លោក Donald Trump ជាថ្មីម្តងទៀត បានក្រលុកកិច្ចចរចាសង្គ្រាមពាណិជ្ជកម្មរវាងប្រទេសមានសេដ្ឋកិច្ចធំជាងគេទាំង ២ របស់ពិភពលោក ដោយដាក់ឱ្យកើនឡើងពន្ធទ្វេដងចំពោះការនាំចូលរបស់ចិន ពោលគឺមានតម្លៃ ២០០ពាន់លានដុល្លារ ពី ១០% ទៅ ២៥% ។ វិធានការដែលបានចូលជាធរមានកាលពីថ្ងៃសុក្រ តាមរយៈការគំរាមកំហែងដែលលោក Trump បានធ្វើកាលពីដើមសប្តាហ៍នេះ ដោយសារតែកិច្ចពិភាក្សាជាន់ខ្ពស់ជាច្រើនខែបានបរាជ័យ។ ខាងអាមេរិកចោទចិនថា ចង់បែរខ្នងដាក់ការប្តេជ្ញាចិត្តដែលទើបតែសម្រេចថ្មីៗដោយការ «ធ្វើកិច្ចព្រមព្រៀងសារឡើងវិញ» ។ ទឹកចុងក្រោយនៃកិច្ចចរចានេះកំពុងប្រព្រឹត្តទៅនៅវ៉ាស៊ីនតោន ជាមួយអនុប្រធាន និងជាអ្នកចរចាពាណិជ្ជកម្មកំពូលរបស់ចិនលោក Liu He ដែលបានមកដល់រដ្ឋធានីរបស់អាមេរិកកាលពីថ្ងៃព្រហស្បតិ៍។ នៅក្នុងអត្ថបទមួយៗនៅព្រឹកថ្ងៃសុក្រលោក Trump បានរាប់ពីការចរចារជាមួយប្រទេសចិនថា ជាដំណើរការមិនសមរម្យ

កូនភ្លោះស្រីមួយគូឈ្មោះ Tao Yimo និង Tao Yi’an កំពុងក្លាយជាប្រធានបទក្តៅគគុក ដោយសារតែវីដេអូមួយរបស់ពួកគេបានបង្ហាញថា កូនភ្លោះស្រីទាំងពីរដេលមិនទាន់កើតនេះ ចេះឈ្លោះវាយតប់គ្នាតាំងតែពីនៅក្នុងពោះម្តាយមកម្ល៉េះ។ យ៉ាងណាមិញវីដេអូរបស់ពួកគេក៏ទទួលបានការចាប់អារម្មណ៍គួរសមនៅតាមបណ្តាញសង្គមចិន ដោយសារតែភាពគួរឱ្យស្រឡាញ់របស់ពួកគេ ដែលថតចេញពីការស្កេនអ៊ុលត្រាសោន។ បើតាមការរាយការណ៍របស់ MailOnline បានឱ្យដឹងថា ម្តាយរបស់កូនភ្លោះទាំង ២ មានឈ្មោះថា Wang Lu គាត់មានអាយុ ២៦ឆ្នាំ និងមានផ្ទៃពោះ ១៨សប្ដាហ៍ នៅពេលដែលគាត់ទៅថតអ៊ុលត្រាសោននេះ។ ចំណែកស្វាមីរបស់គាត់ឈ្មោះ Tao Yu អាយុ ២៧ឆ្នាំ គាត់បានចាប់ផ្តើមថតវីដេអូពីការស្កេនអ៊ុលត្រាសោននេះ បន្ទាប់ពីគាត់បានឃើញថា កូនៗរបស់គាត់នៅក្នុងពោះម្តាយសោះ

ក្រុមហ៊ុន Land Rover បានបញ្ចេញនូវរថយន្ត Range Rover SVO Astronaut Edition របស់ខ្លួនថ្មីមួយ ដើម្បីបំពេញតម្រូវការដល់អតិថិជនដែលជាអនាគតអវកាសចរ។ ជាការពិតណាស់! ទាល់តែអ្នកជាអវកាសចរ ឬធ្លាប់ទៅលើទីអវកាស ទើបអាចទិញម៉ូដែលនេះបាន។ វាជាគម្រោងរបស់ក្រុមហ៊ុន Land Rover ដើម្បីលក់ផ្តាច់មុខនូវម៉ូដែលមួយនេះ ទៅឱ្យនរណាម្នាក់ដែលចុះឈ្មោះជាមួយក្រុមហ៊ុនអវកាសចរ Virgin Galactic ។ ម៉ូដែលនេះបំពាក់ដោយមាស៊ីន ២ប្រភេទ ដោយអតិថិជនអាចជាវជាប្រភេទ Plug-in hybrid ទំហំចំណុះ 2.0លីត្រ ឬ supercharged V8 ក៏បាន។

ក្នុងរយៈពេលប៉ុន្មានឆ្នាំថ្មីៗនេះ ជនជាតិជប៉ុនបានជាវសេវាកម្មដូចជា៖ ជួលមនុស្សមកធ្វើជាសមាជិកគ្រួសារ មិត្តភក្តិ ដៃគូ ឬបុរសសង្ហាឱ្យមកជូតទឹកភ្នែក -ល- ។ ហើយវិស័យទាំងនេះហាក់បានជួយពួកគេកុំឱ្យលក់មុខ បំបាត់ភាពឯកា និងអាចឱ្យពួកគេបង្អួតពីអ្វីដែលពួកគេកំពុងមានទៅកាន់ពិភពលោកទៀតផង។ ជាក់ស្តែងសព្វថ្ងៃនេះ សេវាកម្មជួលបែបនេះគឺមានភាពល្បីល្បាញណាស់នៅជប៉ុន ដែលប្រទេសមួយនេះគឺល្បីរឿងប្រជាជនវក់នឹងការងារ និងមានភាពពិបាកក្នុងការស្វែងរកដៃគូ។ ចុះអ្នកទាំងអស់គ្នាវិញចង់ដឹងអត់ថា តើអ្នកនឹងមានអារម្មណ៍បែបណាប្រសិនបើជួលដៃគូម្នាក់មក DATE ជាមួយគ្នា? យ៉ាងណាមិញគណនី YouTube ឈ្មោះ Asian Boss ថ្មីៗនេះ បានបង្ហោះនូវវីដេអូដែលនិយាយពីសេវាកម្មជួលមនុស្សមកធ្វើជាសង្សារនៅទីក្រុង Tokyo ហើយគាត់ថែមទាំងបានសំណេះសំណាលតុកាហេ្វជាមួយនាង Shihomi ទាក់ទងនឹងសេវាកម្មនេះផងដែរ។ នាងបានបង្ហើបពីថ្លៃឈ្នួលជួលមិត្តស្រីនៅក្នុងក្រុមហ៊ុនរបស់នាងថា មានតម្លៃ ៦,០០០យ៉េន (៥៥ដុល្លារអាមេរិក)

អ្នកលក់បង្គាម្នាក់ អាយុ ៦៦ឆ្នាំ មកពីរដ្ឋ Penang បានវាយប្រហារកូនប្រុសខ្លួនឯងដែលមានអាយុ ៣៥ឆ្នាំ ជាមួយនឹងទឹកក្តៅ បន្ទាប់ពីពួកគេបានឈ្លោះប្រកែកគ្នារឿងលុយធានារ៉ាប់រង។ យោងតាម Free Malaysia Today ហេតុការណ៍នេះបានកើតឡើងនៅផ្ទះល្វែងរបស់បុរសជាឪពុក នៅវេលាម៉ោង ៦ និង ៣០នាទីល្ងាច កាលពីថ្ងៃពុធ ទី ០៨ ខែឧសភា ខណៈកូនប្រុសរបស់គាត់ទាមទារលុយចំណែកធានារ៉ាប់រងចំនួន ៣០,០០០រីងហ្គីត (ប្រហែល ៧,២២០ដុល្លារអាមេរិក)។ វាជាលុយបន្សល់ពីភរិយារបស់គាត់ដែលបានស្លាប់ ប៉ុន្តែគាត់បានចែកឱ្យកូនប្រុសតែ ១០រីងហ្គីត ប៉ុណ្ណោះ។ ភ្លាមៗនោះជម្លោះពាក្យសម្តីបានចាប់ផ្តើមកាន់តែខ្លាំងឡើង ដែលធ្វើឱ្យឪពុកជះទឹកក្តៅដាក់កូនប្រុស ធ្វើឱ្យរលាកពេញទ្រូង និង

សេវាកម្មជួល E-scooter បានកំពុងតែវាយលុកនៅតាមទីក្រុងនានាជុំវិញពិភពលោក ហើយឥឡូវនេះពួកវាបានមកដល់ប្រទេសឥណ្ឌូនេស៊ីហើយ ជាមួយនឹងការចាប់ផ្តើមសេវាកម្មចែកចាយ E-scooter ដំបូងគេរបស់ប្រទេស។ ក្រុមហ៊ុន Grab ដែលមានមូលដ្ឋាននៅប្រទេសសិង្ហបុរីនៅព្រឹកថ្ងៃព្រហស្បតិ៍ បានបើកដំណើរការសេវាមានឈ្មោះថា GrabWheels នៅក្នុងក្រុង Bumi Serpong Damai នៃទីក្រុង Tangerang ។ សេវាកម្មនេះគឺជាគម្រោងរួមគ្នាមួយជាមួយក្រុមហ៊ុនអភិវឌ្ឍន៍អចលនទ្រព្យ Sinarmas Land ដូច្នេះ GrabWheels នឹងមាននៅតែ Green Office Park ការិយាល័យ និងពាណិជ្ជកម្មនៅ Bumi Serpong Damai តែប៉ុណ្ណោះ។

ភ្នាក់ងារឧតុនិយមជប៉ុនបាននិយាយថា រញ្ជួយដីកម្រិត ៦.៣រិចទ័រ ដ៏ខ្លាំង បានវាយប្រហារឆ្នេរសមុទ្រភាគខាងត្បូងនៃប្រទេសជប៉ុនក្នុងថ្ងៃសុក្រ ទី១០ ឧសភា។ យ៉ាងណាមក៏ដោយជាសំណាងដែលគ្មានការប្រកាសអាសន្នពីរលកយក្សស៊ូណាមី ហើយមិនមានសេចក្តីរាយការណ៍ភ្លាមៗអំពីការខូចខាតនៅឡើយ ដោយសារតែការរញ្ជួយដីដែលបានកើតឡើងនៅវេលាម៉ោង ៨ និង ៤៨នាទី (ម៉ោងក្នុងស្រុក)។ ភ្នាក់ងារឧតុនិយមបាននិយាយថា ការរញ្ជួយដីនេះបានកើតឡើងនៅជម្រៅ ២៤គីឡូម៉ែត្រ និងការរញ្ជួយយ៉ាងខ្លាំងត្រូវបានគេឃើញកើតមាននៅតំបន់ក្បែរចំណុចកណ្តាលឆ្នេរ Miyazaki នៅភាគនិរតីនៃកោះ Kyushu ។ ទីភ្នាក់ងារឧតុនិយមក៏បានចេញការព្រមានជាបន្ទាន់ នៅពេលដែលការរញ្ជួយដីនេះបានបណ្តាលឱ្យទូរទស្សន៍ NHK ប្ដូរកម្មវិធីរបស់ខ្លួន ទៅជាកម្មវិធីពិសេសស្តីពីស្ថានភាពនៅតំបន់ Kyushu ភាគខាងត្បូងរួមទាំងកោះ Miyazaki ផងដែរ។ ហើយបើយោងតាម ​​USGS ការរញ្ជួយដីមួយនេះក៏ត្រូវបាន

រាល់គេហស្ថាននៅទីក្រុងបាងកកនឹងតម្រូវឱ្យបង់ប្រាក់ ៨០បាត (២.៥ដុល្លារ) ក្នុងមួយខែ សម្រាប់ការប្រមូលសំរាមចាប់ពីថ្ងៃទី ០១ ខែតុលា ក្រោមបទបញ្ជាថ្មីរបស់ទីក្រុង។ ថ្លៃសេវានេះគឺស្មើនឹង ៤ដង នៃថ្លៃឈ្នួលបច្ចុប្បន្នដែលមានតម្លៃ ២០បាត ព្រោះវានឹងគ្របដណ្តប់ទាំងការចំណាយលើការយកសំរាមទៅចោល ក្រៅពីថ្លៃនៃការប្រមូលតែមួយមុខ។ ថ្លៃប្រមូលសំរាមសម្រាប់អាជីវកម្មក៏នឹងកើនឡើងផងដែរ ដោយផ្អែកលើចំនួន និងប្រភេទសំរាម។ ក្រោមសេចក្តីព្រាងច្បាប់ដែលបានអនុម័តដោយក្រុមប្រឹក្សាក្រុងបាងកក គ្រួសារដែលផលិតសំរាមតិចជាង ២០លីត្រ នឹងត្រូវបង់ថ្លៃ ៤០បាត សម្រាប់ការប្រមូល និង ៤០បាត ផ្សេងទៀតសម្រាប់ការយកវាទៅចោលរៀងរាល់ខែ។ បច្ចុប្បន្នអភិបាលក្រុងបាងកកកំពុងពិនិត្យមើលបទបញ្ជានេះ ដោយលោក Chayawuth Siriyuthwattana ជាប្រធានគណៈកម្មាធិការពិសេសពិនិត្យបទបញ្ជានេះបាននិយាយថា ការស្ទង់មតិមួយកាលពីថ្ងៃទី ២១ ខែមករា

ការយំគឺជាការឆ្លើយតបបែបធម្មជាតិរបស់មនុស្សចំពោះការឈឺចាប់ ភាពតានតឹង ទុក្ខព្រួយ និងសុភមង្គល។ យោងតាមវេជ្ជបណ្ឌិត Aaron Neufeld នៃមជ្ឈមណ្ឌលភ្នែក Los Altos Optometric Group របស់អាមេរិកបានឱ្យដឹងថា មនុស្សយើងមានទឹកភ្នែក ៣ ប្រភេទដែលហៅថា៖ Basal, Reflex និង Psychic។ ទឹកភ្នែក Basal ត្រូវបានគេចាត់ទុកថា ជាទឹកភ្នែកដែលមានមុខងារជាមូលដ្ឋាន ពីព្រោះវាធ្វើឱ្យភ្នែករបស់យើងមានសំណើម។ ចំណែកទឹកភ្នែក Reflex ឬ «ទឹកភ្នែករលាក» ត្រូវបានបង្កឡើងដោយភាពតានតឹងនៃបរិស្ថាន ដូចជាខ្យល់បក់ និងផ្សែង។ ខណៈទឹកភ្នែក Psychic

ដោយរាំលើកដៃទៅលើអាកាស និងភាពសប្បាយរីករាយបិទមាត់មិនជិតរបស់កុមារាម្នាក់នេះ វីដេអូរបស់គាត់កំពុងមានភាពល្បីល្បាញពេញបណ្តាញសង្គម Twitter។ ក្មេងប្រុសម្នាក់នេះមានឈ្មោះថា Ahmad Sayed Rahman អាយុ ៥ឆ្នាំ គាត់ជាកុមារាពិការជើងម្ខាង។ គាត់បានឆក់យកបេះដូងអ្នកទស្សនាជាច្រើននាក់ បន្ទាប់ពីវីដេអូមួយរបស់គាត់ត្រូវបានបង្ហោះឡើងកាលពីដើមសប្ដាហ៍ បង្ហាញពីការសប្បាយចិត្តចំពោះជើងសិប្បនិម្មិតថ្មីរបស់គាត់។ ម្តាយរបស់ក្មេងប្រុសនេះមានឈ្មោះថា Rayeesa គាត់បានប្រាប់អ្នកយកព័ត៌មាននៅឯមជ្ឈមណ្ឌលឆ្អឹងនៅរដ្ឋធានីអាហ្វហ្គានីស្ថានកាលពីថ្ងៃអង្គារថា៖ «កូនរបស់គាត់តែងតែរាំ និងបង្ហាញពីអារម្មណ៍រីករាយដែលគាត់មានជើងសិប្បនិម្មិតនេះ» គាត់បានបន្ថែមថា៖ «ខ្ញុំសប្បាយរីករាយជំនួសកូនខ្ញុំណាស់ ដែលគាត់បានទទួលជើងសិប្បនិម្មិតនេះ ហើយពេលនេះគាត់គឺមានភាពឯករាជ្យ»។ វេជ្ជបណ្ឌិតវះកាត់ Semeen Sarwari បាននិយាយថា Ahmad ត្រូវបានគេកាត់ជើងចោលត្រឹមក្រោមជង្គង់នៅពេលដែលគាត់មានអាយុ ៨ខែ ហើយគេស្នាក់នៅក្នុងមន្ទីរពេទ្យជាយូរមកហើយ។ ដោយសារគាត់លូតលាស់លឿន គាត់ត្រូវការជើងថ្មីជារៀងរាល់ឆ្នាំ ហើយនេះជាជើងទីបួនរបស់គាត់ហើយ។