របាយការណ៍ស្តីពីធនធានធម្មជាតិមួយបានបង្ហាញថា ជីវិតសត្វព្រៃនៅជុំវិញពិភពលោកបានធ្លាក់ចុះអស់ ៦៩% បើគិតចាប់តាំងពីឆ្នាំ ១៩៧០មក ពោលគឺនៅក្នុងរយៈពេល ៥០ឆ្នាំចុងក្រោយនេះ។ របាយការណ៍ពិសេសមួននេះត្រូវបានចេញផ្សាយដោយអង្គការមូលនិធិពិភពលោកសម្រាប់ធម្មជាតិ (World Wide Fund for Nature) ឬត្រូវបានហៅកាត់ថា WWF និងត្រូវបានចុះផ្សាយបន្តដោយបណ្តាញសារព័ត៌មាន The Strait Times នៅថ្ងៃព្រហស្បតិ៍ ទី១៣ ខែតុលានេះ។ នៅក្នុងរបាយការណ៍បានបញ្ជាក់ថា ជីវិតសត្វព្រៃជាង ៥,០០០ ប្រភេទនៃពពួកថនិកសត្វ សត្វស្លាប សត្វពាហនៈ សត្វល្មូន និងត្រី ដែលមានចំនួនសរុបប្រមាណជា ៣២,០០០ ក្បាលត្រូវបានហិនហោចអស់ ខណៈមូលហេតុដែលជំរុញឲ្យមានការបំផ្លាញនោះគឺដោយសារសកម្មភាពរបស់មនុស្ស

អាមេរិក៖ មហាសេដ្ឋីលំដាប់ទី ១របស់ពិភពលោកគឺលោក Elon Musk បានបង្ហាញនូវទឹកអប់ថ្មីមួយប្រភេទនៅក្នុងទីផ្សារ នេះបើយោងតាមការចុះផ្សាយរបស់បណ្តាញសារព័ត៌មាន The Strait Times នៅរសៀលថ្ងៃពុធ ទី១២ ខែតុលានេះ។ ទឹកអប់ថ្មីនោះត្រូវបានផលិតឡើងដោយប្រើម៉ាកយីហោថា “Burnt Hair” ដែលអាចប្រើប្រាស់បានចំពោះមនុស្សជាទូទៅ ពោលគឺប្រើបានគ្រប់វ័យតែម្តង។ ប្រភពខាងបានបន្តថា ទឹកអប់ម៉ាក “Burnt Hair” ត្រូវបានដាក់លក់ក្នុងតម្លៃ ១០០ដុល្លារសម្រាប់ទីផ្សារនៅសហរដ្ឋអាមេរិក ខណៈនៅតាមបណ្តាប្រទេសមួយចំនួននៅមិនទាន់មានលក់នៅឡើយទេ។ បើយោងតាមសារនៅលើគណនី Twitter ផ្លូវការរបស់លោក លោក Elon Musk ដែលបានបង្ហោះក្រោយពេលដាក់លក់ទឹកអប់បានបន្តិចបានឲ្យដឹងថា មានទឹកអប់ “Burnt Hair”

ឥណ្ឌា៖ អាជ្ញាធរឥណ្ឌាសម្រេចបញ្ឈប់ការផលិតទឹកស៊ីរ៉ូក្អកនៅក្នុងរោងចក្រផលិត​​​ឱសថដ៏ធំមួយ ក្រោយទឹកស៊ីរ៉ូក្អកផលិតដោយរោងចក្រនោះមានជាប់ពាក់ព័ន្ធនឹងករណីស្លាប់កុមារជាច្រើននាក់កាលពីសប្តាហ៍កន្លងទៅ។ បើតាមការចុះផ្សាយរបស់បណ្តាញសារព័ត៌មាន Channel News Asia នៅថ្ងៃពុធ ទី១២ ខែតុលានេះបានបញ្ជាក់ថា រោងចក្រផលិតឱសថមួយនោះមានឈ្មោះថា Maiden Pharmaceuticals ជារោងចក្រផលិតពហុឱសថ មានមូលដ្ឋាននៅក្នុងប្រទេស​ឥណ្ឌា ខណៈផលិតផលឱសថចេញពីរោងចក្រមួយនេះត្រូវបានគេចែកចាយទៅកាន់បណ្តាប្រទេសជាច្រើននៅជុំវិញពិភពលោក។ គួររម្លឹកជូនថា កាលពីសប្តាហ៍មុនមានករណីអកុសលមួយបានកើតឡើងគឺមានកុមារចំនួន ៦៦នាក់នៅក្នុងប្រទេសហ្គាំប៊ីបានស្លាប់បាត់បង់ជីវិត ក្រោយពួកគេបានផឹកទឹកស៊ីរ៉ូក្អកនិងផ្អាសសាយចំនួន ៤ប្រភេទផ្សេងគ្នាដែលផលិតដោយរោងចក្រ Maiden Pharmaceuticals រួច។ ផលិតផលទឹកស៊ីរ៉ូដែលមានបញ្ហាទាំង ៤នោះមានដូចជា ទឹកស៊ីរ៉ូម៉ាក Promethazine Oral Solution, Kofexmalin Baby Cough Syrup,

តៃវ៉ាន់៖ កោះតៃវ៉ាន់បានអះអាងថា ប្រទេសចិនកំពុងសិក្សាពីសង្គ្រាមនៅក្នុងប្រទេសអ៊ុយក្រែនដើម្បីបង្កើត “យុទ្ធសាស្ត្រកូនកាត់” មួយសម្រាប់ប្រឆាំងនឹងតៃវ៉ាន់នៅពេលខាងមុខ។ យោងតាមការចុះផ្សាយរបស់បណ្តាញសារព័ត៌មាន Channel News Asia នៅរលៀសថ្ងៃពុធ ទី១២ ខែតុលានេះបានបញ្ជាក់ថា​ ការអះអាងខាងលើនេះត្រូវបានធ្វើឡើងដោយលោក Chen Ming-tong អគ្គនាយកការិយាល័យសន្តិសុខជាតិតៃវ៉ាន់តាមរយៈសន្និសិទ្ធផ្លូវការមួយដែលបានរៀបចំឡើងនៅក្នុងសភាជាតិតៃវ៉ាន់។ លោក Chen Ming-tong បានបញ្ជាក់ថា ចិនកំពុងសិក្សាអំពីយុទ្ធវិធីនៃការប្រើប្រាស់យន្តហោះគ្មានមនុស្សបើកឲ្យមានប្រសិទ្ធភាពខ្ពស់នៅក្នុងស្ថានភាពជាក់ស្តែងនៃសមរភូមិសង្គ្រាម និងរបៀបនៃការដាក់សម្ពាធផ្លូវចិត្តចំពោះកម្លាំងយោធា ដែលរុស្ស៊ីនិងអ៊ុយក្រែនកំពុងតែអនុវត្ត ហើយវាច្បាស់ថា​នៅពេលខាងមុខចិននឹងយកយុទ្ធសាស្រ្តទាំងអស់នោះមកបង្កើតជាយុទ្ធផ្ទាល់ខ្លួនថ្មីមួយ សម្រាប់ប្រើប្រាស់ក្នុងការប្រឆាំងជាមួយកោះតៃវ៉ាន់។ គួរបញ្ជាក់ជូនថា ភាពតានតឹងរវាងកោះតៃវ៉ាន់និងចិនបានបន្តកើនឡើងយ៉ាងខ្លាំងក្នុងរយៈជាច្រើនខែមកនេះ ពោលគឺចាប់តាំងពីប្រធានរដ្ឋសភាអាមេរិកបានបញ្ជើញទៅធ្វើទស្សនកិច្ចនៅកោះតៃវ៉ាន់រួចមក៕ អត្ថបទ៖ ភក្តី ប្រភព៖ Channel News Asia  

កូរ៉េខាងជើង៖ ប្រមុខដឹកនាំប្រទេសកូរ៉េខាងជើងលោក គីម ជុងអ៊ុន បានបញ្ជើញទៅចូលរួមក្នុងកម្មវិធីសម្ពោធកសិដ្ឋានផ្ទះកញ្ចក់ដ៏ធំមួយ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅព្រឹកថ្ងៃអង្គារ ទី១១ ខែតុលានេះ។ កសិដ្ឋានផ្ទះកញ្ចក់ដ៏ធំនិងទំនើបនោះត្រូវបានគេមើលឃើញថា ត្រូវបានសាងសង់នៅលើទីតាំងដែលកូរ៉េខាងជើងធ្លាប់ប្រើប្រាស់ជាកន្លែងបាញ់សាកល្បងមីស៊ីលនាពេលកន្លងមក ពោលគឺជាអតីតទីលានបាញ់មីស៊ីលដែលកូរ៉េខាងជើងទើបឈប់ប្រើប្រាស់កាលពីឆ្នាំមុន។ កសិដ្ឋានផ្ទះកញ្ចក់ខាងលើនេះមានឈ្មោះថា Ryonpho Greenhouse Farm មានទីតាំងស្ថិតនៅក្នុងតំបន់ Hamju លាតសន្ធឹងលើផ្ទៃដី ២៨០ហិចតា មានផ្ទះកញ្ចក់ជាង ៨៥០ប្លុក ខណៈកសិដ្ឋានកសិកម្មបែបធម្មជាតិដ៏ធំមួយនេះអាចបម្រើជាប្រយោជន៍ចំពោះផ្ទះ សាលារៀន សកម្មភាពវប្បធម៌ និងសេវាកម្មសង្គមក្នុងទីតាំងប្រមាណជា ១,០០០កន្លែងផ្សេងគ្នា។ គួរបញ្ជាក់ផងដែរថា ពិធីសម្ពោធកសិដ្ឋានផ្ទះកញ្ចក់ខាងលើនេះត្រូវបានធ្វើឡើងចំថ្ងៃខួបនៃការបង្កើតគណបក្សកម្មករ ដែលជាបក្សកំពុងដឹកនាំរដ្ឋាភិបាលកូរ៉េខាងជើងនាពេលបច្ចុប្បន្ន ហើយថ្ងៃខួបនេះក៏ជាថ្ងៃឈប់សម្រាកបុណ្យជាតិដ៏ធំមួយសម្រាប់ប្រទេសកូរ៉េខាងជើងផងដែរ៕

ឥណ្ឌូនេស៊ី៖ យ៉ាងហោចណាស់មានពលរដ្ឋឥណ្ឌូនេស៊ីចំនួន ៣នាក់បានស្លាប់បាត់បង់ជីវិតកាលពីថ្ងៃព្រហស្បតិ៍ ទី៦ ខែតុលាម្សិលមិញនេះ ដែលបង្កឡើងដោយសារតែជំនន់ទឹកភ្លៀងដ៏ឆាប់រហ័សមួយ។ បើយោងតាមការចុះផ្សាយរបស់បណ្តាញសារព័ត៌មានThe Straits Times បានបញ្ជាក់ថា ហេតុ​ការណ៍គ្រោះថ្នាក់នេះបានកើតឡើងនៅក្នុងរដ្ឋធានីចាកាតាក្រោយមានភ្លៀងធ្លាក់យ៉ាងខ្លាំងអស់រយៈពេលជាច្រើនម៉ោងហើយបរិមាណដ៏ច្រើនរបស់ទឹកភ្លៀងក៏បានបង្កទៅជាទឹកជំនន់ជន់លិចនិងហូរគួចយ៉ាងខ្លាំងនៅតាមទីតាំងសំខាន់ៗមួយចំនួនក្នុងទីក្រុងផងដែរ។ បើតាមអាជ្ញាធរគ្រប់គ្រងគ្រោះមហន្តរាយឥណ្ឌូនេស៊ីបានបញ្ជាក់ថា ជនរងគ្រោះដែលបានស្លាប់បាត់បង់ជីវិតទាំង ៣នាក់នោះគឺកូនសិស្សសាលា ដែលបានស្លាប់ក្រោយពេលត្រូវទឹកគួចទៅបោកនឹងជញ្ជាំងសាលារៀន ហើយជញ្ជាំងសាលានោះក៏បានបាក់និងដួលរលំទៅតាមកម្លាំងទឹកផងដែរ។​ គួររម្លឹកជូនថា ទីក្រុងចាកាតាដែលជាមានពលរដ្ឋរស់នៅសរុបជាង ៣០លាននាក់តែងរងនូវការគំរាមគំហែងដោយជំនន់ទឹកភ្លៀងជារឿយៗ ជាក់ស្តែងកាលឆ្នាំកន្លងទៅហេតុការណ៍ដូចគ្នានេះបានឆក់យកជីវិតពលរដ្ឋក្នុងទីក្រុងចាកាតាចំនួន ៥នាក់ ហើយកាលពីឆ្នាំ ២០២០ ជំនន់ទឹកភ្លៀងបានឆក់យកជីវិតពលរដ្ឋក្នុងទីក្រុងចាកាតារហូតដល់ ៦៧នាក់ឯណោះ៕   Bencana yang TIDAK KITA INGINKAN! MTs 19, Pondok

ប៉ាគីស្ថាន៖ បញ្ហាទឹកជំនន់នឹងរុញឲ្យពលរដ្ឋប៉ាគីស្ថានចន្លោះពី ៦ ទៅ ៩លាននាក់ធ្លាក់ចូលទៅក្នុងភាពក្រីក្រ នេះបើយោងតាមការចុះផ្សាយរបស់បណ្តាញសារព័ត៌មាន The Straits Times នៅព្រឹកថ្ងៃសុក្រ ទី៧ ខែតុលានេះ។ ការព្យាករណ៍ខាងលើនេះគឺត្រូវបានដោយធនាគារពិភពលោក ដែលបានសិក្សាយ៉ាងស៊ីជម្រៅអំពីស្ថានភាពទឹកជំនន់នៅក្នុងប្រទេសប៉ាគីស្ថាននិងប៉ះពាល់ក្នុងវិស័យសេដ្ឋកិច្ចទាំងក្នុងរយៈពេលខ្លីនិងក្នុងរយៈពេលវែង។ នៅក្នុងរបាយការណ៍របស់ធនាគារពិភពលោកដដែលនោះក៏បានបញ្ជាក់ផងដែរថា បញ្ហាទឹកជំនន់នឹងធ្វើឲ្យអត្រានៃភាពក្រីក្រនៅក្នុងប្រទេសប៉ាគឺស្ថានត្រូវកើតឡើងចន្លោះពី ២,៥% ទៅដល់ ៤%។ គួរបញ្ជាក់ជូនថា បច្ចុប្បន្ននេះប៉ាគីស្ថានមានពលរដ្ឋសរុបប្រមាណជា ២២០លាននាក់ ហើយក្នុងនោះមានពលរដ្ឋចំនួន ២០% បានរស់នៅក្រោមបន្ទាត់នៃភាពក្រីក្ររួចទៅហើយ បើទោះជាមិនទាន់មានបញ្ហាទឹកជំនន់ក៏ដោយ។ យ៉ាង​ណាក្តី ទឹកជំនន់ដ៏ធំមិនធ្លាប់មានកាលពីពេលថ្មីៗនេះបានបង្កើតសម្ពាធយ៉ាងខ្លាំងបន្ថែមទៀតចំពោះសេដ្ឋកិច្ចប៉ាគីស្ថាន ដ្បិតទឹកជំនន់បានបំផ្លាញផ្លូវថ្នល់ ស្ពាន សាលារៀន មន្ទីរពេទ្យ រោងចក្រ ផ្ទះសម្បែង

ថៃ៖ ការប្រគំតន្រ្តីមួយនៅតែបន្តរៀបចំឡើងយ៉ាងសប្បាយរីករាយបើទោះជាទឹកបានលិចជុំវិញឆាកអស់ទៅហើយក៏ដោយ ខណៈមានអ្នកគាំទ្រមួយចំនួនបានជិះទូកទៅដល់មុខឆាកតែម្តងដើម្បីបានជួបនិងជូនអំណោយដល់ក្រុមតារាចម្រៀងដែលជា​ Idol នៅក្នុងដួងចិត្តរបស់ពួកគាត់។ បើយោងតាមការចុះផ្សាយរបស់បណ្តាញសារព័ត៌មាន The Thaiger កាលពីថ្ងៃពុធ ទី៥ ខែតុលានេះបានឲ្យដឹងថា ការប្រគំតន្ត្រីដ៏កម្រនេះត្រូវបានរៀបចំឡើងនៅក្នុងខេត្ត Pathum Thani ដែលជាខេត្តនៅជាប់នឹងក្រុងបាកកក ប្រទេ​សថៃ កាលពីថ្ងៃចុងសប្តាហ៍កន្លងទៅនេះ។ ប្រភពខាងលើបានបន្តថា ការប្រគំតន្ត្រីមួយនេះត្រូវបានផ្តួចផ្តើមរៀបចំឡើងដោយក្រុមហ៊ុន Moo ដែលក្រុមហ៊ុនលក់ផលិតផលអំពូលភ្លើងនិងឧបករណ៍បំពងសំឡេងដ៏ធំនៅក្នុងប្រទេសថៃ ខណៈឆាកតន្ត្រីមួយនេះត្រូវបានរៀបចំឡើងដោយមានកម្មវិធីអមជាច្រើនបន្ថែមទៀត ដែលខាងក្រុមហ៊ុនត្រូវចំណាយប្រាក់ក្នុងចំនួនដ៏ច្រើនមួយ។ មុនពេលសម្រេចរៀបចំកម្មវិធីនេះឡើងគឺអាកាសធាតុមានលក្ខណៈអំណោយផលជាធម្មតា តែមុនពេលប្រគំតន្ត្រីបន្តិចស្រាប់តែមានភ្លៀងធ្លាក់យ៉ាងខ្លាំងនិងបានបង្កឲ្យមានទឹកជន់លិចនៅជុំវិញឆាកតន្ត្រីផងដែរ។​ យ៉ាងណាក្តី អ្នកគ្រប់គ្រងកម្មវិធីមិនបានលុបចោលការប្រគំតន្ត្រីឡើយ ខណៈអ្នកគាំទ្រមួយចំនួនក៏មិនបានដើរចេញពីឆាកតន្ត្រីដែរ ដោយពួកគាត់នៅបន្តទស្សនាយ៉ាងរីករាយ និងថែមទាំងសុខចិត្តជិះទូកដើម្បីទៅជួបនិងជូនអំណោយដល់ក្រុមតារាចម្រៀងទៀតផង៕ អត្ថបទ៖ ភក្តី ប្រភព៖ The

បារាំង៖ ប្រទេសបារាំងនឹងបិទប្រព័ន្ធទឹកក្តៅនៅតាមទីសាធារណៈមួយរយៈដើម្បីរួមចំណែកកាត់បន្ថយការប្រើប្រាស់នូវថាមពលអគ្គិសនី នេះបើយោងតាមការចុះផ្សាយរបស់បណ្តាញបណ្តាញសារព័ត៌មាន The Strait Times នៅព្រឹកថ្ងៃព្រហស្បតិ៍ ទី៦ តុលានេះ។ បើតាមក្រសួងថាមពលបារាំងបានបញ្ជាក់ថា វិធានការកាត់បន្ថយការប្រើប្រាស់ថាមពលខាងលើនេះនឹងត្រូវអនុវត្តក្នុងលក្ខខណ្ឌចំនួន ២ ដោយក្នុងនោះនៅតាមបណ្តាអាងហែលទឹកសាធារណៈទាំងអស់នឹងតម្រូវឲ្យបន្ថយកម្រិតសីតុណ្ហភាពទឹកក្តៅឲ្យបានយ៉ាងយោចណាស់ ១សង្សាសេ ។ បើទោះជាការបន្ថយសីតុណ្ហភាពនេះមានកម្រិតតិចតួចក៏ដោយតែវាក៏ជាផ្នែកមួយនៃការសន្សំសំចៃថាមពលបានដែរ ដ្បិតជាទូទៅប្រព័ន្ធទឹកក្តៅនៅតាមអាងហែលទឹកត្រូវបើកប្រជាប្រចាំ ហើយបើអាងទឹកធំ ឬអាងទឹកមានច្រើនកន្លែងនោះគឺតម្រូវការនៃការប្រើប្រាស់ថាមពលក៏មានច្រើនទៅតាមនោះដែរ។ ចំពោះលក្ខខណ្ឌមួយវិញទៀតគឺនៅតាមបន្ទប់ទឹកឬបង្គន់សាធារណៈទាំងអស់នឹងតម្រូវឲ្យបិទប្រព័ន្ធទឹ​កក្តៅមួយរយៈតែម្តង ដោយទុកឲ្យពលរដ្ឋប្រើប្រាស់តែប្រព័ន្ធទឹកមានសីតុណ្ហភាពត្រជាក់ធម្មតាប៉ុណ្ណោះ។ ប្រភពខាងលើបានបន្តថា វិធានការកាត់បន្ថយការប្រើប្រាស់ថាមអគ្គិសនីនេះនឹងផ្តើមអនុវត្តចាប់ពីថ្ងៃព្រហស្បតិ៍ ទី៦ ខែតុលានេះតទៅរហូតដល់ពេលមានសេចក្តីជូនដំណឹងជាថ្មីពីអាជ្ញាធរថាមពលបារាំង។ សូមបញ្ជាក់ជូនថា ការសម្រេចអនុវត្តវិធានការសន្សំសំចៃថាមពលអគ្គិសនីនេះគឺត្រូវបានធ្វើឡើងដើម្បីឆ្លើយតបនឹងវិបត្តិសេដ្ឋកិច្ចសកល ពោលគឺតម្លៃថាមពលនិងហ្គាសនៅលើទីផ្សារពិភពលោកបានកើនឡើងខ្ពស់ ក្រោយពេលរុស្ស៊ីដែលជាប្រទេសផ្គត់ផ្គង់ថាមពលនិងហ្គាសធំបំផុតបានទទួលទណ្ឌកម្មពីពិភពលោកចំពោះសកម្មភាពដែលរុស្ស៊ីបានលើកទ័ពឈ្លានពានចូលក្នុងប្រទេសអ៊ុយក្រែន៕ អត្ថបទ៖ ភក្តី ប្រភព៖ The Strait

អាមេរិក៖ បំណុលជាតិសរុបរបស់អាមេរិកបានកើនឡើងលើសពីចំនួន ៣១ លានលានដុល្លារជាលើកដំបូង នេះបើយោងតាមការចុះផ្សាយរបស់បណ្តាញសារព័ត៌មាន The Strait Times នៅព្រឹកថ្ងៃពុធ ទី៥ ខែតុលានេះ។ គួរបញ្ជាក់ថា តួលេខបំណុលខាងលើនេះគឺជាទិន្នន័យនៅក្នុងរបាយការណ៍ការហិរញ្ញវត្ថុមួយ ដែលត្រូវបានចេញផ្សាយដោយនាយកដ្ឋានរតនាគារអាមេរិកកាលពីយប់ថ្ងៃអង្គារ ទី៤ ខែតុលាម្សិលមិញនេះ ខណៈរបាយការណ៍មួយនេះបានគេចាត់ទុកថា ជារបាយការណ៍ហិរញ្ញវត្ថុដ៏អាក្រក់មួយសម្រាប់សហរដ្ឋអាមេរិកផងដែក្នុងនាមជាប្រទេសមហាអំណាចសេដ្ឋកិច្ចទី ១នៅលើពិភពលោក។ ប្រភពខាងលើបានបន្តថា មានហេតុផលសំខាន់មួយចំនួនដែលរុញឲ្យបំណុលជាតិអាមេរិកកើនឡើងខ្ពស់ដូចនេះ ដូចជាការការខ្ចីប្រាក់សម្រាប់យកមកប្រយុទ្ធប្រឆាំងនឹងការរាតត្បាតនៃជំងឺកូវីដ-១៩ និងគោលនយោបាយកាត់បន្ថយពន្ធផ្នែកហរិញ្ញវត្ថុមួយចំនួន ដែលរដ្ឋាភិបាលអាមេរិកបានដាក់ចេញនាពេលកន្លងមកក្នុងគោលបំណងជួយលើកកម្ពស់សេដ្ឋកិច្ចពលរដ្ឋទូទៅដើម្បីឆ្លើយតបនឹងវិបត្តិសេដ្ឋកិច្ចសាកល។ បើតាមលោក Michael Peterson នាយកប្រតិបត្តិនៃមូលនិធិ Peter G. Peterson បានបង្ហាញចំណាប់អារម្មណ៍ផ្ទាល់ខ្លួនថា បញ្ហាខាងលើនេះគឺជារឿងដ៏គួរឲ្យព្រួយបារម្ភមួយ ដ្បិតវាបានកើតឡើងនៅក្នុងអំឡុងពេលដែលពិភពលោកកំពុងមានបញ្ហាសេដ្ឋកិច្ចក្នុងកម្រិតដ៏ខ្ពស់មួយ