លោក Rishi Sunak នឹងក្លាយជានាយករដ្ឋមន្ត្រីថ្មីរបស់អង់គ្លេស បន្ទាប់ពីបានជួបក្រាបបង្គំព្រះមហាក្សត្រនៅថ្ងៃអង្គារនេះ ហើយលោកនឹងត្រូវប្រកាសពីផែនការរបស់លោកសម្រាប់ចក្រភពអង់គ្លេស នៅក្នុងសុន្ទរកថាទៅកាន់សាធារណៈជនបន្ទាប់ពីនោះ។ មេដឹកនាំវ័យក្មេងបំផុតនៅក្នុងសម័យទំនើបរូបនេះ នឹងត្រូវថ្លែងសុន្ទរកថាទៅកាន់ពលរដ្ឋនៅខាងក្រៅផ្លូវ Downing St ប្រហែលម៉ោង ១១ និង ៣៥ នាទីរសៀល មុនពេលគាត់ចាប់ផ្តើមបង្កើតគណៈរដ្ឋមន្ត្រីថ្មី ក្នុងគោលបំណងបង្រួបបង្រួមគណបក្សអភិរក្សនិយមដែលកំពុងតែប្រេះស្រាំឡើងវិញ។ ប៉ុន្តែមុនពេលលោក Rishi Sunak នឹងចូលកាន់កាប់វិមាន​ 10 Downing Street (ការិយាល័យនាយករដ្ឋមន្ត្រី) អ្នកស្រី Liz Truss នឹងរៀបចំកិច្ចប្រជុំគណៈរដ្ឋមន្ត្រីចុងក្រោយ ក៏ដូចជាការថ្លែងសុន្ទរកថាលាគ្នា មុនពេលអ្នកស្រីធ្វើដំណើរទៅកាន់វិមាន Buckingham សម្រាប់ទស្សនិកជនចុងក្រោយរបស់អ្នកស្រី ជាមួយស្តេច

រដ្ឋមន្ត្រីការបរទេសអ៊ីរ៉ង់បានបដិសេធជាថ្មីម្តងទៀត ចំពោះការចោទប្រកាន់ដែលថា ប្រទេសរបស់លោកបានលក់យន្តហោះគ្មានមនុស្សបើកឱ្យទីក្រុងមូស្គូ ដែលកងកម្លាំងរុស្ស៊ីប្រើដើម្បីវាយប្រហារទីក្រុងនានារបស់អ៊ុយក្រែន។ អ៊ីរ៉ង់​ត្រូវ​បាន​គេ​រាយការណ៍​ថា បាន​ត្រៀម​ខ្លួន​ជា​ស្រេច ​ដើម្បី​ពិនិត្យ​មើល​បញ្ហានេះ​ជាមួយ​អ៊ុយក្រែន។ ទីភ្នាក់ងារសារព័ត៌មានរដ្ឋរបស់អ៊ីរ៉ង់បានដកស្រង់សម្តីរដ្ឋមន្ត្រីការបរទេសលោក Hossein Amir-Abdollahian ដែលបាននិយាយកាលពីថ្ងៃចន្ទថា អ៊ីរ៉ង់បានទទួលអាវុធមួយចំនួនពីរុស្ស៊ីនាពេលកន្លងមក ហើយបានផ្តល់អាវុធខ្លះដល់ពួកគេវិញ ប៉ុន្តែមិនមែនក្នុងអំឡុងពេលសង្រ្គាមនៅអ៊ុយក្រែននោះទេ។ រដ្ឋមន្ត្រីការបរទេសរូបនេះ ក៏បាននិយាយជាមួយប្រធានគោលនយោបាយការបរទេសរបស់សហភាពអឺរ៉ុបលោក Josep Borrell តាមទូរស័ព្ទកាលពីថ្ងៃព្រហស្បតិ៍ផងដែរ ហើយតាមសេចក្តីរាយការណ៍ លោកបានប្រាប់លោក Borrell ថា អ៊ីរ៉ង់បានត្រៀមខ្លួនរួចជាស្រេចក្នុងការបង្កើតក្រុមអ្នកជំនាញយោធាអ៊ីរ៉ង់ និងអ៊ុយក្រែន ដើម្បីពិនិត្យមើលការប្រើប្រាស់យន្តហោះគ្មានមនុស្សបើកដែលផលិតដោយអ៊ីរ៉ង់។ លោកបាននិយាយថា ប្រសិនបើរុស្ស៊ីបានប្រើប្រាស់យន្តហោះគ្មានមនុស្សបើករបស់អ៊ីរ៉ង់ ដើម្បីវាយប្រហារអ៊ុយក្រែន ប្រទេសរបស់លោកនឹងមិនព្រងើយកន្តើយឡើយ៕ អត្ថបទ៖ លីដា ប្រភព៖ Yahoo

លោក Rishi Sunak នឹង​ក្លាយ​ជា​នាយក​រដ្ឋមន្ត្រី​ក្មេង​បំផុត​ក្នុង​ប្រវត្តិសាស្ត្ររាប់​សតវត្ស៍របស់អង់គ្លេស និង​ជា​ជនជាតិ​អង់គ្លេស​អាស៊ី​ដំបូង​គេបំផុត ដែលទទួលតួនាទីនេះ។ រំលឹកផងដែរថា លោក Sunak បានចាញ់អ្នកស្រី Liz Truss ក្នុងខែកញ្ញា នៅក្នុងការប្រណាំងចុងក្រោយ សម្រាប់ការជ្រើសរើសប្រធានបក្សអភិរក្ស។ គាត់​បាន​ក្លាយ​បុគ្គលដែលគេពេញចិត្តជាងគេ នៅពេល​ដែលអ្នកស្រី Liz Truss បាន​ប្រកាស​កាល​ពី​ថ្ងៃ​ព្រហស្បតិ៍​ថា ​អ្នកស្រីនឹង​លាលែង​ពី​តំណែងជានាយករដ្ឋមន្ត្រី។ បន្ទាប់​មកគូប្រជែង​ផ្សេង​ទៀត​របស់លោក ក៏បានដក​ខ្លួន​ចេញ​ក្នុង​កិច្ច​ខិត​ខំ​ប្រឹង​ប្រែង ​ដើម្បី​បញ្ចប់​ភាព​ចលាចល​ក្នុង​បក្ស​អភិរក្សនេះ។ លោក Sunak បាននិយាយកាលពីថ្ងៃចន្ទ នៅក្នុងសុន្ទរកថាជាសាធារណៈលើកដំបូងរបស់គាត់ថា៖«ឥឡូវនេះយើងត្រូវការស្ថិរភាព និងឯកភាព។ ហើយ​ខ្ញុំ​នឹង​ធ្វើ​វា​ជា​អាទិភាព​បំផុត​របស់​ខ្ញុំ ​ដើម្បី​នាំ​គណបក្ស​យើង​ និង​ប្រទេស​យើង​មក​ជាមួយ​គ្នា»។ ជម្រាបដែរថា លោក Sunak

អគ្គសេនាធិការចម្រុះរបស់កូរ៉េខាងត្បូងបាននិយាយថា កងកម្លាំងរបស់ខ្លួនបានបាញ់ព្រមានប្រឆាំងនឹងកប៉ាល់កូរ៉េខាងជើង ដែលបានឆ្លងកាត់ព្រំដែនសមុទ្រអន្តរកូរ៉េ យ៉ាងពិតប្រាកដមែននៅព្រឹកថ្ងៃចន្ទនេះ នេះបើតាមការចុះផ្សាយរបស់សារព័ត៌មាន រ៉យទ័រ ។ អគ្គសេនាធិការចម្រុះនិយាយថា កប៉ាល់កូរ៉េខាងជើងបានឆ្លងកាត់ព្រំដែននៅម៉ោងប្រហែល ៣ និង ៤២ នាទី ព្រឹកថ្ងៃចន្ទ ហើយថា កប៉ាល់បានចាកចេញពីតំបន់នោះបន្ទាប់ពីមានការបាញ់ព្រមាន។ ចំណែករបាយការណ៍របស់យោធាកូរ៉េខាងជើងបាននិយាយថា គឺនាវាចម្បាំងរបស់កូរ៉េខាងត្បូងឯណោះទេ ដែលបានឆ្លងកាត់ព្រំដែនត្រួតគ្នាមួយនោះ ហើយកងកម្លាំងកូរ៉េខាងជើងក៏បានឆ្លើយតបនឹងស្ថានការណ៍ ដោយការបាញ់រ៉ុក្កែតកាំភ្លើងធំចំនួន ១០ គ្រាប់ នៅម៉ោងប្រហែល ៥ និង ១៥ នាទីព្រឹក។ ជម្រាបដែរថា ព្រំដែនសមុទ្រភាគខាងលិចនៃឧបទ្វីបកូរ៉េ ត្រូវបានបង្កើតឡើងដោយបញ្ជាការអង្គការសហប្រជាជាតិ ប៉ុន្តែភាគីកូរ៉េខាងជើងយល់ថា ព្រំដែននេះបានបម្រើដល់ប្រយោជន៍ទៅភាគីខាងត្បូងច្រើនជាង៕ អត្ថបទ៖ លីដា ប្រភព៖ រ៉យទ័រ

លោក Rishi Sunak ហាក់ដូចជាបានត្រៀមខ្លួនក្លាយជានាយករដ្ឋមន្ត្រីថ្មីរបស់អង់គ្លេស បន្ទាប់ពីលោក Boris Johnson បានដកខ្លួនចេញពីការប្រកួតប្រជែងកាលពីថ្ងៃអាទិត្យ ដោយនិយាយថា ទោះបីជាគាត់មានការគាំទ្រគ្រប់គ្រាន់ក្នុងការចូលរួមការបោះឆ្នោតចុងក្រោយនេះក៏ដោយ ក៏គាត់បានដឹងថា ប្រទេសជាតិ និងក្រុមអភិរក្សរួមគ្នាចង់បានការឯកភាពគ្នា។ លោក Boris Johnson បានត្រឡប់ពីវិស្សមកាលក្នុងតំបន់ការ៉ាប៊ីន និងព្យាយាមទាញយកការគាំទ្រពីសមាជិកសភាចំនួន ១០០ នាក់ ដើម្បីអាចឱ្យគាត់ចូលរួមក្នុងការប្រកួតជែងនៅថ្ងៃចន្ទនេះ សម្រាប់ការជំនួសតំណែងលោកស្រី Liz Truss ដែលជាអ្នកស្នងតំណែងរបស់គាត់កាលពីខែកញ្ញា បន្ទាប់ពីគាត់បានលាលែងពីតំណែង ក្រោយមានរឿងអាស្រូវជាច្រើន។ ប៉ុន្តែយ៉ាងណាក៏ដោយ លោកបានដកខ្លួនចេញវិញ ដោយមើលពីភាពខ្វះខាតរបស់លោក៕ អត្ថបទ៖ លីដា ប្រភព៖ រ៉យទ័រ

សារព័ត៌មាន BBC និងប្រព័ន្ធផ្សព្វផ្សាយផ្សេងទៀតក្នុងប្រទេសអង់គ្លេសរាយការណ៍ថា អតីតនាយករដ្ឋមន្ត្រីលោក Boris Johnson នឹងមិនឈរឈ្មោះក្នុងការបោះឆ្នោតជ្រើសរើសថ្នាក់ដឹកនាំគណបក្សអភិរក្ស ដើម្បីស្នងតំណែងពីនាយករដ្ឋមន្ត្រីលោក Liz Truss នោះទេ។ ដូច្នេះអតីតរដ្ឋមន្ត្រីហិរញ្ញវត្ថុលោក Rishi Sunak និងមេដឹកនាំសភាលោកស្រី Penny Mordaunt គឺជាបេក្ខភាពទាំង ២នាក់ ដែលបញ្ជាក់ថា ពួកគេកំពុងឈរឈ្មោះរហូតមកដល់ពេលនេះ។ រំលឹកដែរថា លោកស្រី Liz Truss បានឡើងកាន់តំណែងជានាយករដ្ឋមន្ត្រីត្រឹមតែ ​៤៤​ ថ្ងៃ​ប៉ុណ្ណោះ​ បន្ទាប់ពី​ត្រូវបាន​បោះឆ្នោត​ជ្រើសរើស​ជា​នាយករដ្ឋមន្ត្រី​អង់គ្លេស​ថ្មីបន្តពី​លោក Boris Johnson ដែលបាន​លាលែង​ពី​តំណែង​មុននេះដែរ​ នេះក៏ដោយ​សារ​តែ​មាន​សម្ពាធ​ពី​ក្នុង​បក្ស​អភិរក្ស និងរឿងអាស្រូវជាច្រើនទៀត

យន្តហោះចម្បាំងរុស្ស៊ីមួយគ្រឿង បានធ្លាក់ចូលទៅក្នុងអគារលំនៅដ្ឋានមួយកន្លែងក្នុងទីក្រុង Irkutsk ភាគខាងកើតស៊ីបេរី ដោយបានសម្លាប់អ្នកបើកយន្តហោះ ២ នាក់។ ទីភ្នាក់ងារសារព័ត៌មានរដ្ឋ TASS របស់រុស្ស៊ីបានរាយការណ៍ថា យន្តហោះចម្បាំង Sukhoi Su-30 បានធ្លាក់ក្នុងអំឡុងពេលហោះហើរសាកល្បងកាលពីថ្ងៃអាទិត្យ។ ដកស្រង់​ពី​ក្រសួង​ស្ថានការណ៍​គ្រាអាសន្ន ទីភ្នាក់ងារ​ព័ត៌មាន​បាន​និយាយ​ថា​ មិន​មាន​ជន​ស៊ីវិល​ណា​ម្នាក់​រង​របួស​នោះទេ។ គណៈកម្មាធិការស៊ើបអង្កេតរុស្ស៊ីបានបើកការស៊ើបអង្កេតលើឧប្បត្តិហេតុនេះ ខណៈវាគឺជាលើកទី២ ក្នុងរយៈពេលតិចជាងមួយសប្តាហ៍ ដែលយន្តហោះចម្បាំងមួយផ្សេងទៀតបានធ្លាក់នៅក្នុងតំបន់លំនៅដ្ឋានក្នុងប្រទេសរុស្ស៊ី។ កាលពីថ្ងៃទី១៧ ខែតុលា យន្តហោះទម្លាក់គ្រាប់បែក Sukhoi Su-34 ក្នុងបេសកកម្មហ្វឹកហ្វឺន បានធ្លាក់ចូលទៅក្នុងប្លុកផ្ទះល្វែងមួយ នៅទីក្រុងកំពង់ផែ Yeysk ភាគខាងត្បូងនៃប្រទេសរុស្ស៊ី។ អ្នកស្រុកយ៉ាងតិច ១៥ នាក់ត្រូវបានសម្លាប់

អតីតនាយកសាលាមត្តេយ្យមួយ នៅខេត្ត Surat Thani ភាគខាងត្បូងប្រទេសថៃ ត្រូវបានកាត់ទោសឱ្យជាប់ពន្ធនាគាររយៈពេល ១៩២ឆ្នាំ ដោយគ្មានការព្យួរទោស ពីបទកិបកេងមូលនិធិអាហារថ្ងៃត្រង់ដោយឥតគិតថ្លៃរបស់កូនសិស្ស ដោយផ្តល់ឱ្យពួកគេតែគុយទាវ និងទឹកត្រីប៉ុណ្ណោះ។ តុលាការ​បាន​រក​ឃើញ​លោក Somchao Sitthichen អតីត​នាយក​សាលា Ban Tha Mai ស្រុក Tha Chana មាន​ពិរុទ្ធ​លើ​បទ​ឆបោក​ចំនួន ៧៧ ករណី និង​បាន​កាត់​ទោស​គាត់​ឱ្យជាប់​ពន្ធនាគារ​ ៥ ឆ្នាំ ក្នុង ១ករណី ឬ​សរុប​ចំនួន ៣៨៥ ឆ្នាំ។ ប៉ុន្តែ​ដោយ​សារ​តែ​ការ​សារភាព​របស់​គាត់ ការ​កាត់​ទោស​ត្រូវ​បាន​កាត់​មក​ត្រឹម

គណៈកម្មាធិការសភាអាមេរិកបានចេញដីកាមួយ ទៅកាន់អតីតប្រធានាធិបតីលោក ដូណាល់ ត្រាំ ពាក់ព័ន្ធនឹងការវាយប្រហារកាលពីឆ្នាំមុន លើវិមានកាពីតូល ដោយហ្វូងអ្នកគាំទ្ររបស់គាត់។ គណៈកម្មាការសភាតំណាងរាស្រ្ដ ដែលស៊ើបអង្កេតកុប្បកម្មដ៏សាហាវ កាលពីថ្ងៃទី០៦ ខែមករា ឆ្នាំ២០២១ បាននិយាយកាលពីថ្ងៃសុក្រថា ខ្លួនបានកោះហៅលោក ត្រាំ ដើម្បីទាមទារសក្ខីកម្មរបស់គាត់។ ក្រុមនេះនិយាយថា ខ្លួនបានប្រមូលផ្តុំភស្តុតាងដ៏ច្រើនលើសលប់ដែលថា អតីតប្រធានាធិបតីផ្ទាល់បានរៀបចំ និងត្រួតពិនិត្យកិច្ចខិតខំប្រឹងប្រែងពហុផ្នែក ដើម្បីផ្តួលរំលំការបោះឆ្នោតប្រធានាធិបតីឆ្នាំ២០២០ និងរារាំងការផ្លាស់ប្តូរអំណាចដោយសន្តិវិធី។ ដីកានេះ ​ទាមទារ​ឱ្យ​មាន​ឯកសារ​ពាក់ព័ន្ធ​ត្រូវ​បញ្ជូន​ទៅ​អង្គប្រជុំ​ ត្រឹម​ថ្ងៃ​ទី៤ ខែ​វិច្ឆិកា ហើយ​ថា​លោក ត្រាំ ដាក់បណ្តឹងឧទ្ធរណ៍ នៅកំឡុងចាប់ផ្តើម​ដំបូង នៅ​ថ្ងៃ​ទី១៤ ខែ​វិច្ឆិកា។ ប្រសិនបើ ត្រាំ

ឡានហោះមួយគ្រឿង ដែលផលិតដោយក្រុមហ៊ុនផលិតរថយន្តអេឡិចត្រូនិករបស់ចិន Xpeng Inc បានធ្វើការហោះហើរជាសាធារណៈជាលើកដំបូងរបស់ខ្លួន នៅក្នុងប្រទេសអារ៉ាប់រួម ខណៈដែលក្រុមហ៊ុននេះកំពុងស្វែងរកការដាក់ឱ្យដំណើរការឡានហោះអគ្គិសនីនៅលើទីផ្សារអន្តរជាតិ។ ឡានហោះម៉ូដែល X2 គឺជាយានសម្រាប់ការហោះឡើង និងចុះចតបញ្ឈរ (eVTOL) ដែលមានកៅអីចំនួន ២, មានស្លាបសរុបចំនួន ៨ ដោយមានស្លាបចំនួន ២ នៅជ្រុងនីមួយៗ។ ក្រុមហ៊ុននិយាយថា វាមានល្បឿនអតិបរមា ១៣០ គីឡូម៉ែត្រ ក្នុងមួយម៉ោង។ ការហោះហើរសាកល្បងរយៈពេល ៩០នាទី ដោយគ្មានជិះកាលពីថ្ងៃចន្ទសប្ដាហ៍មុន នៅទីក្រុងឌូបៃ ត្រូវបានពិពណ៌នាដោយក្រុមហ៊ុនផលិតថាជា «មូលដ្ឋានដ៏សំខាន់សម្រាប់រថយន្តហោះហើរជំនាន់ក្រោយ»។ លោក Minguan Qiu អ្នកគ្រប់គ្រងទូទៅនៃក្រុមហ៊ុន