លោក បៃដិន បាននិយាយថា អ្វីដែលកំពុងកើតឡើងនៅសហរដ្ឋអាមេរិកនាពេលបច្ចុប្បន្ននេះ គឺជា «ជំងឺរាតត្បាតនៃអ្នកដែលមិនបានចាក់វ៉ាក់សាំង» ដោយបន្ថែមថា វ៉ាក់សាំងគឺជាការការពារដ៏ល្អបំផុត។ លោកប្រធានាធិបតីក៏បានអំពាវនាវដល់រដ្ឋាភិបាលរដ្ឋ និងតាមមូលដ្ឋាន ឱ្យមានការជំរុញការចាក់វ៉ាក់សាំងបន្ថែម ដោយផ្តល់ប្រាក់ចំនួន ១០០ ដុល្លារ ដល់អ្នកដែលទទួលថ្នាំបង្ការរួច។

យោងតាមការចុះផ្សាយរបស់សារព័ត៌មាន BBC បានឱ្យដឹងថា ទីក្រុងណានជីងរបស់ប្រទេសចិនកំពុងប្រឈមនឹងការផ្ទុះឡើងនៃជំងឺ COVID-19 ហើយឥឡូវនេះវាបានរីករាលដាលដល់ទីក្រុងប៉េកាំង និងខេត្តចំនួន ៥ ផ្សេងទៀត ខណៈដែលប្រព័ន្ធផ្សព្វផ្សាយក្រុងស្រុកបានហៅការឆ្លងថ្មីនេះថាជា «ការរីករាលដាលធំបំផុតបន្ទាប់ពីវូហាន»។ គិតមកទល់ពេលនេះ មានមនុស្សជិត ២០០ នាក់ បានឆ្លងជំងឺ COVID-19 ចាប់តាំងពីជំងឺត្រូវបានរកឃើញជាលើកដំបូងនៅព្រលានយន្តហោះដ៏មមាញឹកមួយរបស់ទីក្រុងណានជីង កាលពីថ្ងៃទី ២០ ខែកក្កដា ហើយមន្ត្រីរបស់ទីក្រុងក៏គ្រោងនឹងធ្វើការតេស្ដរកមើលជំងឺលើពលរដ្ឋចំនួន ៩.៣ លាននាក់ បូករួមទាំងអ្នកដំណើរនៅទីនោះផងដែរ។ ក្រុមមន្រ្តីជឿជាក់ថាការផ្ទុះឡើងនាពេលបច្ចុប្បន្ននេះ ត្រូវបានផ្សារភ្ជាប់ទៅនឹងជំងឺ COVID-19 បំប្លែងខ្លួន Delta ហើយបានរីករាលដាលចេញទៅកន្លែងផ្សេងទៀតដោយមិនអាចកំណត់បាន ព្រោះថាការរកឃើញនេះវានៅក្នុងព្រលានយន្តហោះស្រាប់។ ការធ្វើតេស្តបានបង្ហាញថា ឥឡូវនេះជំងឺ

យោងតាមការចុះផ្សាយរបស់សារព័ត៌មាន រ៉យទ័រ បានរាយការណ៍ថា រដ្ឋាភិបាលជប៉ុនបានសម្រេចដាក់ប្រទេសក្នុងគ្រាអាសន្នរហូតដល់ថ្ងៃទី៣១ ខែសីហា ឆ្នាំ២០២១ ក៏ដូចជាសម្រេចដាក់ភាពអាសន្នទៅលើខេត្តចំនួន ៤ គឺខេត្ត Saitama, Chiba, Kanagawa និង Osaka ខណៈករណី COVID-19 កំពុងមានការកើនឡើងក្នុងកំណត់ត្រាថ្មី។ រដ្ឋាភិបាលជប៉ុនបានដាក់ទីក្រុងតូក្យូក្រោមគ្រាអាសន្នជាលើកទី៤ របស់ខ្លួន ចាប់តាំងពីជំងឺរាតត្បាត COVID-19 បានចាប់ផ្តើមដំបូង ហើយកោះអូគីណាវ៉ាភាគ ក៏នឹងត្រូវបានពន្យារពេលដល់ថ្ងៃទី៣១ ខែសីហាផងដែរ។ នាយករដ្ឋមន្រ្តីជប៉ុនលោក Yoshihide Suga ត្រូវបានគេរំពឹងថា នឹងធ្វើការប្រកាសជាផ្លូវការអំពីបញ្ហានេះនៅថ្ងៃសុក្រនេះផ្ទាល់ បន្ទាប់ពីអ្នកជំនាញសម្រេចថានឹងពង្រីកការដាក់អាសន្ន ហើយដាក់ខេត្តទាំង ៤ ឱ្យនៅក្រោមការរឹតត្បឹតដូចគ្នា។ ជម្រាបដែរថា ប្រទេសជប៉ុនធ្លាប់ចៀសផុតពីការផ្ទុះឡើងនៃជំងឺ

យោងតាមការចុះផ្សាយរបស់សារព័ត៌មាន បាងកកប៉ុស្ដិ៍ សម្រាប់ថ្ងៃសុក្រ ទី៣០ ខែកក្កដា ឆ្នាំ២០២១ នេះបានរាយការណ៍ថា អភិបាលខេត្តភូកេតបានបញ្ជាឱ្យបិទទ្វារកោះទាំងមូល ដោយមិនឱ្យមានភ្ញៀវទេសចរមកពីខែត្តផ្សេងៗអាចចូលមកបានទៀតទេ ចាប់ពីថ្ងៃទី០៣ ខែសីហា ឆ្នាំ២០២១ តទៅ ខណៈដែលជោគវាសនានៃគម្រោងភូកេត Sandbox នៅមិនទាន់ត្រូវបានគេកំណតនៅឡើយទេ។ បទបញ្ជាថ្នាក់ខេត្តដែលត្រូវបានចុះហត្ថលេខាដោយអភិបាលខេត្តលោក Narong Woonciew មួយនេះ ក៏នឹងតម្រូវឱ្យមានការហាមឃាត់មនុស្សទូទៅដែលមិនមែនជាអ្នករស់នៅក្នុងខេត្ត ហើយអាចលើកលែងបានតែការដឹកជញ្ជូនទំនិញ ការធ្វើដំណើររបស់សិស្ស និងសេវាកម្មវេជ្ជសាស្ត្របន្ទាន់ប៉ុណ្ណោះ ប៉ុន្តែពលរដ្ឋនៅតែត្រូវការការបញ្ជាក់ពីលទ្ធផលអវិជ្ជមានជំងឺ COVID-19 ឬ បានចាក់វ៉ាក់សាំងគ្រប់ចំនួនដូស។ ឆ្លើយតបនឹងបញ្ហានេះដែរ នាយកដ្ឋានត្រួតពិនិត្យជំងឺរបស់ប្រទេសថៃបាននិយាយថា ពួកគេនឹងធ្វើការត្រួតពិនិត្យស្ថានភាពនៅក្នុងខេត្តចំនួន ២ សប្ដាហ៍ ហើយបន្ទាប់មកទៀតពួកគេនឹងសម្រេចចិត្តថា ខេត្តអាចបន្ដគម្រោងភូកេត

ប្រទេសវៀតណាមនៅតែបន្តកើនឡើងនូវករណីថ្មីនៃជំងឺ COVID-19 ដោយនៅព្រឹកថ្ងៃសុក្រ ទី៣០ ខែកក្កដា ឆ្នាំ២០២១ នេះផ្ទាល់ ប្រទេសនេះបានកត់ត្រាករណីថ្មីចំនួន ៤,៩៨៧ ករណី ចេញពីតំបន់ចំនួន ២០ ហើយក្នុងនោះមាន ២,៧៤០ ករណី ត្រូវបានរកឃើញនៅទីក្រុងហូជីមិញ នេះបើតាមការចុះផ្សាយរបស់សារព័ត៌មាន VNexpress ។ ក្នុងចំណោមករណីថ្មីទាំងអស់ មានករណីចំនួន ៩៨៧ ត្រូវបានកត់ត្រានៅក្នុងសហគមន៍ និង ៤,០០០ នៅក្នុងតំបន់បិទខ្ទប់ និងកន្លែងធ្វើចត្តាឡីស័ក។ ក្នុងរយៈពេលជាង ៣ខែ ដែលជាពេលវេលានៃរលកទី០៤ និងជាបញ្ហាប្រឈមបំផុតដែលប្រទេសវៀតណាមបានជួបប្រទះ ប្រទេសនេះបានកត់ត្រាករណីក្នុងសហគមន៍ចំនួន ១២៩,៥៧១ ចេញពីក្នុងខេត្តក្រុងចំនួន ៦២

យោងតាមការចុះផ្សាយរបស់សារព័ត៌មាន រ៉យទ័រ នៅរសៀលថ្ងៃព្រហស្បតិ៍ ទី២៩ ខែកក្កដា ឆ្នាំ២០២១ នេះបានរាយការណ៍ថា ប្រទេសជប៉ុនបានកត់ត្រាករណីជំងឺ COVID-19 ថ្មីច្រើនជាង ១០,០០០ ករណី ហើយក្នុងនោះមាន ៣,៨៦៥ ករណី ត្រូវបានរកឃើញនៅក្នុងទីក្រុងតូក្យូ។ តួលេខនេះជាចំនួនខ្ពស់បំផុតមិនធ្លាប់មានពីមុនឡើយ ខណៈអស់រយៈពេល ២ ថ្ងៃជាប់ៗគ្នាមកនេះ ប្រទេសជប៉ុនបន្ដមានករណីច្រើនជាកំណត់ត្រា ដោយពីម្សិលមិញប្រទេសនេះមានករណីសរុបច្រើនជាង ៩,០០០ ករណី ។ ថ្វីត្បិតតែការឆ្លងនៅតាមតំបន់ទីប្រជុំជនមានការថយចុះបន្តិចក្តី ប៉ុន្តែការកើនឡើងនៃករណីជំងឺ COVID-19 នៅក្នុងទីក្រុង មានសន្ទុះខ្លាំងនៅចំពេលវ៉ារ្យ៉ង់ Delta កំពុងវាយប្រហារយ៉ាងមមាញឹក។ រដ្ឋាភិបាលនៃប្រទេសជប៉ុនក៏បានដាក់ទីក្រុងតូក្យូស្ថិតក្នុងភាពអាសន្នជាលើកទី៤ កាលពីថ្ងៃទី១២ ខែកក្កដា

ថៃ៖ ប្រតិបត្តិករផ្លូវដែកគ្រប់គ្រងដោយរដ្ឋថៃ (SRT) បានសម្រេចដាក់ឲ្យប្រើប្រាស់រថភ្លើងពិសេសមួយ សម្រាប់ដឹកអ្នកជំងឺ COVID-19 កម្រិតមធ្យម ឬកម្រិតស្រាល ដែលចង់ត្រឡប់ទៅព្យាបាលជំងឺនៅតាមផ្ទះរបស់ពួកគេនៅឯខេត្តវិញ នេះបើតាមការចុះផ្សាយរបស់សារព័ត៌មាន បាងកកប៉ុស្ដិ៍ ។ អភិបាលរបស់ SRT គឺលោក Nirut Maneephan បាននិយាយកាលពីថ្ងៃពុធថា ក្រសួងដឹកជញ្ជូននឹងផ្តល់រថភ្លើងបន្ថែមទៀតដើម្បីជួយសម្រួលដល់កិច្ចការនេះ ហើយការដឹកជញ្ជូនអ្នកជំងឺ COVID-19 ដំបូងគេ គឺចេញស្ថានីយ Rangsit ទៅកាន់ខេត្ត Ubon Ratchathani ជាមួយនឹងអ្នកជំងឺចំនួន ១៣៧នាក់ កាលពីថ្ងៃអង្គារកន្លងទៅ។ នៅតាមផ្លូវទៅកាន់គោលដៅ ផ្លូវរថភ្លើងក៏បានឈប់នៅតាមស្ថានីយ៍មួយចំនួនក្នុងខេត្ត Nakhon Ratchasima, Buri Ram, Surin