ទីក្រុងអ៊ីស្លាម៉ាបាដ៖ យ៉ាងហោចណាស់មានមនុស្សចំនួន ៣៦នាក់បានស្លាប់បាត់បង់ជីវិតក្នុងការវាយប្រហារគ្នារវាងកងកម្លាំងនៃប្រទេសឥណ្ឌានិងកងកម្លាំងនៃប្រទេសប៉ាគីស្ថាន នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃពុធ ទី៧ ខែឧសភា។ នៅក្នុងចំណោមអ្នកបាត់បង់ជីវិតទាំងអស់នោះគឺមានពលរដ្ឋស៊ីវិលចំនួន ២៦នាក់បានស្លាប់ដោយការវាយប្រហារពីសំណាក់កងកម្លាំងឥណ្ឌា។ ដោយឡែកអ្នកស្លាប់ក្រៅពីចំនួនខាងលើនេះ​គឺបានស្លាប់ដោយសារតែវាយប្រហារពីខាងសំណាក់កងកម្លាំងនៃប្រទេសប៉ាគីស្ថានត្រឡប់មកវិញ។ គួររម្លឹកជូនថា ការវាយប្រហារគ្នាបានផ្ទុះឡើងតាំងពីពេលយប់មិញម្លេះ ហើយនៅក្នុងការវាយប្រហារនោះមានទាំងការប្រើកាំភ្លើងធំ និងមីស៊ីលផ្លោងផងដែរ។ សូមរម្លឹកជូនថា រឿងរ៉ាវចម្រូងចម្រាសរវាងប្រទេសឥណ្ឌានិងប៉ាគីស្ថាននៅពេលនេះបានផ្តើមចេញពីករណី មានការបាញ់សម្លាប់អ្នកទេសចរឥណ្ឌាជាច្រើននាក់នៅតំបន់កាស្មៀ ខណៈប្រទេសទាំង ២នេះ តែងមានជម្លោះជាមួយគ្នាជាយូរឆ្នាំមកហើយ និងធ្លាប់បានប្រយុទ្ធគ្នាជាច្រើនដងផងដែរ៕ អត្ថបទ៖ ភក្តី ប្រភព៖ The Strait Time

តៃវ៉ាន់៖ យន្តហោះដឹកអ្នកដំណើរជាច្រើននៅក្នុងតំបន់អាស៊ីនត្រូវបង្ខំចិត្តប្តូរផ្លូវហោះហើរ ឬក៏ត្រូវលុបចោលជើងហោះហើរតែម្តង ដោយសារតែការវាយប្រហារគ្នារវាងកម្លាំងនៃប្រទេសឥណ្ឌានិងប៉ាគីស្ថាន នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃពុធ ទី៧ ខែឧសភា។ ក្រុមហ៊ុនអាកាសចរណ៍ EVA Air របស់តៃវ៉ាន់បានបញ្ជាក់ថា នឹងធ្វើការកែសម្រួលគ្រប់ជើងហោះហើររបស់ក្រុមហ៊ុនខ្លួនទាំងទៅនិងមកតំបន់អឺរ៉ុប ដើម្បីបញ្ចៀសគ្រោះថ្នាក់ផ្សេងៗ ដែលអាចកើតមានឡើងដោយយថាហេតុ។ គួរកត់សម្គាល់ថា កាលពីយប់មិញនេះការវាយប្រហារមួយបានកើតឡើងរវាងកងកម្លាំងនៃប្រទេសឥណ្ឌានិងកងកម្លាំងនៃប្រទេសប៉ាគីស្ថាន ខណៈខាងប៉ាគីស្ថានបានបញ្ជាក់ថា ខ្លួនបានបាញ់ទម្លាក់យន្តហោះចម្បាំងរបស់ឥណ្ឌាបានជាច្រើនគ្រឿង។ សូមរម្លឹកជូនថា រឿងរ៉ាវចម្រូងចម្រាសរវាងប្រទេសឥណ្ឌានិងប៉ាគីស្ថាននៅពេលនេះបានផ្តើមចេញពីករណី មានការបាញ់សម្លាប់អ្នកទេសចរណ៍ឥណ្ឌាជាច្រើននាក់នៅតំបន់កាស្មៀ ខណៈប្រទេសទាំង ២នេះ តែងមានជម្លោះជាមួយគ្នាជាយូរឆ្នាំមកហើយ និងធ្លាប់បានប្រយុទ្ធគ្នាជាច្រើនដងផងដែរ៕ អត្ថបទ៖ ភក្តី ប្រភព៖ The Strait Time

អាមេរិក៖ កិច្ចចរចារអំពីបញ្ហាពាណិជ្ជកម្មរវាងសហរដ្ឋអាមេរិក និងចិន​ នឹងត្រូវរៀបចំឡើងនៅប្រទេសស្វីសក្នុងសប្តាហ៍នេះហើយ នេះបើយោងតាមការបញ្ជាក់ពីសំណាក់មន្ត្រីជាន់ខ្ពស់អាមេរិក ដែលត្រូវបានចុះផ្សាយបន្តដោយណ្តាញសារព័ត៌មាន Channel News Asia នៅក្នុងថ្ងៃពុធ ទី៧ ខែឧសភា។ យ៉ាងណាក្តី របៀបវារៈលម្អិតនៃជំនួបដ៏ពិសេសនេះនៅមិនទាន់ត្រូវបានបង្ហាញជូនសាធារណៈនៅឡើយទេ។ ប្រភពខាងលើបានបន្តថា ភាគីអាមេរិកនឹងចាត់ឱ្យលោក Scott Bessent ដែលជាលេខាធិការរតនាគារ និងលោក Jamieson Greer ដែលជាតំណាងពាណិជ្ជកម្មអាមេរិក ឱ្យទៅចូលរួមក្នុងកិច្ចចរចារនេះ ខណៈដំណាងមកពីភាគីខាងប្រទេសចិនវិញគឺលោក He Lifeng ដែលជាឧបនាយករដ្ឋមន្ត្រីនៃសាធារណរដ្ឋប្រជាមានិតចិន។ សូមបញ្ជាក់ជូនថា គិតត្រឹមពេលនេះគឺសហរដ្ឋអាមេរិកបានប្រកាសយកពន្ធនាំចូលលើផលិតផលចិនក្នុងអត្រាំ ១៤៥% ខណៈភាគីចិនវិញបានកំណត់យកពន្ធនាំចូលលើផលិតអាមេរិកក្នុងអត្រា ១២៥%៕ អត្ថបទ៖ ភក្តី ប្រភព៖ Channel

វៀតណាម៖ ខណៈដែលទុរេនកំពុងមានតម្លៃខ្ពស់នៅតាមទីផ្សារក្នុងប្រទេសមួយចំនួន នោះ ទុរេនមួយប្រភេទនៅក្នុងប្រទេសវៀតណាមកំពុងតែធ្លាក់ថ្លៃយ៉ាងខ្លាំង ពោលគឺថោកជាង ១ដុល្លារក្នុងមួយគីឡូក្រាម នេះបើយោងតាមការចុះផ្សាយរបស់បណ្តាញសារព័ត៌មាន Fructidor ។ ទុរេនវៀតណាម ដែលកំពុងប្រឈមនឹងការធ្លាក់ថ្លៃនោះគឺទុរេនពូជ Ri6 ហើយតម្លៃរបស់គឺត្រឹម ០,៩៨ ដុល្លារប៉ុណ្ណោះក្នុងមួយគីឡូក្រាម សម្រាប់ការទៅទិញដល់ចម្ការ។ ប្រភពខាងលើបានបន្តថា បើធ្វើការប្រៀបធ្រៀបតម្លៃរបស់ទុរេន Ri6 នៅក្នុងពេលបច្ចុប្បននេះទៅនឹងតម្លៃកាលពីខែមុនគឺវាបានធ្លាក់ចុះចន្លោះពី​ ០,២០-០,៥៩ ដុល្លារក្នុងមួយគីឡូក្រាម ហើយវាក៏ជាការធ្លាក់ចុះតម្លៃដ៏ច្រើនគួរកត់សម្គាល់មួយផងដែរ។ ដើម្បីឆ្លើយតបនឹងបញ្ហាធ្លាក់ចុះតម្លៃទុរេនពូជ Ri6 នេះ ម្ចាស់ចំការជាច្រើននៅវៀតណាមបានសម្រេចយកទុរេននៅដាក់លក់នៅតាមដងផ្លូវវិញម្តង ខណៈការដាក់លក់ទុរេនតាមដងផ្លូវនេះអាចធ្វើឱ្យតម្លៃទុរេនឡើងដល់ ១,១៧-២,៣៤ ដុល្លារក្នុងមួយគីឡូក្រាម អាស្រ័យទៅតាមគុណភាពរបស់ទុរេន៕   អត្ថបទ៖ ភក្តី ប្រភព៖ Fructidor

ចិន៖ ​តួលេខជនរងគ្រោះដែលបានស្លាប់បាង់បង់ជីវិតនៅក្នុងហេតុការណ៍លិចទូកទេសចរណ៍នៅក្នុងប្រទេចិនបានកើនឡើងដល់ ១០នាក់ហើយ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទីអង្គារ ទី៦ ខែឧសភា។ ទន្ទឹមគ្នានេះតួលេខអ្នកដែលបានរងរបួសនិងត្រូវបញ្ជូនទៅព្យាបាលនៅមន្ទីរពេទ្យក៏បានកើតឡើងដល់ចំនួន ៧០នាក់ផងដែរ។ គួររម្លឹកជូនថា ទូកទេសចរណ៍ចំនួន ២គ្រឿង ដែលបានជួបហេតុការណ៍គ្រោះថ្នាក់ខាងលើនេះគឺជាទូកទេសចរណ៍ដឹកភ្ញៀវទេសចរណ៍កម្សាន្តជាប្រចាំនៅតាមដងទន្លេក្នុងទីក្រុង Qianxi  ខេត្ត Guizhou ភាគខាងត្បូង ប្រទេសចិន ។ នៅលើទូកទាំង ២គ្រឿងនេះមានផ្ទុកអ្នកដំណើរសរុបចំនួន ៨៤នាក់ ខណៈនៅក្នុងនោះមានអ្នកដំណើរចំនួន ៤នាក់មិនបានរងគ្រោះថ្នាក់អ្វីនោះទេ។ ប្រភពខាងលើបានបន្តថា មូលហេតុដែលធ្វើឱ្យទូកទេសចរណ៍ទាំង ២គ្រឿងខាងលើនេះត្រូវលិច គឺដោយសារតែមានខ្យល់ព្យុះបោកបក់យ៉ាងខ្លាំង និងបានបោកពន្លិចទូកយ៉ាងឆាប់រហ័សតែម្តង៕  អត្ថបទ៖ ភក្តី ប្រភព៖ The Strait Time

អាមេរិក៖ គោលនយោបាយដំឡើងពន្ធគយរបស់លោកប្រធានាធិបតីអាមេរិក​ ដូណាល់ ត្រាំ បានធ្វើឱ្យប៉ះពាល់ចំពោះវិស័យអាជីកម្មនៅតាមបណ្តាប្រទេសនិងក្រុមហ៊ុនធំៗជាច្រើននៅលើពិភពលោក ខណៈទំហំនៃការប៉ះពាល់អាចមានតិចឬច្រើនអាស្រ័យទៅតាមអត្រាពន្ធខុសៗគ្នាដែរ។ ជាក់ស្តែងយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃអង្គារ ទី៦ ខែឧសភាបានឱ្យដឹងថា ក្រុមហ៊ុន Ford អាចនឹងប្រឈមនឹងការប៉ះពាល់ពីការដំឡើងពន្ធគយរបស់លោក ដូណាល់ ត្រាំ ក្នុងទំហំទឹកប្រាក់រហូតដល់​ ១,៥ពាន់លានដុល្លារ។ ទំហំទឹកប្រាក់ដែលក្រុមហ៊ុនផលិតរថយន្ត Ford អាចរងផលប៉ះពាល់ឬត្រូវចំណាយបន្ថែមខុសការរំពឹងទុកនេះ គឺជាការព្យាករណ៍ក្នុងរយៈពេលពេញ ១ឆ្នាំ សម្រាប់ឆ្នាំ ២០២៥ ដោយផ្អែកលើរបាយការណ៍លក់របស់ក្រុមហ៊ុនក្នុងត្រីមាសទីមួយ និងស្ថានភាពទីផ្សារនៅក្នុងពេលបច្ចុប្បន្ននេះ។ ប្រភពខាងលើបានបន្តថា គិតត្រឹមរយៈពេល ៣ខែដំបូងក្នុងឆ្នាំ​នេះ តួលេខរថយន្តរបស់ក្រុមហ៊ុន Ford បានធ្លាក់ចុះប្រមាណជា

អាមេរិក៖​ លោកប្រធានាធិបតីអាមេរិក ដូណាល់ ត្រាំ បានចេញបទបញ្ជាឱ្យគិតពន្ធគយលើខ្សែភាពយន្តផលិតនៅបរទេសទាំងអស់ក្នុងអត្រារហូតដល់ ១០០% នេះបើយោងតាមការចុះផ្សាយរបស់បណ្តាញសារព័ត៌មាន Channel News  Asia នៅក្នុងថ្ងៃចន្ទ ទី៥ ខែឧសភា។ ការដាក់ចេញវិធានការបន្ទាន់នេះត្រូវបានធ្វើឡើងស្របពេលដែរ ឧស្សាហកម្មផលិតខ្សែភាពយន្តនៅសហរដ្ឋអាមេរិកហាក់កំពុងរងផលប៉ះពាល់ខ្លាំង ពីសំណាក់ខ្សែភាពយន្តផលិតនៅតាមបណ្តាប្រទេសផ្សេងៗ។ នៅក្នុងសេចក្តីថ្លែងការពីសេតវិមាន លោក ដូណាល់ ត្រាំ បានបញ្ជាក់ច្បាស់ៗថា លោកបានបញ្ជាទៅកាន់ក្រសួងពាណិជ្ជកម្ម និងតំណាងពាណិជ្ជកម្មអាមេរិកឱ្យដាក់ចេញនីតិវិធីភ្លាមៗ ដើម្បីគិតពន្ធគយ ១០០% លើភាពយន្តទាំងអស់បានផលិតនៅបរទេស ហើយត្រូវនាំចូលយកទៅចាក់ផ្សាយក្នុងរូបភាពផ្សេងៗដើម្បីស្វែងរកប្រាក់ចំណូលនៅលើទឹកដីអាមេរិក។ លោក ដូណាល់ ត្រាំ បានបន្តថា តាមរយៈការដាក់ចេញវិធានការខាងលើនេះគឺវានឹងក្លាយជាយន្តការមួយជួយគាំទ្រដល់វិស័យភាពយន្ត Hollywood នៅអាមេរិកឱ្យកាន់តែមានខ្លាំង ហើយវាក៏អាចជួយបង្កើនប្រាក់ចំណូសម្រាប់អាមេរិកផងដែរ៕ អត្ថបទ៖ ភក្តី

ចិន៖ ប្រទេសចិនបានបើកដំណើរការមន្ទីរពេទ្យ AI (បញ្ញាសិប្បនិម្មិត) ដំបូងគេនៅលើពិភពលោក នេះបើយោងតាមការចុះផ្សាយរបស់បណ្តាញសារព័ត៌មាន Mehr News នៅក្នុងថ្ងៃទី៤​ ខែឧសភា។ មន្ទីរពេទ្យពិសេសនេះត្រូវបានបង្កើតឡើងដោយក្រុមអ្នកស្រាវជ្រាវនៅក្នុងសាកលវិទ្យាល័យ Tsinghua ដែលមានទីតាំងស្ថិតនៅក្នុងទីក្រុងប៉េកាំង ប្រទេសចិន។ ប្រភពខាងលើបានបន្តថា នៅក្នុងមន្ទីរពេទ្យឆ្លាតវ័យខាងលើនេះ មានវេជ្ជបណ្ឌិត AI ចំនួន ១៤នាក់ និងគិលានុបដ្ឋាយិកា AI ចំនួន ៤នាក់។ បើតាមអាជ្ញាធរចិនបានអះអាងថា វេជ្ជបណ្ឌិត AI មានសមត្ថភាពអាចធ្វើរោគវិនិច្ឆ័យត្រឹមត្រូវរហូតដល់កម្រិត ៩៣,០៦% និងអាចផ្តល់សេវាធ្វើរោគវិនិច្ឆ័យនេះដល់អ្នកជំងឺរាប់ពាន់នាក់ក្នុងរយៈពេល ២-៣ថ្ងៃប៉ុណ្ណោះ ខណៈវេជ្ជបណ្ឌិត ដែលជាមនុស្សធម្មតានឹងត្រូវការពេលវេលារហូតដល់ ២ឆ្នាំឯណោះ៕ អត្ថបទ៖ ភក្តី

អាមេរិក៖ លោកប្រធានាធិបតីអាមេរិក ដូណាល់ ត្រាំ ប្រកាសពន្យាពេលនៃការបិទបណ្តាញសង្គម TikTok រហូតដល់ថ្ងៃទី ១៩ ខែមិថុនា នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃចន្ទ ទី៥ ខែឧសភា។​ គួររម្លឹកជូនថា នាពេលកន្លងមកអាជ្ញាធរអាមេរិកធ្លាប់បានកំណត់កាលបរិច្ឆេទខាងលើនេះនៅត្រឹមដើមឆ្នាំ ២០២៥ តែក្រោយមក៏បានពន្យាពេលជាច្រើនដង ដើម្បីរង់ចាំការចរចារគ្នា។ យ៉ាងណាក្តី រហូតមកទល់នឹងពេលនេះ ការចរចារឬដំណោះស្រាយជាក់លាក់ណាមួយ រវាងអាជ្ញាធរអាមេរិកនិងក្រុមហ៊ុន TikTok នៅមិនទាន់លេចចេញជារូបរាងនៅឡើយទេ ហើយនៅចំណោះមុខស្ថានភាពបែបនេះ ទើបលោក ដូណាល់ ត្រាំ សម្រេចពន្យាពេលបន្ថែមទៀត។ សូមបញ្ជាក់ជូនថា រឿងរ៉ាវចម្រូងចម្រាសរវាងក្រុមហ៊ុន TikTok និងអាជ្ញាធរអាមេរិក បានកើតឡើងតាំងតែពីជំនាន់ដឹកនាំរបស់លោក

ចិន៖ យ៉ាងហោចណាស់មានមនុស្សចំនួន ៣នាក់បានស្លាប់បាត់បង់ជីវិតនៅក្នុងហេតុការណ៍មានទូកទេសចរណ៍ចំនួន ២គ្រឿងបានលិចនៅក្នុងប្រទេសចិន នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃចន្ទ ទី៥ ខែឧសភា។ ទូកទេសរចណ៍ទាំង ២គ្រឿងនោះ គឺជាទូកដែលតែងដំណើរការដឹកអ្នកទេសចរកម្សាន្តជាប្រចាំនៅតាមដងទន្លេក្នុងទីក្រុង Qianxi  ខេត្ត Guizhou ភាគខាងត្បូង ប្រទេសចិន។ ប្រភពខាងលើបានបន្តថា ក្រៅតែពីបានបណ្តាលឱ្យមានអ្នកស្លាប់បាត់បង់ជីវិតភ្លាមៗហើយ ហេតុការណ៍អកុសលនេះក៏បានបណ្តាលឱ្យមនុស្សចំនួន ៦០នាក់បានរងរបួសផងដែរ ខណៈគិតត្រឹមពេលនេះនៅមានមនុស្សចំនួន ១៤នាក់ផ្សេងទៀតកំពុងតែបាត់ខ្លួនផងដែរ ហើយគេក៏គ្មានសង្ឃឹមថា ពួកគេអាចមានសំណាងនៅរស់មានជីវិតដែរ។ យ៉ាងណាក្តី អាជ្ញាធរចិននៅមិនទាន់បានបញ្ជាក់លម្អិតអំពីមូលហេតុ ដែលបណ្តាលឱ្យទូកទេសចរណ៍ទាំង ២គ្រឿងនេះត្រូវជួបគ្រោះថ្នាក់ដូចនេះនៅឡើយទេ៕ អត្ថបទ៖ ភក្តី ប្រភព៖ Channel News Asia